ⵉⵄⴻⴳⴳⴰⵍⴻⵏ ⵏ ⵍⴻⵊⵎⴰⵔⴻⴽ ⴷⵉ ⵜⵡⵉⵍⴰⵢⴻⵜ ⵏ ⵏⵏⴰⵄⴰⵎⴰ, ⵙ ⵓⵎⵢⴻⵄⵡⴻⵏ ⴰⴽⴽⴻⴷ ⵢⵉⵄⴻⴳⴳⴰⵍⴻⵏ ⵏ ⵍⵊⵉⵛ ⴰⵏⴰⵎⵓⵔ ⴰⵖⴻⵔⴼⴰⵏ (ANP), ⵙⵙⴻⵃⴱⴻⵙⴻⵏ ⵢⵉⵡⴻⵏ ⵓⵄⵔⴰⴷ ⵏ ⵓⵙⵙⴻⵅⵔⴻⴱ ⵏ ⵍⵇⵉⵔⴰ ⵜⴰⵎⴻⵇⵇⵔⴰⵏⵜ ⵏ ⵍⵎⵓⵅⴰⴷⴷⵉⵔⴰⵜ, ⵢⴻⵡⵡⴹⴻⵏ 237 ⴽⵉⵍⵓⴳⵔⴰⵎⴰⵜ ⴷ 900 ⵏ ⴳⵔⴰⵎⴰⵜ ⵏ ⵍⴽⵉⴼ ⵢⴻⵜⵜⵡⴰⵀⴻⴳⴳⴰⵏ (معالج). ⴰⵢⴰ ⴷ ⴰⵢⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵏⵎⴰⵀⴰⵍ ⵏ ⵍⴻⵊⵎⴰⵔⴻⴽ ⵏ ⵜⵎⴻⵏⵏⴰⴹⵜ ⵏ ⴱⴻⵛⵛⴰⵔ, ⴰⵙⵙ-ⴰ ⵏ ⵓⵙⵉⵏⴰⵙ.
ⵢⴻⵙⵙⴻⴼⵔⴰ-ⴷ ⵡⵓⵍⵖⵓ-ⵏⵏⵉ ⴱⴻⵍⵍⵉ ⵜⴰⴳⴰⵡⵜ-ⴰ ⵅⴻⴷⵎⴻⵏ-ⵜⵜ ⵢⵉⴼⴻⵔⴷⵉⵙⴻⵏ ⵏ "ⵄⵉⵏ ⵚⵚⴻⴼⵔⴰ" ⴷ "ⵚⴼⵉⵚⵉⴼⴰ", ⴷⴷⴰⵡ ⵏ ⵜⵎⴻⵃⵇⴻⵔⵜ ⵏ ⵍⴻⵊⵎⴰⵔⴻⴽ ⵏ ⵏⵏⴰⵄⴰⵎⴰ. ⵟⵟⴼⴻⵏ ⴷⴰⵢⴻⵏ ⵜⴰⴽⴻⵕⵕⵓⵙⵜ ⵏⵏⵉ ⵙⵙⴻⵅⴷⴻⵎⴻⵏ ⵉ ⵓⵙⵙⴻⵅⵔⴻⴱ-ⴰ.
ⵜⴰⴳⴰⵡⵜ-ⴰ ⵜⴻⴽⴽⴰ-ⴷ ⴷⴻⴳ ⵓⴱⵔⵉⴷ ⵏ ⵓⵎⴻⵏⵏⵓⵖ ⵉ ⵜⴻⴳⴳ ⵜⴰⵙⵏⵓⵔⴰⵢⵜ ⵏ ⵍⴻⵊⵎⴰⵔⴻⴽ ⵎⴳⴰⵍ ⴰⴽⴽ ⵡⴰⵏⴰⵡⴻⵏ ⵏ ⵓⵙⵙⴻⵅⵔⴻⴱ, ⵍⴰⴷⵖⴰ ⵉ ⵓⵃⵔⴰⵣ ⵏ ⵜⴷⵓⵙⵉ ⵜⴰⵎⴰⵜⵓⵜ ⴷ ⵓⵎⴻⵏⵏⵓⵖ ⵎⴳⴰⵍ ⵜⵏⴻⵣⵣⵓⵜ ⵏ ⵍⵎⵓⵅⴰⴷⴷⵉⵔⴰⵜ.
ⴰⵔⵏⵓ ⵖⴻⵔ
