ⵃⴻⴷⵔⴻⵏⵜ-ⴷ ⵜⴰⵡⴰⵛⵓⵍⵉⵏ ⵏ ⵢⵉⵎⵡⴻⵃⵙⴰⴱⴻⵏ ⵉⵙⴰⵀⵔⴰⵡⵉⵢⴻⵏ ⵙⴻⴳ ⵓⴳⵔⴰⵡ ⵏ "Gdeim Izik", ⴰⵙⵙ-ⴰ ⵏ ⵓⵙⴰⵎⴰⵙ (ⵍⴻⵅⵎⵉⵙ), ⵖⴻⴼ ⵢⵉⴳⵎⵓⵎⴻⵏ ⵉⵄⴻⵡⵡⴰⵇⴻⵏ ⵏ ⵓⴽⴻⵎⵎⴻⵍ ⵏ ⵢⵉⵎⴰⴷⴰⵡⴻⵏ-ⵏⵙⴻⵏⵜ ⴷⴻⴳ ⵓⵙⵔⴰⴳ ⴰⵍⴷⴰⵢⴻⵏ ⵏ ⵡⵓⵞⵞⵉ ⵙⴻⴳ 23 ⵙⵜⴻⵎⴱⴻⵔ ⵉ ⵉⵄⴻⴷⴷⴰⵏ, ⵙ ⵓⵙⵓⵜⴻⵔ ⵏ ⵓⵙⵓⴼⴼⴻⵖ-ⵏⵙⴻⵏ ⴰⵙⵔⵉⴷ ⵙ ⵓⴱⵍⴻⵖ ⵏ ⵓⵙⴻⵍⵍⵓ ⵏ ⵜⴻⵣⵎⴻⵔⵜ-ⵏⵙⴻⵏ ⴷⴻⴳ ⵢⵉⵀⴰⴱⵙⴰⵏ ⵏ ⵓⵙⴷⵓⵔⵉ ⴰⵎⴻⵔⵔⵓⴽⵉ.
ⵙⵙⴽⵏⴻⵏⵜ-ⴷ ⵜⴰⵡⴰⵛⵓⵍⵉⵏ ⵜⵉⵙⴰⵀⵔⴰⵡⵉⵢⵉⵏ ⴰⵖⵉⵍⵉⴼ-ⵏⵙⴻⵏⵜ ⴰⵎⴻⵇⵇⵔⴰⵏ ⵖⴻⴼ ⵜⴻⴳⵏⵉⵜ ⵜⴰⵄⴻⵡⵡⴰⵇⵜ ⵏ ⵢⵉⵎⴰⴷⴰⵡⴻⵏ-ⵏⵙⴻⵏⵜ ⵉ ⵢⴻⵍⵍⴰⵏ ⴷⴻⴳ ⵢⵉⵀⴰⴱⵙⴰⵏ ⵏ ⵓⵙⴷⵓⵔⵉ ⴰⵎⴻⵔⵔⵓⴽⵉ ⵙⴻⴳ ⴰⵟⴰⵙ ⵏ ⵢⵉⵙⴻⴳⴳⴰⵙⴻⵏ, ⴷⴻⴳ ⵓⴱⵍⴻⵖ ⵏ ⵓⴽⴻⵎⵎⴻⵍ ⵏ ⵓⵙⵔⴰⴳ ⵏ ⵡⵓⵞⵞⵉ ⵏ ⴽⵔⴰ ⴷⴻⴳ-ⵙⴻⵏ, ⵎⴳⴰⵍ ⵓⵙⵙⴻⴼⵜⵉ ⵏ ⵜⵏⴻⴱⴷⴻⴷⵜ ⵏ ⵢⵉⵀⴰⴱⵙⴰⵏ ⴷⴻⴳ ⵓⵙⴱⴻⴷⴷ ⵏ ⵢⵉⵄⴻⵡⵡⵉⵇⴻⵏ ⵉ ⵓⵙⴻⴼⵙⴻⵅ-ⵏⵙⴻⵏ ⴷ ⵓⴽⴽⴻⵙ ⵏ ⵜⵉⵔⵣⵉⵡⵉⵏ ⵏ ⵜⴰⵡⴰⵛⵓⵍⵜ ⴷ ⵢⵉⵎⴻⵙⵍⴰⵢⴻⵏ ⵏ ⵓⵙⴰⵡⴰⵍ ⴷ ⵓⵙⵙⴻⵔⵜⴰ-ⵏⵙⴻⵏ ⴳⴰⵔ ⵢⵉⵀⴰⴱⵙⴰⵏ ⵡⴰⵔ ⴰⵙⴻⵏⴽⴻⴷ ⵏ ⵜⴰⵡⴰⵛⵓⵍⵉⵏ-ⵏⵙⴻⵏ ⵖⴻⴼ ⵢⵉⵎⴰⵍ-ⵏⵙⴻⵏ ⵏⴻⵖ ⵉⴷⴳⴻⵏ ⵏ ⵓⵙⴷⴻⵔ-ⵏⵙⴻⵏ.
