ⵜⴻⵙⵙⴻⵏⴽⴰⴷ-ⴷ ⵜⴻⵙⵙⵖⵓⵏⵜ ⵏ "ⵍⵄⴻⵙⴽⴻⵔ" (ⴻⵍ-ⴷⵊⴻⵉⵛⵀ) ⴷⴻⴳ ⵓⵟⵟⵓⵏ-ⵉⵙ ⵏ ⵡⴰⴳⴳⵓⵔ ⵏ ⵛⵜⴻⵎⴱⴻⵔ, ⴱⴻⵍⵍⵉ ⴰⵖⵔⴻⴼ ⵏ ⵍⴻⵣⵣⴰⵢⴻⵔ ⵉⵙⴱⴻⴳⴳⴻⵏ-ⴷ ⴷⴻⴳ ⵜⵎⴻⵙ ⵉ ⵉⵀⵓⵡⵡⵛⴻⵏ ⴷⴷⵓⵕⵜ ⵉⵄⴻⴷⴷⴰ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴱⴻⵍⵍⵉ ⴷ ⵢⵉⵡⴻⵏ ⵏ ⵓⵣⴻⵟⵟⴰ ⵉ ⵢⴻⵜⵜⵏⴻⵔⵏⵉ ⵍⵯⴻⵀⴷ-ⵉⵙ ⴷⴻⴳ ⵜⴰⵍⵍⵉⵜ ⵏ ⴷⴷⵉⵇ ⴷ ⵜⵡⴰⵢⵉⵡⵉⵏ.
ⵙ ⴷⴷⴰⵡ ⵏ ⵓⵣⵡⴻⵍ: "ⴰⵖⵔⴻⴼ ⴰⵇⵓⵔⴰⵏ ⵓⵔ ⵏⵔⴻⵣⵣ ⴰⵔⴰ ⴷⴻⴳ ⴷⴷⵉⵇ ⵢⴻⵔⵏⴰ ⵓⵔ ⵜ-ⵉⴷ-ⵜⴻⵙⵙⴻⵏⵀⴰⵣ ⴰⵔⴰ ⵜⵎⴻⵙ ⵏ ⵜⵏⴰⴼⴰⵛⵉⵏ (ⴼⵉⵜⵏⴰ)", ⵜⴻⴱⴷⴰ ⵜⴻⵣⵡⴰⵔⵜ ⵏ ⵜⴻⵙⵖⵓⵏⵜ ⵙ ⵓⴽⵜⴰⵢ ⵏ ⵜⵡⴰⵢⵉⵜ ⵉ ⵜⵜⴻⴷⴷⵉⵔ ⵍⴻⵣⵣⴰⵢⴻⵔ ⴷⴻⴳ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵉⵄⴻⴷⴷⴰ ⵉ ⴷ-ⵜⴻⵯⵯⴰ ⵜⵎⴻⵙ ⵏ ⵜⵥⴻⴳⵡⴰ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵓⵙⴰⵎⴰⵔ ⴷ ⵜⵍⴻⵎⵎⴰⵙⵜ ⵏ ⵜⵎⵓⵔⵜ.
ⵜⴰⵣⵡⴰⵔⵜ ⵜⵙⴻⴳⵣⵉ-ⴷ ⴱⴻⵍⵍⵉ ⵜⴰⵡⴰⵢⵉⵜ-ⴰⴳⵉ "ⵖⴰⵙ ⴰⴽⴽⴻⵏ ⵜⴻⵙⵙⴻⵃⵣⴻⵏ ⵍⴻⵣⵣⴰⵢⵔⵉⵢⴻⵏ ⴰⴽⴽ, ⵜⴻⵙⵙⴻⴽⴼⴻⵍ-ⴷ ⵜⵉⴽⴽⴻⵍⵜ ⵏⵏⵉⴹⴻⵏ ⵍⵍⵙⴰⵙ-ⵏⵙⴻⵏ ⵉⵚⴻⵃⵃⴰⵏ ⴷ ⵓⴹⵓ ⵏ ⵜⴻⴳⵎⴰⵜ ⴷ ⵜⴷⴰⵎⴻⵏⵜ ⵉ ⵜⴻⵏ-ⵢⴻⵙⵙⴻⵎⵍⴰⵍⴻⵏ".
