ⵢⴻⵡⵡⵉ-ⴷ ⵓⵔⵣⵉ ⵏ ⵍⴱⴰⴱⴰ ⵍⴻⵓⵏ ⵡⵉⵙ 14, ⵉ ⴷ-ⵢⴻⵡⴹⴻⵏ ⵡⴰⵙⵙ-ⴰ ⵏ ⵍⴻⵜⵏⵉⵢⵉⵏ ⵖⴻⵔ ⵍⴻⵣⵣⴰⵢⴻⵔ, ⴰⵣⴰⵍ ⵎⴻⵇⵇⵔⴻⵏ ⴷⴻⴳ ⵢⵉⵖⴻⵎⵙⴰⵢⴻⵏ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⴷ ⵜⵉⵏ ⵏ ⵙⵙⵓⵇ ⴰⴳⵔⴰⵖⵍⴰⵏ. ⴰⵢⴰⴳⵉ ⵉⵙⵙⴻⴱⴻⴳⵏⵉ-ⴷ ⴰⵣⴰⵍ ⴰⵎⴻⵣⵔⴰⵢ ⴷ ⵡⵉⵏ ⵏ ⵜⴰⴷⵉⴱⵍⵓⵎⴰⵙⵉⵜ ⵏ ⵡⴰⵏⵏⴰⵔ-ⴰⴳⵉ ⵉ ⴷ-ⵢⴻⵍⵍⴰⵏ ⵉ ⵓⵣⴻⵔⵔⴰⵄ ⵏ ⵓⴷⵉⵡⴻⵏ ⴳⴰⵔ ⴷⴷⵉⵏⴰⵜ ⴷ ⵡⴰⵣⴰⵍⴻⵏ ⵏ ⵜⵓⴷⴻⵔⵜ ⵏ ⵜⴷⵓⴽⵍⴰ ⴷ ⵜⴰⵍⵡⵉⵜ ⵣⴷⴰⵜ ⵏ ⵓⵅⴻⵚⵚⴰⵔ ⵉ ⴷ-ⵉⵛⴻⴷⴷⴻⵏ ⴷⴻⴳ ⵜⵎⵉⵡⵉⵏ ⵏ ⴷⴷⵓⵏⵉⵜ.
ⴷⴻⴳ ⵓⴹⵔⵉⵙ-ⵉⵙ, ⵜⴰⵏⵙⴰ ⵏ ⵢⵉⵙⴰⵍⵉⵢⴻⵏ ⵏ ⵍⴼⴰⵜⵉⴽⴰⵏ ⵜⴻⵏⵏⴰ-ⴷ ⴱⴻⵍⵍⵉ "ⴰⵔⵣⵉ ⵏ ⵍⴱⴰⴱⴰ ⵍⴻⵓⵏ ⵡⵉⵙ 14 ⵉⵍⴰⵇ ⴰⴷ ⵢⵉⵍⵉ ⴷ ⴰⵙⵙⴻⴱⴷⴻⴷ ⵏ ⵡⴰⵙⵙⴰⵖⴻⵏ ⵏ ⵜⴰⴳⵎⴰⵜ, ⴷⴰⴳⵉ ⵜⴰⵡⴰⵛⵓⵍⵉⵏ ⵏ ⵙⵏⴰⵜ ⵏ ⴷⴷⵉⵏⴰⵜ ⴰⴷ ⴷ-ⵎⵍⵉⵍⴻⵏ ⵙ ⵔⵔⵓⵃ ⵢⴻⴷⴷⵓⴽⴽⵍⴻⵏ".
ⵙⴻⴳ ⵜⴰⵎⴰ-ⵏⵙⴻⵏ, ⵉⵖⴻⵎⵙⴰⵢⴻⵏ ⵏ ⵉⵟⴰⵍⵢⴰⵏ, ⴰⵎ "ⵍⴰ ⵔⴻⵃⵓⴱⴱⵍⵉⵛⴰ" ⴷ "ⵛⵓⵔⵔⵉⴻⵔⴻ ⴷⴻⵍⵍⴰ ⵙⴻⵔⴰ", ⴼⴽⴰⵏ ⴰⵣⴰⵍ ⵉ ⵓⵔⵣⵉ-ⴰⴳⵉ, ⵏⵏⴰⵏ-ⴷ ⴱⴻⵍⵍⵉ ⵉⵙⵉⴳ-ⵉⵙ ⴷ ⴰⵙⵏⴻⵔⵏⵉ ⵏ ⵓⴷⵉⵡⴻⵏ.