ⵙⵙⴽⵏⴻⵏⵜ-ⴷ ⵜⴰⵡⴰⵛⵓⵍⵉⵏ ⵏ ⵢⵉⵎⵡⴻⵃⵙⴰⴱⴻⵏ ⵉⵙⴰⵀⵔⴰⵡⵉⵢⴻⵏ ⴷⴻⴳ ⵓⵏⴰⴳⴰⵔ ⵏ ⵜⵉⵖⵎⵉⵙⵉⵢⵏ ⵉ ⴷ-ⵜⴻⴳⴳⴰ ⵜⴻⵖⵍⴰⵎⵜ ⵜⴰⵖⵎⵉⵙⴰⵏⵜ ⵜⴰⵙⴰⵀⵔⴰⵡⵉⵜ "Equipe Media", ⴰⵄⴻⵜⵜⴰⴱ ⵏ ⵢⵉⵎⴰⴷⴰⵡⴻⵏ-ⵏⵙⴻⵏⵜ ⵉ ⵢⴻⵍⵍⴰⵏ ⵙⴻⴳ 16 ⵏ ⵢⵉⵙⴻⴳⴳⴰⵙⴻⵏ, ⵙ ⵓⵃⴻⴷⴷⴻⵔ ⴱⴻⵍⵍⵉ ⴰⵙⴻⵍⵍⵓ ⵏ ⵜⴻⵣⵎⴻⵔⵜ-ⵏⵙⴻⵏ ⴷ ⵓⴱⴰⵖⵓⵔ ⵏ ⵓⴽⵞⵞⵓⵎ ⴰⵎⴰⴹⴰⵍⴰⵏ ⴰⵙⵔⵉⴷ "ⵢⴻⵣⵎⴻⵔ ⴰⴷ ⵉⵡⵡⵉ ⵖⴻⵔ ⵢⵉⴳⵎⵓⵎⴻⵏ ⵉⵎⴻⵙⴱⴰⵃⵉⵢⴻⵏ".
