ⵉⵛⴰⵔ-ⴷ ⵓⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⴻⴳⵏⵉⵜ ⵏ ⵜⵎⴻⵟⵟⵓⵜ ⵜⵉⵖⴻⵔⵖⴻⵔⵜ-ⵏⵏⴻⵙ ⵜⴰⵍⵉⴽⵜⵕⵓⵏⴰⵏⵜ ⵏ « ⵎⵓⵓⵔⴰⴼⴰⴽⴰ » ⵉⵍⵎⴻⵏⴷ ⵏ ⵓⵙⴷⵓⵙⵓ ⵏ ⵓⵙⵉⴷⴻⵡ ⵏ ⵢⵉⵎⵖⴰⵔⴻⵏ ⴷ ⵓⵙⵓⴳⴳⴻⵍ ⵏ ⵜⵖⴰⵔⴰ-ⵏⵙⴻⵏ ⵏ ⵜⵎⴻⴷⴷⵓⵔⵜ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ, ⴰⵙⵙ ⵏ ⵓⵙⵉⵏⴰⵙ, ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⵜⵉⵖⴻⵔⵖⴻⵔⵜ-ⴰ ⵜⴻⵜⵜⴳⴻⵏⵙⵉⵙ-ⴷ « ⵜⴰⵍⵍⵓⵏⵜ ⵜⵓⵎⴹⵉⵏⵜ ⴷ ⵜⴰⴳⵔⵓⵔⵎⵉⴷⵜ ⴷ-ⵢⴻⵜⵜⵙⵓⵎⵓⵔⴻⵏ ⴰⵏⴰⴳⵔⴰⵡ ⴷ ⵓⵎⵎⵉⴷ ⵏ ⵢⵉⵎⴻⵥⵍⴰ ⵢⴻⴷⴷⵎⴻⵏ ⴷⴻⴳ ⵜⵙⵓⴹⴻⵏⵜ ⵜⴰⵙⴻⴽⵜⴰ ⵜⴰⵣⴻⵔⴼⴰⵏⵜ, ⵜⴰⵏⵎⴻⵜⵜⵉⵜ ⴷ ⵜⵉⵏ ⵏ ⵜⵎⵉⵍⴰⵍⵜ, ⵉⵍⵎⴻⵏⴷ ⵏ ⵓⵙⵉⴼⵙⴻⵙ ⵏ ⵓⴹⴽⴰⵍ ⴰⵢⴰⵍⴰⵙ ⵏ ⵢⵉⵎⵖⴰⵔⴻⵏ ⴷ ⵓⵙⴻⵍⵀⵓ ⵏ ⵜⵖⴰⵔⴰ-ⵏⵙⴻⵏ ⵏ ⵜⵎⴻⴷⴷⵓⵔⵜ », ⵖⴻⴼ ⴰⴽⴽⴻⵏ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ.
ⵜⵉⵖⴻⵔⵖⴻⵔⵜ-ⴰ ⵜⵍⴰ ⵜⵉⵍⵖⴰ ⴷ ⵢⵉⵙⴻⵎⵜⴰⵔ ⵉ “ⵜⴰⵍⵍⴰⵍⵜ ⵏ ⵢⵉⵎⵖⴰⵔⴻⵏ ⴰⴽⴽⴻⵏ ⴰⴷ ⵇⵇⵉⵎⴻⵏ ⴷⴻⴳ ⵜⵡⴻⵏⵏⴰⴹⵜ-ⵏⵙⴻⵏ ⵜⴰⴳⴰⵎⴰⵏⵜ ⵏ ⵜⵎⴻⴷⴷⵓⵔⵜ, ⴰⵏⴰⵎⴻⴽ-ⵏⵏⴻⵙ ⴷⴻⴳ ⵜⵡⴰⵛⵓⵍⵜ-ⵏⵙⴻⵏ, ⵙ ⵓⵎⴻⵙⵜⴻⵏ ⵏ ⵢⵉⵣⴻⵔⴼⴰⵏ-ⵏⵙⴻⵏ ⴰⴽⴽⴻⵏ ⴰⴷ ⴷⴻⵔⵡⴻⵏ ⴷⴻⴳ ⵜⵎⴻⴷⴷⵓⵔⵜ ⵜⴰⵏⵎⴻⵜⵜⵉⵜ ⴷ ⵜⵏⴰⴳⴷⵓⴷⵜ ».
