ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵓⵎⵍⴻⵏ-ⴷ ⵢⵉⵎⴰⵙⵍⴰⴹⴻⵏ ⵏ ⵜⵎⴰⴳⵍⴰ ⵜⴰⵎⴰⵔⵉⴽⴰⵏⵜ, ⵉ ⴷⴻⴳ ⵍⵍⴰⵏ ⵉⵖⴻⵔⵎⴰⵏⴻⵏ ⵏ ⵓⴳⴻⵣⴷⵓ ⵏ ⴽⴰⵏⵙⴰⵙ ⴷ ⵜⴻⵎⵏⴰⴹⵉⵏ ⵏⵉⴹⴻⵏ, ⴰⵙⵙ ⵏ ⵓⵙⵉⵏⴰⵙ ⴷⴻⴳ ⴷⵣⴰⵢⴻⵔ, ⴰⵏⴻɛⵔⵓⴹ ⵉ ⵙⴻⵏ-ⴷ-ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⴽⴽⴻⵏ ⴰⴷ ⵔⵣⵓⵏ ⵖⴻⵔ ⴷⵣⴰⵢⴻⵔ, ⵢⴻⵔⵏⵉ ⵓⵎⵍⴻⵏ-ⴷ ⴷⴰⵖ “ⵜⴰⵙⴻⵏⵜⴰⵢⵜ-ⴰ ⵜⵓⴼⵕⵉⵣⵜ ⴰⵔⴰ ⵢⴻⵙⴷⵓⵙⴻⵏⵜ ⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⵉⵎⴻⵙⴳⵉⵍⵢⴻⵏ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ-ⴰ ⵏ ⵜⵎⵓⵔⴰ”.
ⵉⵍⵎⴻⵏⴷ ⵏ ⵡⴰⵢⴰ, ⴰⵏⴻⵎⵀⴰⵍ ⵏ ⵜⴻⵎⴷⵉⵏⵜ ⵏ ⵍⴰⵡⵔⴻⵏⵛⴻ, ⵎⴰⵙⵙ ⴱⵔⴰⴷ ⴼⵉⵏⴽⴻⵍⴷⴻⵉ, ⵢⴻⵙⵙⴻⵏⴼⴰⵍⵉ-ⴷ ⵉⵙⵏⴻⵎⵎⴰⵔ-ⵏⵏⴻⵙ ⵉ ⴷⵣⴰⵢⴻⵔ ⵖⴻⴼ ⵓⵙⵏⵓⴱⴳⴻⵜ-ⴰ ⵉⵖⴻⴼ ⴷ-ⵢⴻⵏⵏⴰ ⴷⴰⴽⴽⴻⵏ ⴷ “ⵜⴰⵔⵎⵉⵜ ⵜⴰⵙⵓⵔⴼⴰⵏⵜ ⴰⵔⴰ ⵢⴰⵡⵙⴻⵏ ⴷⴻⴳ ⵓⵙⴷⵓⵙ ⵏ ⵡⴰⵙⵙⴰⵖⴻⵏ ⴳⴰⵔ ⵢⵉⵖⴻⵔⴼⴰⵏ ⴰⴷⵣⴰⵢⵔⵉ ⴷ ⵓⵎⴰⵔⵉⴽⴰⵏ”.
ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵔⵣⵉ-ⴰ ⵜⵓⵙⴰ-ⴷ “ⴷⴻⴳ ⵓⴹⴼⴻⵔ ⵏ ⵜⵉⵎⵎⵉⴷⵡⴰ ⵜⴰⵙⵓⵔⴼⴰⵏⵜ ⵉ ⴷ-ⵢⴻⵜⵜⵡⴰⵙⵖⴻⵏⵡⴻⵏ ⴳⴰⵔ ⵢⵉⴷⵣⴰⵢⵔⵉⵢⴻⵏ ⴷ ⵉⵖⴻⵔⵎⴰⵏⴻⵏ ⵏ ⵜⴻⵎⴷⵉⵏⵜ ⵏ ⵍⴰⵡⵔⴻⵏⵛⴻ, ⴰⵢⴰ ⵉ ⵜⴻⵏ-ⵢⴻⵙⵙⴰⵡⴹⴻⵏ ⴰⴷ ⴰⵎⵔⴻⵏ ⵉⵎⵉ ⵍⵍⴰⵏ ⴷⴰ ⴰⵙⵙ-ⴰ, ⴰⴽⴽⴻⵏ ⴰⴷ ⵍⴻⵎⴷⴻⵏ ⵓⴳⴰⵔ ⵖⴻⴼ ⵓⵎⴻⵣⵔⵓⵢ ⵏ ⴷⵣⴰⵢⴻⵔ ⵢⴻⵔⵏⵓ ⴰⴷ ⵎⵍⵉⵍⴻⵏ ⵜⵉⴽⴻⵍⵜ ⵏⵉⴹⴻⵏ ⵉⵎⵉⴷⵉⵢⴻⵏ ⵉⴷⵣⴰⴰⵢⵔⵉⵢⴻⵏ, ⴰⵢⴰ ⴰⵔⴰ ⵢⴻⴳⴳⵓⵏⵉⵏ ⵉ ⵡⴰⵙⵙⴰⵖⴻⵏ ⵏ ⵜⵉⵎⵎⵉⴷⵡⴰ ⵉ ⵢⴻⵇⵇⵏⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴷ ⵏⵏⴻⴳⵎⵓⵏ ⵓⴳⴰⵔ”.
ⵎⵉ ⴷ-ⵢⴻⴱⴷⴻⵔ ⴷⴰⴽⴽⴻⵏ ⴰⵀⵉⵍ ⵉ ⴷ-ⵢⴻⵜⵜⵡⴰⵖⴷⴻⵏ ⴰⴷ ⴷ-ⵜⵉⵍⵉ ⴷⴻⴳ-ⵙ ⵢⵉⵡⴻⵜ ⵏ ⵜⵉⵔⵣⵉ ⵖⴻⵔ ⵜⵡⵉⵍⴰⵢⵜ ⵏ ⵜⵉⵒⴰⵣⴰ, ⴰⵎⴰⵙⴰⵢ ⴰⵎⴰⵔⵉⴽⴰⵏ ⵢⴻⵙⵙⴻⴳⵣⵉ-ⴷ ⴷⴰⴽⴽⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ, ⴰⴷⵣⴰⵢⵔⵉ ⴷ ⵓⵎⴰⵔⵉⴽⴰⵏ, “ⵜⵜⵎⴰⵀⴰⵍⴻⵏ ⵖⴻⴼ ⵓⵙⵙⴻⵔⵙⵉ ⵏ ⵓⵙⵉⴽⵏⴻⵡ ⴳⴰⵔ ⵜⴻⵎⴷⵉⵏⵜ ⵏ ⵜⵉⵒⴰⵣⴰ ⴷ ⵢⵉⵡⴻⵜ ⵏ ⵜⴻⵎⴷⵉⵏⵜ ⵜⴰⵎⴰⵔⵉⴽⴰⵏⵜ”.
