ⵡⴻⵀⵔⴰⵏ: ⴰⵎⴻⵣⵡⴰⵔⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵡⵡⴻⵜ ⵜⵉⵟ ⵖⴻⴼ ⵓⵙⴻⵏⴼⴰⵔ ⵏ ⵓⴼⴰⵔⵉⵙ ⵏ "ⵎⵉⵜⵉⵍ ⵜⵔⵉ-ⴱⵢⵓⵜⵉⵍ ⵍⵉⵜⵉⵔ" ⴷⴻⴳ ⵡⴰⵔⵣⵉⵡ

ⵡⴰⵔⵣⵉⵡ (ⵡⴻⵀⵔⴰⵏ) – ⵢⴻⵡⵡⴻⵜ ⵜⵉⵟ ⵓⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⴻⵎⵏⴰⴹⵜ ⵜⴰⵎⴻⴳⵓⵔⴰⵏⵜ ⵏ ⵡⴰⵔⵣⵉⵡ (ⵡⴻⵀⵔⴰⵏ), ⵖⴻⴼ ⵓⵙⴻⵏⴼⴰⵔ ⵏ ⵓⴱⴻⵏⵏⵉ ⵏ ⵢⵉⵡⴻⵜ ⵏ ⵜⵎⵙⴻⵍⵜ ⵉ ⵓⴼⴰⵔⵉⵙ ⵏ ⵎⴰⴷⴰ "ⵎⵉⵜⵉⵍ ⵜⵔⵉ-ⴱⵢⵓⵜⵉⵍ ⵍⵉⵜⵉⵔ" . ⴰⵢⴰ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⵎⴻⴽⵜⵉ ⵡⵉⵙ 70 ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴷ ⵓⵙⵎⴻⴽⵜⵉ ⵡⵉⵙ 55 ⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ (24 ⴼⵓⵔⴰⵔ).

ⴷⴻⴳ ⵜⵓⵣⵣⵢⴰ-ⵉⵙ ⵖⴻⵔ ⵜⵣⴻⵇⵇⴰ ⵏ ⵓⵙⴻⴷⵎⴻⵔ ⵏ ⵓⵙⴻⵏⴼⴰⵔ, ⵢⴻⵙⵄⴰⵏ ⴰⵍⴰⵜⴻⵏ ⵏ ⵜⵜⴻⴽⵏⵓⵍⵓⵊⵢⴰ ⵏ ⵜⵓⵔⴰ, ⵎⴰⵙⵙ ⵙⵉⴼⵉ ⵖⵔⵉⴱ ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵍⴻⵇⴷⵉⵛ-ⴰⴳⵉ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴰⴷ ⵢⴻⵊⵊ ⵍⵣⵣⴰⵢⴻⵔ ⴰⴷ ⵜⴻⵙⵙⴻⴳⴳⴻⵎ ⵍⴱⴻⵏⵣⵉⵏ ⴱⵍⴰ ⴰⵔⵔⵚⴰⵚ, ⴰⴷ ⵜⴻⵙⵏⴻⵇⴻⵙ ⴰⵢⴻⵏ ⵉ ⴷ-ⵜⴻⵜⵜⴰⵡⵉ ⵙⴻⴳ ⴱⴻⵔⵔⴰ ⵢⴻⵔⵏⴰ ⴰⴷ ⵜⴻⴱⴷⵓ ⴰⵣⴻⵏⵣⵉ ⵏ ⵎⴰⴷⴰ-ⴰⴳⵉ ⴷⵉ ⴱⴻⵔⵔⴰ.

ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⵙⴻⵏⴼⴰⵔ, ⴰⴼⴰⵔⵉⵙ ⴰⴷ ⵢⴰⵡⴻⴹ 200 ⵏ ⵢⵉⴼⴻⵏ ⵏ ⵢⵉⵜⵓⵏⵏⴻⵏ ⴽⵓⵍ ⴰⵙⴻⴳⴳⴰⵙ. ⵍⴻⵇⴷⵉⵛ ⵏ ⵓⴱⴻⵏⵏⵉ ⵢⴻⵡⵡⴻⴹ 86 ⵏ ⵜⵎⵉⴹⵉ (86%), ⵢⴻⵔⵏⴰ ⵜⴰⵎⵙⴻⵍⵜ-ⴰⴳⵉ ⴰⴷ ⵜⴻⴱⴷⵓ ⴰⴼⴰⵔⵉⵙ ⵓⵏⵚⵉⴱ ⴷⴻⴳ ⵡⴰⴳⴳⵓⵔ ⵏ ⵢⵓⵍⵢⵓⵣ ⵏ ⵓⵙⴻⴳⴳⴰⵙ-ⴰⴳⵉ.

ⴰⵙⴻⵏⴼⴰⵔ-ⴰⴳⵉ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵎⴰⴷⴰ ⵏ "ⵎⵉⵜⴰⵏⵓⵍ" ⵉ ⴷ-ⵢⴻⵙⴼⵓⴼⵓⵖ ⵎⵎⵓⵊⵎⵎⵓⵄ "CP1Z" ⴷ ⵎⴰⴷⴰ ⵏ "ⴱⵓⵜⴰⵏ" ⵙⴻⴳ ⵎⵎⵓⵊⵎⵎⵓⵄ "GP2Z". ⵢⴻⵊⵊⴰ-ⴷ ⴷⴰⵖⴻⵏ ⴰⵅⵍⴰⵇ ⵏ 3,500 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴷⴻⴳ ⵓⵣⵎⴻⵣ ⵏ ⵓⴱⴻⵏⵏⵉ, ⵢⴻⵔⵏⴰ ⴰⴷ ⵢⴻⴼⴽ ⵓⴳⴰⵔ ⵏ 200 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⵉⴷⴰⵢⵎⴻⵏ ⵉⵎⵉ ⴰⵔⴰ ⵢⴻⴱⴷⵓ ⵍⴻⵇⴷⵉⵛ.

ⴷⴷⴰⵏ ⴷ ⵓⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ ⴷⴻⴳ ⵜⵓⵣⵣⵢⴰ-ⴰⴳⵉ: ⴰⵏⵖⵍⴰⴼ ⵏ ⵓⵡⴰⵏⴰⴽ ⵎⵓⵃⴰⵎⴻⴷ ⴰⵔⴽⴰⴱ, ⵎⵓⵔⴰⴷ ⵄⴻⵊⵊⴰⵍ, ⵄⴻⴱ ⴷⵓⵍⴽⵔⵉⵎ ⴱⵓⵡⴰⵍⵣⴻⵔⴷ, ⵄⴻⴱⴷⵓⵍⴰⵇ ⵙⴰⵢⵃⵉ, ⴰⵏⴻⴱⴷⴰⴷ ⴰⵎⴰⵜⵓ ⵏ "ⵙⵓⵏⴰⵟⵔⴰⴽ" ⵏⵓⵔⴻⴷⴷⵉⵏ ⴷⴰⵡⴷⵉ, ⴷ ⵓⵎⴰⵔⴰ ⴰⵎⴰⵜⵓ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⴻⴷⴷⴰⵎⴻⵏ ⴰⵄⵎⴰⵔ ⵜⴰⵇⵊⵓⵜ.