ⴱⴷⵓⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵜⵓⴷⴱⴻⵍⵜ "ⵎⵓⵓⵍⴰⵢ ⴰⵃⵎⴻⴷ ⵎⴻⴷⴻⵖⵔⵉ" ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵉⵎⴰⵀⵉⵍⴻⵏ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⵖⴻⴼ ⵓⵎⴻⵥⵍⵓ ⴰⴳⴷⵓⴷⴰⵏ, ⵙ ⵜⵎⵓⵖⵍⵉ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵎⴻⵥⵍⵓ ⴰⴳⴷⵓⴷⴰⵏ.
ⴰⴳⵔⴰⵡ-ⴰⴳⵉ ⵉ ⴷ-ⵜⴻⵙⵙⵓⴷⴷⴻⵙ ⵜⵓⴷⴷⵙⴰ ⵏ ⵓⵎⵛⴻⵡⵡⴻⵔ ⵏ ⵜⴻⴳⴷⵓⴷⴰ (Médiateur de la République) ⵙ ⴷⴷⴰⵡ ⵏ ⵓⵣⴻⵏⵣⵉⵖ "ⵜⵜⴰⴳⴷⴰ ⴷ ⵍⵍⵙⴰⵙ ⵏ ⵓⵎⴻⵥⵍⵓ ⴰⴳⴷⵓⴷⴰⵏ, ⴷ ⵍⴽⴻⵔⵎⴰ ⵏ ⵓⵖⵔⵉⵎ ⴷ ⵜⴰⵣⵡⴰⵔⵜ", ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵎⵛⴻⵡⵡⴻⵔ ⵏ ⵜⴻⴳⴷⵓⴷⴰ, ⵎⴰⵙⵙ ⵎⵓⵀⴰⵎⴻⴷ ⵃⴰⵟⵟⴰⴱ, ⴷ ⵓⵏⴻⵖⵍⴰⴼ ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵎⵓⵀⴰⵎⴻⴷ ⴰⴱⴷⴻⵏⵏⵓⵓⵔ ⵔⴰⴱⵃⵉ. ⴷⴰⵖⴻⵏ, ⵜⴻⵍⵍⴰ-ⴷ ⵜⵎⴰⵜⴻⵍⵜ ⵉⵕⴻⵙⵙⴰⵏ ⵏ ⵡⴰⵀⵉⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵏⴻⴼⵍⵉ (PNUD) ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙⴰ ⵏⴰⵜⴰⵙⵀⴰ ⴼⴰⵏ ⵔⵉⵊⵏ, ⴷ ⵢⵉⵎⴹⴻⴱⴱⵔⴻⵏ ⵏ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵎⴰⵙⵙ ⵙⴰⵄⵢⵓⴷ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⵜⴰⵍⵓⴼⵜ ⵏ ⵓⵙⵏⴻⵔⵏⵉ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵜⴻⵡⵡⵉ ⴰⵣⴰⵍ ⴰⵎⴻⵇⵇⵔⴰⵏ ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉ ⵢⴻⵔⵔⴰⵏ ⴰⵙⵎⴰⵢⵏⵓⵜ ⵏ ⵜⵓⴷⴱⴻⵍⵜ ⴷ ⵓⵙⴻⴷⵔⴻⵡ-ⵉⵙ ⵙⴻⴳ ⵓⵖⵔⵉⵎ ⴷ ⵢⵉⵡⴻⵏ ⵏ ⵢⵉⵙⵓⴽⴰ ⵉⵕⴻⵙⵙⴰⵏⴻⵏ ⵏ ⵢⵉⵙⵏⵉⵢⴰⵍⴻⵏ ⵜⴰⵖⴻⵍⵏⴰⵡⵉⵏ".
ⵙⴻⵍⴷ ⵎⵉ ⴷ-ⵉⵙⵙⴻⴽⵏⴻⴷ "ⴰⵎⴽⴰⵏ ⴰⵙⵔⴰⵜⵉⴷⵊⵉ ⵏ ⵓⴼⴻⵔⴷⵉⵙ ⵏ ⵜⴰⵍⵙⴰ ⵉ ⵓⵙⴰⵍⵉ ⵏ ⵓⵎⴰⵀⵉⵍ ⴰⴳⴷⵓⴷⴰⵏ", ⵎⴰⵙⵙ ⵙⴰⵄⵢⵓⴷ ⵉⵙⵍⴻⵎ-ⴷ ⵙ "ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵓⵎⵛⴻⵡⵡⴻⵔ ⵏ ⵜⴻⴳⴷⵓⴷⴰ ⴷⴻⴳ ⵓⵙⴻⴶⵀⴻⴷ ⵏ ⵜⴻⴼⵍⴻⵙⵜ ⴳⴰⵔ ⵓⵖⵔⵉⵎ ⴷ ⵜⵓⴷⴱⴻⵍⵜ".
