ⵜⴰⵎⴻⴷⴷⵓⵔⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴰⵢ ⵙ ⵜⵛⵉⴽⴽⴰⵜ ⵜⴻⴱⵖⴰ ⴰⴷ ⵜⴻⵍⴷ ⵙⵉⵏ ⵢⵉⴱⵔⵉⴷⴻⵏ ⵏ ⵢⵉⵎⵙⴰⴼⴻⵔⴻⵏ ⵢⴰⵍ ⴰⵙⵙ "ⴱⴻⵛⵛⴰⵔ-ⵜⵉⵏⴷⵓⴼ"

ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵎⴻⴷⴷⵓⵔⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴰⵢ ⵙ ⵜⵛⵉⴽⴽⴰⵜ, ⵄⴰⵊ ⴱⵓⵄⵓ, ⴰⵙⵙ ⵏ ⵡⴰⵢⵏⴰⵙ, ⴱⴻⵍⵍⵉ ⵜⴰⵎⴻⴷⴷⵓⵔⵜ ⴰⴷ ⵜⴻⴳ ⵢⵉⵡⴻⵜ ⵏ ⵜⵎⴻⵚⵍⵉⵡⵜ ⵏ ⵙⵉⵏ ⵢⵉⴱⵔⵉⴷⴻⵏ ⵢⴰⵍ ⴰⵙⵙ ⵉ ⵢⵉⵎⵙⴰⴼⴻⵔⴻⵏ ⴳⴻⵔ ⴱⴻⵛⵛⴰⵔ ⴷ ⵜⵉⵏⴷⵓⴼ.

ⵎⴰⵙⵙ ⴱⵓⵄⵓ ⵢⴻⵎⵎⴻⵙⵍⴰⵢ-ⴷ ⴷⴳ ⵜⵉⴽ-ⵏⵏⴻⵙ ⴰⵔ ⴱⴻⵛⵛⴰⵔ ⵉⵡⴰⴽⴽⴻⵏ ⴰⴷ ⵢⵉⵥⵉⵔ ⴰⵎⴻⴽ ⵜⴻⵜⵜⵡⴰⵙⵎⴰⵢⵏⵓ ⵜⴰⵖⴰⵍⵜ ⵏ ⵜⵛⵉⴽⴽⴰⵜ ⴷⴳ ⵜⵎⴰⵏⴰⵖⵜ ⵏ ⵜⵡⵉⵍⴰⵢⵜ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏ ⵏ ⵢⵉⴱⵔⵉⴷⴻⵏ-ⴰ ⵢⴰⵍ ⴰⵙⵙ ⴰⴷ ⵢⵉⵍⵉ ⵎⵉ ⴰⵔⴰ ⵢⵉⵍⵉ ⵡⵓⵍⴷⴰⵢ ⵓⵏⵚⵉⴱ ⵏ ⵓⵙⴻⵏⴼⴻⵔ-ⴰ ⴰⵎⴻⵇⵇⵔⴰⵏ ⵉ ⵢⴻⵣⵣⴻⵔⵏ ⵖⴻⴼ 950 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵔⵏⴰ ⵢⴻⵣⵣⴻⵔ ⵖⴻⴼ ⵜⵡⵉⵍⴰⵢⵉⵏ ⵏ ⴱⴻⵛⵛⴰⵔ, ⴱⵏⵉ ⵄⴰⴱⴱⴰⵙ ⴷ ⵜⵉⵏⴷⵓⴼ.

ⵢⴻⴱⴷⴻⵔ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵖⴰⵍⵜ-ⴰ ⴰⴷ ⵜⵉ ⴷ ⴰⵎⴽⴰⵏ ⵏ ⵓⵎⵢⴰⵡⴰⴹ ⵉ ⵢⵉⵎⵙⴰⴼⴻⵔⴻⵏ ⵉ ⴷ-ⵢⴻⵜⵜⴰⵙⴻⵏ ⵙⵉ ⵜⵉⵏⴷⵓⴼ ⴷ ⵜⵎⴻⵏⵏⴰⴹⵉⵏ ⵏⵏⵉⴹⴻⵏ ⵏ ⵡⴰⵏⵥⵓⵍ ⵏ ⵜⵎⵓⵔⵜ ⴰⵎ ⵜⴰⴱⴻⵍⴱⴰⵍⴰ, ⵉⵡⴰⴽⴽⴻⵏ ⴰⴷ ⵣⵎⵉⵔⴻⵏ ⴰⴷ ⵍⵃⵓⵏ ⴰⵔ ⵜⵉⵎⴷⵉⵏⵉⵏ ⵏ ⵓⴳⴰⴼⴰ.

