ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵓⵎⵙⴻⵍⵡⴰⵢ ⵏ ⵜⵔⴰⴱⵄⵜ ⵜⴰⵎⴷⵓⴽⴽⵍⵉ ⴳⴰⵔ ⵍⵣⵣⴰⵢⴻⵔ ⴷ ⴰⵏⴳⵓⵍⴰ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⵎⴰⵙⵙ ⴼⵓⵖⴰⵍⵉ ⵔⴰⴱⴰⵃ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵙ ⵡⴰⵍⴰⵜⴻⵏ ⵏ ⵓⵎⵢⴰⵡⴰⴹ ⵙⴻⴳ ⵡⴰⴳⴳⵓⴳ , ⴷ ⵓⵎⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵏ ⵓⴳⵔⴰⵡ ⴰⵖⴻⵍⵏⴰⵡ ⵏ ⵜⴳⴷⵓⴷⴰ ⵏ ⴰⵏⴳⵓⵍⴰ, ⵎⴰⵙⵙ ⵙⵉⵍⴼⴻⵙⵜⴻⵔ ⴼⴰⴱⵔⵉⴷ ⵙⴰⵎⵉ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ.
ⴷⴻⴳ ⵜⵉⴳⵏⵉⵜ-ⴰⴳⵉ, ⵎⴰⵙⵙ ⴼⵓⵖⴰⵍⵉ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⵜⵉⵎⴷⵓⴽⴽⵍⵉⵡⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵍⵀⴰⵏⵜ ⴰⵟⴰⵙ ⵢⴻⵔⵏⴰ ⴷ ⵜⵉⵎⴻⵣⵔⵓⵢⴰⵏⵉⵏ. ⵢⴻⴱⵏⴰ ⵡⴰⵡⴰⵍ-ⵉⵙ ⵖⴻⴼ ⵓⵎⵢⴰⵡⴰⵙ ⴷ ⵓⵇⴰⴷⴻⵔ ⵢⴻⵍⵍⴰⵏ ⴳⴰⵔ ⵢⵉⵖⴻⵔⴼⴰⵏ. ⵢⴻⴱⵢⴻⵏ-ⴷ ⵍⴻⴱⵖⵉ-ⵙ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⴰⵎⵢⴻⵍⵍⴻⵍ ⴳⴰⵔ ⵢⵉⴳⵔⴰⵡⴻⵏ ⵏ ⵢⵉⵎⴱⴻⵇⵇⴰⵙ ⵢⴻⵔⵏⴰ ⴰⴷ ⵢⵉⵍⵉ ⵓⴱⴻⴷⴷⴻⵍ ⵏ ⵜⵓⵣⵣⵢⴰⵜ ⴳⴰⵔ ⵢⵉⵎⴻⵙⵍⴻⵢⴻⵏ ⵏ ⵜⴷⵓⴽⴽⵍⵉ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵜⴰⴷⴰⵎⵙⴰ, ⴰⵎⵙⴻⵍⵡⴰⵢ ⵏ ⵜⵔⴰⴱⵄⵜ ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⴻⵔ ⴷ ⴰⵏⴳⵓⵍⴰ ⵙⵄⴰⵏⵜ ⵜⵔⴻⵣⵡⴰ ⵜⴰⵎⴻⵇⵇⵔⴰⵏⵜ ⵏ ⵓⵥⴰⵔⵓ ⴷ ⵓⴳⴰⵣ. ⴰⵢⴰ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⴱⵏⵓⵏ ⵢⵉⵡⴻⵏ ⵓⵎⵢⴻⵍⵍⴻⵍ ⴰⵙⵜⵔⴰⵜⵉⵊⵉ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⴰⴷⵉ, ⴰⴼⴰⵔⵉⵙ ⴷ ⵜⵎⴻⴳⵓⵔⵉ ⵏ ⵓⵥⴰⵔⵓ. ⵢⴻⴼⴽⴰ ⴰⵣⴰⵍ ⴷⴰⵖⴻⵏ ⵉ ⵓⵎⵢⴰⵡⴰⵙ ⴷⴻⴳ ⵓⵙⵍⵎⴻⴷ ⴷ ⵓⵙⵉⵍⴻⵡ, ⴷ ⵓⵙⵊⴻⵀⴻⴷ ⵏ ⵓⴱⴻⴷⴷⴻⵍ ⵏ ⵜⵢⴻⵙⵙⴰ ⴷ ⵜⵓⵙⵏⴰ.
