ⵢⴻⵔⵣⴰ ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ , ⵎⴰⵙⵙ ⵍⵓⵓⵏⴰⵙ ⴱⵓⵓⵣⴻⴳⵣⴰ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⵔ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ ⵏ ⵡⴰⵎⴰⵏ (ADE). ⴷⵉⵏⵏⴰ, ⵉⵙⴻⵏⴽⴻⴷ-ⴰⵙ-ⴷ ⵓⵎⴹⴻⴱⴱⴻⵔ ⴰⵎⴰⵜⵓ, ⵎⴰⵙⵙ ⵎⵓⵙⵜⴰⵒⵀⴰ ⵔⴻⵇⵉⵇ, ⵢⵉⵡⴻⵏ ⵏ ⵓⵙⴻⵏⴽⴻⴷ ⵍⵇⴰⵢⴻⵏ ⵖⴻⴼ ⵓⵎⴰⵀⵉⵍ ⵏ ⵜⵎⵓⵙⵏⵉ, ⵉ ⴷⴻⴳ ⵢⴻⴱⴷⴻⵔ ⵉⵎⴻⵏⴷⴰⵢⴻⵔⴻⵏ (indicateurs) ⵏ ⵓⵎⴻⵥⵍⵓ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ, ⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⵉ ⴷ-ⵢⵉⵍⵍⴰⵏ ⴷ ⵡⵉⴷ ⵎⴰⵣⴰⵍ ⵜⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵙ ⴷⴷⴰⵡ ⵏ ⵓⵖⴱⴰⵍⵓ-ⵏⵏⵉ, ⵡⴰⵍⴰⵏ ⵜⴰⵔⵔⴰⵢⵉⵏ ⵉ ⴷ-ⵜⵜⵓⵙⵜⴻⵢⵏⴰⵏⵜ ⵉ ⵓⵣⴻⵟⵟⴻⴹ ⵏ ⵜⵖⴰⵔⴰ ⴷ ⵏⴼⴰⵄ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖ. ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵓⵔ ⵜⴻⵣⵔⵉ ⵓⵍⴰ ⴷ ⵢⵉⵡⴻⵜ ⵏ ⵍⵃⴰⵍⴰ ⵏ ⵡⴰⵟⵟⴰⵏⴻⵏ ⵉ ⴷ-ⵉⵜⵜⴰⵡⴻⵏ ⵙⴻⴳ ⵡⴰⵎⴰⵏ ⵙⴻⴳ ⵓⵙⴻⴳⴳⴰⵙ ⵏ 2009, ⴰⵢⴰⴳⵉ ⵢⴻⵎⵎⴰⵍ-ⴷ ⵜⴰⵣⵡⴰⵔⵜ (ⵒⵔⵉⵓⵔⵉⵜé) ⵏ ⵜⴰⵣⵣⵉⵜ ⵏ ⵓⵖⵔⵉⵎ ⴷⴻⴳ ⵓⵏⵏⴰⵔ-ⴰⴳⵉ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⴱⵓⵓⵣⴻⴳⵣⴰ ⵉⵙⵍⴻⵎ-ⴷ ⵙ ⵍⵎⴻⴶⵀⵓⴷⴰⵜ ⵏ ⵢⵉⵎⵉⴳⴰⵡⴻⵏ (ⴰⵛⵜⴻⵓⵔⵙ) ⵎⴻⵕⵕⴰ ⵉ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ. ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵎⵓⵙⵏⵉ ⵜⴰⵣⵣⴰⵢⵔⵉⵜ ⵏ ⵡⴰⵎⴰⵏ ⴷ ⵓⴷⴻⵎ ⵉⵕⴻⵙⵙⴰⵏ ⵏ ⵓⵏⵏⴰⵔ ⵏ ⵓⵙⵙⴻⵡⵡⵉ, ⵉⵎⵉ ⴷ ⵜⵉⵏ ⵉ ⴷ-ⵢⴻⵜⵜⴰⴽⴻⵏ ⴰⵎⴰⵏ ⵉ ⵢⵉⵎⴻⵣⴷⴰⵖ.
ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵙⵏⴻⵔⵏⵉ ⵏ ⵍⵎⴻⴶⵀⵓⴷⴰⵜ ⴷ ⵓⵙⴰⵍⵉ ⵏ ⵢⵉⴽⴰⵢⴰⴷⴻⵏ , ⴷ ⵓⵙⵏⴻⴼⵍⵉ ⵏ ⵓⵙⵡⵉⵔ ⵏ ⵓⵙⴻⴼⵔⴻⴽ ⵉⵡⴰⴽⴽⴻⵏ ⴰⴷ ⵢⵉⵍⵉ ⴷ ⵏⴼⴰⵄ ⵓ ⵓⴼⵔⵉⵏ. ⵉⵙⵙⴻⴽⵜⵉ-ⴷ ⴷⴰⵖⴻⵏ ⴰⵣⴰⵍ ⵏ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵜⴰⵔⵔⴰⵢⵉⵏ ⵏ ⵓⵙⴻⴼⵔⴻⴽ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵜⵉⵣⴻⵎⵎⴰⵔ ⵏ ⵜⴰⵍⵙⴰ.
