ⵢⴻⵙⵜⴻⵇⴱⴻⵍ ⵓⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵉⵎⵓⵃⵔⴻⵇⴰⵜ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ ⵏ ⵜⵍⴰⵜⴰ 21 ⵢⴻⴱⵔⵉⵔ 2026, ⴷⴻⴳ ⵓⵇⵓⵛⴻⵎ ⵏ ⵜⵏⴻⵖⵍⴰⴼⵜ, ⴰⵎⴰⵔⴰⵢ ⵏ ⵓⵙⴻⵍⴽⴻⵎ ⵏ ⵜⵓⴷⴷⵙⵉⵡⴰ ⵏ ⵜⴰⵎⵔⵉⴽⵜ ⵜⴰⵍⴰⵜⵉⵏⵉⵜ ⴷ ⵍⴽⴰⵔⵉⴱⵉ ⵉ ⵜⴰⵣⵎⴻⵔⵜ (ⵓⵍⴰⴷⴻ), ⵎⴰⵙⵙ ⴰⵏⴷⵔéⵙ ⵔⴻⴱⵓⵍⵍⴻⴷⵓ ⵙⵎⵉⵜⵎⴰⵏⵙ, ⵉ ⴷ-ⵢⵓⵙⴰⵏ ⵖⴻⵔ ⵍⴻⵣⵣⴰⵢⴻⵔ ⴷⴻⴳ ⵓⵏⵉⴳ ⵏ ⵓⵅⴻⴷⴷⵉⵎ. ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵙ ⵜⵜⴻⴽⴽⵉ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵙⵓⵏⴰⵜⵔⴰⵛⵀ, ⵎⴰⵙⵙ ⵏⵓⵓⵔⵔⴻⴷⴷⵉⵏⴻ ⴷⴰⵓⵓⴷⵉ, ⴷ ⵓⵙⴻⵍⵡⴰⵢ ⵏ ⵜⵏⴻⵣⵣⴰⵢⵜ ⵜⴰⵖⴻⵍⵏⴰⵡⵜ ⵉ ⵓⵙⵏⴻⵔⵏⵉ ⵏ ⵢⵉⵙⵓⴳⴰⵎ ⵏ ⵉⵎⵓⵃⵔⴻⵇⴰⵜ (ⴰⵍⵏⴰⴼⵜ), ⵎⴰⵙⵙ ⵙⴰⵎⵉⵔ ⴱⴻⵅⵜⵉ, ⴷ ⵓⵙⴻⵍⵡⴰⵢ ⵏ ⵜⵙⵓⵍⵟⴰⵏⵜ ⵏ ⵓⵙⴻⵎⵔⴻⵙ ⵏ ⵉⵎⵓⵃⵔⴻⵇⴰⵜ (ⴰⵔⵀ), ⵎⴰⵙⵙ ⴰⵎⵉⵏⴻ ⵔⴻⵎⵉⵏⵉ.
ⴷⴻⴳ ⵜⴻⵎⵍⵉⵍⵉ-ⴰⴳⵉ, ⵙⵉⵏ ⵏ ⵢⵉⵎⵓⴼⴰⵖ ⵙⵇⴻⵔⴷⵛⴻⵏ ⵜⴰⵍⵍⴻⵍⵜ ⵉ ⵢⴻⵣⴷⵉⵏ ⵍⴻⵣⵣⴰⵢⴻⵔ ⴷ ⵜⵓⴷⴷⵙⵉⵡⴰ ⵏ ⵓⵍⴰⴷⴻ, ⵉ ⴷ-ⵢⴻⵔⵏⴰⵏ ⵙⴻⴳ ⵡⴰⵙⵎⵉ ⵜⵜⴻⴽⴽⴰ ⵍⴻⵣⵣⴰⵢⴻⵔ ⴰⵎ ⵓⵎⴻⵔⵣⵉ (ⵓⴱⵙⴻⵔⴱⴰⵜⴻⵓⵔ) ⴷⴻⴳ 2001, ⴷ ⵓⵡⴰⵢ ⵏ ⵢⵉⵙⴻⵎ ⵏ ⵓⵎⴻⵔⵣⵉ ⴰⵎⴻⵣⴳⵉ ⴷⴻⴳ 2005. ⵙⵙⴰⵔⴰⵎⴻⵏ ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵜⴰⵍⵍⴻⵍⵜ-ⴰⴳⵉ ⴷⴻⴳ ⵡⴰⵏⵏⴰⵔ ⵏ ⵙⵚⴻⵏⴰⵄⴰ ⵏ ⵍⵃⵉⵜⵔⵓⵍ ⴷ ⵓⴳⴰⵣ, ⵙ ⵓⴱⵔⵉⴷ ⵏ ⵓⵏⴰⴷⵉ, ⵓⴼⴰⵔⵉⵙ, ⴰⵙⵉⵍⴻⵖ ⴷ ⵓⵏⴰⴷⵉ ⵏ ⵜⴻⴽⵏⵓⵍⵓⵞⵢⴰ.
