ⵎⵎⵓⵜⴻⵏ 4 ⵏ ⵢⵉⵔⴳⴰⵣⴻⵏ ⵢⴻⵔⵏⴰ ⵊⴻⵔⵃⴻⵏ 189 ⵏⵏⵉⴹⴻⵏ ⵉⵍⵎⴻⵏⴷ ⵏ ⵜⵎⵓⵛⵉⵡⵉⵏ ⵏ ⵓⴱⵔⵉⴷ ⴷⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴳ 24 ⵏ ⵜⵙⵔⴰⴳⵉⵏ (ⵍⵙⵡⴰⵢⴻⵄ) ⵜⵉⵏⴻⴳⴳⵓⵔⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ ⴰⵙⵙ ⵏ ⵡⴰⵢⵏⴰⵙ.
ⵜⴰⵡⵉⵍⴰⵢⵜ ⵏ ⴰⴷⵔⴰⵔ ⵉ ⵢⴻⵙⵄⴰⵏ ⵜⴰⴳⵔⵓⵎⵎⴰ ⵜⴰⵎⴻⵇⵇⵔⴰⵏⵜ ⵏ ⵍⵎⵓⵜ, ⵉⵎⵉ ⵢⴻⵎⵎⵓⵜ ⵢⵉⵡⴻⵏ ⵢⴻⵔⵏⴰ ⵊⴻⵔⵃⴻⵏ ⵜⵍⴰⵜⴰ (3) ⵏⵏⵉⴹⴻⵏ ⴷⴻⴼⴼⵉⵔ ⵎⵉ ⵜⵓⵖⴰⵍ ⵜⴽⴰⵔⵔⵓⵙⵜ ⴷⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 52, ⴷⴳ ⵜⴳⵔⴰⵡⵜ ⵏ ⵜⵉⵟ ⴷⴳ ⵜⵎⵏⴰⴹⵜ ⵏ ⵡⵓⵍⴼ.
ⵙⴻⴳ ⵢⵉⵡⴻⵏ ⵓⵃⵔⵉⵛ ⵏⵏⵉⴹⴻⵏ, ⵜⵉⵎⴻⵚⵍⵉⵡⵉⵏ-ⴰⴳⵉ ⴱⴷⵔⴻⵏ-ⴷ ⴰⵎⵓتⵜⵓ ⵏ ⵜⵍⴰⵜⴰ (3) ⵏ ⵢⵉⵔⴳⴰⵣⴻⵏ ⴷⴳ ⵜⵡⵉⵍⴰⵢⵉⵏ ⵏ ⴱⵓⵔⵊ ⴱⵓⵄⵔⵉⵔⵉⵊ ⴷ ⵍⵊⴻⵍⴼⴰ, ⵖⴻⴼ ⵙⵙⴻⴱⴱⴰ ⵏ ⵓⵛⵔⵓⴱ ⵏ ⵍⴳⴰⵣ ⵢⴻⵜⵜⵏⵖⴰⵏ (monoxide).
ⴷⴰⵖⴻⵏ, ⵉⵇⴻⴷⴷⴰⵛⴻⵏ ⵏ ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ ⴽⴽⵔⴻⵏ ⵉⵡⴰⴽⴽⵏ ⴰⴷ ⵙⴻⵅⵙⵉⵏ ⴽⵓⵣ (4) ⵏ ⵜⵉⵎⴻⵙ ⴷⴳ ⵢⵉⵅⵅⴰⵎⴻⵏ ⴷ ⵢⵉⵎⴽⴰⵏⴻⵏ ⵏⵏⵉⴹⴻⵏ, ⴷⴳ ⵜⵡⵉⵍⴰⵢⵜ ⵏ ⵍⴷⵣⴰⵢⵔ, ⵜⵉⵣⵉ ⵡⴻⵣⵣⵓ, ⵙⴽⵉⴽⴷⴰ ⴷ ⴱⴰⵜⵏⴰ.
ⴰⵔⵏⵓ ⵖⴻⵔ