ⴷⴻⴳ ⵡⴰⵜⵜⴰⵍ-ⴰ, ⴰⵏⴻⵎⵀⴰⵍ ⵏ ⵜⴻⵎⴷⵉⵏⵜ ⵏ ⴻⵍⴽⴰⴷⴻⵔ, ⵎⴰⵙⵙ ⵊoⵙⵀ ⵔ. ⵒoⵒⴻ, ⵢⵓⵎⴻⵍ-ⴷ “ⴰⵔⵎⴰⵙ ⴰⵣⴻⵖⵍⴰⵏ ⴷ ⵓⵙⵏⵉⵊⴻⵡ ⵢⴻⵍⵀⴰⵏ ⵉ ⵢⵓⴼⴰ ⴷⴻⴳ ⴷⵣⴰⵢⴻⵔ”, ⵢⴻⵜⵜⵡⴰⵍⵉ ⴷⴰⴽⴽⴻⵏ ⵜⴰⴽⴰⵜⵓⵜ ⵏ ⵍⴰⵎⵉⵔ ⴰⴱⴷⴻⵍⴽⴰⴷⴻⵔ ⵜⴻⵙⵙⴻⴽⵏⴰⵢ-ⴷ ⵢⵉⵡⴻⵏ ⵙⴻⴳ ⵢⵉⵏⵣⴰⵜⴻⵏ ⵉ ⴷ-ⵢⵓⴳⴰⵔⴻⵏ ⵓⴳⴰⵔ ⴷⴻⴳ ⵓⵎⴻⵣⵔⵓⵢ ⴷ ⵡⴰⵙⵙⴰⵖⴻⵏ ⵓⴳⴳⵉⵍⴻⵏ ⵏ ⵜⵉⵎⵎⵉⴷⵡⴰ ⵉ ⵢⴻⵙⴷⵓⴽⴽⵍⴻⵏ ⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⵢⴻⵔⵏⵓ ⵢⴻⵔⵏⴰ: “ⵢⴻⵡⵡⴻⴹ-ⴷ ⵡⴰⴽⵓⴷ ⴰⴽⴽⴻⵏ ⴰⴷ ⵏⴽⴻⵎⵎⴻⵍ ⴷⴻⴳ ⵓⵙⴷⵓⵙ ⵏ ⵡⴰⵙⵙⴰⵖⴻⵏ-ⴰ ⵉⵇⴱⵓⵔⴻⵏ”.
ⵉⴽⴻⵍⵙⴻ-ⴷ ⴷⴰⵖⴻⵏ, ⵉⵍⵎⴻⵏⴷ ⵏ ⵡⴰⵢⴰ, ⵉⵙⴻⵖ ⵏ ⵓⵖⵔⴻⴼ ⴰⵎⴰⵔⵉⴽⴰⵏ ⵖⴻⵔ ⵢⵉⵙⴻⴱⵖⴰⵙⴻⵏ ⵉⴷⵣⴰⴰⵢⵔⵉⵢⴻⵏ ⵉ ⴷ-ⵢⵓⵙⵉⵏ ⵖⴻⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴰⴽⴽⴻⵏ ⴰⴷ ⵙⵙⴻⴱⵖⴻⵙⴻⵏ ⵜⴰⵖⵍⴰⵎⵜ-ⵏⵙⴻⵏ ⵜⴰⵖⴻⵍⵏⴰⵡⵜ ⵏ ⵜⴰⵛⵉⵔⴹⴰⵔⵜ ⵙⴻⴳ ⵓⴽⴽ ⵜⵉⵎⵏⴰⴹⵉⵏ ⵏ ⴷⵣⴰⵢⴻⵔ, ⴰⵢⴰ ⵉ ⵢⴻⵔⵔⴰⵏ ⵜⴰⵎⵙⵍⴰⵜ-ⴰ ⴷ “ⵓⴳⴰⵔ ⵏ ⵜⵓⵔⴰⵔⵜ ⵏ ⵜⴰⵛⵉⵔⴹⴰⵔⵜ”, ⵉⵎⵉ ⵜⴰⵇⴱⵓⵛⵜ ⵜⴰⵏⵎⴰⴹⴰⵍⵜ ⵜⴻⵍⵍⴰ ⴷ “ⵜⴰⴳⵏⵉⵜ ⴰⴽⴽⴻⵏ ⴰⴷ ⵏⴻⵙⵙⴻⵖⵏⴻⵡ ⴰⵙⵙⴰⵖⴻⵏ ⵏ ⵜⵉⵎⵎⵉⴷⵡⴰ ⵓⴼⵕⵉⵣⴻⵏ ⴷⴻⴳ ⵡⴰⵏⴰⵡ-ⵏⵙⴻⵏ ⵉⴷ ⵏ ⵢⵉⵖⴻⵔⵎⴰⵏⴻⵏ ⵉⵎⴰⵔⵉⴽⴰⵏⵉⵢⴻⵏ”.
