ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵎⵙⴻⴳⵍⴰⵡⴰⵢ ⵡⵉⵙ ⵙⵉⵏ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⵎⴰⵙⵙ ⵛⵀⵔⵉⵙⵜⵓⵒⵀⴻⵔ ⵍⴰⵏⴷⴰⵓ, ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵇⴻⵔⴷⵛⴻⵏ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⵙ ⵜⵉⵍⵉⵜ ⵏ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ, ⵎⴰⵙⵙ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ, ⴰⴷⴷⴰⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵔⵉⴽⴰⵏ ⴷ ⵢⵉⵙⵏⵉⵢⴰⵍⴻⵏ ⵏ ⵓⵙⴻⴶⵀⴻⴷ-ⵏⵙⴻⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵢⵉⵎⴻⵔⵢⴰⵏ. ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵙⴻⵡⵙⴻⵄ ⵏ ⵓⵎⴰⵀⵉⵍ ⵖⴻⵔ ⵢⵉⵏⵏⴰⵔⴻⵏ ⵏⵏⵉⴹⴻⵏ ⵉ ⴷⴻⴳ ⵏⴼⴰⵄ ⵢⴻⴱⴹⴰ, ⴰⵎ ⵜⴻⵎⴳⵓⵔⵉ ⵏ ⵡⴰⵍⵍⴰⵍⴻⵏ ⴷ ⵡⴰⵍⵍⴰⵍⴻⵏ ⵉⵛⵓⴷⴷⴻⵏ ⵖⴻⵔ ⵓⴼⴰⵔⵉⵙ ⵏ ⵍⵒⴻⵜⵔⵓⵍ ⴷ ⵍⴳⴰⵣ. ⵉⵄⴰⵡⴷⴻⵏ ⵉⵙⵔⴻⵚ-ⴷ ⴰⵣⴰⵍ ⵏ ⵓⴷⵉⵡⴻⵏⵏⵉ ⴷ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉ ⵏⴼⴰⵄ ⵏ ⵢⵉⴳⵓⵔⴻⴼ-ⵏⵙⴻⵏ ⴷ ⵓⵡⴻⵣⵣⵉ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ.
ⴷⴻⴳ ⵜⴰⵍⵍⵉⵜ ⵏ ⵢⵉⵎⴻⵙⵍⴰⵢⴻⵏ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵙⴻⴽⵏⴻⴷ ⴰⵣⴰⵍ ⵏ ⵢⵉⵎⵓⴱⴱⴰⴷⴷⴻⵍⴻⵏ ⴷ ⵢⵉⵎⵛⴻⵡⵡⴻⵔⴻⵏ ⵢⴻⵍⵍⴰⵏ ⴳⴰⵔ ⵜⵎⵓⵙⵏⵉⵡⵉⵏ ⵜⴰⵣⵣⴰⵢⵔⵉⵢⴻⵏ ⴷ ⵜⵉⴷ ⵏ ⵎⴰⵔⵉⴽⴰⵏ, ⵍⴰⴷⵖⴰ ⴳⴰⵔ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷ ⵜⵎⵓⵙⵏⵉⵡⵉⵏ "ExxonMobil" ⴷ "Chevron". ⵉⵙⵙⵉⵡⴻⵍ ⵉ ⵓⵙⵙⴻⵡⵙⴻⵄ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ ⵉⵡⴰⴽⴽⴻⵏ ⴰⴷ ⴷ-ⵓⵡⵢⴻⵏ ⵜⴰⵎⴳⵓⵔⵉ ⵏ ⵓⴱⴻⴷⴷⴻⵍ, ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ, ⵍⴰⴷⵖⴰ ⵜⵉⴷ ⵢⴻⵄⵏⴰⵏ ⴰⵙⴰⴷⴻⵔ ⵏ ⵜⵓⴼⴼⵔⴰ ⵏ ⵍⴽⴰⵕⴱⵓⵏ, ⴷ ⵓⵏⴰⴷⵉ ⴰⵎⴰⵙⵙⴰⵏ, ⴷ ⵓⵙⵏⴻⴼⵍⵉ, ⴷ ⵓⵙⵏⵓⵍⴼⵓ, ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷ ⵓⵙⵉⵍⴻⵖ.
