ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⴼ ⵡⴰⵀⵉⵍ (ⵔⴰⵣⵏⴰⵎⴰ) ⵏ ⵓⵙⵎⴻⴷ ⵏ ⵜⵉⴳⴳⴰⵜⵉⵏ ⵢⴻⵄⵏⴰⵏ ⴰⵎⵓⵙⵙⵓ ⴰⵙⵉⴳⴳⴰⵙⴰⵏ ⵏ ⵓⴱⴻⴷⴷⴻⵍ ⵏ ⵢⵉⵎⵓⴽⴰⵏ ⵉ ⵏⴼⴰⵄ ⵏ ⵢⵉⵙⴻⵍⵎⴰⴷⴻⵏ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⴻⴳⵎⵉ ⴷ ⵓⵙⴻⵍⵎⴻⴷ, ⵉ ⵓⵙⴻⴳⴳⴰⵙ ⵏ ⵓⵍⵎⵓⴹ 2026/2027.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵉⵙⴻⵍⵎⴰⴷⴻⵏ, ⵜⴻⵙⵙⴻⴼⵀⴻⵎ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⴰⵙⵎⴻⴷ ⵏ ⵜⵉⴳⴳⴰⵜⵉⵏ ⵏ ⵓⵜⴻⴽⴽⵉ ⴷⴻⴳ ⵓⵎⵓⵙⵙⵓ-ⴰⴳⵉ ⴰⴷ ⵢⵉⵍⵉ "ⴷⴻⴳ ⵜⴰⵍⵍⵉⵜ ⴳⴰⵔ 18 ⵎⴰⵢⵓ ⴷ 8 ⵢⵓⵏⵢⵓ 2026, ⵙ ⵓⴱⵔⵉⴷ ⵏ ⵡⴻⵎⵔⴰⵃ ⵓⴼⵔⵉⵏ ⴷⴻⴳ ⵓⵏⴰⴳⵔⴰⵡ ⵏ ⵢⵉⵙⴰⵍⴰⵏ ⵏ ⵜⵏⴻⵖⵍⴰⴼⵜ: ⵀⵜⵜⵒ://ⵓⵙⵜⴰⴷ.ⴻⴷⵓⵛⴰⵜⵉⵓⵏ.ⴷⵣ". ⵉⵍⴰⵇ ⴼⴻⵍⵍ-ⴰⵙⴻⵏ ⴰⴷ ⵉⵥⵔⴻⵏ ⵎⴰ ⵍⵍⴰⵏ ⵢⵉⵙⵎⴰⵡⴻⵏ-ⵏⵙⴻⵏ ⴷⴻⴳ ⵡⵓⵎⵓⵖ ⵏ ⵡⵉⴷ ⵢⴻⵄⵏⴰⵏ ⵜⴰⵎⵙⴰⵍⵜ, ⴰⴷ ⵙⵏⴻⴳⵎⴻⵏ ⵓ ⴰⴷ ⵙⴱⴻⴶⴶⴷⴻⵏ ⵉⵙⴰⵍⴰⵏ-ⵏⵙⴻⵏ ⵏ ⵢⵉⵎⴰⵏ ⴷ ⵡⵉⴷ ⵏ ⵓⵎⴰⵀⵉⵍ, ⵓ ⴰⴷ ⵙⵙⴰⵍⵉⵏ ⴰⵔⵔⴰⵜⴻⵏ ⵉ ⴷ-ⵉⵜⵜⵡⴰⵙⵓⵜⵜⵔⴻⵏ ⴷⴻⴳ ⵡⴻⵎⵔⴰⵃ-ⵏⵏⵉ. ⵣⴻⵎⵔⴻⵏ ⴷⴰⵖⴻⵏ ⴰⴷ ⴷ-ⴼⴽⴻⵏ ⴰⵙⴻⵔⵔⴻⵃ ⴰⵍⵉⴽⵜⵔⵓⵏⴰⵏ ⵉ ⵡⵉⴷ ⵢⴻⴱⵖⴰⵏ ⴰⴷ ⴷ-ⵓⵖⴰⵍⴻⵏ ⵙⴻⴳ ⵍⴻⴱⵖⵉ-ⵏⵙⴻⵏ ⵏ ⵓⵜⴻⴽⴽⵉ.
