ⵜⴻⵙⵙⴰⵡⴻⴹ ⴷⵣⴰⵢⴻⵔ ⴰⴷ ⴷ-ⵜⵡⴻⴽⴽⴻⴷ, ⴷⴻⴳ ⵜⵙⴻⵍⵡⵉⵜ-ⵏⵏⴻⵙ ⵜⴰⵎⴻⵣⵣⴰⵢⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⴰⵎⵍⵉⵍⵜ-ⵏⵏⴻⵙ ⵜⴰⴳⴻⵍⵍⵓⵙⴰⵏⵜ ⴷⴻⴳ ⵓⵏⵔⴰⵔ ⴰⴳⵔⴰⵖⵍⴰⵏ, ⵢⴻⵔⵏⵓ ⵜⴻⵙⵙⴽⴻⵏ-ⴷ ⵜⵉⴽⴽⴻⵍⵜ ⵏⵉⴹⴻⵏ, ⵜⴰⵎⴻⵍⵡⵉ-ⵏⵏⴻⵙ ⴷⴻⴳ ⵓⵎⵣⴰⵖ ⵏ ⵜⴻⵎⵙⴰⵍ ⵜⵓⵖⴷⵉⵎⵉⵏ ⴷ ⵓⵙⵙⵓⵙⴻⵎ ⵏ ⵢⵉⵎⵔⵉⴳⴻⵏ ⵢⴻⵔⵏⵓ ⵜⴻⵙⵙⴰⵡⴻⴹ ⴰⴷ ⵜⴻⵙⴷⵓⵙ ⴰⵙⵡⵉⵏⴳⴻⵎ ⴰⴳⵔⴰⵖⵍⴰⵏ ⵉⵍⵎⴻⵏⴷ ⵏ ⵓⵙⴻⵍⵀⵓ ⵏ ⵓⵎⴰⴹⴰⵍ.
ⵙ ⵓⵣⵔⴰⴽ ⵏ ⵜⵙⴻⵏⴷⴰⵀ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵜⴻⵍⵀⴰ-ⴷ ⴷⵣⴰⵢⴻⵔ ⴰⴽⴽⴻⵏ ⵉⵡⴰⵜⴰ ⵙ ⵓⵎⵣⴰⵖ ⵏ ⵜⴻⵎⵙⴰⵍ ⵜⵓⵖⴷⵉⵎⵉⵏ ⴷⴻⴳ ⵜⴻⴼⵔⵉⵇⵜ ⴷ ⵓⵎⴰⴹⴰⵍ ⴰɛⵕⴰⴱ ⴷ ⵓⴼⴻⵔⵔⵓ ⵏ ⵢⵉⵎⵢⴻⵏⴽⴰⴼⴻⵏ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⵉⵔⵔⴷⴻⵏ ⵏ ⵓⵎⴰⴹⴰⵍ.
ⴷⵣⴰⵢⴻⵔ ⵜⵎⵓⵀⴻⵍ ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵎⴰⵙⵍⴰⴹⵜ ⵜⴰⵔⵎⴻⵣⴳⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷ ⵜⵎⴰⵙⵍⴰⴹⵜ ⵏ ⵜⴻⴳⵔⴰⵡⵜ ⵏ ⴰ3+, ⵜⴻⵙⵙⴰⵡⴻⴹ ⴷⵣⴰⵢⴻⵔ, ⵙ ⵓⵏⵥⴰ-ⵏⵏⴻⵙ ⴷ ⵜⴻⵎⵢⴰⴷⴰⵙⵜ-ⵏⵏⴻⵙ ⵢⴻⵔⵙⴻⵏ ⵖⴻⴼ ⵓⵎⵛⵉⵡⴻⵕ, ⴰⴽⴽⴻⵏ ⴰⴷ ⴷ-ⵜⴻⴱⴱⴻⴽ ⵎⴻⵏⵏⴰⵡ ⵏ ⵜⴻⵎⵍⵉⵍⵉⵢⵉⵏ ⵜⵓⵜⵔⵉⴱⵉⵏ ⵖⴻⴼ ⵜⴻⴳⵏⵉⵜ ⴷⴻⴳ ⴼⴰⵍⴻⵙⵟⵉⵏ ⴷ ⵢⵉⵎⵢⴻⵏⴽⴰⴼⴻⵏ ⵏⵉⴹⴻⵏ ⵢⴻⵍⵍⴰⵏ ⴷ ⵉⵎⴻⵙⵖⵉⵍⴼⴻⵏ, ⵢⴻⵔⵏⵓ ⵡⵉ ⴷ ⵉⵎⵢⴻⵏⴽⴰⴼⴻⵏ ⵏ ⵙⵓⴷⴰⵏ, ⵢⴰⵎⴰⵏ, ⵍⵓⴱⵏⴰⵏ, ⵍⵉⴱⵢⴰ, ⵙⵓⵔⵢⴰ, ⵜⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ, ⵀⴰⵉⵜⵉ ⴷ ⴽⵓⵍⵓⵎⴱⵢⴰ, ⴰⵎ ⵡⴰⴽⴽⴻⵏ ⵉ ⴷ-ⵜⴻⴱⴷⴰ ⵜⵉⵎⵍⵉⵍⵉⵢⵉⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ ⵉⵍⵎⴻⵏⴷ ⵏ ⵓⵙⴻⵍⵀⵓ ⵏ ⵓⵎⴰⴹⴰⵍ ⴷ ⵓⵎⴻⵙⵜⴻⵏ-ⵏⵏⴻⵙ ⵙⴻⴳ ⵜⵙⴰⴽⵔⴰⵔⵉⵏ ⴷ ⵢⵉⵛⵇⵉⵔⵔⵡⴻⵏ ⵉⵜⵜⴻⴳⴳⵣⴻⵏ ⵜⴰⵍⵙⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴰⵍⴻⵙⵟⵉⵏ, ⵜⴻⵙⵙⴰⵡⴻⴹ ⴷⵣⴰⵢⴻⵔ ⴰⴷ ⴷ-ⵜⴻⴱⴱⴻⴽ, ⴷⴻⴳ ⴽⵔⴰⵎⵔⴰⵡ ⵏ ⵡⵓⵙⵙⴰⵏ, ⵎⴻⵏⵏⴰⵡ ⵏ ⵜⴻⵎⵍⵉⵍⵉⵢⵉⵏ ⵜⵓⵜⵔⵉⴱⵉⵏ, ⵍⴰⴷⵖⴰ ⵖⴻⴼ ⵜⴻⵎⵙⴰⵍⵜ ⵏ ⵓⵙⴷⵓⵙⵓ ⵏ ⵓⵙⴻⴱⴷⴻⴷⵏ ⵏ ⵢⵉⵎⴻⵏⵖⵉ ⵢⴻⵍⵍⴰⵏ ⴷⴻⴳ ⵜⴻⵙⴼⵉⴼⵜ ⵏ ⵖⴻⵣⵣⴰ, ⵉⵍⵖⵉⵜⴻⵏ ⵏ ⵓⵙⵉⵔⴰ ⵏ ⵓⵍⴰⵖⴻⴱ ⴷ ⵢⵉⵎⴰⵀⵉⵍⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ ⵉⴼⴰⵍⴻⵙⵟⵉⵏⵉⵢⴻⵏ (ⵓⵏⵔⵡⴰ), ⴷ ⵜⴻⴳⵏⵉⵜ ⵏ ⵢⵉⴳⴻⵔⴷⴰⵏ ⴷⴻⴳ ⵓⴱⴰⵏⴷⵓ-ⴰ ⴰⴼⴰⵍⴻⵙⵟⵉⵏⵉ, ⵢⴻⵔⵏⵓ ⵢⴰⵍ ⵜⵉⴽⴽⴻⵍⵜ, ⵜⴻⵙⵙⴰⵡⴰⴹ ⴰⴷ ⵜⴻⵙⵙⴻⵏⵇⴻⵙ ⵙⴻⴳ ⵓⴷⴳⴰⵥ ⵏ ⵜⵖⴻⵔⴼⴰ ⵜⴰⴼⴰⵍⴻⵙⵟⵉⵏⵉⵜ ⵢⴻⵔⵏⵓ ⵜⴻⵜⵜⴰⵔⵔⴰ-ⴷ ⴷⴰⵖ ⴰⵙⵉⵔⴻⵎ ⵉ ⵜⵏⴻⴳⴳⴰⵔⵓⵜ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵉⴱⵢⴰ, ⵓⵙⵙⵉⵙⴻⵏ ⵏ ⴷⵣⴰⵢⴻⵔ ⵍⴼⴰⵏ-ⴷ ⴷ ⵉⵎⴻⵙⴳⵓⵎⵎⴰ ⵉⵎⵉ ⵉ ⵙⵙⴰⵡⴹⴻⵏ ⵖⴻⴼ “ⵓⵎⵜⴰⵡⴰ ⴷ ⴰⵎⴻⵣⵔⵓⵢⴰⵏ” ⵉ ⵢⴻǧǧⴰⵏ ⴰⴷⴰⴱⵓ ⴰⵍⵉⴱⵉ ⵏ ⵓⵙⴼⵓⴽⵜⵉ ⴰⴽⴽⴻⵏ ⴰⴷ ⵢⴰⵍⴻⵙ ⴰⴷ ⵢⴻⵙⴼⵓⴽⵜⵉ ⴰⵢⵍⴰ-ⵏⵏⴻⵙ ⴰⵍⵉⴱⵉ ⵉ ⵙⴳⴻⵔⵙⴻⵏⵜ ⵜⵙⵓⴷⴰ ⵜⵉⴷⵔⵉⵎⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵢⴻⵔⵏⵓ ⵢⴻⵜⵜⵡⴰⴷⴷⴻⵎ ⴷⴰⵖ ⵓⵖⵜⴰⵙ ⵉ ⵓⵃⴻⵜⵜⴻⵎ ⵏ ⵜⵙⴻⵇⵇⵉⵎⵜ ⵏ ⵢⵉⵡⴻⴷⴷⵉⴱⴻⵏ ⵖⴻⴼ ⵍⵉⴱⵢⴰ ⴰⴽⴽⴻⵏ ⴰⴷ ⵜⴻⵙⵙⴻⵖⵎⴻⵙ ⵉⴷⵓⴱⴰ ⵉⵍⵉⴱⵉⵢⴻⵏ ⵖⴻⴼ ⵡⴰⴽⴽ ⵜⵉⴱⵕⴰⵜⵉⵏ ⵢⴻⵇⵇⵏⴻⵏ ⵖⴻⵔ ⵡⴰⵢⵍⴰ ⴰⵍⵉⴱⵉ ⵢⴻⵜⵜⵡⴰⵙⴳⴻⵔⵙⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵏ ⵙⵓⵔⵢⴰ, ⵢⴰⵎⴰⵏ, ⵙⵓⴷⴰⵏ ⴷ ⵍⵓⴱⵏⴰⵏ, ⵜⴻⵙⵙⴰⵡⴻⴹ ⵜⵎⴰⴳⵍⴰ ⵜⴰⴷⵣⴰⵢⵔⵉⵜ, ⴷⴻⴼⴼⵉⵔ ⵎⴰ ⵜⴻⵙⵙⴻⵇⴷⴻⵛ ⴰⴽⴽ ⵜⴰⵣⵔⵉⵔⵜ-ⵏⵏⴻⵙ, ⴰⴽⴽⴻⵏ ⴰⴷ ⵜⴻⵙⵙⴻⵏⵥⵓ ⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵙ ⵜⵉⵅⵅⵓⵜⴻⵔⵜ ⵏ ⵓⴷⵀⴰⵍ ⵏ ⵢⵉⴽⴰⵍⴰⵜⴻⵏ ⵉⵙⴻⵔⵜⴰⵏⴻⵏ ⴷ-ⴱⴷⴰⵏ ⵢⵉⵖⴻⵔⴼⴰⵏ ⵏ ⵜⵎⵓⵔⴰ-ⴰ, ⵉⵍⵎⴻⵏⴷ ⵏ ⵓⴱⴻⴷⴷⵓ ⵏ ⵜⴰⵍⵍⵉⵜ ⴷ ⵜⴰⵎⴰⵢⵏⵓⵜ ⵡⴰⵔ ⵜⴰⴳⴻⵔⵎⴰⵏⵜ ⵜⴰⵡⴻⵔⴷⴰⵏⵉⵜ.
ⴷⵉⵎⴰ ⵉⵍⵎⴻⵏⴷ ⵏ ⵓⵙⵎⴰⵍ ⵏ ⵜⴰⵍⵡⵉⵜ ⴷⴻⴳ ⵓⵎⴰⴹⴰⵍ, ⵜⴻⴱⴱⴻⴽ-ⴷ ⴷⵣⴰⵢⴻⵔ, ⴷⴻⴳ ⵓⴽⴰⵜⴰⵔ ⵏ ⵜⴻⴳⵔⴰⵡⵜ ⵏ ⴰ3+, ⵜⵉⵎⵍⵉⵍⵉⵢⵉⵏ ⴷ ⵢⵉⵛⵉⵡⵕⴻⵏ ⵖⴻⴼ ⵜⴻⴳⵏⵉⵜ ⴷⴻⴳ ⴽⵓⵍⵓⵎⴱⵢⴰ, ⵜⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ ⴷ ⵀⴰⵉⵜⵉ, ⵢⴻⵔⵏⵓ ⵜⵡⴻⴽⴽⴻⴷ-ⴷ, ⴷⴻⴳ ⵢⴰⵍ ⵜⴰⴳⵏⵉⵜ, ⵖⴻⴼ ⵡⴰⵏⴰⴹ ⵏ ⵓⵙⵎⴻⵏⵢⵉⴼⵉ ⵏ ⵓⴱⵔⵉⴷ ⴰⴷⵉⵒⵍⵓⵎⴰⵜⵉ ⴷ ⵓⴷⵉⵡⴻⵏⵏⵉ ⵉ ⵓⵙⴻⵏⵇⴻⵙ ⵏ ⵛⵛⵡⴰⵍ.
ⴰⵔⵏⵓ ⵖⴻⵔ