ⵜⴻⵎⵍⵉⵍⵉ-ⴰⴳⵉ ⵜⴻⵍⵍⴰ-ⴷ ⴷⴰⵖⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵢⴻⵣⵣⵡⴻⵔ ⵏ ⵔⵔⴰⵢ ⵖⴻⴼ ⵙⵙⵓⵇ ⵏ ⵍⵃⵉⵜⵔⵓⵍ ⴷ ⵓⴳⴰⵣ ⴷⴻⴳ ⴷⴷⵓⵏⵉⵜ, ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴹⵎⴰⵏ ⵏ ⵓⵀⴻⴳⴳⵉ ⵏ ⵜⴰⵣⵎⴻⵔⵜ ⴷ ⵓⵔⴽⴰⴷⵉ ⵏ ⵙⵙⵓⵇ ⴰⴳⵔⴰⵖⵍⴰⵏ.
ⵎⴰⵙⵙ ⴰⵏⴻⵖⵍⴰⴼ ⵏ ⴷⴷⵓⵍⴰ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴻⴽⴽⴰⵍ ⴷⴻⴳ ⵓⵏⵢⵓⴷⴷⵓ ⴳⴰⵔ ⵜⵎⵓⵔⵜ ⵏ ⵓⵏⵥⵓⵍ (ⵙⵓⴷ-ⵙⵓⴷ), ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴱⵔⵉⴷ ⵏ ⵓⴱⴻⴷⴷⴻⵍ ⵏ ⵜⴰⵣⵎⴻⵔⵜ (ⵜⵔⴰⵏⵙⵉⵜⵉⵓⵏ éⵏéⵔⴳéⵜⵉⵇⵓⴻ) ⵉⵍⴰⵏ ⵍⵃⴻⵇⵇ, ⵎⴱⵍⴰ ⵎⴰ ⵢⴻⵯⵯⵓⵔ ⵓⴼⵔⴰⴳ ⵏ ⵜⴰⵣⵎⴻⵔⵜ ⵏ ⵜⵎⵓⵔⵜ.
ⴷⴻⴳ ⵜⴰⴳⴳⴰⵔⴰ, ⵙⴻⵎⵍⴰⵏ-ⴷ ⴰⴳⴰⵜ ⵏ ⵓⴱⵔⵉⴷ (ⵔⵓⴰⴷ ⵎⴰⵃ) ⵏ ⵓⵅⴻⴷⴷⵉⵎ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⴷⴷⵙⵉⵡⴰ ⵏ ⵓⵍⴰⴷⴻ, ⵉ ⵢⴻⴱⵖⴰⵏ ⴰⴷ ⴷ-ⵢⵉⵙⴱⴻⴷⴷ ⴰⵏⴰⴳⵔⴰⵡ ⵏ ⵓⵅⴻⴷⴷⵉⵎ ⵉ ⵓⵙⵏⴻⵔⵏⵉ ⵏ ⵜⴰⵍⵍⴻⵍⵜ ⵙ ⵢⵉⵙⴻⵏⴼⴰⵔⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵎⵢⴻⴱⴷⴻⵍ ⵏ ⵜⴰⵎⵓⵙⵙⵏⵉ, ⵉ ⵓⴹⵎⴰⵏ ⵏ ⵜⵏⴻⴼⵍⵉ ⵢⴻⵜⵜⵉⴷⵉⵔⴻⵏ ⴷⴻⴳ ⵙⵉⵏ ⵏ ⵢⵉⵎⵓⴼⴰⵖ.
ⴰⵔⵏⵓ ⵖⴻⵔ