ⵎⴰ ⴷ ⵜⴰⵎⴰⵙⵡⴰⴹⵜ ⵏ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵏ ⵜⴻⵎⴷⵉⵏⵜ ⵏ ⴽⴰⵏⵙⴰⵙ ⵛⵉⵜⵢ, ⵎⴰⵙⵙⴰ ⵎⴻⴳⴰⵏ ⴷⴻⵏⵉⵙⴻ ⴱⴰⵔⴷⵡⴻⵍⵍ, ⵉ ⴷ-ⵢⴻⵍⵍⴰⵏ ⴷⴻⴳ ⵎⴻⵏⵏⴰⵡ ⵏ ⵜⴻⵥⵔⵉⵢⵉⵏ ⴷⴻⴳ ⵡⴰⴽⵓⴷ ⵏ ⵓⵙⴼⵓⴳⴻⵍ ⴰⴽⴽⴻⴷ ⵢⵉⵙⴻⴱⵖⴰⵙⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⴱⵔⵉⴷⴻⵏ ⵏ ⵜⴻⵎⴷⵉⵏⵜ-ⴰ ⵜⴰⵎⴰⵔⵉⴽⴰⵏⵜ ⴷⴻⴳ ⵜⵉⴷⵢⴰⵏⵉⵏ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ, ⵜⵓⵎⴻⵍ-ⴷ ⴷⴰⵖⴻⵏ ⴰⵏⴻɛⵔⵓⴹ ⵉ ⴷ-ⵢⵓⵛⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵉ ⵉⵖⴻⵔⵎⴰⵏⴻⵏ ⵏ ⵓⴳⴻⵣⴷⵓ ⴰⴽⴽⴻⵏ ⴰⴷ ⴷ-ⴳⴻⵏ ⵜⵉⵔⵣⵉ ⵏ ⵜⵉⵎⵎⵉⴷⵡⴰ ⵖⴻⵔ ⴷⵣⴰⵢⴻⵔ, ⴰⵢⴻⵏ ⵉ ⵢⴻⵜⵜⵡⴰⵍⵉ ⴷ “ⴰⵙⴻⵔⵀⵓ ⴰⵅⴰⵜⴰⵔ”.
ⵜⴻⵔⵏⴰ-ⴷ ⴷⴰⴽⴽⴻⵏ ⵜⵉⵔⵣⵉ-ⴰ ⵜⴻⵍⵍⴰ ⴷ “ⵜⴰⵍⴻⵎⵎⵉⵥⵜ ⵜⴰⵙⵓⵔⴼⴰⵏⵜ ⴰⴽⴽⴻⵏ ⴰⴷ ⵏⴻⵙⵙⴻⵏ ⵉⴷⵍⴻⵙ ⵏ ⴷⵣⴰⵢⴻⵔ ⵢⴻⵔⵏⵓ ⴰⴷ ⵙⵏⵉⵔⴻⵎ ⵉⴷⴻⴳⴳⴻⵏ ⵉⵎⴻⵣⵔⵓⵢⴰⵏⴻⵏ ⵉ ⴷⴻⴳ ⵜⴻⵍⵍⴰ ⵜⴻⵞⵞⵓⵔ ⵢⴻⵙ-ⵙⴻⵏ”, ⵜⴻⵔⵏⴰ ⵜⴻⵙⵙⴻⴽⵏⴰⵢ-ⴷ ⴰⵙⴻⵔⵀⵓ-ⵏⵏⴻⵙ ⵉ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⴷ ⵢⵉⵙⴻⴱⵖⴰⵙⴻⵏ-ⵏⵏⴻⵙ, ⴰⵢⴻⵏ ⵉ ⵜⴻⵙⵙⴻⵏⴼⴰⵍⵉ ⵙ ⵡⴰⵡⴰⵍ: “ⵏⴻⵙⵙɛⴻⴷⴷⴰ ⴰⴽⵓⴷ ⴰⵎⴰⴳⵔⴰⵣ ⵢⵉⴷ-ⵙⴻⵏ ⴷⴻⴳ ⵜⵥⵔⵉⴳⵜ ⵜⴰⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ, ⵙ ⵜⴰⵥⵡⴻⵔⵜ ⵜⵓⵎⵏⵉⴳⵜ ⵉ ⵢⴻⵙ-ⵙⴻⵏ ⵜⵜⵡⴰⵙⵙⵏⴻⵏ ⴷ ⵜⵉⵎⵎⵉⴷⴷⴻⵔⵜ ⵉ ⴷ-ⵙⴻⴽⵏⴻⵏ ⴷⴻⴳ ⵢⴻⴱⵔⵉⴷⴻⵏ ⵏ ⴽⴰⵏⵙⴰⵙ ⵛⵉⵜⵢ, ⴰⵢⴰ ⵉ ⵢⵉ-ⵢⴻⵙⵙⴰⵡⴹⴻⵏ ⴰⴷ ⴳⵔⵓⵎⴷⴻⵖ ⵢⵉⴷ-ⵙⴻⵏ ⴷⴻⴳ ⵢⵉⵡⴻⵏ ⵏ ⵡⴰⴽⵓⴷ ⵉⴷⴻⴳ ⵜⵜⴳⴳⴻⵖ ⵜⵉⵡⵓⵔⵉⵡⵉⵏ-ⵉⵏⵓ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵏⵎⴰⵣⴰⵍⵜ ⵜⴰⵇⴱⵓⵔⵜ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴷⴻⴳ ⴷⵣⴰⵢⴻⵔ, ⵎⴰⵙⵙ ⴻⵍⵉⵣⴰⴱⴻⵜⵀ ⵎooⵔⴻ ⴰⵓⴱⵉⵏ, ⵜⴻⵙⵙⴻⵏⴼⴰⵍⵉ-ⴷ ⵜⵓⵎⴻⵔⵜ-ⵏⵏⴻⵙ ⴷ ⵓⴱⵖⴰⵙ-ⵏⵏⴻⵙ ⴰⴽⴽⴻⵏ ⴰⴷ ⵜⵉⵍⵉ ⴷⴻⴳ ⵜⵎⴰⴳⵍⴰ ⵜⴰⵎⴰⵔⵉⴽⴰⵏⵜ ⵉ ⴷ-ⵢⵓⵙⴰⵏ ⵖⴻⵔ ⴷⵣⴰⵢⴻⵔ ⴷⴻⴳ ⵓⴽⴰⵜⴰⵔ ⵏ “ⵜⴰⵙⴻⵏⵜⴰⵢⵜ ⵜⴰⵙⵓⵔⴼⴰⵏⵜ”, ⴷⴻⴳ ⵜⵉⵔⵉⵔⵉⵜ ⵉ ⵓⵙⵏⵓⴱⴳⴻⵜ ⵉ ⴷ-ⵢⵓⵛⴰ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴽⴽⴻⵏ ⴰⴷ ⵏⴻⴳ ⵜⵉⵔⵣⵉ ⵏ ⵜⵉⵎⵎⵉⴷⵡⴰ ⵖⴻⵔ ⴷⵣⴰⵢⴻⵔ, ⴷⴻⴳ ⵓⵙⴷⵓⵙ ⵏ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ-ⴰ ⵏ ⵜⵎⵓⵔⴰ.
