ⵢⴻⵙⵙⴻⵏⵜⴻⵎ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴷⴻⴳ ⵔⵔⴻⵣ-ⵉⵙ ⴷ ⵓⵀⴻⵢⵢⵓⵍ ⵏ ⵢⵉⵏⴻⵖⵍⴰⴼⴻⵏ ⵉ ⵓⴹⴼⴰⵔ ⵏ ⵢⵉⵎⴻⵀⵍⴰⵏ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵎⴻⵙ ⵏ ⵜⵥⴻⴳⵡⴰ ⴷⴻⴳ ⵙⵔⴰⵢⴷⵉ (ⵄⴻⵏⵏⴰⴱⴰ), ⵙ ⵓⴹⵔⵉⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴱⴻⵍⵍⵉ "ⵍⴼⴻⵟⵏⴰ ⴷ ⵓⴼⵔⴰⴳ ⵏ ⵜⵙⵓⴷⴰ ⵏ ⵜⵎⵓⵔⵜ ⵜⴻⵃⵔⴻⵣ-ⴰⵖ ⵎⴳⴰⵍ ⵓⵅⴻⵚⵚⴰⵔ ⵏ ⵍⵍⵙⴰⵙ".
ⵙⴰⵄⵢⵓⴷ ⵢⴻⵏⵏⴰ-ⴷ: "ⵍⴼⴻⵟⵏⴰ ⴷ ⵓⴼⵔⴰⴳ ⵏ ⵜⵙⵓⴷⴰ ⵏ ⵜⵎⵓⵔⵜ, ⴰⵎⴰ ⴷ ⵜⵉⵎⴰⴷⴰⵏⵜⵉⵏ ⵏⴻⵖ ⴷ ⵜⵉⴷ ⵏ ⵍⵄⴻⵙⴽⴻⵔ, ⵙ ⵜⵎⴻⵔⵏⵉⵡⵜ ⵏ ⵍⵯⴻⵀⴷ ⵏ ⵢⵉⵎⴻⵣⴷⴰⵞ, ⵃⴻⵔⵣⴻⵏⵜ-ⴰⵖ ⵎⴳⴰⵍ ⵓⵅⴻⵚⵚⴰⵔ ⴰⵎⴻⵇⵇⵔⴰⵏ ⵉ ⴷⴻⴳ ⴷ-ⵢⴻⵍⵍⴰ ⵓⵙⵓⴼⴼⴻⵖ ⵏ ⵓⴳⴰⵔ ⵏ 100 ⵏ ⵢⵉⵎⵓⴹⴰⵏ ⵙⴻⴳ ⵓⵙⵡⴰⵙ (ⴰⵙⴱⵉⵟⴰⵔ) ⵏ ⵙⵔⴰⵢⴷⵉ ⵖⴻⵔ ⵡⵉⵏ ⵏ 'ⴰⴱⴷⴻⵔⵔⴰⵀⵎⴰⵏⴻ ⴽⵀⴰⵏ' ⴷⴻⴳ ⵄⴻⵏⵏⴰⴱⴰ. ⴷⴰⴳⵉ, ⵢⵉⴷⵓⴽⵟⵓⵔⴻⵏ, ⵢⵉⵀⴻⵢⵢⵓⵍⴰ ⵏ ⵜⵙⴰⴷⵉⴷⴷⵡⴰⵏⵜ ⴷ ⵢⵉⵎⴰⵣⵣⴰⴳⴻⵏ ⵏ ⵜⵏⴻⴼⵙⵉⵜ ⵜⵜⵏⴰⴷⵉⵏ ⴷⴻⴳ ⵢⵉⵎⵓⴹⴰⵏ". ⵢⴻⵙⵙⴻⵏⵜⴻⵎ ⴷⴰⵖⴻⵏ ⴱⴻⵍⵍⵉ "ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵢⴻⴹⴼⴻⵔ ⵉⵎⵉⵔ-ⴰⴳⵉ ⵍⵯⴻⵀⴷ ⵏ ⵢⵉⵎⴻⵥⵍⴰ ⴰⴽⴽ ⵉ ⵓⵅⵍⵉⴼ ⵏ ⵜⵎⴻⵙ ⴷ ⵡⴻⵃⵔⴰⵣ ⵏ ⵡⵉⴷ ⵉ ⵉⵀⵓⵡⵡⵛⴻⵏ".
ⵎⴰ ⵖⴻⴼ ⵜⴻⴳⵏⵉⵜ ⴷⴻⴳ ⵄⴻⵏⵏⴰⴱⴰ, ⵎⴰⵙⵙ ⵙⴰⵄⵢⵓⴷ ⵢⴻⵏⵏⴰ-ⴷ: "ⵢⵉⵡⴻⵜ ⵏ ⵜⵎⴻⵙ ⵜⴰⵎⴻⵇⵇⵔⴰⵏⵜ ⵜⴻⵍⵍⴰ-ⴷ ⵉⴹⴻⵍⵍⵉ (ⵜⵜⵍⴰⵜⴰ) ⴷⴻⴳ ⵜⵥⴻⴳⵡⴰ ⵏ ⵜⴻⵖⵉⵡⴰⵏⵜ ⵏ ⵙⵔⴰⵢⴷⵉ ⵢⴻⵔⵏⴰ ⵜⵡⵡⴹ-ⴻⴷ ⴰⵔ ⵜⵓⵎⵏⴰⵏⵜ ⵏ ⵜⵎⴷⵉⵏⵜ".
ⵉⵡⵡⴹ-ⴻⴷ ⵚⵚⴱⴻⵃ ⵏ ⵡⴰⵙⵙ-ⴰ ⵏ ⵍⴰⵔⴻⴱⵄⴰ ⵓⵏⴻⵖⵍⴰⴼ ⵏ ⴷⴰⵅⴻⵍ ⴷ ⵓⵀⴻⵢⵢⵓⵍ ⵏ ⵢⵉⵏⴻⵖⵍⴰⴼⴻⵏ ⴷ ⵓⵏⴻⴱⴷⴰⴷ ⴰⵎⴰⵜⵓ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ, ⵍⵄⴻⵇⵇⵉⴷ ⴱⵓⵓⴰⵍⴻⵎ ⴱⵓⵓⵖⵍⴰⴼ, ⵖⴻⵔ ⵜⵡⵉⵍⴰⵢⵜ ⵏ ⵄⴻⵏⵏⴰⴱⴰ.
ⴰⵔⵏⵓ ⵖⴻⵔ
