ⴰⵙⴻⵏⵜⴻⵍ ⵏ "ⵓⵃⵔⴰⵣ ⴰⵣⴻⵔⵢⴰⵏ ⵉ ⵜⴰⵏⴻⵣⵣⵉⵜ ⵏ ⵢⵉⴽⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⴻⵍⵎⴻⴷ ⴰⵍⴻⵎⵎⴰⵙ ⴷ ⵓⵙⵉⵏⴰⵡⴰⵏ ⴳⴰⵔ ⵜⵎⵓⵖⵍⵉ ⵏ ⵓⵙⴻⵃⴷⴻⵔ ⴷ ⵜⵉⵏ ⵏ ⵓⵣⴻⵟⵟⴻⴹ", ⵢⴻⵍⵍⴰ ⴷ ⴰⵎⵎⴰⵙ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⵉ ⴷ-ⵢⴻⵙⵙⵓⴷⴷⴻⵙ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵓⵙⵇⴰⵎⵓ ⵏ ⵜⵏⴻⴼⵔⵓⵜ ⵏ ⵍⴻⵣⵣⴰⵢⴻⵔ. ⴷⴻⴳ-ⵙ, ⵙⵏⴻⴽⴷⴻⵏ-ⴷ ⵜⵓⴷⵔⴰ ⵏ ⵜⴻⵎⵙⴰⵍ ⵏ ⵍⵖⴻⵛ ⴷⴻⴳ ⵢⵉⴽⴽⴰⵢⴰⴷⴻⵏ-ⴰⴳⵉ ⵙⴻⴳ ⵓⵙⴻⴳⴳⴰⵙ ⵏ 2020.
ⴷⴻⴳ ⵓⵏⵏⴰⵔ-ⴰⴳⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵜⵏⴻⴼⵔⵓⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵎⵓⵀⴰⵎⴻⴷ ⴱⵓⵓⴷⴷⴻⵔⴱⴰⵍⴰ, ⵉⵙⵙⴻⴽⵏⴻⴷ ⴰⵣⴰⵍ ⵏ ⵜⵎⵓⵖⵍⵉ ⵏ ⵓⵙⴻⵃⴷⴻⵔ ⵙ ⵜⴰⵎⴰ ⵏ ⵓⵣⴻⵟⵟⴻⴹ ⴰⵙⴰⴷⵓⴼⴰⵏ, ⵙ ⵓⵙⴻⴶⵀⴻⴷ ⵏ ⵍⵃⵉⵙ ⵏ ⵜⵎⴻⵜⵜⵉ ⴷ ⵓⵎⵙⴰⵙⴻⵢ ⴳⴰⵔ ⵜⵎⵓⵙⵏⵉⵡⵉⵏ ⵎⴻⵕⵕⴰ, ⵉ ⵓⵟⵎⴰⵏ ⵏ ⵓⵃⵔⴰⵣ ⵏ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ.
ⴷⴻⴳ ⵜⵎⴻⵙⵍⴰⵢⵜ ⵏ ⵓⵎⴻⵍⵍⴰⵍ ⴰⵎⴰⵜⴰ ⵏ ⵓⵙⵇⴰⵎⵓ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵎⵓⵀⴰⵎⴻⴷ ⴽⴻⵎⴰⵍ ⴱⴻⵏⴱⵓⵓⴷⵉⴰⴼ, ⵉ ⴷ-ⵢⴻⵖⵔⴰ ⵙ ⵢⵉⵙⴻⵎ-ⵉⵙ ⴼⵓⵓⴰⴷ ⵎⴰⵏⵙⵓⵓⵔ, ⵉⵙⵙⴻⴽⵏⴻⴷ ⴱⴻⵍⵍⵉ "ⴰⵎⴰⵀⵉⵍ ⵏ ⵜⵏⴻⵣⵣⵉⵜ ⵜⴰⵎⴰⵜⵓⵜ ⵓⵔ ⵉⵃⵔⵉⵙ ⴰⵔⴰ ⴽⴰⵏ ⴷⴻⴳ ⵓⵣⴻⵟⵟⴻⴹ, ⵍⴰⵎⴻⵄⵏⴰ ⴷⴻⴳ-ⵙ ⴷⴰⵖⴻⵏ ⴰⵃⵔⵉⵛ ⵏ ⵓⵙⴻⵃⴷⴻⵔ ⵙ ⵓⵙⴼⵓⵍⴻⵍ ⵏ ⵡⴻⵎⵔⴰⵃ ⴰⵍⵉⴽⵜⵔⵓⵏⴰⵏ ⴷ ⵓⵎⵙⴰⵙⴻⵢ ⴷ ⵢⵉⵎⴻⵥⵍⴰ ⵏ ⵜⵎⴰⵏⴻⴳⵜ ⴷ ⵜⵓⴷⴷⵙⵉⵡⵉⵏ ⵏ ⵓⵙⴻⴳⵎⵉ".