ⴽⵙⴼⴻⵏⵜ-ⴷ ⵖⴻⴼ ⵢⵉⵙⵡⴰⵏ ⵉ ⴷ-ⵙⵙⴻⴽⵏⴻⵏⵜ ⴷ "ⵉⵄⴻⵡⵡⴰⵇⴻⵏ ⴰⵎⴻⵇⵇⵔⴰⵏ" ⴳⴰⵔ-ⴰⵙⴻⵏ ⴰⵙⴻⵔⵔⵃ ⵏ ⵓⵎⵡⴻⵃⵙⴻⴱ Ahmed Sebaï, ⵉ ⵢⴻⵜⵜⵄⴻⵜⵜⵉⴱⴻⵏ ⵙ ⵡⴰⵟⴰⵙ ⵏ ⵡⴰⵟⴰⵏ ⵏ ⵡⵓⵍ ⴷ ⵜⴳⴻⵣⵣⴰⵍ, ⵖⴻⵔ ⵜⵙⵓⴷⴷⵓⵡⵜ ⵓⵔ ⵢⴻⵜⵜⵡⴰⵙⵏⴻⵏ ⵡⴰⵔ ⴰⵙⴻⵏⴽⴻⴷ ⵏ ⵜⴰⵡⴰⵛⵓⵍⵜ-ⵉⵙ, ⴷⴻⴳ ⵡⵓⵍ-ⵉⵙ ⴼⴽⴰⵏ-ⴷ ⵉⵙⴰⵍⴰⵏ ⴱⴻⵍⵍⵉ ⵜⴻⴳⵏⵉⵜ ⵏ ⵜⴻⵣⵎⴻⵔⵜ ⵏ ⵓⵎⵡⴻⵃⵙⴻⴱ El Bachir Boutenguiza ⵜⴻⵡⵡⴻⴹ ⵖⴻⵔ "ⵓⵙⵡⵉⵔ ⵉⵖⴻⵍⴼⴻⵏ" ⵙ ⵓⵙⵙⴻⴼⵜⵉ ⵏ ⵡⴰⵟⴰⵏ ⵉ ⵜ-ⵢⴻǧǧⴰⵏ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵉⵍⵃⵓ.
ⵎⴰ ⴷ ⴰⵢⴻⵏ ⵢⴻⵔⵔⴰⵏ ⵖⴻⵔ ⵓⵎⵡⴻⵃⵙⴻⴱ El Hussein Zaoui, ⵙⵙⴽⵏⴻⵏⵜ-ⴷ ⴰⵖⵉⵍⵉⴼ ⵉⵊⴻⵀⵀⴷⴻⵏ ⵖⴻⴼ ⵜⵓⴷⴻⵔⵜ-ⵉⵙ ⴷⴻⴼⴼⵉⵔ ⵓⴽⴻⵎⵎⴻⵍ ⵏ ⵓⴳⴷⴻⵍ ⵏ ⵢⵉⵢⴻⵙⵙⵉ-ⵙ ⵉ ⵜⵉⵔⵣⴰ-ⵉⵏⴻⵙ ⴷⵉ ḥⴰⴱⵙ ⵏ Qenitra, ⵖⴰⵙ ⴰⴽⴽⴻⵏ ⵢⴻⵜⵜⵄⴻⵜⵜⵉⴱ ⵙⴻⴳ ⵡⴰⵟⴰⵏ ⵉⵎⴻⵣⵜⴰⵢⴻⵏ.
ⵉⵡⵎⵉⵍ-ⴷ ⵓⵍⵖⵓ ⵉ ⴷ-ⵖⵔⴰⵏⵜ ⵜⴰⵡⴰⵛⵓⵍⵉⵏ-ⴰ ⵖⴻⵔ ⵜⴻⴳⵏⵉⵜ ⵏ ⵓⵎⵡⴻⵃⵙⴻⴱ Hassan Dah, ⴷⴻⴳ ⵓⴱⵔⵉⴷ ⵏ ⵓⵙⴻⵔⵔⵃ, ⴷ ⵓⵣⴻⵏⵣⴻⵏ ⵏ ⵓⵙⵓⴼⴼⴻⵖ ⵏ ⵜⵎⴰⵖⴰⵙⵜ ⵜⴰⴼⵔⴰⵏⵙⵉⵙⵜ Claude Mangin, ⵜⴰⵎⴻⵟⵟⵓⵜ ⵏ ⵓⵎⵡⴻⵃⵙⴻⴱ Naâma Asfari ⵙⴻⴳ Lmerrok ⴷ ⵓⴳⴷⴻⵍ-ⵉⵙ ⵉ ⵜⵉⵔⵣⴰ-ⵉⵏⴻⵙ ⴷ ⵜⴻⵖⵍⴰⵎⵜ ⵉ ⵜ-ⵉⴷ-ⵉⴹⴼⵔⴻⵏ ⵉ ⵓⵙⴱⴰⴹ ⵏ ⵜⴻⴳⵏⵉⵜ-ⵉⵙ ⴷⵉ ḥⴰⴱⵙ ⵏ Ludaia ⴷⵉ Marrakec.
