ⵙ ⵓⵎⴰⵣⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵢⴻⵡⵡⴻⴹ-ⴷ ⵡⴰⵙⵙ-ⴰ ⵏ ⵍⴰⵔⴻⴱⴻⵄ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴱ, ⵖⴻⵔ ⵜⵡⵉⵍⴰⵢⵜ ⵏ ⵜⵉⵙⴻⵎⵙⵉⵍⵜ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷ ⵓⵣⴻⵟⵟⴻⴹ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴷ ⵢⴻⵙⵙⴻⵍⵡⴰⵢ ⴷⴻⴳ ⵜⵉⵔⵣⵉ-ⴰⴳⵉ "ⴰⵍⴷⴰⵢ ⵏ ⵓⵙⴻⵏⴼⴰⵔ ⵏ ⵜⴻⵣⵡⵉⵍⴰ ⵏ ⵓⴼⴰⵔⵉⵙ ⵏ ⵢⵉⴼⴻⵔⴷⵉⵙⴻⵏ ⴷ ⵜⵉⵛⴻⵇⵇⴰⴼⵉⵏ ⵏ ⵓⵒⵍⴰⵙⵜⵉⴽ ⵏ ⵜⴽⴰⵔⵔⵓⵚⵉⵡⵉⵏ.
ⵜⵉⵔⵣⵉ-ⴰⴳⵉ ⵜⵓⵙⴰ-ⴷ — ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ — "ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵓⵄⴰⵡⴻⴷ ⵏ ⵓⵙⴻⴷⴷⴻⵔ ⵏ ⵢⵉⵙⴻⵏⴼⴰⵔⴻⵏ ⵉ ⴷ-ⵉⵜⵜⵡⴰⵕⵕⴰⵏ ⵓ ⴰⴷ ⵜⴻⵏ-ⵢⴻⵙⵙⴻⴽⵛⴻⵎ ⴷⴻⴳ ⵜⵉⴷⴷⵢ ⵜⴰⴷⴰⵎⵙⴰⵏⵜ ⵜⴰⵖⴻⵍⵏⴰⵡⵜ, ⵉⵡⴰⴽⴽⴻⵏ ⴰⴷ ⵜⵜⵓⵙⴰⵜⴳⴻⵏⵜ ⵜⵣⴻⵎⵎⴰⵔ ⵏ ⵓⴼⴰⵔⵉⵙ ⵓ ⴰⴷ ⴷ-ⴳⵍⵓⵏⵜ ⵙ ⵓⵙⵏⴻⴼⵍⵉ ⴷ ⵓⵙⴱⴻⴷⴷⵉ ⵏ ⵜⵎⴻⵔⴽⴰⵏⵜⵉ".
ⴰⵙⴻⵏⴼⴰⵔ-ⴰⴳⵉ ⵢⵓⵙⴰ-ⴷ ⴷⴰⵖⴻⵏ "ⴷⴻⴳ ⵓⴱⵔⵉⴷ ⵏ ⵍⵎⴻⴶⵀⵓⴷⴰⵜ ⵏ ⵢⵉⵎⴹⴻⴱⴱⵔⴻⵏ ⵉ ⵓⵙⴻⴶⵀⴻⴷ ⵏ ⵓⴼⴰⵔⵉⵙ ⵏ ⵜⵛⴻⵇⵇⴰⴼⵉⵏ ⵏ ⵡⴰⵍⵍⵓⵙ ⵏ ⵜⴽⴰⵔⵔⵓⵚⵉⵡⵉⵏ ⴷⴻⴳ ⵜⵎⵓⵔⵜ, ⵉⵎⵉ ⴷ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵙⴱⴻⴷⴷⵉ ⵏ ⵓⵏⴰⴳⵔⴰⵡ ⵏ ⵓⴼⴰⵔⵉⵙ ⵢⴻⴷⴷⵓⴽⴽⵍⴻⵏ ⵓ ⵉ ⵉⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⴻⵎⴳⵓⵔⵉ ⵜⴰⵎⴻⴽⴰⵏⵉⴽⵜ ⵜⴰⵖⴻⵍⵏⴰⵡⵜ".
ⵉⵜⵜⵡⴰⵕⴶⴰ ⴷⴻⴳ ⵜⵉⵔⵣⵉ-ⴰⴳⵉ "ⵓⵙⵜⴻⵏⵢⵉ ⵏ ⵡⴰⵟⴰⵙ ⵏ ⵢⵉⵎⵜⴰⵡⴰⵏ ⵢⴻⵄⵏⴰⵏ ⴰⵙⵏⴻⴼⵍⵉ ⵏ ⵜⴻⵎⴳⵓⵔⵉ ⵏ ⵢⵉⴼⴻⵔⴷⵉⵙⴻⵏ ⴷ ⵜⵛⴻⵇⵇⴰⴼⵉⵏ ⵏ ⵡⴰⵍⵍⵓⵙ ⵏ ⵜⴽⴰⵔⵔⵓⵚⵉⵡⵉⵏ, ⴷ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵜⴰⵎⴳⵓⵔⵉⵢⴰⵏⵜ, ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⴶⵉⵢⵉⵏ , ⴷ ⵓⴷⴻⴳⴳⴻⵔ ⵏ ⵓⵙⵉⴷⵔⴻⵡ ⴰⴷⵉⴳⴰⵏ".
ⵉⵎⵓⵏ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵜⵉⵔⵣⵉ-ⴰⴳⵉ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵚⴻⴳⴳⴻⵎ ⵏ ⵜⵎⴻⵏⵏⴰⵟ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ, ⵎⴰⵙⵙ ⵢⴰⵃⵉⴰ ⴱⴰⵛⵉⵔ, ⵙ ⵜⴰⵎⴰ ⵏ ⵡⴰⵟⴰⵙ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ.
ⴰⵔⵏⵓ ⵖⴻⵔ
