ⵢⴻⵅⴷⴻⵎ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⵉ ⵢⴻⵍⵍⴰⵏ ⴷ ⵓⵇⴻⵔⵔⵓ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵃⵓⴶⴶⴰⴶ ⴰⵣⵣⴰⵢⵔⵉⵢⴻⵏ, ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵣⴻⵟⵟⴻⴹ ⵉ ⵢⵉⵃⵓⴶⴶⴰⴶ ⴷⴻⴳ ⵢⵉⵎⵓⴽⴰⵏ ⵓⴼⵔⵉⵏⴻⵏ ⵏ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵉⵥⴻⵔ ⵙ ⵜⵎⵓⵖⵍⵉ-ⵙ ⵉⵎⴻⵥⵍⴰ (ⵙⴻⵔⵠⵉⵛⴻⵙ) ⵉ ⴷ-ⵜⴻⵜⵜⴰⴽ ⵜⵎⴰⵣⴰⵏⵜ (ⵎⵉⵙⵙⵉⵓⵏ) ⵏ ⵍⵃⴻⴶ ⵜⴰⵣⵣⴰⵢⵔⵉⵜ ⵉ ⵏⴼⴰⵄ-ⵏⵙⴻⵏ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⴰⴳⵉ, ⴰⵏⴻⵖⵍⴰⴼ ⵢⴻⵏⵏⵓⵎⴻⵍ ⴷ ⵢⵉⵡⴻⵏ ⵏ ⵓⵎⴹⴰⵏ ⵏ ⵢⵉⵃⵓⴶⴶⴰⴶ, ⴰⵏⵉⴷⴰ ⵉ ⴷ-ⵉⵙⵙⴻⵇⵙⴰ ⵖⴻⴼ ⵜⴻⴳⵏⴰⵜⵉⵏ ⵏ ⵜⵏⴻⵣⴷⵓⵖⵜ-ⵏⵙⴻⵏ ⴷ ⵡⴰⵎⴻⴽ ⵉ ⵉⵜⴻⴷⴷⵓ ⵡⴰⵀⵉⵍ ⵉ ⴷ-ⵉⵜⵜⵓⵙⴱⴻⴷⴷⴻⵏ ⵉ ⵢⵉⴷ-ⵙⴻⵏ. ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵍⵎⴻⴶⵀⵓⴷⴰⵜ ⵏ ⵡⴰⵏⵏⴰⵔ ⵉ ⵓⵟⵎⴰⵏ ⵏ ⵍⵉⵙⴻⵔ-ⵏⵙⴻⵏ ⵓ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵜⵉⴳⴳⴰⵜⵉⵏ-ⵏⵙⴻⵏ ⵏ ⴷⴷⵉⵏ (ⵎⴰⵏⴰⵙⵉⴽ) ⴷⴻⴳ ⵜⴻⴳⵏⴰⵜⵉⵏ ⵉⴼⴰⵣⴻⵏ.
ⵢⴻⵔⵏⴰ-ⴷ ⵓⵙⵉⵡⴹ ⴱⴻⵍⵍⵉ ⵢⴻⴷⴷⴰ ⴷ ⵓⵏⴻⵖⵍⴰⴼ ⴷⴻⴳ ⵜⵉⵔⵣⵉ-ⴰⴳⵉ ⵓⵎⴰⵙⵓⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵎⴰⵙⵙ ⵡⴰⵍⵉⴷ ⵛⵀⴻⵔⵉⴼ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⵃⴻⴶ ⴷ ⵍⵄⵓⵎⵔⴰ, ⵎⴰⵙⵙ ⵜⴰⵀⴰⵔ ⴱⵔⴰⵉⴽ, ⴷ ⵓⵇⴻⵔⵔⵓ ⵏ ⵡⴰⵎⵎⴰⵙ ⵏ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ, ⵎⴰⵙⵙ ⴱⴻⵍⴽⵀⵉⵔ ⴱⵓⵓⴷⵀⵔⴰⵄ.
ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵍⵎⴻⴶⵀⵓⴷⴰⵜ ⵉ ⵉⵜⴻⴷⴷⵓⵏ ⵏ ⵜⵎⴰⵣⴰⵏⵜ ⵏ ⵍⵃⴻⴶ ⵜⴰⵣⵣⴰⵢⵔⵉⵜ ⵉ ⵓⵙⴼⵓⵍⴻⵍ (ⴰⵛⵛⵓⵎⵒⴰⴳⵏⴻⵎⴻⵏⵜ) ⵏ ⵢⵉⵃⵓⴶⴶⴰⴶ ⴷⴻⴳ ⵡⴰⵏⵏⴰⵔ, ⴷ ⵓⵇⴰⴷⴻⵔ ⵏ ⵡⴰⴷⴷⴰⴷ-ⵏⵙⴻⵏ ⵉ ⵓⴼⵙⵉⵙ ⵏ ⵜⵉⴳⴳⴰⵜⵉⵏ ⵏ ⵍⵃⴻⴶ ⴷⴻⴳ ⵢⵉⵡⴻⵜ ⵏ ⵜⴰⵡⵏⵏⴰⴹⵜ ⵉ ⴷⴻⴳ ⵢⴻⵍⵍⴰ ⵓⵙⵓⴷⴷⴻⵙ, ⵍⵉⵙⴻⵔ ⴷ ⵍⴻⵀⵏⴰ.
ⴰⵔⵏⵓ ⵖⴻⵔ
