ⵜⴻⵡⵡⵉ ⵍⴻⵣⵣⴰⵢⴻⵔ ⴽⵔⴰⴷⴻⵜ ⵏ ⵜⵎⴻⴷⴷⴰⵍⵜⵉⵏ (ⵙⵏⴰⵜ ⵏ ⴷⴷⵀⴻⴱ ⴷ ⵢⵉⵡⴻⵜ ⵏ ⵓⵎⵜⴰⵍⵉ) ⴷⴻⴳ ⵜⵙⴻⵎⵎⵓⵏⵜ ⵜⵉⵙ ⴽⵔⴰⴷⴻⵜ ⵏ ⵜⵉⵍⵖⵓⵖⴰ ⵏ ⵡⴰⵄⵔⴰⴱⴻⵏ ⵏ ⵡⴰⴷⴷⴰⵍ ⵏ ⵜⵓⴳⴳⵏⴰ (athlétisme) ⵉ ⵢⵉⵍⴻⵎⵣⵢⴻⵏ ⵙ ⴷⴷⴰⵡ ⵏ 23 ⵏ ⵢⵉⵙⴻⴳⴳⴰⵙⴻⵏ, ⵙⴻⵍⴷ ⵉⵎⵣⴰⵔⴰⴳⴻⵏ ⵏ ⵡⴰⵙⵙ ⵡⵉⵙ ⵙⵉⵏ ⵉ ⴷ-ⵢⵉⵍⵍⴰⵏ ⵉⴹⴻⵍⵍⵉ ⵏ ⵍⵃⴻⴷ ⴷⴻⴳ ⵜⴻⵎⴷⵉⵏⵜ ⵏ ⴷⴻⴳ ⵎⴰⵚⴻⵔ.
ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⵜⴰⵎⴻⵏⵣⵡⵓⵜ ⵜⵓⵙⴰ-ⴷ ⵙ ⵓⴼⵓⵙ ⵏ ⵓⵎⵓⵔⴰⵔ ⵉⵙⵙⴰⵎ ⵍⵓⵓⴰⴷⵊ ⴷⴻⴳ ⵓⵎⵣⵉⵣⵡⴻⵔ ⵏ ⵓⴱⴷⵓ ⵙ ⵜⵉⴷⴷⵉ ⵙⴻⵍⴷ ⵎⵉ ⵢⴻⵅⴷⴻⵎ ⴰⴱⴷⵓ ⵏ 7.59 ⵏ ⵢⵉⵎⵉⵜⵔⴻⵏ, ⵢⵓⴳⴰⵔ ⴰⵜⵓⵏⵙⵉ ⵎⵓⵀⴰⵎⴻⴷ ⴽⵀⴰⵍⵉⵍ ⴻⵍ ⴼⴰⵜⵓⵓⵀⵉ ⴷⴻⴳ ⵓⵎⴽⴰⵏ ⵡⵉⵙ ⵙⵉⵏ (7.58 ⵎ) ⴷ ⵓⵙⵄⵓⴷⵉ ⴰⵃⵎⴻⴷ ⴰⵍ-ⵜⴰⵔⵓⵓⵜⵉ ⴷⴻⴳ ⵓⵎⴽⴰⵏ ⵡⵉⵙ ⴽⵔⴰⴷ (7.41 ⵎ).
ⵙⴻⴳ ⵜⴰⵎⴰ-ⵙ, ⴰⵎⵓⵔⴰⵔ ⴰⵏⴰⵙ ⴳⵉⴰⵀⵉ ⵜⴻⵡⵡⵉ ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⴷⴻⴳ ⵜⴰⵣⵣⵍⴰ ⵏ 3000 ⵏ ⵢⵉⵎⵉⵜⵔⴻⵏ ⵙ ⵡⵓⴳⵓⵔⴻⵏⵙ ⵡⴰⴽⵓⴷ ⵏ 8 ⵏ ⵜⵉⵣⴻⴽⵏⵉⵏ , 21 ⵏ ⵜⵙⴻⴽⵓⵏⵉⵏ ⴷ 89, ⴰⵢⴰⴳⵉ ⴷ ⴰⴳⴻⵎⵓ-ⵉⵏⴻⵙ ⵓⴼⵔⵉⵏⴻⵏ ⴷⴻⴳ ⵓⴱⵔⵉⴷ-ⵉⵙ ⵏ ⵡⴰⴷⴷⴰⵍ. ⴷⴻⴳ ⵜⵉⵙⴻⴷⵏⴰⵏ, ⵜⴰⵎⵓⵔⴰⵔⵜ ⵏⵓⵓⵔ ⵎⴻⵔⵉⴻⵎ ⴳⵓⵎⴰⵏ ⵜⴻⵡⵡⵉ ⵜⴰⵎⵉⴷⴰⵍⵜ ⵏ ⵓⵎⵜⴰⵍⵉ ⴷⴻⴳ ⵜⴰⵣⵣⵍⴰ ⵏ 3000 ⵏ ⵢⵉⵎⵉⵜⵔⴻⵏ ⵙ ⵡⵓⴳⵓⵔⴻⵏ ⵙ ⵡⴰⴽⵓⴷ ⵏ 10 ⵏ ⵜⵉⵣⴻⴽⵏⵉⵏ, 26 ⵏ ⵜⵙⴻⴽⵓⵏⵉⵏ ⴷ 50.
