ⵢⴻⵄⵍⴻⵎ-ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵏ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ (AAPI), ⵎⴰⵙⵙ ⵓⵎⴰⵔ ⵔⴻⴽⴽⴰⵛⵀⴻ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ (ⵢⵉⵎⴰⵍⴰⵙ) ⵙ ⵍⵇⴻⴷⴷ ⴰⵎⴻⵇⵇⵔⴰⵏ, ⴰⴷ ⴷ-ⴼⴼⵖⴻⵏ ⵢⵉⴹⵔⵉⵙⴻⵏ ⵏ ⵓⵙⵓⴷⴷⴻⵙ ⵉⵎⴰⵢⵏⵓⵜⴻⵏ ⵢⴻⵄⵏⴰⵏ ⴰⵎⴰⵀⵉⵍ ⵏ ⵢⵉⵙⴼⴰⵢⵍⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵙⵏⵓⵔⴻⴼⵜ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⴰⵍⵍⴻⵍⵜ ⵉ ⵢⵉⵎⵙⴻⵜⵎⴰⵔⴻⵏ .
ⵜⴰⵎⵙⴰⵍⵜ-ⴰⴳⵉ ⵜⴻⵜⵜⵡⴰⴱⴱⴷⴻⵔ-ⴷ ⴷⴻⴳ ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⴷⵉⵡⴻⵏⵏⵉ ⴷⴻⴳ ⵓⵏⵏⴰⵔ ⵏ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵜ ⵉ ⴷ-ⵜⴻⵙⵙⵓⴷⴷⴻⵙ ⵜⵙⵏⵓⵔⴻⴼⵜ ⵏ ⵜⴻⵣⵔⴰⵡⵉⵏ "PwC" ⵙ ⵜⴷⵓⴽⵍⵉ ⴷ ⵓⵙⵇⴰⵎⵓ ⵏ ⵓⵙⴻⴷⴷⴻⵔ ⴰⴷⴰⵎⵙⴰⵏ ⴰⵣⵣⴰⵢⵔⵉ ⴷⴻⴳ ⵡⴰⵎⵎⴰⵙ ⴰⴳⵔⴻⵖⵍⴰⵏ ⵏ ⵜⵎⵓⵖⵍⵉⵡⵉⵏ "ⴰⴱⴷⴻⵍⴰⵜⵉⴼ ⵔⴰⵀⴰⵍ", ⵙ ⵜⵉⵍⵉⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵙⵏⵉⵡⵉⵏ ⵜⵉⴷⴰⵎⵙⴰⵏⵉⵏ ⴷ ⵢⵉⵎⵓⵣⵣⴰⴳⴻⵏ.
ⵉⵙⵙⴻⴼⵀⴻⵎ-ⴷ ⵔⴻⴽⴽⴰⵛⵀⴻ ⴷⴻⴳ ⵜⵎⴻⵙⵍⴰⵢⵜ-ⵉⵙ ⴱⴻⵍⵍⵉ ⵙⴻⵍⴷ ⴰⵙⴻⵙⵜⵔⴻⴼ ⵏ ⵓⵏⴰⴱⴰⴹ ⴼⴻⵍⵍ-ⴰⵙⴻⵏ, ⴰⴷ ⴷ-ⵙⵓⴼⴼⵖⴻⵏ ⵢⵉⴹⵔⵉⵙⴻⵏ-ⴰⴳⵉ ⵉⵎⴰⵢⵏⵓⵜⴻⵏ ⵉ ⵓⵙⵓⴷⴷⴻⵙ ⵏ ⵓⵎⴰⵀⵉⵍ ⵏ ⵢⵉⵙⴼⴰⵢⵍⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴰⵍⵍⵉⵜ ⵏ ⵢⵉⵡⴻⵏ ⵏ ⵢⵉⵎⴰⵍⴰⵙ ⵙ ⵍⵇⴻⴷⴷ ⴰⵎⴻⵇⵇⵔⴰⵏ.
ⵙⴻⵍⴷ ⵎⵉ ⵉⵙⴻⵎⵎⴰ ⵉ ⵜⵓⴼⴼⵖⴰ ⵏ ⵢⵉⴹⵔⵉⵙⴻⵏ-ⴰⴳⵉ ⴷ "ⴰⵙⵓⵔⵉⴼ ⵉⵕⴻⵙⵙⴰⵏ ⵉ ⵓⵙⵏⴻⵔⵏⵉ ⵏ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ", ⵉⵙⵙⴻⴽⵏⴻⴷ ⵓⵎⴹⴻⴱⴱⴻⵔ ⴰⵎⴰⵜⵓ ⴱⴻⵍⵍⵉ ⵉⵙⵡⵉ ⵏ ⵡⴰⵏⵏⴻⵛⵜ-ⴰ ⴷ ⴰⵔⵔⴰ ⵏ ⵢⵉⵙⴼⴰⵢⵍⴻن ⵢⴻⴷⴷⵓⴽⴽⵍⴻⵏ ⴷ "ⵓⴷⴻⵎ ⵢⵉⵡⴻⵏ ⵏ ⵜⵉⴷⴻⵜ ⵣⴷⴰⵜ ⵏ ⵢⵉⵎⵙⴻⵜⵎⴰⵔⴻⵏ", ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵓⵃⵔⴰⵣ-ⵏⵙⴻⵏ ⵓ ⴰⴷ ⵜⵜⵓⴽⴽⵉⵙ ⵢⴰⴽⴽ ⵜⵉⵛⴻⵇⵇⴰⴼⵉⵏ
ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ ⴰⵙⴰⵍⵉ ⵏ ⵢⵉⴹⵔⵉⵙⴻⵏ-ⴰⴳⵉ ⵢⴻⵍⵍⴰ-ⴷ ⵙ ⵓⵎⵛⴻⵡⵡⴻⵔ ⴷ ⵓⵙⵇⴰⵎⵓ ⵏ ⵓⵙⴻⴷⴷⴻⵔ ⴰⴷⴰⵎⵙⴰⵏ ⴰⵣⵣⴰⵢⵔⵉ (CREA), ⵉⵙⵙⴻⴽⵜⵉ-ⴷ ⴷⴰⵖⴻⵏ ⴱⴻⵍⵍⵉ ⴰⴷ ⴷ-ⵢⵉⵍⵉ ⵡⴰⵙⵙ ⵏ ⵓⵙⴻⵜⴼⴻⵀⵎ ⵉ ⵓⵙⴻⵏⴽⴻⴷ ⵏ ⵢⵉⵙⴰⵍⴰⵏ-ⵏⵙⴻⵏ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ.
ⴰⵔⵏⵓ ⵖⴻⵔ
