ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⴻⵊⴷⴻⴷ ⵜⵏⴻⵖⵍⴰⴼⵜ ⵏ ⵜⵎⴻⵏⵏⵓⵜ ⵜⴰⵖⴻⵍⵏⴰⵡⵜ, ⵜⵡⴰⵛⵓⵍⵜ ⴷ ⵜⵎⴻⵙⵍⴰⵢⵉⵏ ⵏ ⵜⵎⴻⵟⵟⵓⵜ, ⴱⴻⵍⵍⵉ ⵓⵊⴻⵔⵔⴻⴷ ⵢⴻⵔⵣⴰⵏ ⴰⵙⵜⴻⴼⵢⴻⴷ ⵙⴻⴳ ⵓⵡⴰⵀⵉⵍ ⵏ ⵜⵡⴰⵛⵓⵍⵜ ⵜⴰⴼⴰⵔⵉⵙⵜ ⵏ ⵓⵙⴻⴳⴳⴰⵙ 2026 ⵢⴻⵜⵜⴽⴻⵎⵎⴻⵍ. ⵍⴻⵇⴷⵉⵛ-ⴰⴳⵉ ⵉ ⵢⴻⴱⴷⴰⵏ ⴷⴻⴳ ⵜⵍⴻⵎⵎⴰⵙ ⵏ ⵡⴰⴳⴳⵓⵔ ⵏ ⴼⵓⵔⴰⵔ ⵢⴻⵣⵔⵉⵏ, ⵉⵙⵡⵉ-ⵙ ⴷ ⴰⴼⴽⴰ ⵏ ⵜⴰⵣⵎⴻⵔⵜ ⵉ ⵜⵡⴰⵛⵓⵍⵉⵏ ⵢⴻⵙⵄⴰⵏ ⵉⴷⵔⵉⵎⴻⵏ ⴷⵔⵓⵙⴻⵏ.
ⴷⴻⴳ ⵓⵃⵔⵉⵛ-ⴰⴳⵉ, ⴰⵏⴻⴱⴷⴰⴷ ⵏ ⵓⵃⴰⴷⴰⵔ ⴷ ⵓⵙⴰⵍⴰⵢ ⵏ ⵜⵡⴰⵛⵓⵍⵜ ⴷⴻⴳ ⵜⵏⴻⵖⵍⴰⴼⵜ, ⵎⴰⵙⵙ ⵎⵓⵃⴰⵎⴻⴷ ⵎⴻⴷⴷⴰⵍ, ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵜⴰⵏⴻⵖⵍⴰⴼⵜ ⵜⴻⵍⴷⴰ ⴰⵙⵙ ⵏ 15 ⴼⵓⵔⴰⵔ ⵉⵄⴻⴷⴷⴰⵏ ⵓⵊⴻⵔⵔⴻⴷ ⵏ ⵓⵡⴰⵀⵉⵍ-ⴰⴳⵉ. ⵍⴻⵇⴷⵉⵛ-ⴰⴳⵉ ⵢⴻⴱⵯⴰ ⴰⴷ ⵢⴻⵙⵊⴻⵀⴻⴷ ⵜⵉⵡⴰⵛⵓⵍⵉⵏ ⴷⴻⴳ ⵜⴷⴰⵎⵙⴰ ⵙ ⵓⴹⴰⴼⴻⵔ-ⵏⵙⴻⵏⵜ ⴷⴻⴳ ⵓⵙⴱⴻⴷⴷ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵥⵢⴰⵏⴻⵏ ⵉ ⴷ-ⵢⴻⵜⵜⴰⵡⵉⵏ ⴰⴷⵔⵉⵎ, ⴰⵢⴰ ⵙ ⵜⵎⵓⵖⵍⵉ ⵖⴻⴼ ⵜⵎⵓⵙⵏⵉ ⴷ ⵜⵣⵎⴰⵔ ⵏ ⴽⵓⵍ ⵜⴰⵡⴰⵛⵓⵍⵜ.
ⵢⴻⵏⵏⴰ-ⴷ ⴱⴻⵍⵍⵉ ⵜⴰⴱⵓⵔⵜ ⵏ ⵓⵊⴻⵔⵔⴻⴷ ⵢⴻⵍⴷⴰ ⵉ ⵜⵡⴰⵛولⵉⵏ ⴷ ⵜⵍⴰⵡⵉⵏ ⵉ ⵢⴻⴱⵯⴰⵏ ⴰⴷ ⵙⵜⴻⴼⵢⴻⴷⴷⴻⵏⵜ ⵙⴻⴳ ⵓⵡⴰⵀⵉⵍ-ⴰⴳⵉ. ⵢⴻⵣⵎⴻⵔ ⴰⴷ ⵢⴻⵙⵜⴻⴼⵢⴻⴷ ⵙⴻⴳ-ⵙ ⵓⵎⴻⵙⵡⴰⵢ ⵏ ⵜⵡⴰⵛⵓⵍⵜ (ⴰⵔⴳⴰⵣ ⵏⴻⵖ ⵜⴰⵎⴻⵟⵟⵓⵜ), ⵏⴻⵖ ⵜⴰⵎⴻⵟⵟⵓⵜ ⵉ ⵢⴻⵜⵜⵃⴰⴷⴰⵔⴻⵏ ⵉⵎⴰⵡⵍⴰⵏ-ⵉⵙ ⵏⴻⵖ ⴰⵢⵜⵎⴰ-ⵙ. ⴰⵢⴰ ⵢⴻⵜⵜⵓⵅⴷⴻⵎ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵏⴰⴹ ⵏ ⵓⵙⴻⴷⵎⴻⵔ ⵓⵟⵟⵓⵏ 25-236 ⵉ ⴷ-ⵢⴻⵙⴽⴰⵏⴰⵢⴻⵏ ⵍ lⵃⴰⵍⴰ ⵏ ⵓⵙⵜⴻⴼⵢⴻⴷ.
ⵓⵊⴻⵔⵔⴻⴷ-ⴰⴳⵉ ⵢⴻⵜⵜⵉⵍⵉ-ⴷ ⵙ ⵓⴱⵔⵉⴷ ⵏ ⵢⵉⵡⴻⵜ ⵏ ⵜⴱⵓⵔⵜ ⵜⴰⵎⴹⴰⵏⵜ ⵓⵥⵍⴰⵢⵜ ⵏⴻⵖ ⵙ ⵓⵇⴻⵔⵔⴻⴱ ⵖⴻⵔ ⵜⵏⴻⴱⴷⴰⴷⵉⵏ ⵏ ⵍⴻⵇⴷⵉⵛ amettit (DAS) ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵉⵏ. ⵜⴰⵍⵍⴻⵍⵜ-ⴰⴳⵉ ⵜⴻⵔⵣⴰ ⴰⴼⴽⴰ ⵏ ⵡⴰⵍⴰⵜⴻⵏ ⴷ ⵜⵉⵔⵉⵛⵉⵏ ⵏ ⵓⵎⴰⵀⵉⵍ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ, ⴰⵎ: ⴰⵙⴻⵡⵡⵉ ⴷ ⵢⵉⵙⵍⴰⵡⵉⵢⴻⵏ, ⴰⴼⴰⵔⵉⵙ ⵏ ⵢⵉⵔⴻⵡⵏ, ⵜⵉⵅⵢⴰⴹⵜ ⴷ ⵓⵟⴰⵔⵔⴻⵣ, ⵍⴼⴻⵏ ⵏ ⵓⴼⵓⵙ (ⴰⴼⵯⴰⵔ, ⴰⵥⴻⴳⴳⵯⴰ, ⵜⵉⵛⵔⴰⴼⵉⵏ), ⵖⴻⵔ ⵜⴰⵎⴰ ⵏ ⵓⵔⴻⴱⴱⴰⵜ ⵏ ⵜⵣⵉⵣⵡⴰ ⴷ ⵓⵙⵓⴼⴼⴻⵖ ⵏ ⵣⵣⵉⵜ ⵏ ⵜⴳⴰⵎⴰ.