ⴷⴰⵖⴻⵏ, ⵉⵙⵙⴻⵃⵔⴻⵙ ⵖⴻⴼ ⵓⵎⴻⵏⵏⵓⵖ ⵎⴳⴰⵍ ⵢⴰⵍ ⴰⵏⴰⵡ ⵏ ⵓⴹⴰⵢⴰⵄ ⴷ ⵓⵅⴻⵚⵚⴻⵔ ⵏ ⵡⴰⵎⴰⵏ, ⵍⴰⴷⵖⴰ ⵜⵓⴼⴼⵔⴰ ⵏ ⵡⴰⵎⴰⵏ (ⴼⵓⵉⵜⴻⵙ) ⴷ ⵜⵓⵇⵇⵏⵉⵡⵉⵏ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ (ⵛⵍⴰⵏⴷⴻⵙⵜⵉⵏⴻ), ⴷ ⵓⵀⴻⴳⴳⵉ ⵏ ⵡⴰⵀⵉⵍⴻⵏ ⵉ ⵓⵄⴰⵡⴻⴷ ⵏ ⵓⵣⵉⵣⵣⴻⴷ (ⵔⴻⵏⵓⵠⴰⵜⵉⵓⵏ) ⵏ ⵜⵣⴻⵟⵟⵉⵡⵉⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵛⵡⵉⵟ ⵛⵡⵉⵟ.
ⴷⴻⴳ ⵜⴰⴳⴳⴰⵔⴰ ⵏ ⵜⵉⵔⵣⵉ-ⴰⴳⵉ, ⴰⵏⴻⵖⵍⴰⴼ ⵢⴻⴼⴽⴰ ⵜⵓⵔⴰⴹ ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵢⴰⴽⴽ ⵜⵣⴻⵎⵎⴰⵔ ⵉ ⵓⵀⴻⴳⴳⵉ ⵏ ⵍⵄⵉⴷ ⵏ ⵜⵎⴻⵖⵔⴰ ⴷ ⵜⴰⵍⵍⵉⵜ ⵏ ⵓⵏⴻⴱⴷⵓ, ⵉⵎⵉ ⴷ ⴰⵀⵉⵍ ⵏ ⵓⵖⵉⵡⴻⵍ ⴷ ⵜⴰⵣⵡⴰⵔⵜ ⵜⴰⵎⴻⵇⵇⵔⴰⵏⵜ. ⵉⵙⵔⴻⵚ ⵜⴰⵎⴰⵡⵜ ⵖⴻⴼ ⵡⴰⵣⴰⵍ ⵏ ⵓⵎⵙⴰⵙⴻⵢ ⴳⴰⵔ ⵜⵎⵓⵙⵏⵉⵡⵉⵏ ⴷⴻⴳ ⵜⵎⵓⵔⵜ ⵎⴻⵕⵕⴰ ⵉ ⵓⵡⴻⵣⵣⵉ ⵏ ⵓⵎⴻⵥⵍⵓ ⵏ ⵜⵖⴰⵔⴰ ⴰⵔⴰ ⴷ-ⵢⴻⵔⵔⴰⵏ ⵜⴰⴼⵍⴻⵙⵜ ⵏ ⵓⵖⵔⵉⵎ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵓⵙⴻⴶⵀⴻⴷ ⵏ ⵢⵉⴱⵔⵉⴷⴻⵏ ⵏ ⵜⴻⵢⵡⴰⵍⵜ ⴷ ⵓⴷⵉⵡⴻⵏⵏⵉ ⴷ ⵢⵉⵎⴻⵣⴷⴰⵖ, ⴰⵢⴰⴳⵉ ⴷⴻⴳ ⵓⴱⵔⵉⴷ ⵏ ⵓⵙⴰⵍⵉ ⵏ ⵓⵎⴰⵀⵉⵍ ⴷ ⵓⵃⵔⴰⵣ ⵏ ⵢⵉⵙⴻⵏⵜⴰⵍ-ⵏⵙⴻⵏ. ⵉⵙⵙⴻⴽⵏⴻⴷ ⴰⵣⴰⵍ ⵏ ⵓⵙⵏⴻⴼⵍⵉ ⵏ ⵡⴰⵍⵍⴰⵍⴻⵏ ⵏ ⵓⵙⵎⴻⵃⵙⴻⵍ, ⴰⵙⴼⵉⵣⴷⴻⴳ ⵏ ⵓⵎⵎⴰⴳⴻⵔ ⴷⴻⴳ ⵜⵙⵏⵓⵔⴻⴼⵉⵏ, ⴷ ⵜⴰⵔⵇⵎⵉⵜ (ⵏⵓⵎéⵔⵉⵙⴰⵜⵉⵓⵏ) ⵏ ⵢⵉⵎⴻⵥⵍⴰ ⵏ ⵓⵎⵎⴰⴳⴻⵔ ⴷ ⵓⴼⵔⵓⵔⴻⵢ ⵏ ⵢⵉⵛⴻⵜⴽⴰⵢⴻⵏ (ⵒⵍⴰⵉⵏⵜⴻⵙ).
ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵍⵎⴻⴶⵀⵓⴷⴰⵜ-ⴰⴳⵉ ⴰⴷ ⵙⴻⴶⵀⴷⴻⵏ ⴰⵙⵙⴰⵖ ⵏ ⵜⴻⴼⵍⴻⵙⵜ ⴳⴰⵔ ⵜⵎⵓⵙⵏⵉ ⴷ ⵓⵖⵔ ⵓ ⴰⴷ ⵙⴻⵔⵙⴻⵏ ⵜⴰⵎⴰⴳⵉⵜ ⵏ ⵓⵇⴻⵔⵔⴻⴱ, ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵙⵙⵢⵉⴼⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ ⵓ ⴰⴷ ⴷ-ⵢⴰⵡⴻⴹ ⵉ ⵢⵉⵙⴰⵔⴰⵎⴻⵏ ⵏ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