ⵍⵍⴰⵏⵜ ⴷⴰⵖ ⴷⴻⴳ-ⵙ ⵜⴻⵍⵖⴰ ⵖⴻⴼ ⵢⵉⵎⴻⵥⵍⴰ ⴷ ⵜⴰⵍⵍⴰⵍⵉⵏ ⵢⴻⵎⴳⵉⵔⵔⴷⴻⵏ ⵉ ⵢⴻⴹⵎⴻⵏ ⵓⴳⵣⵓⵎ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⵉ ⵢⵉⵎⵖⴰⵔⴻⵏ ⴷ ⵢⵉⵎⴷⴰⵏⴻⵏ ⵏⵉⵖ ⵜⵉⵡⴰⵛⵓⵍⵉⵏ ⵉ ⵜⴻⵏ-ⵉⴹⴻⴽⵍⴻⵏ, ⴰⵎⴰ ⵙⴻⴳ ⵢⵉⴷⵉⵙ ⴰⵣⴻⵔⴼⴰⵏ, ⴰⵎⴰ ⵙⴻⴳ ⵢⵉⴷⵉⵙ ⴰⵏⵎⴻⵜⵜⵉ ⵏⵉⵖ ⴷⴻⴳ ⵓⴽⴰⵜⴰⵔ ⵏ ⵜⵎⵉⵍⴰⵍⵜ, ⴰⵎ ⵡⴰⴽⴽⴻⵏ ⴷ-ⵜⴻⵜⵜⴰⴼⴽ ⴷⴰⵖ ⵜⵖⴻⵔⵖⴻⵔⵜ-ⴰ ⵢⵉⵙⴻⵎⵜⴰⵔ ⴷ ⵡⴰⵖⴰⴷⴻⵏ ⵢⴻⵙⵙⵉⴼⵙⵓⵙⴻⵏ ⴰⴹⴽⴰⵍ ⴰⵢⴰⵍⴰⵙ ⵏ ⵢⵉⵎⵖⴰⵔⴻⵏ ⵏⵉⵖ ⵉⵎⴷⴰⵏⴻⵏ ⵉⵔⴼⵓⵍⵎⴰⵏⴻⵏ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵍⵖⵓ-ⴰ.
ⵢⴻⵙⵎⴻⴽⵜⵉ-ⴷ ⵓⵖⵍⵉⴼ, ⴷⴻⴳ ⵓⵍⵖⵓ-ⵏⵏⴻⵙ, ⴷⴰⴽⴽⴻⵏ ⵙⵎⴻⵎⵎⵉⵏ ⵎⴻⵏⵏⴰⵡ ⵏ ⵜⵙⴻⵎⵙⴻⴷⴷⴰ ⵉⵍⵎⴻⵏⴷ ⵏ ⵓⴹⴽⴰⵍ ⵏ ⵢⵉⵎⵖⴰⵔⴻⵏ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵜⴰⵏⵎⴻⵜⵜⵉⵜ ⴷ ⵜⴰⵎⴻⵍⵖⴰⵜⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ « ⵓⵙⵏⴰⵙ ⵏ ⵜⵙⴻⵔⵜⵉⵜ ⵜⴰⵏⵎⴻⵜⵜⵉⵜ ⵏ ⵓⵡⴰⵏⴰⴽ ⴰⴷⵣⴰⵢⵔⵉ ⵉ ⵢⴻⵃⵔⴻⵣ ⵢⵉⵎⵙⵉⴹⴻⴼ ⵙ ⵓⴱⴰⴷⴷⴰⵔ ⴰⵣⴻⵔⴼⴰⵏ, ⵍⴰⴷⵖⴰ ⵜⴰⵎⴻⵏⴹⴰⵡⵜ ⵏ 2020 ⵉ ⵢⴻⵙⴷⵓⵙⴻⵏ ⵢⵉⵣⴻⵔⴼⴰⵏ ⵏ ⵢⵉⵎⵖⴰⵔⴻⵏ ».
ⴰⵔⵏⵓ ⵖⴻⵔ