ⴷⴻⴳ ⵓⴱⵍⴻⵖ-ⴰ, ⵣⴻⵏⵣⴻⵏ ⴷⴻⴳ ⵓⵍⵖⵓ-ⴰ ⴰⴽⵞⵞⵓⵎ ⴰⵏⴰⴳⵔⴰⵏ ⵏ ⵜⵖⴻⵍⵍⵉⵙⵜ ⵏ ⵓⵙⴷⵓⵔⵉ ⴰⵎⴻⵔⵔⵓⴽⵉ ⵎⴳⴰⵍ ⵉⴱⴻⴷⴷⵉ ⵉ ⴷ-ⵜⴻⴳⴳⴰ ⵜⴰⵡⴰⵛⵓⵍⵉⵏ ⵏ ⵢⵉⵎⵡⴻⵃⵙⴰⴱⴻⵏ ⴷⵉ ⵍⴻⵜⵏⴻⵢⵏ ⵉ ⵉⵄⴻⴷⴷⴰⵏ ⴷⵉ Ribat ⵙ ⵓⵎⴰⵍⵍⴻⵍⵍⵓ ⴷ ⵢⵉⵎⴰⴷⴰⵡⴻⵏ-ⵏⵙⴻⵏⵜ ⵉ ⵢⴻⵍⵍⴰⵏ ⴷⴻⴳ ⵓⵙⵔⴰⴳ ⵏ ⵡⵓⵞⵞⵉ, ⵉ ⴷ-ⵢⴻǧǧⴰⵏ ⴰⴳⴰⵙ ⴷ ⵓⴱⴻⴷⴷ ⵏ 7 ⵏ ⵢⵉⵎⴰⵖⴰⵙⴻⵏ ⵉⵙⴰⵀⵔⴰⵡⵉⵢⴻⵏ ⵉ ⵎⴰⵣⴰⵍ ⵜⵜⵡⴰⵙⴷⵔⴻⵏ ⴷⵉ ḥⴰⴱⵙ ⵙ ⵓⵔⵊⴰ ⵏ ⵜⵣⴻⵖⵜ-ⵏⵙⴻⵏ.
ⵙⵓⵜⵔⴻⵏ-ⴷ ⴰⵙⵓⴼⴼⴻⵖ ⴰⵙⵔⵉⴷ ⵡⴰⵔ ⵉⵙⴼⴰⵔⴻⵏ ⵏ ⴰⴽⴽ ⵢⵉⵎⵡⴻⵃⵙⴰⴱⴻⵏ ⴷ ⵓⵙⵙⴻⵏⴽⴻⴷ ⵏ ⵜⴰⵍⵍⴻⵍⵜ ⵜⴰⵙⴻⴷⴷⴰⵏⵜ "ⵜⴰⵙⵔⵉⴷⵜ ⴷ ⵜⴰⵎⵣⴰⵔⵓⴳⵜ" ⵉ ⵢⵉⵎⴰⴷⴰⵡⴻⵏ ⴷⴻⴳ ⵓⵙⵔⴰⴳ ⵏ ⵡⵓⵞⵞⵉ ⴷ ⵓⴽⴽⴻⵙ ⵏ ⵢⵉⵄⴻⵡⵡⵉⵇⴻⵏ ⵢⴻⵍⵍⴰⵏ ⵖⴻⴼ ⵜⵉⵔⵣⵉⵡⵉⵏ ⴷ ⵢⵉⵎⴻⵙⵍⴰⵢⴻⵏ ⴷ ⵓⵙⴻⵏⴽⴻⴷ ⵏ ⵢⵉⵎⴰⵍ-ⵏⵙⴻⵏ.
