ⴱⴻⴷⴷⴻⵏ ⵡⴰⵙⵙ-ⴰ ⵏ ⵍⵀⴻⴷ, ⵢⵉⴽⴽⴰⵢⴰⴷⴻⵏ ⵏ ⵓⵕⴰⵚⵓ ⵏ ⵓⵙⵡⵉⵔ ⵉ ⵢⵉⵏⴻⵍⵎⴰⴷⴻⵏ ⵏ ⵍⴻⴱⵄⵉⴷ ⴷⴻⴳ ⵢⵉⵙⵡⵉⵔⴻⵏ ⴰⵍⴻⵎⵎⴰⵙ ⴷ ⵓⵙⵉⵏⵏⴰⵡⴰⵏ, ⵉ ⵜⴰⵍⵍⵉⵜ ⵏ ⵓⵍⵎⵓⴹ 2025-2026. ⵜⴻⴽⴽⵉⵏ ⴷⴻⴳ-ⵙⴻⵏ ⵓⴳⴰⵔ ⵏ 700 ⵏ ⵡⴰⴳⵉⵎⴰⵏ ⵏ ⵢⵉⵎⴻⵙⵜⵉⵔⴻⵏ ⵉ ⵢⴻⴱⴹⴰⵏ ⵖⴻⴼ 2369 ⵏ ⵡⴰⵎⵎⴰⵙⴻⵏ ⵏ ⵢⵉⴽⴽⴰⵢⴰⴷⴻⵏ ⴷⴻⴳ ⵜⵎⵓⵔⵜ ⵎⴻⵕⵕⴰ.
ⵎⵉ ⵉ ⴷ-ⵢⴻⴼⴽⴰ ⵍⵉⵛⴰⵕⴰ ⵏ ⵜⴰⵣⵡⴰⵔⴰ ⵏ ⵢⵉⴽⴽⴰⵢⴰⴷⴻⵏ-ⴰⴳⵉ, ⴷⴻⴳ ⵓⵖⴻⵔⴱⴰⵣ ⴰⵍⴻⵎⵎⴰⵙ "ⵀⴰⵔⵓⵓⵏ ⴻⵍ ⵔⴰⵛⵀⵉⴷ" ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵓⵙⴻⵍⵎⴻⴷ ⴷ ⵓⵙⵉⵍⴻⵖ ⵏ ⵍⴻⴱⵄⵉⴷ , ⵎⴰⵙⵙ ⵎⵓⵀⴰⵎⴻⴷ ⴱⵓⵓⴰⵣⵉⵣ, ⵉ ⴷ-ⵉⵎⵓⵏⵏⴻⵏ ⴷ ⵜⴻⵎⵏⴻⵀⵍⵉⵢⵜ ⵏ ⵓⵙⴻⴳⵎⵉ ⵏ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ, ⵎⴰⵙⵙⴰ ⵏⴰⴷⵉⴰ ⴱⴻⵏ ⵜⴰⵀⴰⵔ, ⵉⵙⵙⴻⴽⵏⴻⴷ ⴱⴻⵍⵍⵉ "ⵢⴰⴽⴽ ⴰⵍⵍⴰⵍⴻⵏ ⵏ ⵜⴰⵍⵙⴰ ⴷ ⵡⵉⴷ ⵏ ⵍⵍⵙⴰⵙ ⵜⵜⵓⵙⴱⴻⴷⴷⴻⵏ ⵉ ⵓⵟⵎⴰⵏ ⵏ ⵜⵉⴷⴷⵢ ⵢⴻⵍⵀⴰⵏ ⵏ ⵢⵉⴽⴽⴰⵢⴰⴷⴻⵏ-ⴰⴳⵉ ⵉ ⴷⴻⴳ ⵜⴻⴽⴽⵉⵏ 700.100 ⵏ ⵢⵉⵏⴻⵍⵎⴰⴷⴻⵏ".
ⵎⴰⵙⵙ ⴱⵓⵓⴰⵣⵉⵣ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵓⵎⴹⴰⵏ ⵏ ⵢⵉⵎⴻⵙⵜⵉⵔⴻⵏ ⵉ ⵢⵉⴽⴽⴰⵢⴰⴷⴻⵏ-ⴰⴳⵉ ⵉ ⵉⵟⴻⴷⴷⵓⵏ ⵢⵉⵡⴻⵏ ⵏ ⵡⴰⵙⵙ, ⵢⴰⵡⴻⴹ 272.900 ⵏ ⵢⵉⵎⴻⵙⵜⵉⵔⴻⵏ ⴷⴻⴳ ⵓⵙⵡⵉⵔ ⴰⵍⴻⵎⵎⴰⵙ, ⵎⴰ ⴷⴻⴳ ⵓⵙⵡⵉⵔ ⴰⵙⵉⵏⵏⴰⵡⴰⵏ ⵢⴰⵡⴻⴹ ⵓⵎⴹⴰⵏ-ⵏⵙⴻⵏ 427.200 ⵏ ⵢⵉⵎⴻⵙⵜⵉⵔⴻⵏ.
