ⴰⵙⴻⵏⴷⵓⵇ ⵏ ⵜⵎⴰⵏⵜ ⵏ ⵢⵉⵔⴻⵟⵟⴰⵍⴻⵏ (FGAR) ⵉ ⵜⴽⵓⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵉⵎⵓⵏⴰⵎⵎⴰⵙⵉⵏ ⵢⴻⵜⵜⴽⴻⵎⵎⵉⵍ ⴰⵙⵙⵉⵡⵙⴻⵄ ⵏ ⵜⵉⴽⴽⵉⵡⵉⵏ-ⵉⵙ ⵉⵡⴰⴽⴽⵏ ⴰⴷ ⴰⵔⵣⴻⵏⵜ ⵉⵔⴻⵟⵟⴰⵍⴻⵏ ⵏ ⵓⵙⴻⵇⴷⴻⵛ , ⵙ ⵓⵣⵎⴻⵎ ⵏ ⵢⵉⵎⵜⴰⵡⴰⵜⴻⵏ ⴷ 15 ⵏ ⵜⴱⴰⵏⴽⵉⵡⵉⵏ ⵉⵎⴻⴷⴷⵓⴽⴽⴰⵍⵏ ⵓⵇⴱⴻⵍ ⵜⴰⴳⴰⵔⴰ ⵏ ⵢⴻⵏⵏⴰⵢⴻⵔ-ⴰⴳⵉ, ⵉⵡⴰⴽⴽⵏ ⴰⴷ ⵢⴻⵔⵏⵓ ⴰⵎⵍⴻⵍ ⵏ ⵢⵉⵎⵙⴻⵏⴼⴰⵔⴻⵏ
ⵙⴻⴳ ⵡⴰⵢⵢⵓⵔ ⵏ ⵡⴰⵎⴱⴻⵔ ⵉⵄⴻⴷⴷⴰⵏ, ⴰⵙⴻⵏⴷⵓⵇ ⵢⴻⵣⵎⴻⵎ ⵉⵎⵜⴰⵡⴰⵜⴻⵏ ⴷ ⵜⵍⴰⵜⴰ ⵏ ⵜⴱⴰⵏⴽⵉⵡⵉⵏ, ⴰⵢⴰ ⵉⵡⴰⴽⴽⵏ ⴰⴷ ⴷ-ⵙⵙⴻⴽⵛⵎⴻⵏ ⵉⵔⴻⵟⵟⴰⵍⴻⵏ ⵏ ⵓⵙⴻⵇⴷⴻⵛ ⴷⴳ ⵜⵎⴰⵏⵜ ⵉ ⵢⴻⵜⵜⴰⴽ, ⵢⴻⵔⵏⴰ ⴰⴷ ⵢⴰⵡⴻⴹ ⵡⵓⵟⵟⵓⵏ-ⴰ ⴰⵔ 15 ⵏ ⵜⴱⴰⵏⴽⵉⵡⵉⵏ ⴷⴳ ⵢⴻⵏⵏⴰⵢⴻⵔ 2026, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ, ⵍⵀⴰⴷⵉ ⵜⴻⵎⵎⴰⵎ.
ⵉⵎⵜⴰⵡⴰⵜⴻⵏ-ⴰⴳⵉ ⵙⵙⴻⵔⵙⴰⵢⴻⵏ ⴰⴼⴻⵍⵍⴰⵢ ⵏ ⵓⵔⴻⵟⵟⴰⵍ ⵖⴻⴼ 50 ⵏ ⵢⵉⵎⴻⵍⵢⵓⵏⴻⵏ ⵏ ⴷⴷⵉⵏⴰⵔ, ⵙ ⵜⵎⴰⵏⵜ ⵏ 35 ⵏ ⵢⵉⵎⴻⵍⵢⵓⵏⴻⵏ ⵏ ⴷⴷⵉⵏⴰⵔ, ⵎⴻⵄⵏⴰ ⵜⴰⵖⵓⵎⵎⵙⴰ ⵏ 70 ⵢⴻⴳⵎⴰⵢⴻⵏ (%).
