ⵉⵃⵓⴷⴻⵔ ⵓⵏⴻⵖⵍⴰⴼ ⵏ ⵜⴻⵣⵎⴻⵔⵜ, ⵎⵓⵃⴻⵎⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵄⵓⴷⴰⵏ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵖⴻⴼ ⵓⵙⴱⴻⴷⴷⵉ ⵏ ⵓⵣⵣⵉⴳ ⴷⴻⴳ ⵜⵏⴻⵣⵣⵓⵢⵜ ⵏ ⵢⵉⴷⵎⴰⵔⴻⵏ ⴷ ⵢⵉⵥⵓⵔⴰⵏ ⴷ ⵓⵥⵥⵓ ⵏ ⵜⴳⴻⵥⵥⴰⵍⵉⵏ, ⵃⵎⴻⴷ ⵏⴻⵅⵍⴰ, ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵥⵥⵓ ⵏ ⵢⵉⴳⵎⴰⵏⴻⵏ, ⵉⵍⵎⴻⵏⴷ ⵏ ⵡⴰⵢⴻⵏ ⵉ ⴷ-ⵢⴻⴼⴽⴰ ⵡⵓⵍⵖⵓ ⵏ ⵓⵖⵍⵉⴼ.
ⵙ ⵜⴻⴳⵏⵉⵜ-ⴰ, ⵉⵀⴻⵏⵏⴰ ⵓⵏⴻⵖⵍⴰⴼ ⴰⵏⴻⵎⵀⴰⵍ ⴰⵎⴰⵜⵓ ⴰⵎⴰⵢⵏⵓⵜ, ⵢⴻⵙⵙⴰⵔⴻⵎ-ⴰⵙ "ⵔⵔⴱⴻⵃ ⴷ ⵓⵙⴻⴳⵎⵓ ⴷⴻⴳ ⵛⵛⵖⵉⵍ-ⵉⵙ ⴰⵎⴰⵢⵏⵓⵜ", ⵢⴻⵔⵏⴰ ⵉⵛⴻⴽⴽⴻⵔ-ⴷ "ⴰⴱⵔⵉⴷ-ⵉⵙ ⴰⵣⵣⵓⵍⴰⵡ ⵢⵓⴼⵔⴰⵔⴻⵏ ⴷ ⵍⵎⴻⴵⵀⵓⴷⴰⵜ-ⵉⵙ ⵜⵓⵙⵙⵏⴰⵏⵉⵏ ⴰⴽⴽⴻⴷ ⵡⴰⵎⵓⵔ-ⵉⵙ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵙⵏⴻⵔⵏⵉ ⵏ ⵜⴰⵖⵓⵍⵜ-ⴰ ⵜⴰⵃⴻⵡⵡⴰⵙⵉⵜ".
ⴷⴻⴳ ⵡⴻⴱⵔⵉⴷ-ⴰ, ⵉⵡⵡⴻⴽⴻⴷ ⵓⵏⴻⵖⵍⴰⴼ ⵖⴻⴼ "ⵛⵛⵉⵍ ⵏ ⵓⵔⴼⴰⴷ ⵏ ⵜⵏⴻⵃⵡⵉⵜ ⵏ ⵓⵥⵥⵓ ⵏ ⵢⵉⴳⵎⴰⵏⴻⵏ ⴷ ⵓⵇⴷⴻⵛ ⵖⴻⴼ ⵜⵏⴻⴽⵔⴰ ⵏ ⵜⴰⵖⵓⵍⵜ-ⴰ ⵉ ⵜⵉⴽⴽⴻⵍⵜ ⵏⵏⵉⴹⴻⵏ ⵉ ⵡⴰⴽⴽⴻⵏ ⴰⴷ ⵜⵜⵓⵙⴻⴵⵀⴻⴷⴻⵏⵜ ⵜⵣⴻⵎⵎⴰⵔ ⵏ ⵓⵏⴰⴳⵔⴰⵡ ⵏ ⵜⴻⵣⵎⴻⵔⵜ ⵢⴻⵔⵏⴰ ⴰⴷ ⵉⵙⵙⴻⵕⵚⵉ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴷⵉ ⵜⴻⵎⵏⴰⴹⵜ ⴷ ⵓⵎⴻⵏⵥⴰⵡ ⴷⴻⴳ ⵜⴰⵖⵓⵍⵜ-ⴰ".
