ⵜⴻⵙⵙⴻⵖⵔⴻⵜ ⵜⵏⴻⵖⵍⴰⴼⵜ ⵏ ⵜⴷⴰⵎⴻⵏⵜ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⴰⵎⵙⴰⵍⵉⵢⵉⵏ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵍⵓⴷⵊⵉ, ⴰⵙⵙ-ⴰ ⵏ ⵜⵍⴰⵜⴰ, ⴰⵏⵙⴰⵢ ⵏ ⵓⵙⴱⴻⴷⴷⵉ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻⵏ ⵢⴻⵙⵄⴰ ⵉⵃⵓⵍⴼⴰⵏ ⵓⵥⴰⵢⴻⵏ (ⵀⴰⵏⴷⵉⵛⴰⵃéⵙ) ⴰⴽⴽⴻⴷ ⵓⵙⴱⴻⴷⴷⵉ ⵏ ⵜⵙⴻⵇⵇⵓⵎⵜ ⵜⴰⵖⴻⵍⵏⴰⵡⵜ ⵏ ⵓⵙⴻⴼⵀⴻⵍ ⵏ ⵓⵏⴻⴽⵛⵓⵎ ⵉ ⵢⵉⵎⴷⴰⵏⴻⵏ-ⴰⴳⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵙⴻⴳⵣⵉ-ⴷ ⵓⴷⵢⴰⵏ-ⴰⴳⵉ ⴱⴻⵍⵍⵉ ⴰⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻⵏ ⵢⴻⵙⵄⴰ ⵉⵃⵓⵍⴼⴰⵏ ⵓⵥⴰⵢⴻⵏ ⴷ "ⵜⴰⵙⵓⴷⴰ ⵏ ⵔⵔⴰⵢ ⵜⴰⵖⴻⵍⵏⴰⵡⵜ ⵉ ⴷ-ⵢⴻⵜⵜⵀⴻⴳⴳⵉⵏ ⴰⵀⵉⵍⴻⵏ ⴷ ⵜⵎⵓⵖⵍⵉⵢⵉⵏ ⵏ ⵍⵍⵙⴰⵙ ⵉ ⵜⵙⴻⵔⵜⵉⵜ ⵜⴰⵎⴰⵜⵓⵜ ⴷⴻⴳ ⵓⵃⵔⴰⵣ ⵏ ⵢⵉⵎⴷⴰⵏⴻⵏ-ⴰⴳⵉ". ⵜⴻⵔⵏⴰ-ⴷ ⴱⴻⵍⵍⵉ ⵜⴰⵙⴻⵇⵇⵓⵎⵜ ⵜⴰⵖⴻⵍⵏⴰⵡⵜ ⵏ ⵓⵙⴻⴼⵀⴻⵍ ⵏ ⵓⵏⴻⴽⵛⵓⵎ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⵜⵙⵏⴻⵔⵏⵉ ⴰⴽⴽⵡ ⴰⵍⵍⴰⵍⴻⵏ ⵏ ⵓⵏⵢⵓⴷⴷⵓ ⴳⴰⵔ ⵜⵙⵓⴷⴰ ⵉ ⵓⴹⵎⴰⵏ ⵏ ⵓⵙⵙⴻⴽⵛⴻⵎ ⴰⵎⴰⵜⵓ ⴷ ⵓⵙⴻⴼⵔⴰⵣ ⵏ ⵓⵏⴻⴽⵛⵓⵎ ⵖⴻⵔ ⵢⵉⵎⴻⵥⵍⴰ ⴷ ⵢⵉⵎⵓⴽⴰⵏ ⵏ ⴱⴰⵢⵍⴻⴽ".
ⵜⴰⵏⴻⵖⵍⴰⴼⵜ ⵜⴻⵙⵙⴻⴱⴻⴷⴷ ⴰⵎⴻⵙⵏⴰⵡ (ⵃⵔⵓⴼⴻⵙⵙⴻⵓⵔ) ⵎⵓⵙⵜⴰⴼⴰ ⴽⵀⵉⴰⵜⵉ ⴷ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ, ⴷ ⵎⴰⵙⵙ ⵎⵓⵔⴰⴷ ⴱⴻⵏ ⴰⵎⵣⴰⵍ ⴷ ⴰⵙⴻⵍⵡⴰⵢ ⵏ ⵜⵙⴻⵇⵇⵓⵎⵜ ⵜⴰⵖⴻⵍⵏⴰⵡⵜ ⵉ ⵓⵙⴻⴼⵀⴻⵍ ⵏ ⵓⵏⴻⴽⵛⵓⵎ.