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⵊⵔⴻⴷⴷⴻⵏ 37.503 ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵜⵎⵓⵙⵏⵉⵡⵉⵏ ⵏ ⵓⵃⵓⵟⵟⵓ ⵉ ⵉⵅⴻⴷⴷⵎⴻⵏ ⵢⵉⴽⴽⴰⵢⴰⴷⴻⵏ ⵏ ⵓⵕⴰⵚⵓ ⵏ ⵓⵙⵡⵉⵔ ⴷⴻⴳ ⵙⵏⴰⵜ ⵏ ⵜⵎⵓⵀⴰⵍ-ⴰⴳⵉ.
ⴷⴻⴳ ⵜⴰⵍⵍⵉⵜ-ⴰⴳⵉ, ⵎⴰⵙⵙ ⴱⵓⵓⴰⵣⵉⵣ ⵉⵙⵔⴻⵚ-ⴷ ⴰⵣⴰⵍ ⵏ ⵓⵙⴻⵍⵎⴻⴷ ⵏ ⵍⴻⴱⵄⵉⴷ, ⵉ ⵢⵓⵖⴰⵍⴻⵏ ⴷ ⴰⵍⵍⴰⵍ ⵏ ⵓⴷⴻⴳⴳⴻⵔ ⵏ ⵓⵙⴻⵍⵎⴻⴷ ⵓⵏⵚⵉⴱ, ⵉⵎⵉ ⵉⵟⵟⴰⴽ "ⵜⴰⴳⵏⵉⵜ ⵜⵉⵙ ⵙⵏⴰⵜ ⵉ ⵢⵉⵏⴻⵍⵎⴰⴷⴻⵏ ⵢⴻⴱⵖⴰⵏ ⴰⴷ ⵙⵏⴻⵔⵏⵉⵏ ⴰⵙⵡⵉⵔ-ⵏⵙⴻⵏ ⵏ ⵓⵍⵎⵓⴹ ⵉ ⵓⵡⵡⵉ ⵏ ⵜⴻⴳⴻⵔⴷⴰⵙⵜ ⵏ ⵓⵖⴻⵔⴱⴰⵣ ⴰⵍⴻⵎⵎⴰⵙ ⵏⴻⵖ ⵜⵉⵏ ⵏ ⵍⴱⴰⴽⴰⵍⵓⵔⵢⴰ", ⵉⵙⵍⴻⵎ-ⴷ ⵙ ⵢⵉⴳⴻⵎⵎⴰⴹ ⵢⴻⵍⵀⴰⵏ ⵉ ⴷ-ⵢⵉⵍⵍⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵢⴻⵣⵔⵉⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⴰⵔⵇⵎⵉⵜ ⴰⵎⴹⴻⴱⴱⴻⵔ-ⴰⴳⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⴻⴱⵄⵉⴷ ⵉⵜⴻⴷⴷⵓ ⴰⴷ ⵢⴻⵙⵙⴻⵎⵔⴻⵙ ⵜⵉⵜⵉⴽⵏⵉⴽⵉⵏ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⵏⵜⴻⵍⵍⵉⴳⴻⵏⵛⴻ ⴰⵔⵜⵉⴼⵉⵛⵉⴻⵍⵍⴻ) ⵉ ⵓⵙⵍⴻⵟ ⵏ ⵢⵉⴳⴻⵎⵎⴰⴹ ⵏ ⵢⵉⵏⴻⵍⵎⴰⴷⴻⵏ ⵉⵡⴰⴽⴽⴻⵏ ⴰⴷ ⴷ-ⵉⵙⴱⴻⴷⴷ ⵜⴰⵔⵔⴰⵢⵉⵏ ⵏ ⵓⵙⴻⵍⵎⴻⴷ (ⵒéⴷⴰⴳⵓⴳⵉⵇⵓⴻⵙ) ⵉⵎⴰⵢⵏⵓⵜⴻⵏ ⴰⵔⴰ ⵢⴻⵙⵙⴰⵍⵉⵏ ⴰⵙⵡⵉⵔ ⵏ ⵓⵎⴰⵀⵉⵍ.
ⴰⵔⵏⵓ ⵖⴻⵔ
