ⵜⵉⵙⵏⵓⵔⴻⴼⵜ ⵏ ⵢⵉⵏⵉⴳⴻⵏ ⵏ ⴷⴰⵅⴻⵍ ⵜⴻⵙⵙⴻⴶⵀⴻⴷ ⴰⵀⵉⵍ-ⵉⵙ ⵙ ⵜⵉⵏⵉⴳⵉⵏ ⵏⵏⵉⴹⴻⵏ
ⵜⴻⵄⵍⴻⵏ-ⴷ ⵜⵙⵏⵓⵔⴻⴼⵜ ⵏ ⵢⵉⵏⵉⴳⴻⵏ ⵏ ⴷⴰⵅⴻⵍ, ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⵃⴻⴷ, ⵖⴻⴼ ⵓⵙⵏⴻⵔⵏⵉ ⵏ ⵡⴰⵀⵉⵍ-ⵉⵙ ⵙ ⵜⵉⵏⵉⴳⵉⵏ ⵏⵏⵉⴹⴻⵏ, ⴷⴻⴳ ⵓⴱⵔⵉⴷ ⵏ ⵍⵎⴻⴶⵀⵓⴷⴰⵜ-ⵉⵙ ⵉ ⵓⵙⵙⴻⴶⵀⴻⴷ ⵏ ⵜⵓⵇⵇⵏⴰ ⴳⴰⵔ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⵜⴻⵙⵙⴻⴼⵀⴻⵎ-ⴷ ⵜⵙⵏⵓⵔⴻⴼⵜ ⴱⴻⵍⵍⵉ ⵜⴻⵙⵙⴻⵔⵔⴻⵙ ⵜⵉⵏⵉⴳⵉⵏ ⵏⵏⵉⴹⴻⵏ ⵢⴰⵍ ⴰⵙⵙ ⵏ ⵜⵜⵍⴰⵜⴰ, ⵙⴻⴳ 2 ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ, ⴷⴻⴳ ⵓⴱⵔⵉⴷ: ⵍⴻⵣⵣⴰⵢⴻⵔ-ⴱⴻⵛⵛⴰⵔ-ⵡⴰⵀⵔⴰⵏ-ⵍⴻⵣⵣⴰⵢⴻⵔ. ⴰⵎ ⴰⴽⴽⴻⵏ ⴰⵔⴰ ⴷ-ⵉⵍⵍⵉⵏⵜ ⵜⵉⵏⵉⴳⵉⵏ ⵏⵏⵉⴹⴻⵏ ⵢⴰⵍ ⴰⵙⵙ ⵏ ⵍⴰⵔⴻⴱⴻⵄ, ⵙⴻⴳ 27 ⵎⴰⵢⵓ, ⴷⴻⴳ ⵓⴱⵔⵉⴷ: ⵍⴻⵣⵣⴰⵢⴻⵔ-ⵍⵎⴻⵏⵉⴰⵄ-ⵄⵉⵏ ⵚⴰⵍⴰⵀ-ⵍⴻⵣⵣⴰⵢⴻⵔ.
ⵜⴻⵔⵏⴰ-ⴷ ⴷⴰⵖⴻⵏ ⵜⵉⵏⵉⴳⵉⵏ ⵏⵏⵉⴹⴻⵏ ⵢⴰⵍ ⴰⵙⵙ ⵏ ⵜⵜⵍⴰⵜⴰ, ⵙⴻⴳ 26 ⵎⴰⵢⵓ, ⴷⴻⴳ ⵓⴱⵔⵉⴷ: ⵍⴻⵣⵣⴰⵢⴻⵔ-ⵡⴰⵀⵔⴰⵏ-ⴱⴻⵛⵛⴰⵔ-ⵍⴻⵣⵣⴰⵢⴻⵔ, ⵓ ⵢⴰⵍ ⴰⵙⵙ ⵏ ⵍⵀⴻⴷ ⵙⴻⴳ 31 ⵎⴰⵢⵓ, ⴷⴻⴳ ⵓⴱⵔⵉⴷ: ⵍⴻⵣⵣⴰⵢⴻⵔ-ⵜⵉⵎⵉⵎⵓⵏ-ⵡⴰⵀⵔⴰⵏ-ⵍⴻⵣⵣⴰⵢⴻⵔ.
ⵜⴰⵙⵏⵓⵔⴻⴼⵜ ⵜⴻⴳⴳⵔⴻⵣ ⴷⴰⵖⴻⵏ ⵉ ⵓⵄⴰⵡⴻⴷ ⵏ ⵓⵊⴻⵔⵔⴻⴷ ⵏ ⵜⵉⵏⵉⴳⵉⵏ ⵉ ⴷ-ⵢⵓⵔⴰⵏ ⵢⴰⴽⴰⵏ ⴷⴻⴳ ⵓⴱⵔⵉⴷ: ⵍⴻⵣⵣⴰⵢⴻⵔ-ⵜⴰⵎⴻⵏⵖⴰⵙⵜ-ⴶⴰⵏⴻⵜ-ⵍⴻⵣⵣⴰⵢⴻⵔ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵢⴰⵍ ⴰⵙⵙ ⵏ ⵍⴻⵜⵏⵉⵢⴻⵏ ⵙⴻⴳ 1 ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ. ⵎⴰ ⴷ ⴰⴱⵔⵉⴷ: ⵜⴰⵎⴻⵏⵖⴰⵙⵜ-ⴶⴰⵏⴻⵜ-ⵉⵍⵍⵉⵣⵉ-ⵜⴰⵎⴻⵏⵖⴰⵙⵜ, ⴰⴷ ⴷ-ⵢⵉⵍⵉ ⵢⴰⵍ ⴰⵙⵙ ⵏ ⵍⴻⵅⵎⵉⵙ ⵙⴻⴳ 28 ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵙⵏⵓⵔⴻⴼⵜ.
ⴰⵔⵏⵓ ⵖⴻⵔ
