ⵢⴻⵜⵜⴻⴽⴽⴰ ⵓⵏⴻⵖⵍⴰⴼ ⵏ ⵢⵉⴷⵔⵉⵎⴻⵏ, ⵎⴰⵙⵙ ⴰⴱⴷⴻⵍⴽⵔⵉⵎ ⴱⵓⵓⴰⵍⵣⴻⵔⴻⴷ, ⵙⴻⴳ ⵡⴰⵙⵙ-ⴰ ⵏ ⵍⴻⵜⵏⵉ, ⴷⴻⴳ ⵓⵎⴻⵣⴷⵓⵖ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ ⴷⴻⴳ ⵏⴻⵡ ⵢⵓⵔⴽ (ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ), ⴷⴻⴳ ⵢⵉⵎⴻⵀⵍⴻⵔ ⵏ ⵡⴻⴳⵔⴰⵡ ⵏ ⵓⵙⵇⴰⵎⵓ ⵏ ⵜⴷⴰⵎⵙⴰ ⴷ ⵜⵎⴻⵜⵜⵉ ⵉ ⵓⴹⴻⴼⴻⵔ ⵏ ⵓⵙⴻⵏⴼⴰⵍ ⵏ ⵜⵏⴻⴼⵍⵉ ⵏ ⵓⵙⴻⴳⴳⴰⵙ 2026.
ⴰⵙⵙ-ⴰ ⵏ ⵍⴻⵜⵏⵉ ⵉ ⴷ-ⵢⴻⵍⵍⴰ ⵓⵏⵏⵓⵔⵣⴻⵎ ⵏ ⵡⴻⴳⵔⴰⵡ-ⴰⴳⵉ ⴰⵔⴰ ⵉⴷⵓⵎⵎⴻⵏ ⴰⵔ 24 ⵢⴻⴱⵔⵉⵔ, ⵙ ⵓⴼⵓⵙ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⴰⵏⵜⵓⵏⵉⵓ ⴳⵓⵜⴻⵔⵔⴻⵙ, ⴷ ⵜⵙⴻⵍⵡⴰⵢⵜ ⵏ ⵜⴻⵞⵎⵓⵢⴰ ⵜⴰⵎⴰⵜⵓⵜ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ, ⵎⴰⵙⵙⴰ ⴰⵏⵏⴰⵍⴻⵏⴰ ⴱⴰⴻⵔⴱⵓⵛⴽ, ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵜⴷⴰⵎⵙⴰ ⴷ ⵜⵎⴻⵜⵜⵉ, ⵎⴰⵙⵙ ⵍⵓⴽ ⴱⴰⵀⴰⴷⵓⵔ ⵜⵀⴰⵃⴰ. ⵙⵇⴻⵔⴷⵛⴻⵏ ⴰⴽⴽ ⵓⵇⴰⴷⴻⵔ ⵏ ⵡⴰⵢⴻⵏ ⵉ ⴷ-ⵢⴻⴼⴼⵖⴻⵏ ⴷⴻⴳ "ⵓⵙⴻⵏⵜⴻⵎ ⵏ ⵙⴻⵠⵉⵍⵍⴰ" ⵉ ⴹⵎⴻⵏⴻⵏ ⵢⵉⵙⴻⵍⵡⴰⵢⴻⵏ ⵏ ⵜⵎⵓⵔⴰ ⴷⴻⴳ ⵡⴰⴳⴳⵓⵔ ⵏ ⵢⵓⵏⵢⵓ ⵉⵄⴻⴷⴷⴰ.
ⴷⴻⴳ ⵜⵙⴻⴷⴷⴰⵔⵜ ⵏ ⵓⵏⵏⵓⵔⵣⴻⵎ ⵜⵜⴻⴽⴽⴰⵏ ⴷⴰⵖⴻⵏ ⵓⵎⴰⵣⵉⵔ ⵏ ⵓⵙⴻⴷⴷⴻⵔ ⵏ ⵓⵚⴻⵏⴷⵓⵇ ⵏ ⵢⴻⴷⵔⵉⵎⴻⵏ ⴰⴳⵔⴰⵖⵍⴰⵏ (ⴼⵎⵉ), ⵎⴰⵙⵙ ⵏⵉⴳⴻⵍ ⵛⵍⴰⵔⴽⴻ, ⴷ ⵓⵎⴷⴻⴱⴱⵔⴻⵜ ⵙⴻⴳ ⵡⴻⴳⵔⴰⵡ ⵏ ⵍⴱⴰⵏⴽⴰ ⵜⴰⴳⵔⴰⵖⵍⴰⵏⵜ, ⵎⴰⵙⵙ ⵃⴰⵙⵛⵀⴰⵍ ⴷⵓⵏⵓⵀⵓⴻ. ⵙⵙⴻⵏⴽⴷⴻⵏ-ⴷ ⵍⴻⵀⴷ ⵏ ⵜⵙⵓⴷⴰ-ⵏⵙⴻⵏ ⵉ ⵜⴰⵍⵍⴻⵍⵜ ⵏ ⵜⵎⵓⵔⴰ ⴷⴻⴳ ⵓⴱⵔⵉⴷ ⵏ ⵓⵙⴻⵏⴼⴰⵍ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⴼⵍⵉ ⵜⴰⵎⴰⴳⴷⴰⵢⵜ.
