ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ ⵜⴻⵄⵍⴻⵎ-ⴷ ⴱⴻⵍⵍⵉ ⵓⵔ ⴷ-ⵜⴻⵙⵙⵓⵣⵓⵔ ⴰⵔⴰ ⵜⵉⵎⵍⵉⵍⵉⵜ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵎⴳⴰⵍ ⴱⵓⵍⵉⵠⵢⴰ ⵙ ⵙⴻⴱⴱⴰ ⵏ ⵓⵅⵓⵚⵚⵓ ⵏ ⵜⴻⵡⵜⵉⵍⵉⵏ ⵜⴰⵜⵉⴽⵏⵉⴽⵉⵏ ⴷⴻⴳ ⵓⵏⵏⴰⵔ ⵏ ⴽⴰⵏⵙⴰⵙ

ⵜⴻⵃⵣⴻⵏ ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ ⵉⵎⵉ ⵓⵔ ⴷ-ⵜⴻⵙⵙⵓⵣⵓⵔ ⴰⵔⴰ ⵜⵉⵎⵍⵉⵍⵉⵜ ⵏ ⵜⴷⵓⴽⵍⵉ ⵉ ⵓⵀⴻⴳⴳⵉ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026, ⴰⵔⴰ ⵢⴻⵙⴷⵓⴽⴽⵍⴻⵏ ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⴷ ⵜⵉⵏ ⵏ ⴱⵓⵍⵉⵠⵢⴰ, ⴰⵣⴻⴽⴽⴰ ⴷⴻⴳ ⵜⵙⴰⵄⵜ ⵜⴰⵎⴻⵏⵣⵓⵜ ⵏ ⵢⵉⴹ (01:00), ⴷⴻⴳ ⵓⵏⵏⴰⵔ ⵏ ⵜⴻⵙⴷⴰⵡⵉⵜ ⵏ ⴽⴰⵏⵙⴰⵙ ⵛⵉⵜⵢ. ⵜⵉⵎⵍⵉⵍⵉⵜ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⴰⵎⴰ ⴷⴻⴳ ⵜⵉⵍⵉⵥⵔⵉ ⵏ ⵜⵎⵓⵔⵜ (terrestre) ⵏⴻⵖ ⴷⴻⴳ ⵡⴻⵙⵎⴻⵍ ⵏ ⵉⵏⵜⴻⵔⵏⴻⵜ

ⴰⵢⴰⴳⵉ ⵙ ⵙⴻⴱⴱⴰ ⵏ ⵡⴰⴷⴷⴰⴷ ⵏ ⵓⵏⵏⴰⵔ ⵉ ⵢⴻⵍⵍⴰⵏ ⴷ ⵓⵏⵏⴰⵔ ⵏ ⵓⵙⵉⵍⴻⵖ ⴽⴰⵏ, ⵓⵔ ⵢⴻⵙⵄⵉ ⴰⵔⴰ ⵜⴰⵔⵔⴰⵢⵉⵏ ⵜⴰⵜⵉⴽⵏⵉⴽⵉⵏ ⵉⵕⴻⵙⵙⴰⵏⴻⵏ ⵉ ⵓⴼⴻⵔⵔⵉⵙ ⴷ ⵓⵣⵓⵣⴻⵔ ⵢⴻⵍⵀⴰⵏ ⵏ ⵜⴻⵎⵍⵉⵍⵉⵜ ⵙ ⵢⵉⵍⵓⴳⴰⵏ ⵉⵎⴻⵣⵣⵓⵍⴰⵏⴻⵏ ⵉ ⴷ-ⵉⵡⴻⵣⵏⴻⵏ ⵉ ⵍⵀⵉⴱⴰ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ.

ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵔⴱⴰⵄⵜ ⵏ ⵢⵉⵏⴻⵖⵎⴰⵙⴻⵏ ⴷ ⵓⵜⵉⴽⵏⵉⴽ ⵏ ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ ⵉ ⴷ-ⵉⵎⵓⵏⵏⴻⵏ ⴷ ⵢⵉⵎⵓⵔⴰⵔ, ⴰⴷ ⵜ-ⵄⵉⵡⴻⵏ ⵢⵉⵎⵙⴻⴼⵍⵉⴷⴻⵏ ⵉⵡⴰⴽⴽⴻⵏ ⴰⴷ ⴼⴽⵓⵍⴻⵏ ⵢⴰⴽⴽ ⵜⵓⵎⴰⵏⵉⵏ, ⵜⵉⵛⵓⵇⴰⴼⵉⵏ ⴷ ⵢⵉⵙⴻⴽⵍⴰⵙⴻⵏ ⵏ ⵜⵎⵓⵖⵍⵉ ⵖⴻⴼ ⵜⵉⴷⴷⵢ ⵏ ⵜⴻⵎⵍⵉⵍⵉⵜ-ⴰⴳⵉ ⵙ ⵜⴰⵔⵔⴰⵢⵜ ⵏ ⵡⴰⵏⵏⴰⵔ ⵓ ⴷⴻⴳ ⵍⵡⴻⵇⵜ-ⵉⵙ.

ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ ⵜⴻⵙⵙⴻⵏⵎⵎⴻⵔ ⵢⵉⵎⵙⴻⴼⵍⵉⴷⴻⵏ-ⵉⵙ ⵓⴼⵔⵉⵏⴻⵏ ⵖⴻⴼ ⵡⴻⴼⵀⴰⵎ ⵏ ⵜⴻⴳⵏⵉⵜ-ⴰⴳⵉ, ⵢⴻⵔⵏⴰ ⵜⴻⵜⵜⵡⴰⵄⵄⴻⴷ  ⵉ ⵓⵟⵎⴰⵏ ⵏ ⵓⵙⴼⵓⵍⴻⵍ ⵉⵕⴻⵙⵙⴰⵏ ⵉ ⵓⵜⴻⴽⴽⵉ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⴷⴻⴳ ⵍⵎⵓⵏⴷⵉⵢⴰⵍ-ⴰⴳⵉ.