ⵜⴻⵙⵙⴻⴶⵀⴻⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⴻⵥⴳⵉⵡⵉⵏ ⵜⴰⵔⵔⴰⵢⵉⵏ-ⵉⵙ ⵏ ⵓⵙⴻⵃⴷⴻⵔ ⴷ ⵓⵎⴻⵏⵏⵓⵖ ⵎⴳⴰⵍ ⵍⵃⴰⵔⵉⵇⴰⵜ ⵏ ⵜⴰⵡⵏⵏⴰⴹⵜ ⴷⴻⴳ ⵜⵎⵓⵔⵜ ⵎⴻⵕⵕⴰ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵜⵉⴳⴳⴰⵡⵜ ⵏ ⵓⵙⴻⴳⴳⴰⵙ 2026, ⵉ ⴷⴻⴳ ⵜⴻⵙⵙⴻⵔⵔⴻⵙ ⵜⵏⴻⵀⵎⴰⵍⵜ ⵢⴰⴽⴽ ⵡⴰⵍⵍⴰⵍⴻⵏ ⵏ ⵍⵍⵙⴰⵙ, ⵜⵍⵓⵊⵉⵢⵙⵜⵉⴽⵜ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⵉⵕⴻⵙⵙⴰⵏⴻⵏ, ⵙ ⵜⴰⵎⴰ ⵏ ⵢⵉⵡⴻⵜ ⵏ ⵜⵃⴰⴼⵉⵍⵜ ⵏ ⵢⵉⵙⴰⴼⴰⴳⴻⵏ ⵏ ⵓⵙⵙⴻⵅⵙⵉ ⵏ ⵜⵎⴻⵙ.
ⴰⵎⴹⴻⴱⴱⴻⵔ ⵏ ⵓⵃⵔⴰⵣ ⵏ ⵢⵉⵖⴻⵔⵙⵉⵡⴻⵏ ⴷ ⵢⵉⵎⵖⴰⵏ ⴷⴻⴳ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ, ⵎⴰⵙⵙ ⵙⴰïⴷ ⵙⵉ ⵄⴰⵍⵉ, ⵢⴻⵏⵏⴰ-ⴷ ⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⵍⴻⵏ ⴱⴻⵍⵍⵉ "ⵜⵉⴳⴳⴰⵡⵜ ⵏ 2025-2026, ⵉ ⵢⴻⴱⴷⴰⵏ ⴷⴻⴳ ⵓⵎⴻⵏⵣⵡⵓ ⵏ ⵎⴰⵢⵓ ⵓ ⴰⴷ ⵜⴷⵓⵎ ⴰⵔⵎⵉ ⴷ 30 ⵓⵏⴱⵉⵔ, ⵜⴻⵎⴳⴰⵔⴰⴷ ⵙ ⵓⵙⴻⵎⵔⴻⵙ ⴰⵎⴻⵇⵇⵔⴰⵏ ⵏ ⵡⴰⵍⵍⴰⵍⴻⵏ ⵏ ⵜⵉⴽⵏⵓⵍⵓⴶⵉⵜ, ⵍⴰⴷⵖⴰ ⵉⵙⴰⴼⴰⴳⴻⵏ ⵎⴻⴱⵍⴰ ⴰⵎⴻⴷⴷⴰⵀ (drones) ⵉ ⵓⵙⵏⵉⵔⴻⵎ ⵏ ⵣⵉⴽ ⵏ ⵍⵃⴰⵔⵉⵇⴰⵜ".