ⵙⴻⴳ ⵜⴰⵎⴰ-ⵉⵙ, ⵜⵎⴰⵣⵉⵔⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ, ⵎⴰⵙⵙⴰ ⴰⵎⵉⵏⴰ ⵎⵓⵀⴰⵎⵎⴻⴷ, ⵜⴻⵙⵙⴻⵔⵙ-ⴷ ⵉⵙⴰⵍⵉ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵓⵙⴻⴳⴳⴰⵙ 2026 ⵖⴻⴼ ⵓⵙⴻⵏⴼⴰⵍ ⵏ ⵜⵏⴻⴼⵍⵉ ⵜⴰⵎⴰⴳⴷⴰⵢⵜ. ⵜⴻⴱⴷⴻⵔ-ⴷ ⴱⴻⵍⵍⵉ ⵉⵍⴰⵇ ⵓⵙⵏⴻⵔⵏⵉ ⵏ ⵍⴻⵀⴷ ⴰⴳⵔⴰⵖⵍⴰⵏ, ⵍⴰⴷⵖⴰ ⵉⵎⵉ ⵜⴷⴰⵎⵙⴰ ⵏ ⴷⴷⵓⵏⵉⵜ ⵓⵔ ⵜⴻⵔⵙ ⴰⵔⴰ, ⴰⵢⴰⴳⵉ ⵢⴻⵔⵏⴰ ⵍⵃⴻⵔⵙ ⵖⴻⴼ ⵜⵎⵓⵔⴰ ⵜⵉⵣⵡⴰⵍⵢⵉⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴻⵏⵏⴰ-ⴷ ⴱⴻⵍⵍⵉ ⴰⵙⴰⵍⵉ ⵏ ⵙⵙⵓⵎⴰ ⵏ ⵓⵕⴻⵯⵯⴰⵍ ⴷ ⵓⵏⵏⴰⵇⵉⵚ ⵏ ⵢⵉⵎⴻⵀⵍⴻⵔ, ⴰⴽⴽⴻⴷ ⵜⴻⴳⵏⵉⵜ ⵜⴰⵞⵢⵓⵃⵓⵍⵉⵜⵉⴽⵜ ⴷⴻⴳ ⵡⴰⵎⵎⴰⵙ ⵏ ⵓⵙⴰⵎⴻⵔ (ⵎⵓⵢⴻⵏ-ⵓⵔⵉⴻⵏⵜ), ⵣⴻⵎⵔⴻⵏ ⴰⴷ ⵙⴹⴻⵔⵔⴻⵏ ⵉⵙⵡⴰⵏ ⵏ ⵜⵏⴻⴼⵍⵉ ⵜⴰⵎⴰⴳⴷⴰⵢⵜ.
ⴷⴻⴳ ⵓⴷⵉⵡⴻⵏ ⴰⵎⴰⵜⵓ ⴰⵔⴰ ⵉⴷⵓⵎⵎⴻⵏ ⴰⵔ 24 ⵢⴻⴱⵔⵉⵔ, ⴰⵏⴻⵖⵍⴰⴼ ⵏ ⵢⵉⴷⵔⵉⵎⴻⵏ ⴰⴷ ⴷ-ⵢⴻⴼⴽ ⴰⵡⴰⵍ ⵖⴻⴼ ⵍⴻⵀⴷ ⵏ ⵍⴻⵣⵣⴰⵢⴻر, ⴷⴻⴳ ⵜⵎⵓⵔⵜ ⴷ ⴱⴻⵔⵔⴰ, ⴷⴻⴳ ⵡⴰⵏⵏⴰⵔ ⵏ ⵓⵙⴻⵏⴼⴰⵍ ⵏ ⵜⵏⴻⴼⵍⵉ.
ⴰⵔⵏⵓ ⵖⴻⵔ