ⴰⵎ ⵡⴰⴽⴽⴻⵏ ⵉⵡⵡⴻⴽⴻⴷ ⵖⴻⴼ "ⵡⴰⵣⴰⵍ ⵏ ⵍⵅⴻⴷⵎⴰ ⵜⴰⵎⴷⵓⴽⴻⵍⵜ ⴷ ⵓⵙⴻⵎⵚⴰⵍⴻⵃ ⵉⵎⴻⵣⴳⵉ ⴳⴰⵔ ⵢⵉⵎⵢⴰⴳⴰⵡⴻⵏ ⵢⴻⵎⴳⴰⵔⴰⴷⴻⵏ ⵉ ⵓⵅⴻⵍⵇ ⵏ ⵢⵉⵡⴻⵜ ⵏ ⵜⵏⴻⴽⵔⴰ ⵜⴰⵎⴰⵢⵏⵓⵜ ⴷⴻⴳ ⵜⴰⵖⵓⵍⵜ-ⴰ ⵜⵉⴳⴻⴵⴷⵉⵜ", ⵢⴻⵙⵙⴰⵡⴻⵍ ⵖⴻⵔ "ⵍⵅⴻⴷⵎⴰ ⵙ ⵡⵓⵍ ⵏ ⵜⴻⴳⵔⴰⵡⵜ ⴷ ⵓⵙⴷⵓⴽⴽⴻⵍ ⵏ ⵍⵎⴻⴵⵀⵓⴷⴰⵜ ⵉ ⵓⵙⴰⵍⵉ ⵏ ⵡⴻⵙⵡⵉⵔ ⵏ ⵜⵉⴳⴰⵡⵜ ⴷ ⵓⵜⵜⴻⴽⴽⵉ ⵉⵡⵓⵍⵎⴻⵏ ⴷⴻⴳ ⵜⴻⴱⴷⴻⴷⴷⵉ ⵖⴻⵔ ⵜⴰⵎⴰ ⵏ ⵓⵏⴰⴳⵔⴰⵡ ⵏ ⵜⴻⵣⵎⴻⵔⵜ ⴰⵖⴻⵍⵏⴰⵡ", ⵉ ⴷ-ⵢⴻⵔⵏⴰ ⵡⵓⵍⵖⵓ ⵏ ⵓⵖⵍⵉⴼ.
ⵍⵍⴰⵏⵜ-ⴷ ⵜⴼⴰⵙⴽⵉⵡⵉⵏ ⵏ ⵓⵙⴱⴻⴷⴷⵉ ⴷⴻⴳ ⵡⴻⵅⵅⴰⵎ ⵏ ⵜⵏⴻⴳⴳⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵥⵥⵓ ⵏ ⵢⵉⴳⵎⴰⵏⴻⵏ, ⵙ ⵜⵃⵓⴷⴷⵔⴰ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰⵔⵉⵜ ⵜⴰⵣⵣⴰⵢⵔⵉⵜ ⵏ ⵓⵎⵢⵉⵡⴻⵣ ⴰⴳⵔⴻⵖⵍⴰⵏ ⵉ ⵜⴷⵓⴽⵍⵉ ⴷ ⵜⵏⴻⴼⵍⵉⵜ, ⵃⴻⵍⵍⵓⵣ ⵄⴰⴱⴻⴷ, ⵖⴻⵔ ⵜⴰⵎⴰ ⵏ ⵢⵉⵟⴰⵕⴰⵜ ⵏ ⵜⵏⴻⴱⴷⴰⴷⵜ ⵜⴰⵍⴻⵎⵎⴰⵙⵜ ⵏ ⵓⵖⵍⵉⴼ ⵏ ⵜⴻⵣⵎⴻⵔⵜ ⴷ ⵢⵉⵟⴰⵕⴰⵜ ⵏ ⵜⵏⴻⴳⴳⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵥⵥⵓ ⵏ ⵢⵉⴳⵎⴰⵏⴻⵏ.
ⴰⵔⵏⵓ ⵖⴻⵔ