ⵜⴰⵙⵖⵓⵏⵜ ⵜⴻⴱⴷⴻⵔ-ⴷ ⴷⴻⴳ ⵓⴱⵔⵉⴷ-ⴰⴳⵉ ⴰⵡⴰⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵙⴷⴻⴼⴼⵉⵔ ⵔⵔⴻⵣ-ⵉⵙ ⵖⴻⵔ ⵓⵙⵡⴰⵙ (ⴰⵙⴱⵉⵟⴰⵔ) ⵏ ⵢⵉⵎⴻⵙⵔⴻⵖⵜⴻⵏ ⵉⵎⴻⵇⵇⵔⴰⵏⴻⵏ "ⴷⵔ. ⵙⴰⵉⴷ ⵛⵀⵉⴱⴰⵏⴻ" ⴷⴻⴳ ⵣⴻⵔⴰⵍⴷⴰ, ⴷⴰⴳⵉ ⵉ ⴷ-ⵢⴻⵏⵏⴰ: "ⴰⵙⵙⴻⴱⵔⴻⵏ-ⵏⵏⴻⵖ ⵢⴻⵍⵍⴰ-ⴷ ⴷⴻⴳ ⵜⴷⴰⵎⴻⵏⵜ ⵏ ⵓⵖⵔⴻⴼ ⵏ ⵍⴻⵣⵣⴰⵢⴻⵔ, ⵉ ⴷ-ⵢⴻⵯⵯⴰⵏ ⴰⴷ ⵏⴻⵃⵓⵍⴼⵓ ⵙ ⵓⵣⵉⵢⴻⵔ ⵏ ⵓⵏⵢⵓⴷⴷⵓ ⵖⴻⵔ ⵍⴻⵣⵣⴰⵢⴻⵔ".
ⴷⴻⴳ ⵡⴰⵏⵏⴰⵔ ⵏ ⵡⵉⴷⴻⵏⴻⴷ ⴳⴰⵔ ⵓⵖⵔⴻⴼ ⴷ ⵍⵄⴻⵙⴽⴻⵔ-ⵉⵙ, ⵜⴰⵙⵖⵓⵏⵜ ⵜⴻⵏⵏⴰ-ⴷ ⴱⴻⵍⵍⵉ "ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵏⵃ), ⵡⵉⵏ ⵉ ⴷ-ⵢⴻⴼⴼⵖⴻⵏ ⵙⴻⴳ ⵓⴼⵓⵙ ⵏ ⵍⵄⴻⵙⴽⴻⵔ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ (ⴰⵍⵏ), ⵢⴻⵜⵜⴰⵡⵉ ⵍⵯⴻⵀⴷ-ⵉⵙ ⵙⴻⴳ ⵓⵇⵇⴻⵏ-ⵉⵙ ⴷ ⵓⵖⵔⴻⴼ-ⵉⵙ". ⴰⵢⴰⴳⵉ ⴷ ⴰⵢⴻⵏ ⵉ ⴷ-ⵢⴻⵏⵏⴰ ⵍⴼⴰⵔⵉⵇ ⴰⵎⴻⵣⵡⴰⵔⵓ ⵙⴰïⴷ ⵛⴰⵏⴻⴳⵔⵉⵀⴰ.
ⵜⴰⵣⵡⴰⵔⵜ ⵏ ⵜⴻⵙⵖⵓⵏⵜ ⵜⴻⵏⴼⵓⴽⴽ ⵙ ⵡⴰⵡⴰⵍ ⴱⴻⵍⵍⵉ "ⵍⴻⵣⵣⴰⵢⴻⵔ ⴰⴷ ⵜⴻⵇⵇⵉⵎ ⵙ ⵍⵯⴻⵀⴷ ⵣⴷⴰⵜ ⵏ ⵢⴰⵍ ⵜⴰⵎⵔⴰⵢⵜ, ⵢⴻⵔⵏⴰ ⵓⵔ ⵜⴽⵏⵓ ⴰⵔⴰ ⵣⴷⴰⵜ ⵏ ⴷⴷⵉⵇ, ⵙ ⵜⴰⵍⵍⴻⵍⵜ ⵏ ⵜⴷⵓⴽⵍⵉ, ⵜⴷⴰⵎⴻⵏⵜ ⴷ ⵜⴰⵢⵓⵏⴰⵏⵜ ⵏⵏⴻⵖ".
ⴰⵔⵏⵓ ⵖⴻⵔ
