ⵜⴰⵙⵓⴷⴷⵓⵜ ⵜⵓⵔⵇⵉⵎⵜ ⵏ ⵜⵎⴰⵡⴰⵙⵜ ⵏ ⵢⵉⵎⴰⵀⵉⵍⴻⵏ ⵏ ⵍⴱⴰⵢⵍⴻⴽ ⴷ ⵜⵎⴻⵣⴷⴰⵢⵉⵏ ⵏ ⵍⵍⵙⴰⵙ ⵜⴻⵙⵏⴻⵔⵏⴰ ⵙⴻⴳ ⵡⴰⵙⵙ-ⴰ ⵏ ⵓⵜⵍⴰⵜⴰ ⵉⴷⵎⵉⵔⴻⵏ ⵉⵎⴰⵢⵏⵓⵜⴻⵏ. ⴰⵢⴰⴳⵉ ⵢⴻⵔⵣⴰ ⴰⴼⵉⵍ ⵏ ⵍⴽⴰⵖⴻⴹ ⵏ ⵓⵙⵡⵉⵔ ⴷ ⵓⵙⴻⴳⵣⴻⵎ ⵓⵏⵚⵉⴱ ⵏ ⵜⴽⴻⴱⴱⴰⵏⵉⵢⵉⵏ ⵏ ⵓⵙⴰⵍⵉ, ⴰⴽⴽⴻⴷ ⵓⵙⴻⵜⵎⴻⵎ ⵏ ⵜⵎⴻⵣⴷⴰⵢⵉⵏ ⵏ ⵜⴻⵣⵔⴰⵡⵜ ⵜⵓⵙⵍⵉⴳⵉⵏ , ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵜⵎⴰⵡⴰⵙⵜ.
ⴰⵔⵔⴻⵣⵡⵉ-ⴰⴳⵉ ⴰⵎⴻⵇⵇⵔⴰⵏ ⴷⴻⴳ ⵓⴱⵔⵉⴷ ⵏ ⵜⴰⵔⵇⴻⵎⵏⴻⵜ ⵏ ⵓⵃⵔⵉⵛ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵏ ⵓⴳⵔⴰⵡ ⵏ ⵓⵎⴰⵀⵉⵍ ⵉ ⵢⴻⵙⵙⴻⴷⴷⴰ ⵓⵎⴰⵡⴰⵙ ⵄⴰⴱⴷⴻⵍⵇⴰⴷⴻⵔ ⴶⴻⵍⵍⴰⵡⵉ ⴷⴻⴳ ⵓⵇⴻⵔⵔⵓ ⵏ ⵜⵎⴰⵡⴰⵜ. ⵉⵙⵡⵉ-ⵙ ⴷ ⴰⵙⵎⵓⴷⴻⵔⵏⵉ ⵏ ⵍ-ⵉⴷⴰⵔⴰ ⴷ ⵢⵉⴷⵎⵉⵔⴻⵏ ⵉ ⴷ-ⵜⵜⴰⴽⴽⴻⵏ ⵉ ⵍⵎⵓⵡⴰⵟⵉⵏ ⴷ ⵢⵉⵎⴰⵀⴰⵍⴻⵏ.
ⵜⴰⵙⵓⴷⴷⵓⵜ ⵜⵓⵔⵇⵉⵎⵜ ⵜⴻⵜⵜⴰⴶⴰ ⵉ ⵢⵉⵎⴹⴻⴱⴱⵔⴻⵏ ⴰⴷ ⴷ-ⴼⴽⴻⵏ ⵍⴽⴰⵖⴻⴹ-ⵏⵙⴻⵏ ⵢⴻⵔⵏⴰ ⴰⴷ ⴹⴻⴼⴼⵔⴻⵏ ⴰⵙⵉⴼⴻⴹ-ⵏⵙⴻⵏ ⵙⴻⴳ ⵓⴱⵄⵉⴷ, ⵡⴰⵔ ⴰⴷ ⵔⵣⵓⵏ ⵖⴻⵔ ⵜⵎⴰⵡⴰⵙⵜ ⵏⴻⵖ ⵖⴻⵔ ⵜⵎⴻⵀⵍⵉⵡⵉⵏ ⵏ ⵜⵡⵉⵍⴰⵢⵉⵏ. ⴰⵢⴰⴳⵉ ⴰⴷ ⵢⴻⵙⵙⴻⵀⵡⴻⵏ ⵍⴻⵛⵢⴰⵍ, ⴰⴷ ⵢⴻⵏⵇⴻⵙ ⵡⴰⴽⵓⴷ ⵏ ⵓⵇⴰⵔⴰⵄ, ⵢⴻⵔⵏⴰ ⴰⴷ ⵢⴻⵙⵙⴻⵏⴼⴻⵍ ⴰⵙⵡⵉⵔ ⵏ ⵢⵉⴷⵎⵉⵔⴻⵏ.
ⴷⴻⴳ ⵜⴻⴳⵏⵉⵜ-ⴰⴳⵉ, ⵎⴰⵙⵙ ⴶⴻⵍⵍⴰⵡⵉ ⵢⴻⵙⵙⴻⵊⵀⵉⴷ ⵍⵇⵉⵎⴰ ⵏ ⵓⵙⴰⵍⵉ ⵏ ⵜⴰⵔⵇⴻⵎⵏⴻⵜ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⴻⵍⵃⵓ ⵏ ⵍ-ⵉⴷⴰⵔⴰ ⵢⴻⵍⵔⴰⵏ, ⴰⵙⴻⵀⵡⴰⵢ ⵏ ⵢⵉⴷⵎⵉⵔⴻⵏ ⵉ ⵜⵎⴻⵣⴷⴰⵢⵉⵏ ⵏ ⵜⴻⵣⵔⴰⵡⵜ ⴷ ⵜⴽⴻⴱⴱⴰⵏⵉⵢⵉⵏ, ⴷ ⵓⵙⴻⵊⵀⵉⴷ ⵏ ⵜⵉⴼⴰⴼⴻⵏⵜ . ⴰⵢⴰⴳⵉ ⵢⴻⵜⵜⴻⴷⴷⵓ ⴷ ⵡⵓⴷⵎⵉⵔ ⴰⵎⴰⵢⵏⵓ ⵏ ⵓⴱⴻⴷⴷⴻⵍ ⵓⵔⵇⵉⵎ ⵙ ⵓⵎⵢⴰⵡⴰⵙ ⴰⴽⴽⴻⴷ ⵜⵎⴰⵙⵙⴰ ⵜⴰⵎⴰⵜⵓⵜ ⵏ ⵜⴰⵔⵇⴻⵎⵏⴻⵜ.
ⴰⵔⵏⵓ ⵖⴻⵔ