ⵢⴻⵔⵏⴰ-ⴷ ⴱⴻⵍⵍⵉ 35 ⵏ ⵢⵉⵙⴰⴼⴰⴳⴻⵏ ⵎⴻⴱⵍⴰ ⴰⵎⴻⴷⴷⴰⵀ ⵜⵜⴻⴷⴷⵓⵏ ⵜⵓⵔⴰ, ⵓ ⵜⵜⴻⴷⴷⵓⵏ-ⴷ 80 ⵏⵏⵉⴹⴻⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⵣⴻⵎⵎⴰⵔ ⵏ ⵓⵣⴻⵟⵟⴻⴹ. ⴰⵏⴰⴳⵔⴰⵡ ⵏ ⵓⵣⴻⵟⵟⴻⴹ ⴷⴻⴳ-ⵙ 510 ⵏ ⵜⵉⵚⵓⵎⵄⵉⵡⵉⵏ ⵏ ⵜⵎⵓⵖⵍⵉ ⴷⴻⴳ ⵢⵉⵎⵓⴽⴰⵏ ⵏ ⵜⴻⵥⴳⵉⵡⵉⵏ, ⵉ ⵓⵟⵎⴰⵏ ⵏ ⵓⵏⵉⵀ ⵙ ⵣⵉⴽ ⴷ ⵓⵎⵙⴰⵙⴻⵢ ⵓⵙⵔⵉⴷ ⴷ ⵜⵙⴻⴷⴷⴰⵔⵉⵏ ⵏ ⵜⵉⴳⴳⴰⵡⵜ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⴻⵥⴳⵉⵡⵉⵏ.
ⴷⴻⴳ ⵓⵏⵏⴰⵔ ⵏ ⵜⵎⵓⵀⴻⵍ, ⵙⵏⴻⴽⴷⴻⵏ 40 ⵏ ⵢⵉⵣⴰⴳⴳⴻⵏ ⵉⵎⵓⴷⴷⵓⵏ ⴷⴻⴳ 40 ⵏ ⵜⵡⵉⵍⴰⵢⵉⵏ, ⵢⴰⵍ ⵢⵉⵡⴻⵏ ⴷⴻⴳ-ⵙ ⵜⵉⴽⴰⵎⵢⵓⵏⵉⵏ ⵏ ⵓⵚⴰⵀⵔⵉⴶ, ⵙ ⵜⴰⵍⵍⴻⵍⵜ ⵏ 544 ⵏ ⵜⵙⴻⴷⴷⴰⵔⵉⵏ ⵏ ⵜⵉⴳⴳⴰⵡⵜ ⵜⴰⵎⴻⵏⵣⵡⵓⵜ ⵉ ⵜⵔⵉⵔⵉⵜ ⵙ ⵜⴰⵣⵣⵍⴰ.
ⵓⵇⴱⴻⵍ ⴰⴷ ⵜⴻⴱⴷⵓ ⵜⵉⴳⴳⴰⵡⵜ, ⵅⴻⴷⵎⴻⵏ ⵉⵎⴰⵀⵉⵍⴻⵏ ⵉⴶⴻⵀⴷⴻⵏ ⵏ ⵓⵚⴻⴳⴳⴻⵎ ⵏ ⵜⴻⵥⴳⵉⵡⵉⵏ, ⴷⴻⴳ-ⵙⴻⵏ ⵓⵍⴷⴰⵢ ⴷ ⵓⵙⵉⵣⴷⴻⴳ ⵏ ⵓⴳⴰⵔ ⵏ 52.350 ⴽⵎ ⵏ ⵢⵉⵙⵓⴽⴰⵏ ⵏ ⵜⴻⵥⴳⵉ, ⴷ ⵓⵚⴻⴳⴳⴻⵎ ⵏ 31.125 ⵏ ⵢⵉⵀⵉⴽⵜⴰⵔⴻⵏ ⵏ ⵜⵔⴻⴳⵡⴰ ⵏ ⵓⵃⵔⴰⵣ ⵎⴳⴰⵍ ⵜⵎⴻⵙ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⴱⴻⴷⴷⵉ ⵏ ⵓⴳⴰⵔ ⵏ 3.000 ⵏ ⵜⵉⵣⵉ ⵏ ⵡⴰⵎⴰⵏ ⵉ ⵜⵎⵓⵀⴰⵍ ⵏ ⵓⵎⴻⵏⵏⵓⵖ.
ⴰⵔⵏⵓ ⵖⴻⵔ
