ⴰⵏⵖⵍⴰⴼ ⴰⵎⴻⵣⵡⴰⵔⵓ ⵢⵙⵙⴱⴷ ⴰⴳⵔⴰⵡ ⵏ ⵓⵏⴰⴱⴰⴹ

ⵢⵙⵙⴱⴷ ⵓⵏⵖⵍⴰⴼ ⴰⵎⴻⵣⵡⴰⵔⵓ, ⵙⵉⴼⵉ ⵖⵔⵉⴱ, ⴰⵙⵙ ⴰ ⵏ ⵓⴽⵕⴰⵙ, ⴰⴳⵔⴰⵡ ⵏ ⵓⵏⴰⴱⴰⴹ, ⴰⴽⴽⵏ ⵉ ⴷ-ⵢⵏⵏⴰ ⵢⵉⵡⵏ ⵏ ⵡⴰⵍⵖⵓ ⵏ ⵜⵏⵖⵍⴰⴼⵜ ⵜⴰⵎⵓⵇⵔⴰⵏⵜ.

ⵄⵍⴰ ⵃⵙⴰⴱ ⵏ ⵡⴰⵍⵖⵓ ⵢⴰ, "ⴰⵏⴰⴱⴰⴹ ⵢⵙⵍⴰ ⵉ ⵓⵙⴼⵙⵔ ⵖⴼ ⵜⵙⵜⵔⴰⵜⵉⵊⵉⵜ ⵜⴰⵖⵍⵏⴰⵡⵜ ⵉ ⵓⵙⵏⴼⵍⵉ ⵏ ⵜⵏⵣⵣⵓⵜ ⵜⴰⵍⵉⴽⵉⵜⵔⵓⵏⵉⵜ (e-commerce), ⵉ ⵢⵍⵍⴰⵏ ⴷⴳ ⵓⵙⴰⵜⵉ ⵏ ⵜⵎⵓⵖⵍⵉ ⵏ ⵓⴱⴷⴷⵍ ⴰⵔⴰⵇⵎⴰⵏ ⵏ ⵜⵎⵓⵔⵜ. ⵉⵙⵡⵉ ⵏⵏⵙ ⴷ ⴰⵙⵊⴷⴷ ⵏ ⵜⵡⵏⵏⴰⴹⵜ ⵏ ⵜⵏⵣⵣⵓⵜ ⵜⴰⵖⵍⵏⴰⵡⵜ, ⴷ ⵓⵙⵔⵓⵙ ⵏ ⵜⵏⵣⵣⵓⵜ ⵜⴰⵍⵉⴽⵉⵜⵔⵓⵏⵉⵜ ⴰⵎ ⵍⵙⴰⵙ ⴰⴳⵊⴷⴰⵏ ⵉ ⵜⵎⵀⵣⵣⵉⵜ ⵜⴰⴷⴰⵎⵙⴰⵏⵜ ⴷ ⵓⵙⴽⵛⵎ ⴰⵎⴰⵍⵉ".

ⵢⵙⵍⴰ ⴷⴰⵖⵏ ⵓⵏⴰⴱⴰⴹ ⵉ ⵓⵙⴼⵙⵔ ⵖⴼ ⵍⴼⴰⵢⴷⴰⵜ ⵏ ⵜⵏⴰⴼⵓⵜⵉⵏ ⵏ ⵜⵢⵡⴰⵍⵉⵏ ⵜⵉⵍⵉⴽⵉⵜⵔⵓⵏⵉⵢⵉⵏ ⵙ ⵢⵉⵙⴰⴼⴰⴳⵏ (ⵍⵉⵙⴰⵜⵉⵍⵉⵜ) ⴳ ⵓⵎⴷⴰⵔ ⴰⵔⵓⵔⴽⵉⴷ. ⴰⵏⴰⴳⵔⴰⵡ ⴰ ⵏ ⵜⵢⵡⴰⵍⵉⵏ ⵢⵜⵜⴰⵊⵊⴰ ⴰⴷ ⵜⵏⵇⵙ ⵜⴼⴰⵜⵓⵔⵜ ⵜⴰⵔⴰⵇⵎⴰⵏⵜ, ⴷ ⵓⴹⵎⴰⵏ ⵏ ⵡⴰⴷⴰⴼ ⵖⵔ ⵓⵏⵜⵉⵔⵏⵉⵜ ⵙ ⵡⴰⵣⵣⴰⵍ ⵢⵍⵍⴰⵏ ⴷⴳ ⵜⵎⵏⴰⴹⵉⵏ ⵏ ⵜⵣⵖⵡⴰ (ⵍⴰⵔⵢⴰⴼ) ⴷ ⵜⵉⴷ ⵢⵄⵣⵍⵏ, ⴷ ⵓⴽⵎⵎⵍ ⵏ ⵜⵙⴽⴰ ⵜⵉⵙⵜⵔⴰⵜⵉⵊⵉⵢⵉⵏ ⵢⵍⵍⴰⵏ.

ⴳ ⵜⴳⴳⴰⵔⴰ, ⴷⴳ ⵓⵙⴰⵜⵉ ⵏ ⵓⴹⴼⴼⵔ ⵏ ⵢⵉⵙⵏⴼⴰⵔⵏ ⵉⵎⵇⵇⵔⴰⵏⵏ, ⵢⵥⵔⴰ ⵓⵏⴰⴱⴰⴹ ⴰⵙⵡⵉⵔ ⵏ ⵓⵍⵃⵓⵢ ⵏ ⵢⵉⵙⵏⴼⴰⵔⵏ ⵉⵇⵏⵏ ⵖⵔ ⵓⵀⵉⵍ ⵏ ⵓⵙⵏⴼⵍⵉ ⵏ ⵢⵉⴱⵔⴷⴰⵏ ⵏ ⵓⵣⵣⴰⵍ, ⴷ ⵓⴱⵏⴰⵢ ⵏ ⵓⵎⵓⵍⵍⵉ ⴰⵏⴰⴷⴷⴰⵍ ⴳ ⵜⵡⵉⵍⴰⵢⵜ ⵏ ⵇⵙⵏⵟⵉⵏⴰ, ⴷ ⵓⵙⵏⴼⴰⵔ ⵏ ⵓⴳⵯⵍⵉⵎ (ⵙⵙⴷ) ⵏ ⴱⵓⵅⵔⵓⴼⴰ ⴳ ⵜⵡⵉⵍⴰⵢⵜ ⵏ ⵟⵟⴰⵔⴼ, ⴷ ⵓⵙⵏⴼⴰⵔ ⵏ ⵓⵙⵉⵡⴹ ⵏ ⵡⴰⵎⴰⵏ ⵉⵖⵉⵍ ⴰⵎⴷⴰ - ⵎⴰⵃⵡⴰⵏ ⴳ ⵜⵡⵉⵍⵢⴰⵜⵉⵏ ⵏ ⴱⴳⴰⵢⵜ ⴷ ⵙⵟⵉⴼ.