ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵎⴻⵔⵖⴰ ⴰⴽⴽⴻⴷ ⵢⵉⵏⴰⵖⵣⴻⵏ, ⵎoⵀⴰⵎⴻⴷ ⴰⵔⴽⴰⴱ, ⵢⴻⵏⵏⴰ-ⴷ, ⴰⵙⵙ ⵏ ⵓⵙⴰⵎⴰⵙ ⴷⴻⴳ ⵔⵉⵢⴰⴹ (ⵜⴰⴳⴻⵍⴷⴰ ⵜⴰⵙⴰɛⵓⴷⵉⵜ), ⴷⴻⴳ ⵓⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵜⵖⴻⵎⵍⵉⵍⵜ ⵏ ⵓⵙⴰⵔⴰⴳ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵓⵙⵏⴻⴳⵎⵓ ⵏ ⵜⴻⵎⴳⵓⵔⵉ, ⴷⴰⴽⴽⴻⵏ ⴰⵏⵎⵉⵔⴻⴳ ⴳⴰⵔ ⴷⵣⴰⵢⴻⵔ ⴰⴽⴽⴻⴷ ⵜⵓⴷⴷⵙⴰ ⵜⴻⴷⴷⴻⵔ ⵢⵉⵡⴻⵜ ⵏ ⵜⴷⵉⵏⴰⵎⵉⵜ ⵉ ⵍⴰ ⵢⴻⵜⵜⵏⴻⵔⵏⵉⵏ.
ⵢⴻⵣⵣⵉⵔⴻⴳ-ⴷ ⵖⴻⴼ ⵍⴻⴱⵖⵉ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⵉⵀⵔⴻⵡ ⴰⵏⵎⵉⵔⴻⴳ-ⴰ ⵖⴻⵔ ⵜⴻⵖⵓⵍⴰ ⵜⵉⵎⴰⵢⵏⵓⵜⵉⵏ, ⵍⴰⴷⵖⴰ ⵜⵉⵥⴻⵡⵔⵉⵏ ⵉ ⴷ-ⵢⴻⵜⵜⵓⵖⴰⵍⴻⵏ, ⴰⵙⴼⴰⵔ ⴰⵎⴳⵓⵔⴰⵏ ⴰⴽⴽⴻⴷ ⵢⵉⵎⴰⵣⵔⴰⵔⴻⵏ ⵏ ⵡⴰⵣⴰⵍ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵎⴻⵔⵖⴰ ⴰⴽⴽⴻⴷ ⵢⵉⵏⴰⵖⵣⴻⵏ.
ⵢⴻⵜⵜⴻⴽⴽⴰ ⵎⴰⵙⵙ ⴰⵔⴽⴰⴱ ⴷⴻⴳ ⵓⵙⴰⵔⴰⴳ ⵙ ⵜⵖⴰⵔⴰ-ⴰⵙ ⵏ ⵓⴳⴻⵏⵙⴰⵙ ⵏ ⴷⵣⴰⵢⴻⵔ, ⵖⴻⴼ ⵢⵉⵖⴼ ⵏ ⵢⵉⵡⴻⵜ ⵏ ⵜⵎⴰⴳⵍⴰ ⵜⴰⵅⴰⵜⴰⵔⵜ ⵜⴻⵜⵜⵡⴰⵙⵉⵙⴳⴻⵔ ⵙ ⵢⵉⴳⴻⵏⵙⴰⵙⴻⵏ ⵏ ⵢⵉⴳⵣⵓⵎⴻⵏ ⵏ ⵜⵎⴻⵔⵖⴰ, ⵏ ⵢⵉⵏⴰⵖⵣⴻⵏ ⴰⴽⴽⴻⴷ ⵜⴻⵎⴳⵓⵔⵉ, ⴰⴽⴽⴻⴷ ⵓⵏⵎⴰⵀⴰⵍ ⵏ ⴷⵣⴰⵢⴻⵔ ⵢⴻⵍⵍⴰⵏ ⴷⴻⴳ ⵜⵓⵜⵔⵉⵛⵜ ⵢⴻⵔⵏⴰ ⴷ ⴰⴳⴻⵏⵙⴰⵙ ⵉⵎⴻⵣⴳⵉ ⴷⴻⴳ ⵜⵓⴷⴷⵙⴰ, ⵍⴰⵔⴱⵉ ⵍⴰⵜⵔoⵛⵀ, ⴰⴽⴽⴻⴷ ⵓⵏⵎⴰⵀⴰⵍ ⵏ ⴷⵣⴰⵢⴻⵔ ⵢⴻⵍⵍⴰⵏ ⴷⴻⴳ ⵜⴳⴻⵍⴷⴰ ⵜⴰⵙⴰɛⵓⴷⵉⵜ, oⵓⴰⵍⵉⴷ ⵛⵀⴻⵔⵉⴼ, ⵏ ⵓⵙⴻⵍⵡⴰⵢ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⵔⵎⵓⴷⴻⵏ ⵏ ⵢⵉⵏⴰⵖⵣⴻⵏ, ⵎoⵓⵔⴰⴷ ⵀⴰⵏⵉⴼⵉ, ⴰⴽⴽⴻⴷ ⵢⵉⴽⴰⵜⴰⵔⴻⵏ ⵓⵏⵏⵉⴳⴻⵏ ⵏ ⵎⴻⵏⵏⴰⵡ ⵏ ⵜⵙⵓⴷⴰ ⵜⵉⵖⴻⵍⵏⴰⵡⵉⵏ.
ⵜⵉⴳⴳⴻⵏⵙⴻⵙⵜ-ⴰ ⵏ ⵓⵙⵡⵉⵔ ⵓⵏⵏⵉⴳ ⵜⴻⵎⵎⴰⵍ-ⴷ ⵍⴻⴱⵖⵉ ⵉⴳⴻⵣⵎⴻⵏ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⴻǧⵀⴻⴷ ⵜⵉⵀⴰⵡⵜ-ⵉⵙ ⵜⴰⵎⴳⵓⵔⴰⵏⵜ ⴰⴽⴽⴻⴷ ⵜⴻⴳⵔⴰⵖⵍⴰⵏⵜ ⵢⴻⵔⵏⴰ ⴰⴷ ⵜⵡⴻⴽⴽⴻⴷ ⵜⵉⴷⴳⵉ-ⵙ ⵏ ⵜⵏⴻⴱⵍⴰⴳⵜ ⵜⴰⴳⴻⵊⴷⴰⵏⵜ ⴷⴻⴳ ⵢⵉⵙⵔⵓⵙⴻⵏ ⵉⵎⴳⵓⵔⴰⵏⴻⵏ ⴰⴽⴽⴻⴷ ⵢⵉⵥⴻⵡⵔⴰⵏⴻⵏ ⵉⵏⵎⴰⴹⴰⵍⴻⵏ, ⵢⴻⵔⵏⴰ ⵜⴰⵖⴻⵎⵍⵉⵍⵜ-ⴰ ⵜⴻⴹⵔⴰ-ⴷ ⵙ ⵜⴻⵍⵖⴰ ⵏ « ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵏ ⵜⴻⵎⴳⵓⵔⵉ », ⵙ ⵓⵜⵜⴻⴽⴽⵉ ⵏ ⵢⵉⵏⴻⵖⵍⴰⴼⴻⵏ, ⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⴰⴽⴽⴻⴷ ⵢⵉⵎⵏⵉⵍⴻⵏ ⵏ ⵜⴻⵕⵎⵉⵙⵉⵏ ⵜⵉⵎⴳⵓⵔⴰⵏⵉⵏ ⵜⵉⵏⵎⴰⴹⴰⵍⵉⵏ, ⵙⴻⴳ 23 ⴰⵔ 27 ⵡⴰⵎⴱⴻⵔ ⵉⴷⴻⴳ ⵏⴻⵍⵍⴰ.
ⴰⵔⵏⵓ ⵖⴻⵔ
