ⴰⵏⴻⵀⵍⴰⴼ ⵏ ⵜⴻⵎⴳⵓⵔⵉ, ⵎⴰⵙⵙ ⵢⴰⵀⵉⴰ ⴱⴰⵛⵀⵉⵔ, ⵢⴻⵅⴷⴻⵎ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴻⵙⵍⴰⵢⴻⵏ ⵏ ⵓⵙⵡⵉⵔ ⵉⵄⵍⴰⵢⴻⵏ ⴷ ⵓⵏⵉⵍⵖⴰⴼ ⴰⵙⴻⵔⴱⵉ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴰⴷⴰⵎⵙⴰⵏ ⴰⴳⵔⴻⵖⵍⴰⵏ ⵢⴻⵔⵏⴰ ⴷ ⴰⵎⵙⴻⵍⵡⴰⵢ ⵡⵉⵙ ⵙⵉⵏ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵏ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ, ⵎⴰⵙⵙ ⵏⴻⵏⴰⴷ ⵒⵓⵒⵓⵠⵉⵞ. ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⵏⵏⴰⵔ ⵏ ⵜⴷⵓⴽⵍⵉ ⵉⵕⴻⵙⵙⴰⵏ ⵉ ⴷ-ⵢⴻⵙⵙⴻⵔⵙ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵙⴻⵔⴱⵉⵢⴰ, ⵎⴰⵙⵙ ⵎⴰⵜⵙⵓⵜ ⴶⵓⵔⵓ, ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⵉⵡⴰⴽⴽⴻⵏ ⴰⴷ ⵜⵜⵓⵙⴻⴶⵀⴷⴻⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵎⴳⵓⵔⵉⵢⴰⵏⴻⵏ ⴳⴰⵔ-ⴰⵙⴻⵏⵜ.
ⴷⴻⴳ ⵜⴰⵍⵍⵉⵜ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⵇⴻⴷⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵏ ⵣⵉⴽ ⵉ ⵢⴻⵙⴷⵓⴽⴽⵍⴻⵏ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ, ⴱⴻⴳⴳⵏⴻⵏ-ⴷ ⵍⴻⴱⵖⵉ ⵏ ⵓⵙⴱⴻⴷⴷⵉ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⵜⴰⵎⴰⵢⵏⵓⵜ ⵉⵕⴻⵙⵙⴰⵏ ⵖⴻⴼ ⵓⵙⵉⴷⵔⴻⵡ ⴰⵎⴳⵓⵔⵉⵢⴰⵏ ⴷ ⵓⵎⵓⴱⴱⴰⴷⴷⴻⵍ ⵏ ⵏⴼⴰⵄ, ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵓⵙⵡⵉⵔ ⵉⴼⴰⵣⴻⵏ ⵏ ⵡⴰⵙⵙⴰⵖⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ ⵏ ⵜⴻⵎⴳⵓⵔⵉ ⵉ ⴷ-ⵉⵣⴻⵡⵡⵉⵔⴻⵏ, ⵍⴰⴷⵖⴰ ⴰⵍⵍⴰⵍⴻⵏ ⵏ ⵍⴻⴱⵏⵉ, ⵙ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵓⴼⴰⵔⵉⵙ ⵏ ⵙⵙⵉⵎⴰⵜ ⴷ ⵓⵛⵍⵉⵏⴽⴻⵔ (ⵛⵍⵉⵏⴽⴻⵔ) ⴷ ⵓⵙⵏⴻⴼⵍⵉ ⵏ ⵓⴱⴻⴷⴷⴻⵍ ⵏ ⵓⵔⵅⴰⵎ, ⴰⵎ ⴰⴽⴽⴻⵏ ⵉ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵜⴻⵎⴳⵓⵔⵉ ⵏ ⵓⵣⵣⴰⵍ ⴷ ⵓⵚⴻⵍⴱⵉ. ⴷⴰⵖⴻⵏ, ⵡⴰⵍⴰⵏ ⵜⴰⵔⵔⴰⵢⵉⵏ ⵏ ⵜⴷⵓⴽⵍⵉ ⴷⴻⴳ ⵓⵏⵏⴰⵔ ⵏ ⵡⴰⵍⵍⴰⵍⴻⵏ ⵏ ⵜⴼⴻⵔⴽⵉ ⴷ ⵜⵉⵎⵓⵀⴻⵍ ⵏ ⵡⵓⵛⵛⵉ, ⴷ ⵓⵙⵏⴻⴼⵍⵉ ⵏ ⵓⴼⴰⵔⵉⵙ ⴷⴻⴳ ⵢⵉⵙⴻⵍⵙⴰ (ⵜⴻⵅⵜⵉⵍⴻ) ⴷ ⵓⴳⵍⵉⵎ.
ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⴷⴰⵖⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵎⵢⴻⵛⵛⴻⵔ ⴷⴻⴳ ⵜⴻⵎⴳⵓⵔⵉ ⵏ ⵜⵉⴽⵏⵓⵍⵓⵊⵉⵢⵉⵏ ⴷ ⵜⴰⵔⵇⵇⵎⵉⵜ, ⴷⴻⴳ-ⵙ ⴰⵙⵏⴻⴼⵍⵉ ⵏ ⵢⵉⵏⴳⵔⴰⵡⴻⵏ ⵏ ⵓⵙⴻⵍⴽⵉⵎ (ⵍⵓⴳⵉⵛⵉⴻⵍⵙ), ⵜⴰⵔⵇⵇⵎⵉⵜ ⴷ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ (ⵉⴰ), ⵙ ⵓⴹⵎⴰⵏ ⵏ ⵓⵏⵉⴳ ⵏ ⵜⵎⵓⵖⵍⵉ ⴷ ⵜⵉⵜⵉⴽⵏⵉⴽⵉⵏ ⵜⵉⵎⴰⵢⵏⵓⵜⵉⵏ ⵉ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵜⵎⵓⵙⵏⵉⵡⵉⵏ ⵏ ⵍⴻⵣⵣⴰⵢⴻⵔ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵎⴰ ⵏ ⵙⴻⵔⴱⵉⵢⴰ ⵜⴻⵙⵙⴻⴽⵏⴻⴷ-ⴷ ⵍⴻⴱⵖⵉ-ⵙ ⴰⵎⴻⵇⵇⵔⴰⵏ ⵉ ⵓⵙⴱⴻⴷⴷⵉ ⵏ ⵜⴷⵓⴽⵍⵉ ⴷⴻⴳ ⵢⵉⵏⵏⴰⵔⴻⵏ-ⴰⴳⵉ, ⵍⴰⴷⵖⴰ ⵜⵉⵎⵓⵀⴻⵍ ⵏ ⵜⴻⵎⴻⴽⴰⵏⵉⴽⵜ ⴷ ⵡⴰⵍⵍⴰⵍⴻⵏ ⵏ ⵜⴼⴻⵔⴽⵉ, ⴷ ⵓⵏⵉⴳ ⵏ ⵜⵉⴽⵏⵓⵍⵓⵊⵉⵢⵉⵏ. ⵙⵔⴻⵚⴻⵏ ⴷⴰⵖⴻⵏ ⵖⴻⴼ ⵜⵣⴻⵎⵎⴰⵔ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴰⴼⴰⵔⴻⵏ ⵉⵎⴻⵣⵡⴰⵔⵓ ⴷ ⵢⵉⴼⴰⵔⴰⵙⴻⵏ ⵏ ⵡⴻⵣⴳⴻⵏ-ⵜⴰⵎⴳⵓⵔⵉ, ⵍⴰⴷⵖⴰ ⴰⴳⵍⵉⵎ ⴷ ⵡⴰⵢⴻⵏ ⵉ ⴷ-ⵉⵜⵜⴻⴷⴷⵓⵏ ⵙⴻⴳ-ⵙ, ⴷ ⵡⴰⵍⵍⴰⵍⴻⵏ ⵏ ⵍⴻⴱⵏⵉ, ⵉⵎⵉ ⵓⴳⴻⴷⴻⵣ ⵏ ⵙⴻⵔⴱⵉⵢⴰ ⵉⵙⵙⵓⵜⵓⵔ-ⵉⵜⴻⵏ ⵙ ⵍⴶⴻⵀⴷ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⴰⵣⴰⵍ ⵏ ⵓⴱⴻⴷⴷⴻⵍ ⵏ ⵜⵣⴻⵎⵎⴰⵔ-ⴰⴳⵉ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵜⵉⴷⴻⵜ ⴷⴻⴳ ⵙⵏⴰⵜ ⵏ ⵜⵎⵓⵔⴰ, ⵙ ⵓⵙⵓⴷⴷⴻⵙ ⵏ ⵜⴻⵎⵍⵉⵍⵉⵢⵉⵏ ⵏ ⵓⵎⴰⵀⵉⵍ ⵉⵎⴻⵣⴷⴰⵢⴻⵏ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ.
ⴰⵔⵏⵓ ⵖⴻⵔ
