ⵜⴻⵍⵍⴰ-ⴷ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵜ ⵏ ⵍⵡⴻⵕⵛⴰ ⵏ ⵓⵎⴰⵀⵉⵍ ⵏ ⵓⵎⵛⴻⵡⵡⴻⵔ ⵖⴻⴼ ⵓⵙⴰⵍⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⵡⵉⵙ ⵙⵉⵏ ⵢⴻⵄⵏⴰⵏ ⵢⵉⵙⵡⵉⵢⴻⵏ ⵏ ⵡⴰⵀⵉⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵏⴻⴼⵍⵉ ⵉⵕⴻⵙⵙⴰⵏ 2030. ⴷⴻⴳ-ⵙ, ⵙⴻⵃⵔⴻⵙⴻⵏ ⵖⴻⴼ ⵜⵓⵛⵛⵉⵜ ⵉⵕⴻⵙⵙⴰⵏ ⵏ ⵍⴻⵣⵣⴰⵢⴻⵔ ⵉ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ-ⴰⴳⵉ ⴷ ⵓⵙⴻⴶⵀⴻⴷ ⵏ ⵍⵎⴻⴶⵀⵓⴷⴰⵜ-ⵉⵙ ⴷⴻⴳ ⵓⵏⴰⴷⵉ ⵏ ⵓⵙⵏⴻⴼⵍⵉ.
ⵢⴻⵙⵙⴻⵍⵡⴰⵢ ⵉⵎⴰⵀⵉⵍⴻⵏ ⵏ ⵍⵡⴻⵕⵛⴰ-ⴰⴳⵉ, ⵉ ⴷ-ⵢⵉⵍⵍⴰⵏ ⵙ ⵓⵣⴻⵏⵣⵉⵖ "ⵍⴻⵣⵣⴰⵢⴻⵔ, ⵖⴻⵔ ⵢⵉⵎⴰⵍ ⵉⵕⴻⵙⵙⴰⵏ ⵓ ⵢⴻⴷⴷⵓⴽⴽⵍⴻⵏ", ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵎⴻⵜⵜⴰⵢⴰⵏ ⴷ ⵜⴰⵡⵏⵏⴰⴹⵜ (ⵛⵏⴻⵙⴻ), ⵎⴰⵙⵙ ⵎⵓⵀⴰⵎⴻⴷ ⴱⵓⵓⵞⴰⵔⵉ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵄⵏⴰⵏ ⵜⴰⵎⵙⴰⵍ ⵜⵉⴷⴰⵎⵙⴰⵏⵉⵏ, ⵎⴰⵙⵙ ⴼⴰⵔⵉⴷ ⴽⵓⵓⵔⵜⴻⵍ, ⴷ ⵢⵉⵎⴰⵣⴰⵏ ⵏ ⵜⵓⴷⴷⵙⵉⵡⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU) ⴷⴻⴳ ⵍⴻⵣⵣⴰⵢⴻⵔ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⵡⵉⵙ ⵙⵉⵏ, ⴰⵔⴰ ⴷ-ⵜⴻⵙⵏⴻⴽⴻⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴰⵢⴻⵙ (Forum) ⴰⵙⴻⵔⵜⵉ ⵏ ⵓⵙⵡⵉⵔ ⵉⵄⵍⴰⵢⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⴳⴳⵓⵔ ⵏ ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵏⵢⵓⵡ ⵢⵓⵔⴽ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵎⴰⵙⵙ ⵛⴰⵢⴻⴱ ⵉⵙⵙⴻⴽⵏⴻⴷ ⵜⵓⵛⵛⵉⵜ ⵏ ⵍⴻⵣⵣⴰⵢⴻ ⵉ ⵓⵙⴻⵍⴽⴻⵎ ⵏ ⵡⴰⵀⵉⵍ-ⴰⴳⵉ ⵙ ⵓⵙⵉⴷⵔⴻⵡ (integration) ⵏ ⵢⵉⵙⵡⵉⵢⴻⵏ-ⵉⵙ ⴷⴻⴳ ⵜⵙⴻⵔⵜⵉⵢⵉⵏ ⵜⵉⴳⴷⵓⴷⴰⵏⵉⵏ. ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵙⵉⵡⴹ-ⴰⴳⵉ ⴷ "ⴰⵍⵍⴰⵍ ⵏ ⵜⴷⵉⵒⵍⵓⵎⴰⵙⵉⵜ ⴰⵙⵔⴰⵜⵉⴷⵊⵉ ⵉ ⵓⵙⴻⴶⵀⴻⴷ ⵏ ⵡⴻⵎⴽⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴰⴹⴰⵍ ⴷ ⵓⵙⴻⴽⵏⴻⴷ ⵏ ⵓⴱⵔⵉⴷ-ⵉⵙ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⵖⴻⴼ ⵓⵎⵎⵉⵣⵉ ⴳⴰⵔ ⵜⴰⵎⴰ ⵜⴰⴷⴰⵎⵙⴰⵏⵜ, ⵜⴰⵎⴻⵜⵜⴰⵢⴰⵏ ⴷ ⵜⴰⵡⵏⵏⴰⴹⵜ".
ⵙⴻⴳ ⵜⴰⵎⴰ-ⵙ, ⵎⴰⵙⵙ ⴱⵓⵓⵞⴰⵔⵉ ⵉⵙⵔⴻⵚ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴻⴽⴽⵉ ⵙ ⵍⴶⴻⵀⴷ ⵙⴻⴳ ⵓⵙⴻⴳⴳⴰⵙ 2015 ⴷⴻⴳ ⵓⵙⵉⴷⵔⴻⵡ ⵏ ⵢⵉⵙⵡⵉⵢⴻⵏ-ⴰⴳⵉ ⴷⴻⴳ ⵜⵙⴻⵔⵜⵉⵢⵉⵏ-ⵉⵙ, ⴷ ⴰⵢⴻⵏ ⵉ ⴷ-ⵉⴱⴰⵏⴻⵏ ⵙ ⵓⵣⴻⴶⴶⴻⴷ ⵏ ⵍⵍⵙⴰⵙⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷⴻⴳ ⵜⵎⴻⵏⴹⴰⵡⵜ ⵏ 2020.
ⵍⵡⴻⵕⵛⴰ-ⴰⴳⵉ ⵉ ⴷ-ⵢⴻⵙⵙⵓⴷⴷⴻⵙ ⵓⵙⵇⴰⵎⵓ ⵛⵏⴻⵙⴻ ⵙ ⵜⴷⵓⴽⵍⵉ ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵜⴻⵡⵡⵉ-ⴷ ⵙⵏⴰⵜ ⵏ ⵍⵡⴻⵕⵛⴰⵜ ⵓⴼⵔⵉⵏⴻⵏ: ⵜⴰⴷⴰⵎⵙⴰⵏⵜ ⴷ ⵜⵎⴻⵜⵜⵉⵢⴰⵏⵜ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⵎⵓⵖⵍⵉⵡⵉⵏ ⵜⵉⵎⴰⵙⵙⴰⵏⵉⵏ ⴷ ⵜⴻⵙⵍⴻⵟ (analysis) ⵜⵉⴳⴷⴻⵎⴰⵏⵜ ⵉ ⵓⴱⵔⵉⴷ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
