ⵢⴻⵍⵍⴰ-ⴷ ⵡⴰⵙⵙ-ⴰ ⵏ ⵍⵃⴻⴷ ⴷⴻⴳ ⵓⵏⴰⵙⵉ ⴰⵖⴻⵍⵏⴰⵡ ⵏ ⵓⵎⴻⵏⵏⵓⵖ ⵎⴳⴰⵍ ⵍⵎⵓⵅⴻⴷⴷⴰⵔⴰⵜ ⴷ ⵓⵙⴻⵔⵔⴻⵄ (ⵓⵏⵍⵛⴷⵜ) ⵓⵙⵎⴻⵔⵢⴻⴷ ⵏ ⵓⴱⵕⵓⴼⵉⵙⵓⵔ ⵢⵓⵓⵏⴻⵙ ⵣⴻⴱⵉⵛⵀ ⵉ ⵢⴻⵜⵜⵡⴰⴼⴻⵔⵏⴻⵏ ⴷ ⴰⵎⴰⵙⵍⴰⵢ ⴷⴻⴳ ⵜⴻⵙⵇⴰⵎⵓⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰⴳ ⵏ ⵍⵎⵓⵅⴻⴷⴷⴰⵔⴰⵜ (ⵉⵏⵛⴱ) ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵓ) ⵉ ⵜⴰⵍⵍⵉⵜ ⵏ 2027-2032, ⴰⴽⴽⴻⴷ ⵓⴹⵓⵛⵜⵓⵕ ⵢⴰⵙⵙⵉⵏ ⴱⵓⵓⵎⵔⴰⵀ ⵉ ⵢⴻⵜⵜⵡⴰⵙⴱⴻⴷⴷ ⴷⴻⴳ ⵓⵀⴻⵢⵢⵓⵍ ⵏ ⵢⵉⵎⵓⵙⵙⵏⴰⵡⴻⵏ ⵉ ⵓⵏⴰⴷⵉ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵏ ⵓⴼⵔⴰⴳ ⵏ ⵍⵎⵓⵅⴻⴷⴷⴰⵔⴰⵜ.
ⴷⴻⴳ ⵡⴰⵡⴰⵍ-ⵉⵙ, ⴰⵏⵎⴻⵀⴰⵍ ⴰⵎⴰⵜⵓ ⵏ ⵓⵏⴰⵙⵉ, ⵎⴰⵙⵙ ⵟⴰⵔⴻⵇ ⴽⵓⵓⵔ, ⵉⵙⴻⴳⵣⵉ-ⴷ ⴱⴻⵍⵍⵉ ⵓⴼⵔⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⵙⵓⴷⴰ ⵏ ⵓⵏⵓ ⵏ ⵓⵎⴻⵏⵏⵓⵖ ⵎⴳⴰⵍ ⵍⵎⵓⵅⴻⴷⴷⴰⵔⴰⵜ ⴷ "ⴰⴼⴰⵔⴻⵢ ⴰⵎⴻⵇⵇⵔⴰⵏ ⵢⴻⵔⵏⴰ ⴷ ⴰⵎⴻⵔⵣⵉ ⵉⵍⴰⵏ ⵏⴼⴰⵄ", ⴷ ⵜⴰⴳⴳⴰⵔⴰ ⵏ ⵍⵯⴻⵀⴷ ⵏ ⵎⴽⵓⵍ ⴰⵃⵔⵉⵛ ⵉ ⵓⵙⴻⵍⴽⴻⵎ ⵏ ⵜⴰⵔⵔⴰⵢⵜ ⵜⴰⵖⴻⵍⵏⴰⵡⵜ ⵏ ⵓⵃⵔⴰⵣ ⵎⴳⴰⵍ ⵍⵎⵓⵅⴻⴷⴷⴰⵔⴰⵜ.
ⵎⴰⵙⵙ ⴽⵓⵓⵔ ⵢⴻⵏⵏⴰ-ⴷ ⵉ ⵜⵖⴻⵎⵙⴰ ⴱⴻⵍⵍⵉ ⴰⵙⴻⵍⴽⴻⵎ ⵏ ⵜⴰⵔⵔⴰⵢⵜ-ⴰⴳⵉ "ⵉⵜⵜⴻⴷⴷⵓ ⵙ ⵓⴱⵔⵉⴷ ⵢⴻⵍⵀⴰⵏ ⴷⴻⴳ ⵎⴽⵓⵍ ⴰⵏⴰⵡ-ⵉⵙ (ⴰⵃⵔⴰⵣ, ⴰⵎⴻⵏⵏⵓⵖ ⴷ ⵓⵙⴻⵞⵞⴻⵢ)", ⵙ ⴷⴷⴰⵡ ⵏ ⵢⵉⵏⴻⵔⵡⴰⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ.