ⵜⴻⵏⵏⴰ-ⴷ ⵉⵍⵎⴻⵏⴷ ⵏ ⵡⴰⵢⴰ: “ⴷⴻⵔⵡⴻⵖ ⴷⴻⴳ ⵓⵙⴻⵕⵀⵓ ⴰⵅⴰⵜⴰⵔ ⴰⴽⴽⴻⵏ ⴰⴷ ⴷ-ⵡⴻⵍⵍⵉⵖ ⵖⴻⵔ ⴷⵣⴰⵢⴻⵔ ⴰⵙⴻⴳⴳⴰⵙ-ⴰ, ⴷⴻⴼⴼⵉⵔ ⵜⴰⵔⵎⵉⵜ ⵜⴰⵙⵓⵔⴼⴰⵏⵜ ⵉ ⴷ-ⵎⴻⵙⵍⴻⵏ ⵉⴷⵣⴰⴰⵢⵔⵉⵢⴻⵏ ⴷ ⵢⵉⵖⴻⵔⵎⴰⵏⴻⵏ ⵏ ⴽⴰⵏⵙⴰⵙ ⴷⴻⴳ ⵜⵥⵔⵉⴳⵜ ⵜⴰⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴰⵛⵉⵔⴹⴰⵔⵜ”.
ⵜⴻⵙⵙⵎⴻⴽⵜⵉ-ⴷ ⴷⴰⵖⴻⵏ ⴷⴰⴽⴽⴻⵏ ⵉⵎⴻⵣⴷⴰⵖ ⵏ ⵜⴻⵎⴷⵉⵏⵜ ⵏ ⴻⵍⴽⴰⴷⴻⵔ, ⵉ ⵢⴻⵍⵍⴰⵏ ⵜⴻⵔⴼⴻⴷ ⵉⵙⴻⵎ ⵏ ⵍⴰⵎⵉⵔ ⴰⴱⴷⴻⵍⴽⴰⴷⴻⵔ, ⵇⵇⵏⴻⵏ-ⵜⴻⵏ ⴷ ⴷⵣⴰⵢⴻⵔ “ⴰⵙⵙⴰⵖⴻⵏ ⵉⵣⴻⴳⵔⴰⵔⴻⵏ ⵉ ⴷ-ⵢⴻⵜⵜⵡⴰⵙⵙⴻⵏ ⵖⴻⴼ ⵓⴳⴰⵔ ⵏ ⴽⵓⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ”.
ⵎⴰⵙⵙ ⵎooⵔⴻ ⴰⵓⴱⵉⵏ ⵜⴻⵙⵙⴻⵏⴼⴰⵍⵉ-ⴷ ⴷⴰⴽⴽⴻⵏ ⵜⵉⵔⵣⵉ-ⴰ “ⴰⴷ ⵜⴰⵡⴻⵙ ⴷⴻⴳ ⵓⴽⴻⵎⵎⴻⵍ ⵏ ⵓⵙⴻⵎⵀⴻⵣ ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵙⵉⵏ-ⴰ ⵏ ⵢⵉⵖⴻⵔⴼⴰⵏ, ⴰⴷⵣⴰⵢⵔⵉ ⴷ ⵓⵎⴰⵔⵉⴽⴰⵏ”, ⵍⴰⴷⵖⴰ ⵙ ⵢⵉⵎⵢⴰⴳⵔⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵢⵉⵙⵡⵉⵔⴻⵏ ⵢⴻⵎⴳⴰⵔⴰⴷⴻⵏ, ⵢⴻⵔⵏⵓ ⵍⵍⴰⵏ ⴷ ⴰⵢⴻⵏ ⴰⵔⴰ ⴰⴷ ⵢⴻⵥⵥⵓⵏ ⵜⴰⴷⵉⵏⴰⵎⵉⵜ ⵉ ⵢⴻⵙⵙⵉⵏⴻⵏ ⵡⴰⵙⵙⴰⵖⴻⵏ ⵉⴷⵣⴰⵢⵔⵉⵢⴻⵏ-ⵉⵎⴰⵔⵉⴽⴰⵏⵉⵢⴻⵏ.
ⴰⵔⵏⵓ ⵖⴻⵔ
