ⵜⴻⵙⵙⴻⵏⴽⴰⴷ-ⴷ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ (ANIE), ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ, ⴰⵣⴰⵎⵓⵍ (حصيلة) ⵏ ⵡⴻⵙⵔⴻⵙ ⵏ ⵢⵉⴼⴰⵢⵍⴻⵏ ⵏ ⵡⴻⵙⵔⴻⵃ ⴰⵎⴻⵣⴷⴰⵢ ⵉ ⵓⵎⴻⵙⵜⵉⵔ, ⵉ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ, ⵙⴻⵍⴷ ⴰⵙⵎⴻⴷ ⵏ ⵡⴰⴽⵓⴷⴻⵏ ⴰⵙⴰⴷⵓⴼⴰⵏⴻⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⵓⴽⴽⵙⵉ ⵏ ⵢⵉⴼⴰⵢⵍⴻⵏ ⵏ ⵡⴻⵙⵔⴻⵃ ⴰⵎⴻⵣⴷⴰⵢ, ⵍⴰⴷⵖⴰ ⴷⴻⴳ ⵜⵉⵎⵏⴰⴹⵉⵏ ⵏ ⵜⴻⴼⵔⴰⵏⵉⵏ ⵏ ⴷⴰⵅⴻⵍ ⵏ ⵜⵎⵓⵔⵜ, ⵍⵇⴻⴷⴷ ⵏ ⵢⵉⴼⴰⵢⵍⴻⵏ ⵉ ⴷ-ⵜⵜⵡⴰⴽⴽⵙⴻⵏ ⵢⴰⵡⴻⴹ 1484 ⵏ ⵢⵉⴼⴰⵢⵍⴻⵏ ⴷⴻⴳ 69 ⵏ ⵜⵡⵉⵍⴰⵢⵉⵏ. ⴷⴻⴳ-ⵙⴻⵏ 1208 ⵏ ⵢⵉⴼⴰⵢⵍⴻⵏ ⵉ ⵜⵉⴳⴳⵓⵔⴰ (listes) ⵙ ⴷⴷⴰⵡ ⵏ ⵓⵃⵔⴰⵣ ⵏ 36 ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ, ⵢⵉⵡⴻⵏ (1) ⵏ ⵓⴼⴰⵢⴻⵍ ⵏ ⵜⴷⵓⴽⵍⵉ (تحالف), ⴷ 275 ⵏ ⵢⵉⴼⴰⵢⵍⴻⵏ ⵏ ⵜⴻⴱⴰⵍⴰⵅⵜⵉⵏ ⵜⵉⵍⴻⵍⵍⵉⵢⵉⵏ. ⴷⴰⵖⴻⵏ, ⵜⴰⴷⴱⴻⵍⵜ ⵜⴻⵙⵙⴻⴽⵏⴻⴷ-ⴷ ⴱⴻⵍⵍⵉ ⵓⵎⴹⴰⵏ ⵏ ⵜⴼⴻⵔⵔⴰⵜⵉⵏ ⵏ ⵢⵉⵙⵜⴻⵢⵏⵉⵢⴻⵏ ⵓⴼⵔⵉⵏⴻⵏ ⵉ ⴷ-ⵜⵜⵡⴰⴽⴽⵙⴻⵏ ⵢⴰⵡⴻⴹ 1.897.248 ⵏ ⵜⴼⴻⵔⵔⴰⵜⵉⵏ.