ⴷⴻⴳ ⵓⵃⵔⵉⵛ ⵏ ⵓⵎⴰⴹⴰⵍ, ⵎⴰⵙⵙ ⴼⵓⵖⴰⵍⵉ ⵢⴻⵙⵙⴻⵊⴷⴻⴷ ⴱⴻⵍⵍⵉ ⵍⵣⵣⴰⵢⴻⵔ ⵜⴻⵟⵟⴻⴼ ⴷⴰⵢⵎⴻⵏ ⴷⴻⴳ ⵢⵉⵍⵓⴳⴰⵏ-ⵉⵙ ⵉⵙⴰⵙⵉⵢⴻⵏ, ⵍⴰⴷⵯⴰ ⵜⴰⵍⵍⴻⵍⵜ ⵏ ⵢⵉⵖⴻⵔⴼⴰⵏ ⵉ ⵡⴰⴽⴽⴻⵏ ⴰⴷ ⴼⵔⴻⵏ ⵍⵎⴰⵚⵉⵔ-ⵏⵙⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⴻⵔ ⵜⴻⴳⴳⵓⵎⴰ ⴰⵙⴻⴽⵛⴻⵎ ⵏ ⵜⵎⵓⵔⴰ ⵏ ⴱⴻⵔⵔⴰ ⴷⴻⴳ ⵜⵎⵉⵙⴰⵍ ⵏ ⴷⴰⵅⴻⵍ ⵏ ⵜⵎⵓⵔⴰ, ⵢⴻⵔⵏⴰ ⵜⵓⵎⴻⵏ ⵙ ⵜⵉⴼⵔⴰⵜⵉⵏ ⵜⵉⴼⵔⵉⵇⵉⵢⵉⵏ ⵉ ⵢⵉⵖⵉⵍⵉⴼⴻⵏ ⵏ ⵜⵎⴻⵏⵣⵓⵜ.
ⵙⴻⴳ ⵍⵊⵉⵀⴰ-ⵙ, ⵎⴰⵙⵙ ⴼⴰⴱⵔⵉⴷ ⵙⴰⵎⵉ ⵢⴻⴼⴽⴰ ⴰⵣⴰⵍ ⵉ ⵜⵎⴷⵓⴽⴽⵍⵉ ⵢⴻⵍⵍⴰⵏ ⴳⴰⵔ ⵍⵣⵣⴰⵢⴻⵔ ⴷ ⴰⵏⴳⵓⵍⴰ ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵙⵄⴰⵏ ⵢⵉⵡⴻⵜ ⵏ ⵜⵎⵓⵖⵍⵉ ⵖⴻⴼ ⵡⴰⵟⴰⵙ ⵏ ⵜⵎⵉⵙⴰⵍ ⵉⵊⴻⵀⴷⴻⵏ. ⵢⴻⵙⵙⵓⵜⴻⵔ ⴰⴷ ⵊⵊⴻⵀⴷⴻⵏ ⴰⵎⵢⴻⵍⵍⴻⵍ-ⴰⴳⵉ ⵙ ⵓⴱⴻⴷⴷⴻⵍ ⵏ ⵜⵉⵔⵎⵉⵜⵉⵏ ⴷ ⵜⵓⵣⵣⵢⴰⵜ ⵉ ⵡⴰⴽⴽⴻⵏ ⴰⴷ ⵇⴷⴻⵛⴻⵏ ⵢⴻⴷⴷⵓⴽⴽⴻⵍ ⵉ ⵍⴼⴰⵢⴷⴰ ⵏ ⵢⵉⵖⴻⵔⴼⴰⵏ.
ⴰⵔⵏⵓ ⵖⴻⵔ