ⵉ ⵢⵉⵙⴻⵍⵎⴰⴷⴻⵏ ⵉ ⴷ-ⵢⵓⵖⴰⵍⴻⵏ ⵙⴻⴳ ⵜⴻⴳⵏⴰⵜⵉⵏ ⵏ ⵓⵣⴻⵔⴼ, ⴰⴷ ⴷ-ⵍⴹⴻⵏ ⵓ ⴰⴷ ⵙⴱⴻⴶⴶⴷⴻⵏ ⵢⵉⵎⵉⴹⴰⵏⴻⵏ-ⵏⵙⴻⵏ ⴳⴰⵔ 31 ⵎⴰⵢⵓ ⴷ 18 ⵢⵓⵏⵢⵓ 2026. ⵎⴰ ⴷ ⵉⵎⴻⵏⴻⵀⵍⵉⵢⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⴻⴳⵎⵉ, ⵜⵉⴳⴳⴰⵡⵜ ⵏ ⵓⵙⵎⴻⴷ ⵏ ⵜⵎⵓⵀⴰⵍ ⵏ ⵓⵜⴻⴽⴽⵉ ⵜⵜⴻⴷⴷⵓ ⵙⴻⴳ 18 ⵎⴰⵢⵓ ⵖⴻⵔ 14 ⵢⵓⵏⵢⵓ 2026, ⵙ ⵓⴱⵔⵉⴷ ⵏ ⵜⴻⵙⴰⵍⵜ ⵜⴰⵇⵎⵉⵜ ⵏ ⵜⵏⴻⵖⵍⴰⴼⵜ ⴽⴰⵏ.
ⵉⵙⵙⴻⴽⵏⴻⴷ-ⴷ ⵓⵙⵉⵡⴹ ⴱⴻⵍⵍⵉ ⵉⵙⴻⵍⵎⴰⴷⴻⵏ ⵣⴻⵎⵔⴻⵏ ⴰⴷ ⵉⵥⵔⴻⵏ ⵉⵎⵓⴽⴰⵏ ⵏ ⵓⵎⴰⵀⵉⵍ ⴷ ⵜⵉⵍⵎⴰⵡⵉⵏ ⵓ ⴰⴷ ⴼⴻⵔⵏⴻⵏ ⵜⵉⵎⵓⵙⵏⵉⵡⵉⵏ ⵉ ⴱⵖⴰⵏ ⴰⴷ ⵔⵣⵓⵏ ⵖⵓⵔ-ⵙⴻⵏⵜ, ⴷⴻⴳ ⵜⴰⵍⵍⵉⵜ ⴳⴰⵔ 21 ⴷ 30 ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ. ⵎⴰ ⴷ ⵉⵎⴻⵏⴻⵀⵍⵉⵢⴻⵏ, ⵜⵉⴳⴳⴰⵡⵜ-ⴰⴳⵉ ⴰⴷ ⴷ-ⵜⵉⵍⵉ ⵙⴻⴳ 1 ⵖⴻⵔ 14 ⴷⴻⴳ ⵡⴰⴳⴳⵓⵔ-ⵏⵏⵉ ⴽⴰⵏ.
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⵉⵙⴻⵍⵎⴰⴷⴻⵏ ⵣⴻⵎⵔⴻⵏ ⴰⴷ ⵉⵥⵔⴻⵏ ⵉⴳⴻⵎⵎⴰⴹ ⵏ ⵜⴰⴳⴳⴰⵔⴰ ⵓ ⴰⴷ ⴷ-ⵓⵡⵡⵉⵏ ⵜⵉⵏⴻⵖⵜⴰⵙⵉⵏ ⵏ ⵓⵙⴱⴻⴷⴷⵉ ⵏⴻⵖ ⵏ ⵓⴱⴻⴷⴷⴻⵍ ⵏⴻⵖ ⵏ ⵓⵕⵚⵓ ⴷⴻⴳ ⵜⵎⵓⵙⵏⵉ ⵏ ⵍⴰⵙⴻⵍ, ⴷⴻⴳ ⵜⴰⵍⵍⵉⵜ ⴳⴰⵔ 7 ⴷ 15 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ. ⵉ ⵢⵉⵎⴻⵏⴻⵀⵍⵉⵢⴻⵏ, ⴰⴷ ⵉⵥⵔⴻⵏ ⵉⴳⴻⵎⵎⴰⴹ ⵙ ⵓⴱⵔⵉⴷ ⵏ ⵢⵉⵎⵉⴹⴰⵏ ⵏ ⵓⵎⴹⴻⴱⴱⴻⵔ ⵏ ⵜⵎⵓⵙⵏⵉ ⵓ ⴰⴷ ⴷ-ⵓⵡⵡⵉⵏ ⵜⵉⵏⴻⵖⵜⴰⵙⵉⵏ-ⵏⵙⴻⵏ ⴷⴻⴳ ⵜⵏⴻⵀⵎⴰⵍⵉⵏ ⵏ ⵓⵙⴻⴳ ⴳⴰⵔ 6 ⴷ 12 ⴷⴻⴳ ⵡⴰⴳⴳⵓⵔ-ⵏⵏⵉ ⴽⴰⵏ. ⴷⴻⴳ ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵜⴻⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵡⴰⵀⵉⵍ ⵢⴻⵜⵜⵡⴰⵙⴻⵔⵙⴻⵏ ⴷ ⵓⵙⵎⴻⴷ ⵏ ⵢⵉⵢⴻⵙⴽⵉⵔⴻⵏ ⵎⴻⵕⵕⴰ ⴷⴻⴳ ⵡⴰⴽⵓⴷ ⵉⵕⴻⵙⵙⴰⵏ.
ⴰⵔⵏⵓ ⵖⴻⵔ
