ⵜⴻⴽⵛⴻⵎ ⵜⴰⵎⴷⵉⵏⵜ ⵏ ⵡⴻⵀⵔⴰⵏ, ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ, ⴳⴰⵔ 50 ⵏ ⵜⵎⴷⵉⵏⵉⵏ ⵏ ⵓⵎⴰⴹⴰⵍ ⴷⴻⴳ ⵡⴰⵏⵏⴰⵔ ⵏ ⵜⵉⵣⵣⵍⴰ ⵏ ⵉⵏⵜⴻⵔⵏⴻⵜ ⵏ ⵜⵉⵍⵉ ⴼⵓⵙⵜ (ⵎⵓⴱⵉⵍⴻ), ⵉⵡⴰⴽⴽⴻⵏ ⴰⴷ ⵜⴹⴼⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵢⴻⵍⵍⴰⵏ ⵢⴰⴽⴰⵏ ⴷⴻⴳ ⵓⵙⵉⵙⵎⴻⵍ-ⴰⴳⵉ ⵜⵓⵏⵏⵉⴳⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵍⴱⵓⵙⵜⴰ ⴷ ⵜⴻⵢⵡⴰⵍⵜ ⵡⴰⵙⵙ-ⴰ ⵏ ⵍⵃⴻⴷ.
ⵜⴰⵏⴻⵖⵍⴰⴼⵜ ⵜⴻⵡⵡⵉ-ⴷ ⵙⴻⴳ ⵓⵚⴻⴳⴳⴻⵎ ⵏ ⵡⴰⴳⴳⵓⵔ ⴰⵏⴻⴳⴳⴰⵔⵓ ⵏ ⵜⴰⵏⵙⴰ "ⵓⵓⴽⵍⴰ" ⵜⴰⴳⵔⴰⵖⵍⴰⵏⵜ ⵉ ⵓⴽⵜⴰⵢ ⵏ ⵜⵉⵣⵣⵍⴰ ⵏ ⵉⵏⵜⴻⵔⵏⴻⵜ, ⴱⴻⵍⵍⵉ "ⵜⴰⵎⴷⵉⵏⵜ ⵏ ⵡⴻⵀⵔⴰⵏ ⵜⵡⵡⵉ ⴰⵎⴽⴰⵏ ⴳⴰⵔ 50 ⵏ ⵜⵎⴷⵉⵏⵉⵏ ⵜⵉⵎⴻⵏⵣⵓⵜⵉⵏ ⴷⴻⴳ ⵓⵎⴰⴹⴰⵍ ⴷⴻⴳ ⵡⴰⵏⵏⴰⵔ ⵏ ⵉⵏⵜⴻⵔⵏⴻⵜ ⵏ ⵜⵉⵍⵉ ⴼⵓⵙⵜ".
ⵙ ⵡⴰⵏⵏⴻⵛⵜ-ⴰ, ⵍⴻⵣⵣⴰⵢⴻⵔ ⵜⵓⵖⴰⵍ "ⴳⴰⵔ ⵜⵎⵓⵔⴰ ⴷⵔⵓⵙⴻⵏ ⵉ ⵢⴻⵙⵄⴰⵏ ⵙⵏⴰⵜ ⵏ ⵜⵎⴷⵉⵏⵉⵏ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⴷⴰⵅⴻⵍ ⵏ ⵓⵙⵉⵙⵎⴻⵍ ⵏ 50 ⵏ ⵜⵎⵓⵔⴰ ⵜⵉⵎⴻⵏⵣⵓⵜⵉⵏ, ⴰⵎ ⵇⴰⵟⴰⵔ, ⵜⴰⴳⴻⵍⴷⵉⵜ ⵏ ⵜⵄⴰⵔⴰⴱⵜ ⵜⴰⵙⴻⵄⵓⴷⵉⵜ, ⵎⴰⵔⵉⴽⴰⵏ, ⵙⵙⵉⵏ, ⴽⵓⵔⵢⴰ ⵏ ⵓⵏⵥⵓⵍ, ⴱⵉⵍⵊⵉⴽ, ⵃⵓⵔⵜⵓⴳⴰⵍ ⴷ ⵜⵓⵔⴽⵢⵉⴰ".
