ⵢⴻⵜⵜⴻⴽⴽⵉ ⵓⴱⵕⵓⴼⵉⵙⵓⵔ ⵄⴰⴷⴷⴰ ⴱⵓⵓⵏⵊⴰⵔ, ⴰⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵉ ⵓⵙⴻⵃⴷⴻⵔ ⴷ ⵓⵎⴻⵏⵏⵓⵖ ⵎⴳⴰⵍ ⵓⵙⵉⵔ (cancer), ⴷ ⴰⵎⵜⴻⵍ ⵏ ⵍⴻⵣⵣⴰⵢⴻⵔ, ⴷⴻⴳ ⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵙⴹⵉⵙ ⵏ ⵜⵎⴻⵔⵡⵉⵏ (60) ⵏ ⵜⴻⵙⵏⵓⵔⴻⴼⵜ ⵜⴰⴳⵔⴰⵖⵍⴰⵏⵜ ⵏ ⵢⵉⵏⴰⴷⵉⵢⴻⵏ ⴷⴻⴳ ⵓⵏⵏⴰⵔ ⵏ ⵓⵙⵉⵔ ⵢⴻⵟⵟⴰⴼⴰⵔⴻⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴰⵣⵣⵉⵜ (IARC/OMS), ⵉ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵍⵢⵓⵏ (ⴼⵔⴰⵏⵙⴰ) ⴳⴰⵔ 19 ⴷ 21 ⵎⴰⵢⵓ 2026, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵓⵜⴻⴽⴽⵉ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵜⵉⵍⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⵓⵙⵏⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵓⴼⵔⵉⵏⴻⵏ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵓⵙⵉⵔ, ⴷ ⵓⴷⴻⴳⴳⴻⵔ ⵏ ⵓⵎⵢⴻⵛⵛⴻⵔ ⴰⵎⴰⵙⵙⴰⵏ ⴷ ⵓⵡⴰⵏⴰⴽⴰⵏ ⴷ ⵢⵉⵎⵛⴻⴷⴷⵉⵡⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵢⵉⵏⵏⴰⵔⴻⵏ ⵏ ⵓⵙⴻⵃⴷⴻⵔ, ⴰⵏⴰⴷⵉ, ⴰⵙⴻⵏⵎⴰⵍⵢ (diagnostic) ⴷ ⵓⵊⵊⴻⵢ.
ⴰⴱⵕⵓⴼⵉⵙⵓⵔ ⵄⴰⴷⴷⴰ ⴱⵓⵓⵏⵊⴰⵔ ⴰⴷ ⴷ-ⵢⴻⴽⴽⵉ ⴷⴰⵖⴻⵏ ⴷⴻⴳ ⵢⵉⵡⴻⵜ ⵏ ⵍⵡⴻⵕⵛⴰ ⵜⴰⴳⵔⴰⵖⵍⴰⵏⵜ ⵏ ⵓⵙⵡⵉⵔ ⵉⵄⵍⴰⵢⴻⵏ ⵖⴻⴼ ⵡⴰⴷⴷⴰⴷ ⵏ ⵓⵙⵉⵔ ⴷⴻⴳ ⵓⵎⴰⴹⴰⵍ, ⵙ ⵜⵉⵍⵉⵜ ⵏ ⵢⵉⵏⴻⵖⵍⴰⴼⴻⵏ ⵏ ⵜⴰⵣⵣⵉⵜ ⴷ ⵢⵉⵎⴹⴻⴱⴱⵔⴻⵏ ⵏ ⵜⵓⴷⴷⵙⵉⵡⵉⵏ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⵉⵔ ⴷ ⵢⵉⵎⵓⵣⵣⴰⴳⴻⵏ ⵏ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ ⵙⴻⴳ ⵓⵎⴰⴹⴰⵍ ⵎⴻⵕⵕⴰ. ⴷⵉⵏⵏⴰ, ⴰⴷ ⴷ-ⵢⴻⵔⵔ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵖⴻⴼ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵏ ⵓⵙⴻⵃⴷⴻⵔ ⴷ ⵓⵎⴻⵏⵏⵓⵖ ⵎⴳⴰⵍ ⵓⵙⵉⵔ ⵉ ⵢⵉⵎⴰⵍ ⵏ 2035, ⵉ ⴼⴻⵍⵍ-ⴰⵙ ⵉ ⵎⵜⴰⵡⴰⵏ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ ⵏ ⵜⵎⵓⵔⵜ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵓⵙⴻⵃⴷⴻⵔ, ⴰⵙⵓⵏⵉⵔⴻⵎ ⴰⵣⵉⴽⴰⵏ ⴰⵙⵏⴻⴼⵍⵉ ⵏ ⵓⵙⴻⵏⵎⴰⵍⵢ ⴷ ⵓⵊⵊⴻⵢ, ⴷ ⵓⵙⵉⵍⴻⵖ ⴷ ⵓⵏⴰⴷⵉ ⴰⵎⴰⵙⵙⴰⵏ ⴷⴻⴳ ⵓⵏⵏⴰⵔ ⵏ ⵓⵙⵉⵔ.
ⵓⵜⴻⴽⴽⵉ-ⴰⴳⵉ ⴰⴷ ⵢⵉⵍⵉ ⴷ ⵜⴰⴳⵏⵉⵜ ⵉ ⵓⵙⴻⵏⴽⴻⴷ ⵏ ⵜⵎⵓⵖⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⵉⵔ, ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴷ ⵜⵎⵓⵔⴰ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ, ⴰⵎ ⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵉ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴰⵎⴰⵙⵙⴰⵏ ⴷ ⵓⵜⵉⴽⵏⵉⴽ ⵉ ⵓⵙⵏⴻⵔⵏⵉ ⵏ ⵓⵃⵔⴰⵣ ⵏ ⵢⵉⵎⵓⴹⴰⵏ ⵏ ⵓⵙⵉⵔ ⴷ ⵓⵙⴻⴶⵀⴻⴷ ⵏ ⵓⵏⴰⴷⵉ ⴷⴻⴳ ⵓⵏⵏⴰⵔ-ⴰⴳⵉ ⵉⵕⴻⵙⵙⴰⵏ.