ⵢⴻⵏⵏⴻⵔⵏⴰ-ⴷ ⴱⴻⵍⵍⵉ ⴰⵙⵏⴻⵔⵏⵉ ⵏ ⵓⵏⵢⵓⴷⴷⵓ ⴰⴳⵔⴰⵖⵍⴰⵏ ⵙ ⵓⴹⴼⴻⵔ ⵏ ⵍⴻⵣⵣⴰⵢⴻⵔ ⴷⴻⴳ ⵜⵙⵓⴷⴰ ⵜⴰⴳⵔⴰⵖⵍⴰⵏⵉⵏ ⵏ ⵓⵎⴻⵏⵏⵓⵖ ⵎⴳⴰⵍ ⵍⵎⵓⵅⴻⴷⴷⴰⵔⴰⵜ, ⴰⴷ ⴷ-ⵢⴻⵔⵔ ⵜⴰⵣⵎⴻⵔⵜ ⵉ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ "ⴰⴷ ⵜⴻⵙⵙⵉⵡⴻⴹ ⴰⵡⴰⵍ-ⵉⵙ ⵢⴻⵔⵏⴰ ⴰⴷ ⴷ-ⵜⴻⵙⵙⵉⵙ ⴰⵙⵉⵙⵎⴻⵍ (ⵛⵍⴰⵙⵙⵉⴼⵉⵛⴰⵜⵉⵓⵏ) ⵏ ⴽⵔⴰ ⵏ ⵍⵎⵓⵅⴻⴷⴷⴰⵔⴰⵜ ⵓⵔ ⵢⴻⵜⵜⵡⴰⵙⵉⵙⵎⵍⴻⵏ ⴰⵔⴰ ⵓⵇⴱⴻⵍ ⴷⴻⴳ ⴷⴷⵓⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵜⴻⴱⴻⴷⴷ ⵎⴳⴰⵍ ⵜⴰⵡⴰⵖⵉⵜ-ⴰⴳⵉ".
ⵎⴰⵙⵙ ⴽⵓⵓⵔ ⵉⵙⴻⵎⵔⴻⵖ ⵍⵯⴻⵀⴷ ⵏ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ, ⵍⴰⴷⵖⴰ ⵍⵯⵉⵛ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵏⵃ). ⵙⴻⴳ ⵜⴰⵎⴰ-ⵙ, ⴰⵎⵙⵢⴰⵙ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵓⴼⵔⴰⴳ (ⵞⵓⵙⵜⵉⵛⴻ), ⵎⴰⵙⵙ ⵎⵓⵀⴰⵎⴻⴷ ⵀⴰⵎⵎⴰⴷⵓⵓ, ⵉⵙⴱⴻⴳⴳⴻⵏ-ⴷ ⴱⴻⵍⵍⵉ ⴰⵢⴰⴳⵉ ⴷ ⴰⵙⵉⴷⴻⵇ ⴰⴳⵔⴰⵖⵍⴰⵏ ⵏ ⵡⴻⵎⴽⴰⵏ ⵏ ⵍⴻⵣⵣⴰⵢⴻⵔ ⴷ ⵜⵎⵓⵙⵏⵉ-ⵉⵙ ⴷⴻⴳ ⵡⴰⵏⵏⴰⵔ-ⴰⴳⵉ.
ⴰⴱⵕⵓⴼⵉⵙⵓⵔ ⵢⵓⵓⵏⴻⵙ ⵣⴻⴱⵉⵛⵀ ⵢⴻⵏⵏⴰ-ⴷ ⴱⴻⵍⵍⵉ ⵔⵔⴰⵢ-ⴰⴳⵉ ⵉⵙⴱⴻⴳⴳⴻⵏ-ⴷ ⴰⵎⴽⴰⵏ ⵏ ⵜⵎⵓⵔⵜ ⴷⴻⴳ ⴷⴷⵓⵏⵉⵜ, ⵎⴰ ⴷ ⵓⴹⵓⵛⵜⵓⵕ ⵢⴰⵙⵙⵉⵏ ⴱⵓⵓⵎⵔⴰⵀ ⵉⵙⴻⴳⵣⵉ-ⴷ ⴱⴻⵍⵍⵉ ⴰⵢⴰⴳⵉ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵄⴰ "ⴰⵎⴽⴰⵏ ⵏ ⵍⵍⵙⴰⵙ ⴷⴻⴳ ⵓⵏⵓ".
ⵜⴰⵙⵎⴻⵔⵢⴻⵏⵜ ⵍⵎⴻⵏⵜ ⴷⴰⵖⴻⵏ ⵓⵙⴼⵉⵔ ⵏ ⵍⴻⵣⵣⴰⵢⴻⵔ ⴷⴻⴳ ⵠⵢⴻⵏⵏⴰ, ⵎⴰⵙⵙ ⵍⴰⵔⴱⵉ ⵍⴰⵜⵔⴻⵛⵀ, ⴷ ⵓⵎⵓⵍⴰⵙ ⵓⵎⴻⵖⵉ ⵏ ⵍⴻⵣزⴰⵢⴻⵔ ⴷⴻⴳ ⵓⵏⵓ, ⵎⴰⵙⵙ ⴰⵎⴰⵔ ⴱⴻⵏⴷⵊⴰⵎⴰ, ⴰⴽⴽⴻⴷ ⵓⵏⵎⴻⵀⴰⵍ ⴰⵎⴰⵜⵓ ⵏ ⵡⴰⵙⵙⴰⵖⴻⵏ ⴷⴻⴳ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵎⴰⵙⵙ ⴰⴱⴷⴻⵍⵖⴰⵏⵉ ⵎⴻⵔⴰⴱⴻⵜ, ⵉⵍⵎⴻⵏⴷ ⵏ ⵍⵯⴻⵀⴷ-ⵏⵙⴻⵏ ⵉ ⵓⵙⴰⵍⵉ ⵏ ⵓⴼⴰⵔⴻⵢ-ⴰⴳⵉ.
ⴰⵔⵏⵓ ⵖⴻⵔ