ⴼⴽⴰⵏⵜ-ⴷ ⵜⴰⵡⴰⵛⵓⵍⵉⵏ ⴰⵙⵓⵜⴻⵔ ⴰⵙⵔⵉⴷ ⵖⴻⵔ ⵜⵙⴻⵇⵇⵓⵎⵜ ⵜⴰⵎⴰⴹⴰⵍⴰⵏⵜ ⵏ ⵓⴼⵔⵉⴽ ⴰⵣⴻⴳⴳⴰⵖ ⴷ ⵓⵙⵇⴰⵎⵓ ⴰⵏⴰⴼⴻⵍⵍⴰ ⵏ ⵜⴷⵓⴽⵍⵉ ⵏ ⵢⵉⵖⵍⴰⵏⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵡⴰⵍⵍⴰⵍⴻⵏ ⵉⵏⴰⴳⵔⴰⵏⴻⵏ ⵉ ⵢⴻⵜⵜⵡⴰⵙⴻⵏⴽⴻⵏ ⵉ ⵓⴽⵞⵞⵓⵎ ⵉ ⵓⵃⵔⴰⵣ ⵏ ⵜⵓⴷⴻⵔⵜ ⵏ ⵢⵉⵎⵡⴻⵃⵙⴰⴱⴻⵏ ⴷ ⵓⴹⵎⴰⵏ ⵏ ⵓⵃⵔⴰⵣ ⵏ ⵢⵉⵣⴻⵔⴼⴰⵏ-ⵏⵙⴻⵏ ⵉⴷⴷⵙⴰⵍⵏⵉⵢⴻⵏ.
ⴽⴼⴰⵏⵜ-ⴷ ⵜⴰⵡⴰⵛⵓⵍⵉⵏ ⵓⵍⵖⵓ-ⵏⵙⴻⵏⵜ ⵙ ⵓⵙⵙⴻⴷⵀⴻⵎ ⴱⴻⵍⵍⵉ ⴰⵙⵓⵜⴻⵔ-ⵏⵙⴻⵏⵜ ⴰⴷⴷⵙⴰⵍⴰⵏ "ⵓⵔ ⵢⴻⵍⵍⵉ ⴰⵔⴰ ⴽⴰⵏ ⵉ ⵓⵙⴻⵖⵜⵉ ⵏ ⵜⴻⴳⵏⵉⵜⵉⵏ ⵏ ⵓⵙⴷⴻⵔ ⵏⴻⵖ ⴰⵙⴻⵔⵔⵃ ⵏ ⵢⵉⵎⴰⴷⴰⵡⴻⵏ-ⵏⵙⴻⵏⵜ ⵖⴻⵔ ⵢⵉⵀⴰⴱⵙⴰⵏ ⵉⵇⴻⵔⴱⴻⵏ ⵖⴻⵔ ⵜⴰⵡⴰⵛⵓⵍⵉⵏ-ⵏⵙⴻⵏ, ⵎⴻⵄⵏⴰ ⴷ ⴰⵙⴱⴻⴷⴷ ⵏ ⵓⵎⴰⵜⵓ ⵉ ⵓⵄⴻⵜⵜⴰⴱ-ⵏⵙⴻⵏ ⵉ ⵢⴻⵍⵍⴰⵏ ⵙⴻⴳ 16 ⵏ ⵢⵉⵙⴻⴳⴳⴰⵙⴻⵏ ⴷ ⵓⵙⵓⴼⴼⴻⵖ-ⵏⵙⴻⵏ ⵙ ⵓⵙⵙⴻⴼⵜⵉ ⵏ ⵢⵉⵙⵡⴰⵏ ⵏ ⵓⵙⴰⴹⵓⴼ ⴰⵎⴰⴹⴰⵍⴰⵏ ⴷ ⵢⵉⴳⵎⵓⵎⴻⵏ ⵏ ⵜⵙⵓⴷⴷⵓⵡⵉⵏ ⵜⵉⵏⴰⴳⵔⴰⵏⵉⵏ ⵉ ⵢⴻⵜⵜⵡⴰⵙⴻⵏⴽⴻⵏ".