ⵙⴻⴳ ⵜⴰⵎⴰ-ⵙ, ⴰⵎⵛⴻⵡⵡⴻⵔ ⵏ ⵜⴻⴳⴷⵓⴷⴰ ⵉⵙⵔⴻⵚ ⵖⴻⴼ ⵡⴰⵣⴰⵍ ⵏ ⵓⵙⵏⵓⵍⴼⵓ ⴷⴻⴳ ⵓⵎⴻⵥⵍⵓ ⴰⴳⴷⵓⴷⴰⵏ, ⵉⵙⵙⴻⴽⵜⵉ-ⴷ ⴱⴻⵍⵍⵉ "ⵢⴰⵍ ⴰⵎⴻⵥⵍⵓ ⴰⴳⴷⵓⴷⴰⵏ ⵏⴼⴰⵄⴻⵏ ⵢⴻⵔⵏⴰ ⴷ ⴰⵎⴰⵢⵏⵓⵜ ⵉⵕⴻⵙ ⵖⴻⴼ ⵜⵜⴰⴳⴷⴰ ⵓ ⵢⴻⵔⵔⴰ ⴰⵖⵔⵉⵎ ⴷ ⴰⵎⵎⴰⵙ ⵏ ⵢⴰⵍ ⴰⵙⵎⴰⵢⵏⵓⵜ".
ⵜⴰⵎⴰⵜⴻⵍⵜ ⵏ ⵒⵏⵓⴷ ⴷⴻⴳ ⵍⴻⵣⵣⴰⵢⴻر ⵜⴻⵙⵙⴻⵏⴽⴰⴷ (ⵙⴰⵍⵓⴰ) ⵍⵎⴻⴶⵀⵓⴷⴰⵜ ⴷ ⵜⵉⴷⴷⵢ ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ ⵏ ⵓⵙⵉⵣⴷⴻⴳ ⵏ ⵓⵎⴻⵥⵍⵓ ⴰⴳⴷⵓⴷⴰⵏ, ⵍⴰⴷⵖⴰ ⵙ ⵓⵙⴻⵎⵔⴻⵙ ⵏ ⵜⴰⵔⵇⵎⵉⵜ ⴷ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⵏⵜⴻⵍⵍⵉⴳⴻⵏⵛⴻ ⴰⵔⵜⵉⴼⵉⵛⵉⴻⵍⵍⴻ), ⴰⵢⴻⵏ ⵢⴻⵙⵙⴻⴶⵀⴷⴻⵏ — ⴰⴽⴽⴻⵏ ⵉ ⵜⴻⵏⵏⴰ — "ⵜⴰⴼⵍⴻⵙⵜ ⴳⴰⵔ ⵜⵓⴷⴱⴻⵍⵜ ⴷ ⵓⵖⵔⵉⵎ".
ⴷⴻⴳ ⵓⵣⴻⵏⵣⵉⵖ ⵏ ⵡⴻⴳⵔⴰⵡ-ⴰⴳⵉ, ⵙⵜⴻⵏⵢⴰⵏ ⴰⵎⵜⴰⵡⴰ ⵏ ⵜⴷⵓⴽⵍⵉ ⴳⴰⵔ ⵓⵎⵛⴻⵡⵡⴻⵔ ⵏ ⵜⴻⴳⴷⵓⴷⴰ ⴷ ⵒⵏⵓⴷ ⵉ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⴷⴻⴳ ⵓⵏⵏⴰⵔ ⵏ ⵜⵜⴰⴳⴷⴰ ⴷ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ. ⴷⴰⵖⴻⵏ, ⵄⵍⴻⵏ-ⴷ ⵖⴻⴼ ⵓⵍⴷⴰⵢ ⵏ ⵜⵙⴻⵎⵎⵓⵏⵜ ⵜⴰⵎⴻⵏⵣⵡⵓⵜ ⵏ ⵡⴰⵀⵉⵍ ⵏ ⵎⵎⴰⵙⵟⴻⵔ ⴷⴻⴳ "ⵜⵙⴻⵔⵜⵉⵢⵉⵏ ⵜⵉⵎⴰⵜⴰⵏⵉⵏ ⴷ ⵓⵙⴻⴷⴱⴻⵔ ⴰⵙⵔⴰⵜⵉⴷⵊⵉ ⵏ ⵓⵎⴻⵥⵍⵓ ⴰⴳⴷⵓⴷⴰⵏ", ⵙ ⵓⵎⵢⴻⵛⵛⴻⵔ ⴷ ⵓⵏⵏⴰⵔ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ.
ⴰⵔⵏⵓ ⵖⴻⵔ