ⵜⴰⵎⴷⵉⵏⵜ ⵏ ⵡⴻⵀⵔⴰⵏ ⵜⵓⵔⴰ-ⴷ --ⴰⴽⴽⴻⵏ ⵉ ⴷ-ⵉⵙⴻⴳⵣⵉ ⵓⴷⵢⴰⵏ-- "ⴰⵙⵡⵉⵔ ⵢⵓⴼⵔⴰⵔⴻⵏ ⵉⵎⵉ ⵜⵓⵍⵍⵉ ⵙ 12 ⵏ ⵢⵉⵎⵓⴽⴰⵏ ⵉ ⵜⵉⴽⴽⴻⵍⵜ ⵢⵉⵡⴻⵜ, ⵜⵡⵡⵉ ⴰⵎⴽⴰⵏ ⵡⵉⵙ 41 ⴷⴻⴳ ⵓⵎⴰⴹⴰⵍ ⵙ ⵜⵉⵣⵣⵍⴰ ⵏ 197.09 ⵎⴱⵃⵙ", ⵎⴰ ⴷ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ "ⵜⴻⵇⵇⵉⵎ ⴷⴻⴳ ⵓⵙⵉⵙⵎⴻⵍ-ⴰⴳⵉ ⴷⴻⴳ ⵓⵎⴽⴰⵏ ⵡⵉⵙ 42 ⵙ ⵜⵉⵣⵣⵍⴰ ⵏ 194.57 ⵎⴱⵃⵙ".
ⵉⵍⵎⴻⵏⴷ ⵏ ⵢⵉⵙⴻⴼⴽⴰⵏ ⵏ "ⵓⵓⴽⵍⴰ", "ⵜⵉⵣⵣⵍⴰ ⵏ ⵉⵏⵜⴻⵔⵏⴻⵜ ⵏ ⵜⵉⵍⵉ ⴼⵓⵙⵜ ⴷⴻⴳ ⵍⴻⵣⵣⴰⵢⴻⵔ ⵜⵍⵉ ⵙⴻⴳ 40.86 ⵎⴱⵃⵙ ⴷⴻⴳ ⵢⵓⵍⵢⵓ 2025 ⴰⵔ 78.36 ⵎⴱⵃⵙ ⴷⴻⴳ ⵢⵓⵍⵢⵓ 2026, ⴰⵢⴰⴳⵉ ⴷ ⵜⵎⴻⵔⵏⵉⵡⵜ ⵏ 91% ⴷⴻⴳ ⵢⵉⵡⴻⵜ ⵏ ⵓⵙⴻⴳⴳⴰⵙ ⴽⴰⵏ".
ⴷⴻⴳ ⵓⴱⵔⵉⴷ-ⴰⴳⵉ ⴷⴰⵖⴻⵏ, ⴰⵣⴻⵟⵟⴰ ⵏ ⵉⵏⵜⴻⵔⵏⴻⵜ ⵏ ⵓⵅⵅⴰⵎ (ⴼⵉⵅⴻ) ⵉⵙⴻⴱⴳⴻⵏ-ⴷ ⵓⵍⴰ ⴷ ⵏⴻⵜⵜⴰ "ⴰⵙⵏⴻⵔⵏⵉ ⴰⵎⴻⵇⵇⵔⴰⵏ ⴷⴻⴳ ⵜⵎⵓⵔⵜ", ⵉⵎⵉ "ⵜⵉⵣⵣⵍⴰ-ⵉⵙ ⵜⵍⵉ ⵙⴻⴳ 50.85 ⵎⴱⵃⵙ ⴷⴻⴳ ⵢⵓⵍⵢⵓ 2025 ⴰⵔ 90.45 ⵎⴱⵃⵙ ⴷⴻⴳ ⵢⵓⵍⵢⵓ 2026, ⵙ ⵜⵎⴻⵔⵏⵉⵡⵜ ⵢⵓⴳⴰⵔⴻⵏ 77%, ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⴱⵔⵉⴷ ⵏ ⵓⵣⴻⵔⵔⴰⵄ ⵏ ⵢⵉⵣⴻⵟⵟⵡⴰⵏ ⵏ ⵜⴼⴻⵛⴽⵉⵜ ⵏ ⵓⴼⵓⵙ (ⴼⵉⴱⵔⴻ ⵓⵃⵜⵉⵇⵓⴻ)".
ⴰⵔⵏⵓ ⵖⴻⵔ