ⴷⴻⴳ ⵡⴰⵡⴰⵍ-ⵉⵙ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵙⴱⴻⴷⴷⵉ-ⴰⴳⵉ "ⵢⵓⵙⴰ-ⴷ ⵉⵍⵎⴻⵏⴷ ⵏ ⵢⵉⵏⴻⵔⵡⴰⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵢⴻⴱⵖⴰⵏ ⵜⴰⵎⵓⵔⵜ ⴰⴷ ⵜⴻⴽⵛⴻⵎ ⴷⴻⴳ ⵜⵎⴻⵜⵜⵉ ⵏ ⵜⴻⵍⵖⵓⵜ ⴷ ⵓⵙⴰⵍⵉ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ ⴷ ⵜⴻⴽⵏⵓⵍⵓⵞⵢⴰ ⵜⴰⵎⴰⵢⵏⵓⵜ, ⵙ ⵓⴹⵎⴰⵏ ⵏ ⵓⴹⴻⴼⴻⵔ ⵏ ⵜⵙⴻⵔⵜⵉⵜ ⵜⴰⵏⵎⴻⵜⵉⵜ ⵉ ⵓⵚⴻⴳⴳⴻⵎ ⵏ ⵜⵓⴷⴻⵔⵜ ⵏ ⵢⵉⵎⴷⴰⵏⴻⵏ-ⴰⴳⵉ".
ⴰⵙⵇⴰⵎⵓ-ⴰⴳⵉ ⵢⴻⵙⵄⴰ 89 ⵏ ⵢⵉⵎⴰⵙⵍⴰⵢⴻⵏ ⵉ ⴷ-ⵢⵓⵙⴰⵏ ⵙⴻⴳ ⵢⵉⵎⵓⴼⴰⵖ ⵏ ⵜⵏⴻⵖⵍⴰⴼⵉⵏ, ⵜⵉⵙⵓⴷⴰ ⵏ ⵜⵎⴻⵏⴷⴰⵡⵜ, ⵉⵎⵓⵙⵏⴰⵡⴻⵏ, ⵜⵎⴻⵣⵉⵡⵉⵏ ⵏ ⵓⵅⴻⴷⴷⵉⵎ ⴷ ⵜⵉⴷⴷⵓⴽⵍⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵉ ⵎⵄⵏⵉⵢⴻⵏ. ⵢⴻⵙⵄⴰ ⴷⴰⵖⴻⵏ 4 ⵏ ⵜⵙⴻⵇⵇⵓⵎⵉⵏ ⵏ ⵢⵉⵙⴻⵏⵜⴰⵍ: ⴰⵃⵔⴰⵣ ⵏ ⵜⴰⵣⵡⴰⵔⴰ, ⴰⵙⴻⴳⵎⵉ ⴷ ⵓⵙⵉⵍⴻⵖ, ⴰⵙⵙⴻⴽⵛⴻⵎ ⴷⴻⴳ ⵓⵅⴻⴷⴷⵉⵎ ⴷ ⵜⵎⴻⵜⵜⵉ, ⴷ ⵓⵙⴻⴼⵀⴻⵍ ⵏ ⵓⵏⴻⴽⵛⵓⵎ ⵖⴻⵔ ⵢⵉⵙⴻⵟⵟⵡⴰⵏ ⴷ ⵢⵉⵎⵓⴽⴰⵏ.
ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⵉⵡⴻⵏ ⴷⴻⴳ ⵢⴰⵍ ⵜⴰⵡⵉⵍⴰⵢⵜ, ⵜⵜⵡⴰⴱⴻⴷⴷⴻⵏ ⵜⵙⴻⵇⵇⵓⵎⵉⵏ ⵏ ⵜⵡⵉⵍⴰⵢⵉⵏ ⵉ ⵢⴻⵙⵙⴻⵍⵡⴰⵢ ⵓⵏⴻⵎⵀⴰⵍ ⵏ ⵓⵏⴰⵔⵎⴰⴷ ⴰⵏⵎⴻⵜⵜⵉ ⴷ ⵜⴷⴰⵎⴻⵏⵜ (ⴷⴰⵙ), ⵉ ⵡⴰⴽⴽⴻⵏ ⴰⴷ ⴷ-ⴼⴽⴻⵏ ⴰⵀⵉⵍⴻⵏ ⵏ ⵓⵃⵔⴰⵣ ⵏ ⵢⵉⵎⴷⴰⵏⴻⵏ-ⴰⴳⵉ ⴷⴻⴳ ⵢⴰⵍ ⴰⵎⴽⴰⵏ. ⵎⴰ ⴷ ⵜⴰⵙⴻⵇⵇⵓⵎⵜ ⵏ ⵓⵏⴻⴽⵛⵓⵎ, ⴰⵎⴻⵀⵍⴰⵏ-ⵉⵙ ⴷ ⴰⵙⴱⴻⴷⴷⵉ ⵏ ⵢⵉⵙⵡⵉⵔⴻⵏ ⵏ ⵜⴻⴽⵏⵉⴽⵜ ⵉ ⵡⴰⴽⴽⴻⵏ ⴰⴷ ⵢⴻⵍⵀⵓ ⵓⵏⴻⴽⵛⵓⵎ ⵖⴻⵔ ⵢⵉⵎⵓⴽⴰⵏ ⵏ ⴱⴰⵢⵍⴻⴽ, ⴰⵙⵙⴰⵍⵍⴰⵍ (ⵜⵔⴰⵏⵙⵃⵓⵔⵜ) ⴷ ⵡⴰⵍⵍⴰⵍⴻⵏ ⵏ ⵜⴻⵍⵖⵓⵜ.
ⴰⵔⵏⵓ ⵖⴻⵔ