ⵎⴰ ⴷ ⴰⵙⵎⴻⵍ ⵏ "ⴰⵙⵀⴰⵔⵇ ⴰⵍ-ⴰⵡⵙⴰⵜ", ⴷⴻⴳ ⵓⴹⵔⵉⵙ ⵉ ⴷ-ⵢⴻⵙⵙⵓⴼⴼⴻⵖ ⵙ ⵢⵉⵙⴻⵎ "ⵍⴱⴰⴱⴰ ⵍⴻⵓⵏ ⵡⵉⵙ 14 ⵢⴻⴼⴽⴰ ⵜⴰⴱⵔⴰⵜ-ⵉⵙ ⵉ ⵜⵎⴻⴷⴷⵉⵏⵜ ⴷ ⴷⴷⵓⵏⵉⵜ", ⵢⴻⵏⵏⴰ-ⴷ ⴱⴻⵍⵍⵉ ⴰⵔⵣⵉ-ⴰⴳⵉ ⴷ "ⴰⵎⴻⵣⵔⴰⵢ ⵢⴻⵔⵏⴰ ⵢⴻⵙⵄⴰ ⵜⴰⵎⴰⵜⴰⵔⵜ (ⵙⵢⵎⴱⵓⵍⵉⵙⵎ) ⴷ ⵜⴰⵎⴻⵇⵇⵔⴰⵏⵜ, ⵉⵎⵉ ⴷ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⵉ ⴷ-ⵢⴻⵔⵣⴰ ⵍⴱⴰⴱⴰ ⵖⴻⵔ ⵜⵎⵓⵔⵜ ⵉ ⴷⴻⴳ ⴷ-ⵉⵍⵓⵍ ⵙⴰⵏⵜ ⵓⴳⵓⵙⵜⵉⵏ, ⵢⵉⵡⴻⵏ ⵙⴻⴳ ⵢⵉⵎⴻⵇⵇⵔⴰⵏⴻⵏ ⵏ ⵓⵅⴻⵎⵎⴻⵎ ⴰⵎⴰⵙⵉⵃⵉ".
ⴰⵙⵎⴻⵍ-ⴰⴳⵉ ⵢⴻⵏⵏⴻⵔⵏⴰ-ⴷ ⴱⴻⵍⵍⵉ ⵓⵔⵣⵉ-ⴰⴳⵉ ⴷ ⵡⵉⵏ ⵉⵍⴰⵏ ⴰⵣⴰⵍ ⵉ ⵍⴱⴰⴱⴰ ⵙ ⵜⵉⵎⵎⴰⴷ-ⵉⵙ, ⵉⵎⵉ "ⴰⴷ ⵢⴻⴷⴷⵓ ⴷⴻⴳ ⵓⴱⵔⵉⴷ ⵏ ⵙⴰⵏⵜ ⵓⴳⵓⵙⵜⵉⵏ, ⴰⵎⵅⴻⵎⵎⴻⵎ ⴰⵎⴰⵙⵉⵃⵉ ⴰⵎⴻⵇⵇⵔⴰⵏ ⵏ ⵍⵇⴻⵔⵏ ⵡⵉⵙ ⴽⵓⵣ", ⵢⴻⵔⵏⴰ "ⵜⵓⴷⴻⵔⵜ ⵏ ⵜⴷⵓⴽⵍⴰ ⵏ ⵜⴰⵍⵡⵉⵜ ⴰⴷ ⵜⵉⵍⵉ ⴷ ⵍⵍⵙⴰⵙ ⵏ ⵜⴻⴱⵔⴰⵜ ⵏ ⵍⴱⴰⴱⴰ ⵙⴻⴳ ⵍⴻⵣⵣⴰⵢⴻⵔ".
ⵓⵍⴰ ⴷ ⴰⵙⵎⴻⵍ ⵏ "ⴰⵢⵏ ⵍⵉⴱⵢⴰ" ⵉⵙⵙⴻⴱⴳⴻⵏ-ⴷ ⵓⵔⵣⵉ-ⴰⴳⵉ "ⴰⵎⴻⵣⵔⴰⵢ" ⵙ ⴷⴷⴰⵡ ⵏ ⵢⵉⵙⴻⵎ "ⴰⵔⵣⵉ ⴷⴻⴳ ⵜⴻⴼⵔⵉⵇⵜ ⵏ 11 ⵏ ⵡⵓⵙⵙⴰⵏ... ⵍⴱⴰⴱⴰ ⵏ ⵍⴼⴰⵜⵉⴽⴰⵏ ⵢⴻⴱⴷⴰ ⵓⵔⵣⵉ ⴰⵎⴻⵣⵔⴰⵢ ⵖⴻⵔ ⵍⴻⵣⵣⴰⵢⴻⵔ", ⴷⴰⴳⵉ ⵢⴻⴱⴷⴻⵔ-ⴷ ⴱⴻⵍⵍⵉ "ⴷ ⴰⵔⵣⵉ ⴰⵎⴻⵏⵣⵓ ⵏ ⵍⴱⴰⴱⴰ ⵖⴻⵔ ⵜⵎⵓⵔⵜ-ⴰⴳⵉ (...) ⵉ ⴷ-ⵢⴻⵡⵡⵉⵏ ⵜⴰⴱⵔⴰⵜ ⵏ ⵓⴷⵉⵡⴻⵏ ⴳⴰⵔ ⴷⴷⵉⵏⴰⵜ, ⵍⴰⴷⵖⴰ ⴷ ⴷⴷⵓⵏⵉⵜ ⵏ ⵏⵏⴻⵙⵍⴰⵎ".