ⴰⵏⴻⵖⵍⴰⴼ ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⵜⴰⵙⵔⴻⵟ ⵏ ⵓⵙⵏⴻⴼⵍⵉ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷⴻⴳ ⵍⴻⵣⵣⴰⵢⴻⵔ, ⵉⵕⴻⵙⵙⴰⵏ ⵖⴻⴼ ⵓⵙⵏⴻⵔⵏⵉ ⵏ ⵍⵎⴻⴶⵀⵓⴷⴰⵜ ⵏ ⵓⵏⴰⴷⵉ, ⴰⵙⴰⵍⵉ ⵏ ⵜⵣⴻⵎⵎⴰⵔ ⵏ ⵓⴼⴰⵔⵉⵙ ⴷ ⵓⵙⴰⵜⵉⴳ ⵏ ⵢⵉⵙⴰⴼⴰⵔⴻⵏ, ⵙ ⵓⵟⵎⴰⵏ ⵏ ⵢⵉⵡⴻⵜ ⵏ ⵜⴻⴳⵏⵉⵜ ⵏ ⵓⵙⵙⴻⵜⵎⴻⵔ ⵢⴻⴶⴶⵓⴶⴳⴻⵏ ⵉⵕⴻⵙⵙⴰⵏ ⵖⴻⴼ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⵉⴶⴻⵀⴷⴻⵏ ⴷ ⵜⴰⵔⵔⴰⵢⵉⵏ ⴼⴻⵙⵙⵓⵙⴻⵏ ⵉ ⵢⵉⵎⵙⴻⵜⵎⴰⵔⴻⵏ.
ⵙⴻⴳ ⵜⴰⵎⴰ-ⵙ, ⵎⴰⵙⵙ ⵛⵀⵔⵉⵙⵜⵓⵒⵀⴻⵔ ⵍⴰⵏⴷⴰⵓ ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⵖⴻⴼ ⵓⵙⵡⵉⵔ ⵏ ⵡⴰⵙⵙⴰⵖⴻⵏ ⵓⴼⵔⵉⵏⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵔⵉⴽⴰⵏ, ⵉⵙⵍⴻⵎ-ⴷ ⵙ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ ⵢⴻⵍⵀⴰⵏ ⴷⴻⴳ ⵜⵎⵓⵔⵜ, ⴷ ⵜⴻⴼⵍⴻⵙⵜ ⵉ ⴷ-ⵜⵜⴰⴽⴻⵏⵜ ⵜⵎⵓⵙⵏⵉⵡⵉⵏ ⵏ ⵎⴰⵔⵉⴽⴰⵏ ⵉ ⵓⴳⴻⴷⴻⵣ ⴰⵣⵣⴰⵢⵔⵉ, ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵜⵎⵓⵙⵏⵉⵡⵉⵏ-ⴰⴳⵉ ⵉ ⵓⵙⴻⴶⵀⴻⴷ ⵏ ⵜⵉⵍⵉⵜ-ⵏⵙⴻⵏⵜ ⴷ ⵢⵉⵙⵙⴻⵜⵎⴰⵔⴻⵏ-ⵏⵙⴻⵏⵜ ⵙ ⵜⴷⵓⴽⵍⵉⵡⵉⵏ ⵉⵖⴻⵣⴼⴰⵏⴻⵏ ⴷ ⵢⵉⵎⵉⴳⴰⵡⴻⵏ ⵍⴻⵣⵣⴰⵢⵔⵉⵢⴻⵏ.
ⴰⵔⵏⵓ ⵖⴻⵔ