ⵎⴰ ⴷ ⵜⵉⵎⵏⴰⴹⵉⵏ ⵏ ⴱⴻⵕⵕⴰ ⵏ ⵜⵎⵓⵔⵜ, ⵍⵇⴻⴷⴷ ⵏ ⵢⵉⴼⴰⵢⵍⴻⵏ ⵏ ⵡⴻⵙⵔⴻⵃ ⴰⵎⴻⵣⴷⴰⵢ ⵉ ⴷ-ⵜⵜⵡⴰⴽⴽⵙⴻⵏ ⵢⴰⵡⴻⴹ 91 ⵏ ⵢⵉⴼⴰⵢⵍⴻⵏ ⴷⴻⴳ 8 ⵏ ⵜⴻⵎⵏⴰⴹⵉⵏ ⵏ ⵜⵔⴰⴽⴰⵍⵜ. ⴷⴻⴳ-ⵙⴻⵏ 80 ⵏ ⵢⵉⴼⴰⵢⵍⴻⵏ ⵉ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ, ⵙⵉⵏ (2) ⵏ ⵢⵉⴼⴰⵢⵍⴻⵏ ⵏ ⵜⴷⵓⴽⵍⵉⵡⵉⵏ, ⴷ 9 ⵏ ⵢⵉⴼⴰⵢⵍⴻⵏ ⵏ ⵜⴻⴱⴰⵍⴰⵅⵜⵉⵏ ⵜⵉⵍⴻⵍⵍⵉⵢⵉⵏ. ⵓⵎⴹⴰⵏ ⵏ ⵜⴼⴻⵔⵔⴰⵜⵉⵏ ⵏ ⵢⵉⵙⵜⴻⵢⵏⵉⵢⴻⵏ ⵢⴰⵡⴻⴹ 2102 ⵏ ⵜⴼⴻⵔⵔⴰⵜⵉⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵙⵔⴻⵙ (إيداع) ⵏ ⵢⵉⴼⴰⵢⵍⴻⵏ, ⵍⵇⴻⴷⴷ ⴰⵎⴰⵜⵓ ⵏ ⵢⵉⴼⴰⵢⵍⴻⵏ ⵉ ⴷ-ⵢⴻⵜⵜⵡⴰⵙⴻⵔⵙⴻⵏ ⴷⴻⴳ ⴷⴰⵅⴻⵍ ⵏ ⵜⵎⵓⵔⵜ ⵢⴰⵡⴻⴹ 786 ⵏ ⵢⵉⴼⴰⵢⵍⴻⵏ. ⴷⴻⴳ-ⵙⴻⵏ 647 ⵙ ⴷⴷⴰⵡ ⵏ ⵓⵃⵔⴰⵣ ⵏ 32 ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ, ⵢⵉⵡⴻⵏ (1) ⵏ ⵓⴼⴰⵢⴻⵍ ⵏ ⵜⴷⵓⴽⵍⵉ, ⴷ 138 ⵏ ⵜⴻⴱⴰⵍⴰⵅⵜⵉⵏ ⵜⵉⵍⴻⵍⵍⵉⵢⵉⵏ. ⵓⵎⴹⴰⵏ ⵏ ⵢⵉⵎⴻⵙⵜⵉⵔⴻⵏ (candidates) ⴷⴻⴳ ⴷⴰⵅⴻⵍ ⵏ ⵜⵎⵓⵔⵜ ⵢⴰⵡⴻⴹ 10144 ⵏ ⵢⵉⵎⴻⵙⵜⵉⵔⴻⵏ.
ⵎⴰ ⴷⴻⴳ ⵜⴻⵎⵏⴰⴹⵉⵏ ⵏ ⴱⴻⵕⵕⴰ, ⵍⵇⴻⴷⴷ ⵏ ⵢⵉⴼⴰⵢⵍⴻⵏ ⵉ ⴷ-ⵉⵜⵜⵓⵙⴻⵔⵙⴻⵏ ⵢⴰⵡⴻⴹ 66 ⵏ ⵢⵉⴼⴰⵢⵍⴻⵏ. ⴷⴻⴳ-ⵙⴻⵏ 59 ⵙ ⴷⴷⴰⵡ ⵏ ⵓⵃⵔⴰⵣ ⵏ 15 ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ, ⵢⵉⵡⴻⵏ (1) ⵏ ⵓⴼⴰⵢⴻⵍ ⵏ ⵜⴷⵓⴽⵍⵉ, ⴷ 6 ⵏ ⵜⴻⴱⴰⵍⴰⵅⵜⵉⵏ ⵜⵉⵍⴻⵍⵍⵉⵢⵉⵏ. ⵓⵎⴹⴰⵏ ⵏ ⵢⵉⵎⴻⵙⵜⵉⵔⴻⵏ ⵏ ⴱⴻⵕⵕⴰ ⵢⴰⵡⴻⴹ 528 ⵏ ⵢⵉⵎⴻⵙⵜⵉⵔⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵣⴰⵎⵓⵍ-ⵏⵏⵉ.
ⴰⵔⵏⵓ ⵖⴻⵔ