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⴱⴰⴱⴰ ⴰⴷ ⵢⴻⵔⵣⵓ ⵖⴻⵔ ⵜⵎⴻⴷⴷⵉⵏⵜ ⵏ ⴱⵏⴰⴱⴰ (ⴰⵏⵏⴰⴱⴰ), ⵉ ⴷⴻⴳ ⵜⴻⵍⵍⴰ ⵜⵎⴻⵣⴳⵉⴷⴰ ⵏ ⵙⴰⵏⵜ ⵓⴳⵓⵙⵜⵉⵏ, ⵉ ⴷ-ⵢⴻⵯⵯⴰⵏ ⴰⴳⴻⵔⵔⵓⵞ ⵏ ⵓⵅⴻⵎⵎⴻⵎ ⵉ ⴷ-ⵢⴻⵜⵜⴰⴱⵉⵏ ⴷⴻⴳ ⵜⴰⵔⵔⴰⵢⵜ ⵏ ⵜⵎⴻⵣⴳⵉⴷⴰ ⵜⴰⴽⴰⵜⵓⵍⵉⴽⵉⵜ.
ⵜⴰⵏⵙⴰ ⵏ "ⴰⵏⴰⴷⵓⵍⵓ" ⵏ ⵜⵓⵔⴽⵢⵉⴰ, ⵜⴻⵏⵏⴰ-ⴷ ⵙ ⴷⴷⴰⵡ ⵏ ⵢⵉⵙⴻⵎ "ⵍⴱⴰⴱⴰ ⴰⵎⴻⵏⵣⵓ ⴷⴻⴳ ⵍⴻⵣⵣⴰⵢⴻⵔ... ⴰⵔⵣⵉ ⵏ ⵢⵉⵥⵓⵔⴰⵏ ⴷ ⵓⵙⴰⵍⵉ ⵏ ⵜⵉⵍⵉⵡⴰ", ⴱⴻⵍⵍⵉ ⴰⵔⵣⵉ-ⴰⴳⵉ ⵢⴻⵙⵄⴰ ⴰⵣⴰⵍ ⵏ ⵜⵎⴰⵜⴰⵔⵜ ⵉⵎⵉ ⵍⴱⴰⴱⴰ ⵉⵜⵜⴰⴱⴰⵄ ⵜⴰⵔⵔⴰⵢⵜ ⵏ ⵙⴰⵏⵜ ⵓⴳⵓⵙⵜⵉⵏ ⵉ ⴷ-ⵉⵍⵓⵍⴻⵏ ⴷⴻⴳ ⵍⴻⵣⵣⴰⵢⴻⵔ.
ⵎⴰ ⴷ ⴰⵙⵎⴻⵍ ⵏ "ⴰⵍ-ⵇⵓⴷⵙ ⴰⵍ-ⴰⵔⴰⴱⵉ", ⵢⴻⵏⵏⴰ-ⴷ ⴱⴻⵍⵍⵉ ⵓⴷⴰⴱⵓ ⵏ ⵍⴻⵣⵣⴰⵢⴻⵔ ⵢⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⴳⴻⵔⵔⵓⵞ ⵏ ⵙⴰⵏⵜ ⵓⴳⵓⵙⵜⵉⵏ, ⴷⴰⴳⵉ ⵜⴱⴻⴷⴷⴰ ⴷⴻⴳ ⵓⴱⵔⵉⴷ ⵏ ⵓⵙⴻⴷⴷⴻⵙ-ⵉⵙ ⴷⴻⴳ ⵜⵎⴻⵣⵢⴰⵏⵜ ⵏ ⴷⴷⵓⵏⵉⵜ ⵏ "ⵓⵏⴻⵙⵛⵓ".