ⵜⵉⴳⵉⵏ-ⴰⴳⵉ ⵜⴻⴷⴷⵓ-ⴷ ⴷⴳ ⵓⵙⴻⴷⴷⴻⵜ ⵏ ⵍⵇⴰⵏⵓⵏ ⵏ ⵜⴷⴰⵎⵙⴰ ⵏ ⵓⵙⴻⴳⴳⴰⵙ 2025 ⵉ ⵢⴻⵔⵣⴻⵏ ⴰⵙⴻⵏⴷⵓⵇ ⴰⴷ ⵢⴻⴳ ⵜⴰⵎⴰⵏⵜ ⵉ ⵢⵉⵔⴻⵟⵟⴰⵍⴻⵏ ⵏ ⵓⵙⴻⵇⴷⴻⵛ ⵉ ⵜⵜⴰⴽⴻⵏⵜ ⵜⴱⴰⵏⴽⵉⵡⵉⵏ, ⴷⴻⴼⴼⵉⵔ ⵎⵉ ⵢⴻⵍⵍⴰ ⵓⵇⴻⴷⴷⵉⵛ-ⵉⵙ ⵙⴻⴳ 2004 ⵢⴻⵔⵣⴰ ⴽⴰⵏ ⵉⵔⴻⵟⵟⴰⵍⴻⵏ ⵏ ⵓⵙⵙⴻⵎⵔⴻⵙ .
ⵉⵙⵡⵉ ⵏ ⵡⴰⵢⴰ ⴷ ⵜⵉⴽⴽⵉ ⵏ ⵜⴼⵔⵓⵜ ⵉ ⵡⵓⴳⵓⵔⴻⵏ ⵏ ⵓⵙⴻⴼⵍⴻⴷ ⵉ ⵜⴻⵜⵜⵎⴰⴳⴰⵔⴻⵏ ⵜⴽⵓⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵉⵎⵓⵏⴰⵎⵎⴰⵙⵉⵏ, ⵍⴰⴷⵖⴰ ⵜⵉⴷ ⵢⴻⵍⵍⴰⵏ ⴷⴳ ⵓⵙⴻⵏⵜⵉ ⵏⴻⵖ ⴷⴳ ⵓⵙⵏⴻⵔⵏⵉ, ⵉⵡⴰⴽⴽⵏ ⴰⴷ ⴼⵔⵓⵏ ⵓⴳⵓⵔ ⵏ ⵜⵎⴰⵏⵜ ⵜⴰⴷⵉⴽⴰⵏⵜ ⵉ ⵜⵜⵔⴰⵜⴰⵏⵜ ⵜⴱⴰⵏⴽⵉⵡⵉⵏ.
ⵖⴻⴼ ⵜⴻⵎⵙⴰⵍⵜ ⵏ ⵜⵎⴰⵡⴰⵢⵜ ⵏ ⵓⵙⴻⵏⴷⵓⵇ, ⴰⵙⴻⵏⴷⵓⵇ ⵢⵓⵎⵍⴻⵍ 297 ⵏ ⵜⴽⵓⴱⴰⵏⵉⵢⵉⵏ ⴷⴳ 2025, ⴰⵢⴰ ⴰⴷ ⴷ-ⵢⴻⴳⵍⵓ ⵙ ⵓⵙⵏⴻⵍⴼⵓ ⵏ 5615 ⵏ ⵢⵉⵎⴽⴰⵏⴻⵏ ⵏ ⵓⵇⴻⴷⴷⵉⵛ. ⴰⵣⴰⵍ ⵏ ⵢⵉⵙⴻⵏⴼⴰⵔⴻⵏ ⵢⴰⵡⴻⴹ 40.5 ⵏ ⵢⵉⵎⵍⵢⴰⵔⴻⵏ ⵏ ⴷⴷⵉⵏⴰⵔ, ⵎⴳⴰⵍ 12.29 ⵏ ⵢⵉⵎⵍⵢⴰⵔⴻⵏ ⵏ ⴷⴷⵉⵏⴰⵔ ⵏ ⵜⵎⴰⵏⵜ.
ⴰⵔⵏⵓ ⵖⴻⵔ
