ⵜⵜⵓⵙⴻⵏⴽⴷⴻⵏ-ⴷ, ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⴳⴻⵎⵎⴰⴹ ⵏ ⵜⴰⴳⴳⴰⵔⴰ ⵏ ⵜⵉⴳⴳⴰⵡⵜ ⵜⴰⵖⴻⵍⵏⴰⵡⵜ ⵉ ⵓⵙⵙⴻⴳⵣⴻⵏ (vaccination) ⵎⴳⴰⵍ ⴰⵖⴻⵍⵍⵓ ⵏ ⵢⵉⴳⴻⵔⴷⴰⵏ , ⵉ ⵢⴻⵙⵙⴰⵡⴻⴹⴻⵏ ⴰⴷ ⵢⴻⵖⵓⵎ ⴰⵣⴰⵍ ⵏ 95 ⴷⴻⴳ ⵜⵎⵉⴹⵉ ⵏ ⵜⴻⴳⵔⵓⵎⵎⴰ ⵉⵕⴻⵙⵙⴰⵏ ⵉ ⵢⴻⵜⵜⵡⴰⵙⵓⵜⵜⵔⴻⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵉⵙⵙⴻⴼⵀⴻⵎ-ⴷ ⵓⵎⴻⵏⴻⵀⵍⵉ ⵡⵉⵙ ⵙⵉⵏ ⵏ ⵡⴰⵀⵉⵍⴻⵏ ⵏ ⵓⵙⵙⴻⴳⵣⴻⵏ ⴷⴻⴳ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ, ⵎⴰⵙⵙ ⵍⵄⵉⴷ ⵢⵓⵓⵛⴻⴼ, ⴱⴻⵍⵍⵉ "ⵉⴳⴻⵎⵎⴰⴹ-ⴰⴳⵉ ⵉⴼⴰⵣⴻⵏ" ⵉ ⴷ-ⵜⴻⵡⵡⵉ ⵜⵉⴳⴳⴰⵡⵜ-ⴰⴳⵉ ⵜⴰⵖⴻⵍⵏⴰⵡⵜ ⵎⵍⴻⵏ-ⴷ ⵜⵉⴷⴷⵢ ⵉⴶⴻⵀⴷⴻⵏ ⴷ ⵜⵔⵉⵔⵉⵜ ⵢⴻⵍⵀⴰⵏ ⵙⴻⴳ ⵜⴰⵎⴰ ⵏ ⵢⵉⵎⴰⵡⵍⴰⵏ ⵉ ⵉⵄⴰⵡⵏⴻⵏⵜ ⴷⴻⴳ ⵓⵙⴻⴶⵀⴻⴷ ⵏ ⵜⵉⵃⴻⵔⵙⵉ ⵜⴰⵎⴻⵣⴷⴰⵢⵜ ⵏ ⵢⵉⴳⴻⵔⴷⴰⵏ, ⵉⵎⵉ ⴰⵙⵙⴻⴳⵣⴻⵏ ⴷ ⵍⵍⵙⴰⵙ ⵉ ⵓⵃⵔⴰⵣ ⵏ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ.
ⵉⵙⵎⴻⴽⵜⵉ-ⴷ ⴱⴻⵍⵍⵉ ⵜⴰⵍⵍⵉⵜ ⵜⴰⵎⴻⵏⵣⵓⵜ ⵏ ⵜⵉⴳⴳⴰⵡⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⴳⴰⵔ 30 ⵓⵏⴱⵉⵔ ⴷ 4 ⴷⵓⵊⴻⵎⴱⴻⵔ 2025, ⵜⴻⵡⵡⵉ-ⴷ ⴰⵣⴰⵍ ⵏ 95 ⴷⴻⴳ ⵜⵎⵉⴹⵉ ⵏ ⵓⵖⵓⵎⵎⵓ. ⵜⴰⵍⵍⵉⵜ ⵜⵉⵙ ⵙⵏⴰⵜ (21-30 ⴷⵓⵊⴻⵎⴱⴻⵔ) ⵜⵓⵙⴰ-ⴷ ⵙ 96 ⴷⴻⴳ ⵜⵎⵉⴹⵉ, ⵎⴰ ⴷ ⵜⴰⵍⵍⵉⵜ ⵜⵉⵙ ⴽⵔⴰⴷⴻⵜ (25 ⵢⴻⵏⵏⴰⵢⴻⵔ ⴰⵔⵎⵉ ⴷ 5 ⴼⵓⵔⴰⵔ 2026), ⵜⴻⵙⵙⴰⵡⴻⴹ ⵖⴻⵔ 94 ⴷⴻⴳ ⵜⵎⵉⴹⵉ.
ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵜⴰⵏⴻⵖⵍⴰⴼⵜ ⵏ ⵜⴰⵣⵣⵉⵜ ⵜⴻⵙⵙⴻⵔⵔⴻⵙ-ⴷ ⵉ ⵜⵉⴳⴳⴰⵡⵜ-ⴰⴳⵉ "25 ⵏ ⵡⴰⴳⵉⵎⴰⵏ ⵏ ⵢⵉⵎⴰⵀⵍⴰⵏⴻⵏ ⴷⴻⴳ ⵓⵏⵏⴰⵔ ⵏ ⵜⴰⵣⵣⵉⵜ ⴷ ⵓⴳⴰⵔ ⵏ 7 ⵏ ⵡⴰⴳⵉⵎⴰⵏ ⵏ ⵡⴰⵎⵎⴰⵙⴻⵏ ⵏ ⵓⵙⵙⴻⴳⵣⴻⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵜⵉⵙⴻⴷⴷⴰⵔⵉⵏ ⵏ ⵡⴰⵏⵏⴰⵔ ⵉ ⵉⵜⴻⴷⴷⵓⵏ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⴰⵎⴻⵇⵇⵔⴰⵏ". ⴰⵢⴰⴳⵉ ⵉ ⵓⵟⵎⴰⵏ ⵏ ⵜⴰⵍⵍⴻⵍⵜ ⵉ ⵢⴰⴽⴽ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ ⵙⵉⵏ ⵏ ⵡⴰⵢⵢⵓⵔⴻⵏ ⴷ 5 ⵏ ⵢⵉⵙⴻⴳⴳⴰⵙⴻⵏ.
ⵙⴻⴳ ⵜⴰⵎⴰ-ⵙ, ⴰⵎⴻⵏⴻⵀⵍⵉ ⵏ ⵓⵃⵔⴰⵣ ⴷ ⵓⵙⵏⴻⴼⵍⵉ ⵏ ⵜⴰⵣⵣⵉⵜ ⴷⴻⴳ ⵜⵏⴻⵖⵍⴰⴼⵜ, ⵎⴰⵙⵙ ⴷⵊⴰⵎⴻⵍ ⴼⵓⵓⵔⴰⵔ, ⵉⵙⵍⴻⵎ-ⴷ ⵙ ⵔⵔⴻⴱⴻⵃ ⵏ ⵜⵉⴳⴳⴰⵡⵜ-ⴰⴳⵉ ⵜⴰⵖⴻⵍⵏⴰⵡⵜ ⵉ ⵢⴻⴱⵖⴰⵏ "ⴰⵙⴻⴶⵀⴻⴷ ⵏ ⵜⵉⵃⴻⵔⵙⵉ ⵜⴰⵎⴻⵣⴷⴰⵢⵜ ⵏ ⵢⵉⴳⴻⵔⴷⴰⵏ", ⵉⵙⵙⴻⴽⵏⴻⴷ-ⴷ ⴰⵣⴰⵍ ⵏ ⵓⵙⴻⵎⵔⴻⵙ ⵏ ⵢⵉⵙⴰⴼⴰⵔⴻⵏ ⵏ ⵓⵙⵙⴻⴳⵣⴻⵏ ⵉⵎⴰⵢⵏⵓⵜⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵏ ⵜⴰⵣⵣⵉⵜ ⴷⴻⴳ ⵓⵎⴰⴹⴰⵍ.
ⵉⵎⴰⵙⵍⴰⴷⴻⵏ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴻⵖⵍⴰⵏⵉⵏ ⴷⴻⴳ ⵍⴻⵣⵣⴰⵢⴻⵔ, ⴰⵎ ⵓⵏⵉⵛⴻⴼ ⴷ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴰⵣⵣⵉⵜ (OMS), ⵙⵏⴻⴽⴷⴻⵏ "ⵔⵔⴻⴱⴻⵃ" ⵏ ⵜⵉⴳⴳⴰⵡⵜ-ⴰⴳⵉ ⵜⴰⵖⴻⵍⵏⴰⵡⵜ, ⵡⴰⵍⴰⵏ ⴱⴻⵍⵍⵉ ⵉⴳⴻⵎⵎⴰⴹ-ⴰⴳⵉ ⵎⵍⴻⵏ-ⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⴰⵣ ⴷ ⵓⵙⵏⴻⴼⵍⵉ ⵏ ⵡⴰⴷⴷⴰⴷ ⵏ ⵢⵉⴳⴻⵔⴷⴰⵏ.
ⴰⵔⵏⵓ ⵖⴻⵔ