ⵉⵖⴻⵎⵙⴰⵢⴻⵏ ⵏ ⵓⵎⴰⵍⵓ (ⵡⴻⵙⵜ) ⴷⴰⵖⴻⵏ ⵙⴱⴻⴳⴻⴳⵏⴻⵏ-ⴷ ⵡⴰⵏⵏⴻⵛⵜ-ⴰ. "ⵜⵀⴻ ⴳⵓⴰⵔⴷⵉⴰⵏ" ⵏ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ (ⵓⴽ) ⵜⴻⵏⵏⴰ-ⴷ ⴱⴻⵍⵍⵉ ⴰⵔⵣⵉ-ⴰⴳⵉ ⵢⴻⵙⵄⴰ ⴰⵣⴰⵍ ⵏ ⵜⵞⵢⵓⵃⵓⵍⵉⵜⵉⴽⵜ ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴰⵍⵡⵉⵜ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ ⴷ ⵓⴳⴰⴼⴰ ⵏ ⵜⴻⴼⵔⵉⵇⵜ. "ⴱⴱⵛ" ⵜⴻⵏⵏⴰ-ⴷ ⴱⴻⵍⵍⵉ ⵍⴱⴰⴱⴰ ⵢⴻⵅⵜⴰⵔ ⵍⴻⵣⵣⴰⵢⴻⵔ ⴷ ⴰⵎⴽⴰⵏ ⴰⵎⴻⵏⵣⵓ ⵉⵎⵉ "ⴷⴰⴳⵉ ⵉ ⴷ-ⵉⵍⵓⵍ ⵙⴰⵏⵜ ⵓⴳⵓⵙⵜⵉⵏ" ⵢⴻⵔⵏⴰ ⵍⴱⴰⴱⴰ ⵍⴻⵓⵏ ⵡⵉⵙ 14 "ⴷ ⴰⵎⴻⵏⵣⵓ ⵉ ⵢⴻⵜⵜⴰⴱⴰⵄⴻⵏ ⵉⵙⴻⵍⵎⴰⴷⴻⵏ-ⵉⵙ".
ⵜⵏⴻⵖⵍⴰⴼⵜ ⵏ ⵢⵉⵙⴰⵍⵉⵢⴻⵏ ⵏ ⵎⴰⵔⵉⴽⴰⵏ "ⵡⴰⵙⵀⵉⵏⴳⵜⵓⵏ ⵃⵓⵙⵜ" ⵜⴻⵏⵏⴰ-ⴷ ⴱⴻⵍⵍⵉ ⵍⴱⴰⴱⴰ ⵢⴻⴱⴷⴰ ⵓⵔⵣⵉ-ⵉⵙ ⵉⵡⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⵜⵓⴷⴻⵔⵜ ⵏ ⵜⴷⵓⴽⵍⴰ ⴳⴰⵔ ⵏⵏⴻⵙⵍⴰⵎ ⴷ ⵜⵎⴰⵙⵉⵃⵉⵜ, ⵢⴻⵔⵏⴰ ⵜⵎⴰⵜⴰⵔⵜ ⵏ ⵓⵔⵣⵉ-ⴰⴳⵉ ⵖⴻⵔ ⵍⴻⵣⵣⴰⵢⴻⵔ ⴷ ⴰⵡⴰⵍ-ⵏⵏⵉ ⵏ ⵍⴻⵓⵏⴰⵔⴷⵓ ⴷⴰ ⵠⵉⵏⵛⵉ: "ⵜⴰⵍⵡⵉⵜ ⴼⴻⵍⵍ-ⴰⵡⴻⵏ" (ⴰⵙ-ⵙⴰⵍⴰⵎⵓ ⴰⵍⴰⵢⴽⵓⵎ).
ⴷⴻⴳ ⵜⴰⴳⴳⴰⵔⴰ, "ⵛⵏⵏ" ⵜⴻⵏⵏⴰ-ⴷ ⵙ ⴷⴷⴰⵡ ⵏ ⵢⵉⵙⴻⵎ "ⵍⴻⵣⵣⴰⵢⴻⵔ ⵜⴻⵙⵙⴻⵎⵢⴻⵕⵃⴰⴱ ⵙ ⵎⵎⵉ-ⵙ", ⵢⴻⵏⵏⴰ-ⴷ ⵓⵎⴰⵣⴰⵏ ⵏ ⵡⴰⵙⵙⴰⵖⴻⵏ ⴳⴰⵔ ⵏⵏⴻⵙⵍⴰⵎ ⴷ ⵜⵎⴰⵙⵉⵃⵉⵜ, ⵎⴰⵔⵜⵉⵏ ⵎⵛⴳⴻⴻ: "ⵍⴱⴰⴱⴰ ⴰⴷ ⵢⴻⵙⵏⴻⵔⵏⵉ ⴰⵙⵙⴰⵖⴻⵏ ⴳⴰⵔ ⵏⵏⴻⵙⵍⴰⵎ ⴷ ⵜⵎⴰⵙⵉⵃⵉⵜ".
ⴰⵔⵏⵓ ⵖⴻⵔ
