ⴰⴷ ⴷ-ⵢⴻⴽⴽⵉ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ , ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵣⴻⴽⴽⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ ⵜⴻⵣⵔⴰⵡⵜ "CEO Survey" ⵉ ⴷ-ⵜⴻⵙⵙⵓⴷⴷⴻⵙ ⵜⵙⵏⵓⵔⴻⴼⵜ "PwC", ⵙ ⴷⴷⴰⵡ ⵏ ⵓⵣⴻⵏⵣⵉⵖ "ⵜⵉⵎⵓⵎⴻⵏⵜ ⴷ ⵜⴰⵣⵎⴻⵔⵜ ⵏ ⵓⵏⴻⵣⵏⵉ: ⴰⴱⵔⵉⴷ ⴰⴷⴰⵎⵙⴰⵏ ⴰⵎⴰⵢⵏⵓⵜ ⵉ ⵍⴻⵣⵣⴰⵢⴻⵔ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ.
ⵓⵜⴻⴽⴽⵉ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵉⴷⴷⵢ ⵜⴰⵖⴻⵍⵏⴰⵡⵜ ⵉ ⵢⴻⴱⵖⴰⵏ ⴰⴷ ⵜⴻⵙⵙⴻⴶⵀⴻⴷ ⴰⴷⵉⵡⴻⵏⵏⵉ ⴰⴷⴰⵎⵙⴰⵏ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴳⴰⵔ ⵢⵉⵎⵉⴳⴰⵡⴻⵏ (acteurs) ⵢⴻⵎⴳⴰⵔⴰⴷⴻⵏ. ⴰⴷ ⴷ-ⵢⵉⵍⵉ ⵓⵇⴻⵔⴷⴻⵛ ⴷⴻⴳ ⵜⵖⵉⵎⵉⵢⵉⵏ ⵏ ⵓⵙⵡⵉⵔ ⵉⵄⵍⴰⵢⴻⵏ, ⵉ ⴷⴻⴳ ⴰⵔⴰ ⴷ-ⵜⴻⴽⴽⵉⵏ ⴽⵔⴰ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ, ⵢⵉⵙⴻⵍⵡⴰⵢⴻⵏ ⵏ ⵜⵎⵓⵙⵏⵉⵡⵉⵏ ⴷ ⵢⵉⵎⵓⵣⵣⴰⴳⴻⵏ (experts), ⵙ ⵜⵎⵓⵖⵍⵉ ⵖⴻⵔ ⵜⴻⵎⵙⴰⵍ ⵜⵉⵙⵔⴰⵜⵉⴷⵊⵉⵢⵉⵏ ⵢⴻⵄⵏⴰⵏ ⴰⵟⴰⵙ ⵏ ⵢⵉⵏⵏⴰⵔⴻⵏ ⴰⵎ ⵡⵉⵏ ⵏ ⵢⵉⵎⴻⵔⵢⴰⵏ.
ⴰⴷ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵍⵎⴻⴶⵀⵓⴷⴰⵜ ⵉ ⵜⴻⵜⵜⴻⴳⴳⴻⵏ ⵍⴻⵣⵣⴰⵢⴻⵔ ⵉ ⵓⵙⴰⵜⵉⴳ ⵏ ⵢⵉⵙⴰⴼⴰⵔⴻⵏ-ⵉⵙ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⴷ ⵓⵙⴻⴶⵀⴻⴷ ⵏ ⵓⵙⴻⴼⵔⴻⵏⵜ (attractiveness) ⵏ ⵓⵏⵏⴰⵔ ⵉ ⵓⵙⵙⴻⵜⵎⴻⵔ, ⴰⵎ ⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵙⵏⴻⴼⵍⵉ ⵏ ⵢⵉⵢⴻⵙⴽⵉⵔⴻⵏ ⵏ ⵏⴼⴰⵄ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴱⴻⴷⴷⵉ ⵏ ⵜⵎⴻⵔⴽⴰⵏⵜⵉ ⴷ ⵓⵙⴻⵎⴳⴰⵔⵔⴻⴷ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ. ⴷⴰⵖⴻⵏ, ⴰⴷ ⴷ-ⵙⴱⴻⴳⴳⵏⴻⵏ ⴰⵣⴰⵍ ⵉⵕⴻⵙⵙⴰⵏ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷⴻⴳ ⵓⴷⴻⴳⴳⴻⵔ ⵏ ⵜⵉⵎⵓⵎⴻⵏⵜ ⵜⴰⴷⴰⵎⵙⴰⵏⵜ ⴷ ⵓⵟⵎⴰⵏ ⵏ ⵜⵎⴰⵏⴻⴳⵜ ⵏ ⵜⵎⴻⵔⵔⵉ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ .
ⵜⵉⵎⵍⵉⵍⵉⵜ-ⴰⴳⵉ ⴰⴷ ⵜⴻⵡⵡⵉ ⴷⴰⵖⴻⵏ ⵖⴻⴼ ⵡⴰⵟⴰⵙ ⵏ ⵢⵉⵙⵓⴽⴰ ⵉⵕⴻⵙⵙⴰⵏⴻⵏ, ⴰⵎ ⵢⵉⵙⵏⵉⵢⴰⵍⴻⵏ ⵓⵙⵏⴻⴼⵍⵉ ⵏ ⵜⵎⵓⵙⵏⵉⵡⵉⵏ, ⴰⵙⴼⵉⵣⴷⴻⴳ ⵏ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ, ⴷ ⵓⵙⴻⴶⵀⴻⴷ ⵏ ⵜⵉⵎⵓⵎⴻⵏⵜ ⵜⴰⵇⵎⵉⵜ ⴷ ⵜⵉⵏ ⵏ ⵜⴰⵣⵣⵉⵜ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵢⵉⵙⵏⵉⵢⴰⵍⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵏⵉⵎⴰⵏⵏⴻⵏ ⵉ ⵓⵙⴻⴶⵀⴻⴷ ⵏ ⵓⵙⵙⴻⵜⵎⴻⵔ ⴷ ⵓⵙⴱⴻⴷⴷⵉ ⵏ ⵜⵉⴷⴷⵢ ⵜⴰⵎⴰⵢⵏⵓⵜ ⵉ ⵓⵙⵏⴻⴼⵍⵉ.
ⴰⵔⵏⵓ ⵖⴻⵔ
