ⵜⴰⵙⴷⴰⵡⵉⵜ ⵜⴰⵣⵣⴰⵢⵔⵉⵜ ⴷ ⵜⴰⵢⵉⴷⴰⵏⵜ ⵉⵕⴻⵚⵚⴰⵏ ⵉ ⵓⵙⵏⴻⴼⵍⵉ ⴰⵖⴻⵍⵏⴰⵡ

ⵜⴰⵙⴷⴰⵡⵉⵜ ⵜⴰⵣⵣⴰⵢⵔⵉⵜ ⴷ ⵜⴰⵢⵉⴷⴰⵏⵜ ⵉⵕⴻⵚⵚⴰⵏ ⵉ ⵓⵙⵏⴻⴼⵍⵉ ⴰⵖⴻⵍⵏⴰⵡ

ⵜⴻⵙⵙⴻⵏⴼⴰⵍⵉ ⵍⴻⵣⵣⴰⵢⴻⵔ, ⴰⵣⴻⴽⴽⴰ ⵏ ⵜⵜⵍⴰⵜⴰ, ⴰⵙⵙ ⴰⵖⴻⵍⵏⴰⵡ ⵏ ⵓⵏⴻⵍⵎⴰⴷ ⵉ ⴷ-ⵢⴻⵙⵎⴻⴽⵜⴰⵢⴻⵏ ⴰⴳⴷⴰⵍ ⵏ ⵓⵍⵎⵓⴹ ⵏ 19 ⵎⴰⵢⵓ 1956, ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵉ ⴷⴻⴳ ⵜⵣⴻⵔ ⵜⴻⵙⴷⴰⵡⵉⵜ ⵜⴰⵣⵣⴰⵢⵔⵉⵜ ⵉⴱⴻⴷⴷⵉⵍⴻⵏ ⵉⵙⵔⴰⵜⵉⴷⵊⵉⵢⴻⵏ ⵉ ⵜⵜ-ⵢⴻⵔⵔⴰⵏ ⴷ ⵜⴰⵢⵉⴷⴰⵏⵜ  ⵉⵕⴻⵙⵙⴰⵏ ⵉ ⵓⵙⵏⴻⴼⵍⵉ ⴷ ⵓⵙⵙⴻⴶⵀⴻⴷ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵜⴰⴳⵏⵉⵜ-ⴰⴳⵉ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷ ⵓⵙⴱⴻⴷⴷⵉ ⵏ ⵓⵡⴰⵏⴰⴽ ⴰⵎⴰⵢⵏⵓⵜ, ⵉⵎⵉ ⵜⴻⵜⵜⴻⵎⵎⴰⵍ ⵜⵓⵇⵇⵏⴰ ⵏ ⴷⴰⵅⴻⵍ ⴳⴰⵔ ⵏⴼⵉⵜ ⵏ ⵢⵉⵎⵓⵙⵙⵏⴰⵡⴻⵏ ⴷ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⵉⴶⴻⵀⴷⴻⵏ, ⴰⵙⵎⵉ ⵉ ⴼⴻⵔⵏⴻⵏ ⵢⵉⵏⴻⵍⵎⴰⴷⴻⵏ ⵍⴻⵣⵣⴰⵢⵔⵉⵢⴻⵏ ⵙ ⴷⴷⴰⵡ ⵏ ⵜⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵏⴻⵍⵎⴰⴷⴻⵏ ⵢⵉⵏⵙⴻⵍⵎⴻⵏ ⵍⴻⵣⵣⴰⵢⵔⵉⵢⴻⵏ (UGEMA) ⴰⴷ ⵃⴻⴱⵙⴻⵏ ⴰⵍⵎⵓⴹ ⵓ ⴰⴷ ⴷ-ⵜⴻⴽⴽⵉⵏ ⵙ ⵜⴻⴳⵔⵓⵎⵎⴰ ⴷⴻⴳ ⵢⵉⵙⵉⵔⴷⴰⵙⴻⵏ ⵏ ⵜⴻⴳⵔⴰⵡⵍⴰ.

ⴰⴷⴷⴰⴷ-ⴰⴳⵉ ⵢⴻⵍⵍⴰ ⴷ ⵜⵉⵢⵉⵜⵉ ⵉⴶⴻⵀⴷⴻⵏ ⵉ ⵓⵏⴻⴽⵛⵓⵎ ⴰⴼⵔⴰⵏⵙⵉⵙ ⵉ ⵓⴳⵉⵏ ⵢⵉⵏⴻⵍⵎⴰⴷⴻⵏ ⴰⴷ ⴷ-ⴰⵡⵉⵏ ⵜⵉⵍⴻⵍⵍⵉ ⵏ ⵜⵎⵓⵔⵜ ⵓⵇⴱⴻⵍ ⵉⵎⴰⵍ-ⵏⵙⴻⵏ ⴰⵎⴻⵣⵣⵓⵍⴰⵏ ⵏⴻⵖ ⴰⵙⴷⴰⵡⵢⴰⵏ, ⵓⵖⴰⵍⴻⵏ ⴷ ⵉⵎⴹⴻⴱⴱⵔⴻⵏ ⵏ ⵓⵎⴰⵀⵉⵍ ⴰⵙⴻⵔⵜⵉ ⴷ ⵓⴷⵉⵒⵍⵓⵎⴰⵙⵉ ⴷ ⵓⵙⴻⵔⴷⴰⵙ ⵏ ⵜⴻⴳⵔⴰⵡⵍⴰ ⴷ ⵍⴻⵣⵣⴰⵢⴻⵔ ⵏ ⵙⴻⵍⴷ ⴰⵣⴰⵔⵓⴳ.

ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ, ⵙ ⵍⴻⴱⵖⵉ ⵏ ⵢⵉⵎⴻⵙⵜⵓⵏⴻⵏ (patriotes), ⴰⴷ ⵜⵣⴻⴳⴳⴻⵔ ⵜⵉ ⵜⴻⴳⵏⴰⵜⵉⵏ ⵏ ⴷⴷⵉⵇ ⵓ ⴰⴷ ⵜⵙⴻⴱⴱⴻⴷ ⵢⵉⵡⴻⵏ ⵏ ⵓⵏⴰⴳⵔⴰⵡ ⴰⵙⴷⴰⵡⵢⴰⵏ ⴰⵖⴻⵍⵏⴰⵡ ⵉⴼⴰⵣⴻⵏ, ⵙ ⵓⵣⴻⵟⵟⴰ ⵏ ⵜⵎⵓⵙⵏⵉⵡⵉⵏ ⵉⵖⵓⵎⵎⴻⵏ ⵜⵎⵓⵔⵜ ⵎⴻⵕⵕⴰ. ⴰⵢⴰⴳⵉ ⵉ ⵢⴻⵔⵔⴰⵏ ⵜⴰⵙⴷⴰⵡⵉⵜ ⴷⴻⴳ "ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ" ⴷ "ⵜⴰⵢⵉⴷⴰⵏⵜ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵜⵎⵓⵔⵜ ⵉ ⵓⵙⵏⴻⴼⵍⵉ ⴷ ⵓⵙⴻⵎⵎⵓⵣⵣⴻⴳ ⵏ ⵓⵎⴰⵀⵉⵍ ⴰⴷⴰⵎⵙⴰⵏ", ⴰⴽⴽⴻⵏ ⵉ ⴷ-ⵉⵙⵙⴻⴽⵏⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ.

ⵜⴰⵙⴷⴰⵡⵉⵜ ⵜⴰⵣⵣⴰⵢⵔⵉⵜ ⵜⵓⵔⴰ ⵜⴻⵜⵜⴻⴷⴷⵓ ⵖⴻⵔ "ⵜⴻⵙⴷⴰⵡⵉⵜ ⵜⴰⵃⴻⵔⵛⴰⵏⵜ"   ⵉⵕⴻⵙⵙⴰⵏ ⵖⴻⴼ ⵜⴰⵔⵇⵎⵉⵜ ⵜⴰⵎⴰⵜⵓⵜ ⴷⴻⴳ ⵓⵙⴻⵍⵎⴻⴷ ⴷ ⵓⵙⴻⴷⴱⴻⵔ. ⵜⴻⵜⵜⴻⴽⴽⵉⵍ ⴷⴻⴳ ⵜⴷⴰⵎⵙⴰ ⵏ ⵜⵎⵓⵙⵏⵉ ⴷ ⵜⴷⴰⵎⵙⴰ ⵏ ⵓⵙⵏⵓⵍⴼⵓ, ⴰⵏⵉⴷⴰ ⵜⴻⵙⵙⴻⴽⵛⴻⵎ ⴷⴻⴳ ⵡⴰⵀⵉⵍⴻⵏ-ⵉⵙ ⵏ ⵓⵙⵉⵍⴻⵖ ⵜⴰⵎⵓⵙⵏⵉ ⵜⴰⵡⵓⵔⵎⴰⵏⵜ (IA), ⵜⵔⵓⴱⵓⵜⵉⴽⵜ ⴷ ⵢⴰⴽⴽ ⵜⵎⵓⵀⴰⵍ ⵏ ⵓⵣⴻⴽⴽⴰ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵜⵓⵙⵙⵏⵉⵡⵉⵏ ⵏ ⵏⴰⵏⵓ ⴷ ⵜⵎⴰⵏⴻⴳⵜ ⵜⴰⵇⵎⵉⵜ .

ⵍⵎⴻⴶⵀⵓⴷⴰⵜ-ⴰⴳⵉ ⵉⵄⴰⵡⵏⴻⵏ ⴷⴻⴳ ⵓⵙⵏⴻⵔⵏⵉ ⵏ ⵢⵉⴳⴻⵎⵎⴰⴹ ⵏ ⵓⵏⴰⴷⵉ ⴰⵎⴰⵙⵙⴰⵏ, ⴰⵏⵉⴷⴰ ⵊⵔⴻⴷⴷⴻⵏ, ⴰⵎⴻⴷⵢⴰ, 3249 ⵏ ⵜⵉⵏⵉⴷⴰⵡⵉⵏ ⵏ ⵓⵙⵏⵓⵍⴼⵓ  , 310 ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ   ⴷ 2611 ⵏ ⵜⵎⵓⵙⵏⵉⵡⵉⵏ ⵜⵉⵎⵉⵛⵛⴰⵏⵉⵏ ⵏ ⵢⵉⵏⴻⵍⵎⴰⴷⴻⵏ.