ⴷⴻⴳ ⵜⵎⴻⵙⵍⴰⵢⵜ ⵏ ⵓⵏⴻⴼⵔⴰⵢ ⵏ ⵓⵏⴰⴷⵉ ⴷⴻⴳ ⵜⵏⴻⴼⵔⵓⵜ ⵏ ⵛⵛⴰⵔⵇⴰ, ⴽⵓⵓⵉⵙⵙⵉ ⵡⴰⵍⵉⴷ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⴰⵙⴻⵍⴳⴻⵏ ⴰⵣⵣⴰⵢⵔⵉ ⵢⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵃⵔⴰⵣ ⵏ ⵜⴰⵏⴻⵣⵣⵉⵜ ⵏ ⵢⵉⴽⴽⴰⵢⴰⴷⴻⵏ ⵙ ⵓⵙⴰⴷⵓⴼ 20-06 ⵉ ⵢⴻⴱⴻⴷⴷⵍⴻⵏ ⴰⵙⴰⴷⵓⴼ ⵏ ⵓⵣⴻⵟⵟⴻⴹ ⴰⵣⴻⵔⵢⴰⵏ, ⵙ ⵓⵙⵉⴷⵔⴻⴳ ⵏ ⵜⴽⴻⵔⵔⵉⵛⵜ ⵏ ⵜⵎⵓⵀⴰⵍ ⵏ ⵓⵙⵓⴼⴼⴻⵖ ⵏⴻⵖ ⵏ ⵓⵙⴷⴻⵔⵖⴻⵍ ⵏ ⵢⵉⵙⴻⵏⵜⴰⵍ ⴷ ⵜⵔⵉⵔⵉⵢⴻⵏ ⵏ ⵢⵉⴽⴽⴰⵢⴰⴷⴻⵏ".
ⴷⴻⴳ ⵜⴰⴳⴳⴰⵔⴰ ⵏ ⵡⴰⵙⵙ-ⴰⴳⵉ ⵏ ⵜⴻⵣⵔⴰⵡⵜ, ⵡⵉⴷ ⵉ ⴷ-ⵜⴻⴽⴽⵉⵏ ⵙⵙⵓⵜⵜⵔⴻⵏ "ⴰⵣⴰⵍ ⵏ ⵓⵙⴻⵎⵔⴻⵙ ⵏ ⵓⵎⴰⵀⵉⵍ ⵏ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ (ⵎéⴷⵉⴰⵙ) ⵙ ⵓⵙⴱⴻⴷⴷⵉ ⵏ ⵡⴰⵀⵉⵍⴻⵏ ⵉⵕⴻⵙⵙⴰⵏⴻⵏ ⵉ ⵓⴼⵔⵓⵔⴻⵢ ⵏ ⵜⵓⵎⵏⴰⵏⵜ ⵏ ⵍⵖⴻⵛ, ⴷ ⵓⵙⵙⴻⵜⴼⴻⵀⵎ ⵏ ⵢⵉⵎⴻⵙⵜⵉⵔⴻⵏ (candidats) ⵖⴻⴼ ⵢⵉⵎⵉⵀⵉⵢⴻⵏ ⵏ ⵜⵎⵓⵀⴻⵍ-ⴰⴳⵉ".
ⴰⵔⵏⵓ ⵖⴻⵔ