ⴰⵡⴰⵀⵉⵍ-ⴰⴳⵉ ⵢⴻⵙⵄⴰ ⴷⴰⵖⴻⵏ ⵍⴻⵇⴷⵉⵛ ⵏ ⵓⵙⵉⵍⴻⵯ ⵖⴻⴼ ⵡⴰⵎⴻⴽ ⵙⴱⴻⴷⴷⴰⵢⴻⵏ ⵉⵙⴻⵏⴼⴰⵔⴻⵏ, ⵢⴻⵔⵏⴰ ⵜⴰⵏⴻⴱⴱⴰⴹⵜ ⴰⴷ ⵜⴻⴼⴽ ⵜⴰⵣⵎⴻⵔⵜ ⵉ ⵜⵡⴰⵛⵓⵍⵉⵏ-ⴰⴳⵉ ⵉ ⵡⴰⴽⴽⴻⵏ ⴰⴷ ⵣⵏⵓⵣⵓⵏⵜ ⵢⵉⴼⴰⵔⵉⵙⴻⵏ-ⵏⵙⴻⵏⵜ ⴷⴻⴳ ⵢⵉⵙⵡⴰⵇⴻⵏ.
ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴱⴻⵔⵔⴻⵃ ⴰⵎⴻⵇⵇⵔⴰⵏ ⵉ ⵓⵡⴰⵀⵉⵍ-ⴰⴳⵉ, ⵜⵉⵏⴻⴱⴷⴰⴷⵉⵏ ⵏ ⵍⴻⵇⴷⵉⵛ ⴰⵎⴻⵜⵜⵉ ⴳⴳⴰⵏⵜ ⴰⵟⴰⵙ ⵏ ⵢⵉⵡⴰⵀⵉⵍⴻⵏ ⵏ ⵓⵙⴰⴽⵉ ⴷ ⵜⵓⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉ ⵡⴰⴽⴽⴻⵏ ⴰⴷ ⵙⵙⴻⴼⵔⵓⵏⵜ ⵉⵎⴻⵣⴷⴰⵖ ⵖⴻⴼ ⵡⴰⵣⴰⵍ ⵏ ⵓⵙⵓⵔ-ⴰⴳⵉ.
ⵜⴰⴳⴳⴰⵔⴰ, ⵜⵉⵏⴻⴱⴷⴰⴷⵉⵏ-ⴰⴳⵉ ⵜⵜⴰⴳⵡⴰⵢⴻⵏⵜ ⴰⴷ ⵄⵉⵡⵏⴻⵏⵜ ⵜⵉⵡⴰⵛⵓⵍⵉⵏ ⴷⴻⴳ ⵓⵀⴻⴳⴳⵉ ⵏ ⵢⵉⴼⴰⵢⵍⴻⵏ-ⵏⵙⴻⵏⵜ ⵢⴻⵔⵏⴰ ⴰⴷ ⵜⴻⵏ-ⵡⴻⵡⵡⴻⵍⵀⴻⵏⵜ ⵖⴻⵔ ⵢⵉⵙⴻⵏⴼⴰⵔⴻⵏ ⵉ ⵢⴻⴷⴷⵓⵏ ⴷ ⵜⵎⵓⵙⵏⵉ-ⵏⵙⴻⵏⵜ. ⴰⵎ ⵢⴻⴽⴽⴰ ⵍⵇⴰⴷ ⵓⵍⴰ ⴷ ⵜⴰⵍⵍⴻⵍⵜ ⴷⴻⴳ ⵓⵊⴻⵔⵔⴻⴷ ⵙ ⵡⴰⵏⵜⵉⵔⵏⴻⵜ ⵉ ⵡⵉⴷ ⵢⴻⴱⵯⴰⵏ ⴰⴷ ⵙⵜⴻⴼⵢⴻⴷⴻⵏ ⵙⴻⴳ ⵓⵡⴰⵀⵉⵍ-ⴰⴳⵉ.
ⴰⵔⵏⵓ ⵖⴻⵔ