ⴷⴰⵖⴻⵏ, ⵜⴻⵜⵜⴻⴷⴷⵓ ⵜⴷⵓⴽⵍⵉ ⴳⴰⵔ ⵜⴻⵙⴷⴰⵡⵉⵜ ⴷ ⵢⵉⵏⵏⴰⵔⴻⵏ ⵏⵏⵉⴹⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⵇⴰⵏ ⴳⴰⵔ ⵓⵏⴰⴷⵉ ⴰⵎⴰⵙⵙⴰⵏ ⴷ ⵜⴰⵡⵏⵏⴰⴹⵜ ⵜⴰⴷⴰⵎⵙⴰⵏⵜ, ⵙ ⵓⵙⴱⴻⴷⴷⵉ ⵏ 134 ⵏ ⵜⵃⴹⴰⵏⵉⵏ ⵏ ⵢⵉⵎⴰⵀⵉⵍⴻ , 117 ⵏ ⵡⴰⵎⵎⴰⵙⴻⵏ ⵏ ⵓⵙⵏⴻⴼⵍⵉ ⵏ ⵜⴰⵎⴻⵙⵜⴻⵏⵜ (entrepreneurship) ⴷ 89 ⵏ ⵢⵉⵅⵅⴰⵎⵎⴻⵏ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ.

ⵉⵡⴰⴽⴽⴻⵏ ⴰⴷ ⵜⴻⵜⵜⵓⵙⴻⵎⵖⴻⵔ ⵜⴰⵔⵇⵎⵉⵜ, ⵓⵏⵏⴰⵔ ⵏ ⵓⵙⴻⵍⵎⴻⴷ ⵓⵏⵉⴳ ⵉⵙⵙⴻⵎⵔⴻⵙ ⵜⴰⴽⴰⵔⴹⵉⵜ ⵏ ⵓⵏⴻⵍⵎⴰⴷ ⵜⴰⵃⴻⵔⵛⴰⵏⵜ ⵉⵢⴻⵙⴷⵓⴽⴽⵍⴻⵏ ⵡⴰⵟⴰⵙ ⵏ ⵢⵉⵎⴻⵥⵍⴰ. ⵎⴰ ⴷ ⵓⵎⴹⴰⵏ ⵏ ⵜⵉⵙⴰⵜⵉⵏ (ⵒⵍⴰⵜⴻⴼⵓⵔⵎⴻⵙ) ⴷⴻⴳ ⵓⵏⴰⴳⵔⴰⵡ ⴰⵇⵎⵉ ⵢⴰⵡⴻⴹ 73 ⵏ ⵜⴻⵙⴰⵜⵉⵏ, ⴰⵔⴰ ⵢⴻⴶⴶⴻⵏ ⵜⴰⵙⴷⴰⵡⵉⵜ ⴰⴷ ⵜⵄⴻⴷⴷⵉ ⵖⴻⵔ ⵍⴶⵉⵍ ⵡⵉⵙ ⴽⵓⵣ, ⵉⵍⵍⴰⵏ ⴷ ⵜⵉⵏ ⵏ ⵓⴼⴰⵔⵉⵙ ⴷ ⵓⵙⵙⴻⵜⵎⴻⵔ.

ⵙ ⵜⵎⵓⵖⵍⵉ-ⴰⴳⵉ ⵜⴰⵎⴻⵇⵇⵔⴰⵏⵜ, ⵜⴱⴰⵏ-ⴷ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ ⵡⴰⵀⵉⵍ "ⵍⵎⴻⴷ ⴷⴻⴳ ⵍⴻⵣⵣⴰⵢⴻⵔ"  ⵉ ⵢⵉⵏⴻⵍⵎⴰⴷⴻⵏ ⵏ ⴱⴻⵕⵕⴰ. ⵙ ⵢⵉⵙⵓⵔⵉⴼⴻⵏ-ⴰⴳⵉ, ⵜⵉⵙⴷⴰⵡⵉⵢⵉⵏ ⵏ ⵍⴻⵣⵣⴰⵢⴻⵔ ⵓⵡⵢⴻⵏⵜ, ⵉ ⵜⵉⴽⴽⴻⵍⵜ ⵜⴰⵎⴻⵏⵣⵡⵓⵜ, ⵉⵎⵓⴽⴰⵏ ⵓⴼⵔⵉⵏⴻⵏ ⴷⴻⴳ ⵓⵕⴰⵜⵜⵉ  ⵏ "QS" ⴰⵎⴰⴹⵍⴰⵏ ⵏ ⵓⵙⴻⴳⴳⴰⵙ 2026.