ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ (ⵍⵎⴻⵃⴿⴻⵎⴰ) ⵜⴰⴷⴷⵓⵙⵜⵓⵔⵉⵜ, ⵍⴰⵢⵍⴰ ⵄⴰⵙⵍⴰⵡⵉ, ⵜⴻⵙⵜⴻⵇⴱⴻⵍ ⴰⵙⵙ-ⴰ ⵏ ⵓⵜⵍⴰⵜⴰ, ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵜⵙⴻⵍⵡⵉⵜ ⵜⴰⵖⴻⵍⵏⴰⵡⵜ ⵏ ⵜⴻⴼⵔⴰⵏⵉⵏ (ANIE), ⵙⴰⵄⴻⴷ ⵄⴰⵔⵓⵙ. ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⴰⵙ-ⵜⴻⴼⴽ ⵜⴰⵊⵎⵉⵍⵜ ⴷ ⵓⵙⴼⴻⵔⵔⴻⵃ ⵖⴻⴼ ⵡⴰⵎⴽⴰⵏ-ⵉⵙ ⴰⵎⴰⵢⵏⵓ.
ⴷⴻⴳ ⵓⴳⵔⴰⵡ-ⴰⴳⵉ, ⵎⴰⵙⵙⴰ ⵄⴰⵙⵍⴰⵡⵉ ⵜⴻⵙⵙⴻⴶⵀⴻⴷ ⵍⵇⵉⵎⴰ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵔ ⴳⴰⵔ ⵙⵏⴰⵜ ⵏ ⵜⵎⴻⵔⵙⴻⵍⵉⵏ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⴷⴷⵓⵙⵜⵓⵔ ⵏ 2020. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴹⴻⵎⵎⵏⴻⵏ ⴱⴻⵍⵍⵉ ⵜⵉⴼⵔⴰⵏⵉⵏ ⴰⴷ ⵣⵔⵉⵏⵜ ⵙ ⵍⵃⴻⵇⵇ, ⵙ ⵜⵉⴼⴰⴼⴻⵏⵜ ⴷ ⵓⵇⴰⴷⴻⵔ ⵏ ⵡⴰⵡⴰⵍ ⵏ ⵍⵎⵓⵡⴰⵟⵉⵏ ⴷⴻⴳ ⵓⵅⵜⵉⵔⵉ ⵏ ⵢⵉⵎⴻⵎⵎⵍⴰ-ⵙ .
ⵙ ⵢⵉⴷⵉⵙ-ⵉⵙ, ⵙⴰⵄⴻⴷ ⵄⴰⵔⵓⵙ ⵢⴻⵙⵙⴻⴼⴻⴼ-ⴷ ⵍⵇⵉⵎⴰ ⵏ ⵜⵙⴻⵇⵇⴰⵎⵓⵜ ⵜⴰⴷⴷⵓⵙⵜⵓⵔⵉⵜ ⴷⴻⴳ ⵓⵃⴰⴷⴻⵔ ⵏ ⵓⴱⵔⵉⴷ ⵏ ⵜⵓⴳⴷⵓⵜ ⴷ ⵓⵃⵔⴰⵣ ⵏ ⵜⵉⵍⴻⵍⵍⵉ ⵏ ⵍⵎⵓⵡⴰⵟⵉⵏ.
ⵢⴻⵙⵙⴻⴳⵣⴰ-ⴷ ⴷⴰⵖⴻⵏ ⴰⵀⴻⴳⴳⵉ ⵏ ⵜⴻⴼⵔⴰⵏⵉⵏ ⵏ ⵜⵖⵉⵡⴰⵏⵜⵉⵏ ⵏ 28 ⵏⵓⵡⴰⵎⴱⴻⵔ ⵉ ⴷ-ⵉⵜⴻⴷⴷⵓⵏ. ⵡⴰⵍⴰⵏ ⴰⴱⵔⵉⴷ ⵏ ⵓⵙⴱⴻⴷⴷ ⵏ ⵢⵉⵎⵛⴰⵡⴰⵔⴻⵏ ⵏ ⵜⵡⵉⵍⴰⵢⵉⵏ, ⴰⵄⴰⵡⴻⴷ ⵏ ⵓⵙⴻⵊⵊⴻⵍ ⵏ ⵢⵉⵎⴻⵣⴷⴰⵖ ⴷⴻⴳ ⵢⵓⵎⵓⵖⴻⵏ ⵏ ⵜⴻⴼⵔⴰⵏⵉⵏ, ⴷ ⵓⵇⴻⴷⴷⴻⵛ ⵉⵡⴰⴽⴽⴻⵏ ⴰⴷ ⵜⵉⵍⵉ ⵜⴻⴽⴽⵉ ⵜⴰⵎⴻⵇⵇⵔⴰⵏⵜ ⵢⴻⵔⵏⴰ ⵜⴻⵡⵡⴻⵏ.
ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵙ ⵜⵃⴰⴷⵔⵉⵜ ⵏ ⵢⵉⵄⴻⴳⴳⴰⵍⴻⵏ ⵏ ⵜⵙⴻⵇⵇⴰⵎⵓⵜ ⵜⴰⴷⴷⵓⵙⵜⵓⵔⵉⵜ ⴷ ⵢⵉⵎⴹⴻⴱⴱⵔⴻⵏ ⵏ ⵜⵙⴻⵍⵡⵉⵜ ⵏ ⵜⴻⴼⵔⴰⵏⵉⵏ (ANIE).
ⴰⵔⵏⵓ ⵖⴻⵔ