ⵢⴻⴽⴽⴻⴷ ⵓⵏⴻⵎⵀⴰⵍ ⴱⴻⵍⵍⵉ ⴰⵇⴻⴷⴷⵉⵛ ⵏ ⵓⵙⵎⴰⵢⵏⵓ ⵏ ⵜⴰⵖⴰⵍⵜ ⵏ ⴱⴻⵛⵛⴰⵔ ⵢⴻⵜⵜⴽⴻⵎⵎⵉⵍ. ⴰⵢⴰ ⵢⴻⴷⴷⵓ-ⴷ ⴷⴳ ⵢⵉⵡⴻⵏ ⵡⴰⵀⵉⵍ ⴰⵖⴻⵍⵏⴰⵡ ⵉ ⵢⴻⵔⵣⴰⵏ 90 ⵏ ⵜⵖⴰⵍⵉⵏ ⵏ ⵢⵉⵎⵙⴰⴼⴻⵔⴻⵏ ⴷⴳ ⵢⴰⵍ ⴰⵎⴽⴰⵏ. ⵉⵙ ⴰⵎⴻⵣⵡⴰⵔⵓ ⴷ ⴰⵙⵏⴻⵔ ⵏ ⵡⴰⴽⵓⴷ ⵏ ⵓⵙⴻⵏⴱⴻⴳⵢ ⴷ ⵓⵄⴻⴷ ⵏ ⵢⵉⵎⴷⴰⵏⴻⵏ.

ⵉⵍⵎⴻⵏⴷ ⵏ ⵡⴰⵡⴰⵍ-ⵉⵙ, ⴰⴷ ⵙⵎⴰⵢⵏⵓⵏ ⴰⵟⴰⵙ ⵏ ⵢⵉⵎⴽⴰⵏⴻⵏ ⴷⴳ ⵜⵖⴰⵍⵉⵏ-ⴰ, ⵍⴰⴷⵖⴰ ⵜⵉⵏ ⵏ ⴱⴻⵛⵛⴰⵔ, ⵉⵡⴰⴽⴽⴻⵏ ⴰⴷ ⴼⴽⴻⵏ ⴰⵢⴻⵏ ⵢⴻⴱⵖⴰ ⵓⵎⵙⴰⴼⴻⵔ. ⴰⴷ ⵢⵉ ⵓⵙⴻⴼⵔⴻⴷ ⵖⴻⴼ ⵜⵖⴰⵔⴰ ⵏ ⵓⵇⴻⴷⴷⵉⵛ ⴷ ⵓⵀⴻⵢ ⵏ ⵢⵉⵎⴽⴰⵏⴻⵏ ⵏ ⵓⵙⵜⴻⵄⴼⵓ ⴷ ⵍⵄⴰⵍⵉ.

ⴰⴷ ⴷ-ⵏⴻⵙⵎⴻⴽ ⴱⴻⵍⵍⵉ ⵜⴰⵎⴻⴷⴷⵓⵔⵜ ⵏ ⵓⵙⵙⴰⵢ ⵙ ⵜⵛⵉⴽⴽⴰⵜ ⵜⴻⴳⴳⴰ ⵢⴰⵍ ⴰⵙⵙ ⵢⵉⵡⴻⵜ ⵏ ⵜⵉⴽ ⴳⴻⵔ ⴱⴻⵛⵛⴰⵔ ⴷ ⵡⴻⵀⵔⴰⵏ (700 ⵏ ⵢⵉⴽⵉⵍⵓⵎⵉⵜⵔⴻⵏ) ⵢⴻⵔⵏⴰ ⵙⵏⴰⵜ ⵏ ⵜⵎⵉⵍⵉⵍⵉⵢⵉⵏ ⴳⴻⵔ ⴱⴻⵛⵛⴰⵔ ⴷ ⵄⴱⴰⴷⵍⴰ (100 ⵏ ⵢⵉⴽⵉⵍⵓⵎⵉⵜⵔⴻⵏ).