ⴷⴻⴳ ⵡⴰⵙⵙ ⵡⵉⵙ ⵙⵉⵏ ⴷⴰⵖⴻⵏ, ⵉⵎⵓⵔⴰⵔ ⵍⴻⵣⵣⴰⵢⵔⵉⵢⴻⵏ ⵏⴰⴱⵉⵍ ⴱⴻⵍⴽⵀⵉⵔ (ⴰⴱⴷⵓ ⵙ ⵜⵉⴷⴷⵉ), ⵔⴻⵀⴰⴱ ⴰⵃⵎⴻⴷ (100 ⵎⵉⵜⵔⴻⵏ), ⴽⴱⵉⵔ ⵀⴰⴷⵊⴻⵔ (400 ⵎⵉⵜⵔⴻⵏ) ⴷ ⴱⵓⵓⵣⴻⴱⵣⴰ ⵉⵙⵎⴰⵉⵍ (400 ⵎⵉⵜⵔⴻⵏ) ⴽⴼⴰⵏ ⴰⵎⵣⵉⵣⵡⴻⵔ-ⵏⵙⴻⵏ ⴷⴻⴳ ⵓⵎⴽⴰⵏ ⵡⵉⵙ ⴽⵓⵣ (4), ⵔⵔⵉⴼ ⵏ ⵓⵎⵔⴰⵃ ⵏ ⵓⵙⵜⴻⵏⵢⴻⵏ.
ⵜⴻⵜⵜⴽⴻⵎⵎⵉⵍ ⵜⵙⴻⵎⵎⵓⵏⵜ ⵜⵉⵙ ⴽⵔⴰⴷⴻⵜ ⵏ ⵜⵉⵍⵖⵓⵖⴰ ⵏ ⵡⴰⵄⵔⴰⴱⴻⵏ ⵙ ⴷⴷⴰⵡ ⵏ 23 ⵏ ⵢⵉⵙⴻⴳⴳⴰⵙⴻⵏ, ⵉ ⵉⵜⴻⴷⴷⵓⵏ ⵙⴻⴳ 20 ⵖⴻⵔ 24 ⵢⵓⵏⵢⵓ ⴷⴻⴳ ⵓⵏⵏⴰⵔ ⵏ Ismaïlia, ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ ⴷ ⵜⵉⵍⵖⵓⵖⴰ ⵏ ⵡⴰⵄⵔⴰⴱⴻⵏ ⵙ ⴷⴷⴰⵡ ⵏ 16 ⵏ ⵢⵉⵙⴻⴳⴳⴰⵙⴻⵏ.
ⵜⵉⴳⴳⴰⵡⴻⵜ-ⴰⴳⵉ ⵜⵣⴻⵔ ⵓⵜⴻⴽⴽⵉ ⵏ 14 ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ: ⵍⴻⵣⵣⴰⵢⴻⵔ, ⵍⴻⴽⵡⵉⵜ, ⵍⵢⴰⵎⴰⵏ, ⵍⴱⴰⵃⵔⵉⵏ, ⵜⵙⴻⵍⵟⴰⵏⵜ ⵏ ⵄⵓⵎⴰⵏ, ⵙⵓⵔⵢⴰ, ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵜⵓⵏⴻⵙ, ⵍⵓⴱⵏⴰⵏ, ⵍⵄⵉⵔⴰⵇ, ⵍⵉⴱⵢⴰ, ⵊⵉⴱⵓⵜⵉ, ⵍⵎⴻⵔⵔⵓⴽ ⴷ ⵎⴰⵚⴻⵔ ⵉ ⴷ-ⵢⴻⵙⵙⵓⴷⴷⵙⴻⵏ ⵜⵉⵎⵍⵉⵍⵉⵜ.
ⵜⵉⴳⴳⴰⵡⴻⵜ-ⴰⴳⵉ ⵏ ⵡⴰⴷⴷⴰⵍ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵍⵎⴻⴶⵀⵓⴷⴰⵜ ⵏ ⵓⵙⵏⴻⴼⵍⵉ ⵏ ⵢⵉⵎⵣⵉⵣⵡⵔⴻⵏ ⵉ ⵏⴼⴰⵄ ⵏ ⵢⵉⵍⴻⵎⵣⵢⴻⵏ ⴷ ⵓⵙⴰⵍⵉ ⵏ ⵜⵣⴻⵎⵎⴰⵔ ⵏ ⵡⵉⴷ ⵉ ⴷ-ⵉⵜⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵙⵄⵓⵏ ⵢⵉⵎⵓⵔⴰⵔ ⵜⵉⴳⵏⴰⵜⵉⵏ ⵏⵏⵉⴹⴻⵏ ⵉ ⵓⵡⵡⵉ ⵏ ⵜⵔⵉⵎⵜ
ⴰⵔⵏⵓ ⵖⴻⵔ
