ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ ⵏ ⵍⴻⵜⵏⵉⵢⴻⵏ 27 ⵢⴻⴱⵔⵉⵔ 2026, ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵓⵡⴰⵏⴰⴽ ⵏ ⴱⵓⵙⵏⵢⴰ ⴷ ⵀⵉⵔⵣⵉⴳ, ⵎⴰⵙⵙ ⴻⵍⵎⴻⴷⵉⵏ ⴽⵓⵏⴰⴽⵓⵠⵉⵞ, ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⴰⵙⵓⵏ ⵏ ⵍⴻⵣⵣⴰⵢⴻⵔ ⴷⴻⴳ ⴱⵓⵙⵏⵢⴰ ⴷ ⵀⵉⵔⵣⵉⴳ ⴷ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ. ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⵇⴻⴷⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵏ ⵣⵉⴽ ⵉ ⵢⴻⵙⴷⵓⴽⴽⵍⴻⵏ ⵍⴻⵣⵣⴰⵢⴻⵔ ⴷ ⴱⵓⵙⵏⵢⴰ ⴷ ⵀⵉⵔⵣⵉⴳ, ⵓ ⵙⴻⵃⵔⴻⵙⴻⵏ ⵖⴻⴼ ⵍⴻⴱⵖⵉ-ⵏⵙⴻⵏ ⴰⵎⴻⵣⴷⴰⵢ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵏ ⵙⵉⵏ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⵉ ⵏⴼⴰⵄ ⵏ ⵢⵉⴷ-ⵙⴻⵏ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵏ ⵜⴻⵎⴳⵓⵔⵉ ⵏ ⵍⵒⴻⵜⵔⵓⵍ ⴷ ⵍⴳⴰⵣ, ⵙ ⵓⵏⴰⴷⵉ ⵏ ⵜⵣⴻⵎⵎⴰⵔ ⵏ ⵓⵙⵙⴻⵜⵎⴻⵔ ⴷ ⵜⴷⵓⴽⵍⵉ ⴳⴰⵔ ⵜⵎⵓⵙⵏⵉⵡⵉⵏ ⵏ ⵙⵏⴰⵜ ⵏ ⵜⵎⵓⵔⴰ. ⴷⴰⵖⴻنت, ⵎⵎⴻⵙⵍⴰⵢⴻⵏ ⵖⴻⴼ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⵏⴻⵣⵣⵓⵜ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⵣⴻⵏⵣⵉ ⵏ ⵍⴳⴰⵣ ⴰⴳⴰⵎⴰⵏ ⴷ ⵡⵉⵏ ⵏ ⵍⵒⴻⵜⵔⵓل ⵢⴻⵍⵍⴰⵏ ⴷ ⵙⵙⵉⵍ, ⴷ ⵓⵙⵙⴻⵎⵖⴻⵔ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ ⴰⵎⴳⵓⵔⵉⵢⴰⵏ ⵉⵞⵓⴷⴷⴻⵏ ⵖⴻⵔ ⵓⵣⴻⵏⵣⵉⵖ ⵏ ⵏⴼⴰⵄ ⴷⴻⴳ ⵓⵃⵔⵉⵛ ⵏ ⵢⵉⵎⴻⵔⵢⴰⵏ.
ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⴷⴰⵖⴻⵏ ⵜⴰⵔⵔⴰⵢⵉⵏ ⵉ ⵓⵙⴷⴻⴳⴳⴻⵔ ⵏ ⵜⴷⵓⴽⵍⵉⵡⵉⵏ ⴳⴰⵔ ⵜⵎⵓⵙⵏⵉⵡⵉⵏ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⴼⴰⵔⵉⵙ ⵏ ⵡⴰⵍⵍⴰⵍⴻⵏ ⴷ ⵜⵉⵙⴽⴻⴼⴼⵉⵢⵉⵏ ⵉⵞⵓⴷⴷⴻⵏ ⵖⴻⵔ ⵜⴻⵎⴳⵓⵔⵉ ⵏ ⵢⵉⵎⴻⵔⵢⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⴳⴳⴻⵔ ⵏ ⵜⵣⴻⵎⵎⴰⵔ ⵜⵉⵎⴳⵓⵔⵉⵢⴰⵏⵉⵏ ⴷ ⵓⵙⴻⴶⵀⴻⴷ ⵏ ⵓⵙⵉⴷⵔⴻⵡ ⴰⴷⵉⴳⴰⵏ.
ⴷⴻⴳ ⵜⴰⴳⴳⴰⵔⴰ, ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⵏⵉⴳ ⵏ ⵜⵎⵓⵙⵏⵉ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ, ⵙ ⵓⵎⴰⵀⵉⵍ ⵉ ⵓⵙⵏⴻⴼⵍⵉ ⵏ ⵡⴰⵀⵉⵍⴻⵏ ⵏ ⵓⵙⵉⵍⴻⵖ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵎⵓⵖⵍⵉ ⵏ ⵜⵣⴻⵎⵎⴰⵔ ⵏ ⵜⴰⵍⵙⴰ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵉ ⵜⵣⴻⵔ ⵜⵎⴻⵏⵏⴰⵟ-ⴰⴳⵉ ⴷⴻⴳ ⵓⵎⴰⴹⴰⵍ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⴱⵓⵙⵏⵢⴰ ⴷ ⵀⵉⵔⵣⵉⴳ ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⵉⵙⵔⴻⵚ-ⴷ ⴱⴻⵍⵍⵉ ⴰⴷ ⴷ-ⵢⴻⵔⵔ ⵢⴰⴽⴽ ⵜⴰⵍⵍⴻⵍⵜ ⵉ ⵜⵉⴳⴳⴰⵜⵉⵏ ⵉ ⵢⴻⴱⵖⴰⵏ ⴰⵙⵙⴻⵎⵖⴻⵔ ⵏ ⵢⵉⵏⵏⴰⵔⴻⵏ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
