ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵙⵙ-ⴰ ⵏ ⵍⴻⵜⵏⵉ, ⴰⵙⴱⴻⴷⴷⵉ ⵓⵏⵚⵉⴱ ⵏ ⵢⵉⵎⴰⵙⵍⴰⵢⴻⵏ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵉ ⵓⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⴰⴳⵔⴰⵡⵉⵏ ⵏ ⵜⵓⴷⴷⴰⵔ (ⴳⴰⵏⴳⵙ ⴷⴻ ⵇⵓⴰⵔⵜⵉⴻⵔⵙ) ⵉ ⵜⴰⵍⵍⵉⵜ ⵏ 2026/2029, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵙⴻⴳⵣⵉ-ⴷ ⵓⴷⵢⴰⵏ-ⵏⵏⵉ ⴱⴻⵍⵍⵉ ⴰⵙⴱⴻⴷⴷⵉ-ⴰⴳⵉ ⵢⴻⵍⵍⴰ-ⴷ ⵙ ⵜⵜⴻⴽⴽⵉ ⵏ ⵢⵉⵎⵓⵍⴰⵙ ⵏ ⵢⴰⵍ ⴰⵃⵔⵉⵛ ⵏ ⵜⵖⴻⵍⵍⵉⵙⵜ ⴷ ⵜⵏⴻⵖⵍⴰⴼⵉⵏ, ⴰⵢⴰⴳⵉ ⵉ ⵓⴹⵎⴰⵏ ⵏ ⵍⴻⵀⴷ ⵏ ⴷⴷⵓⵍⴰ ⴷⴻⴳ ⵓⵙⴻⴳⴳⴷⴻⴽ ⵏ ⵜⵖⴻⵍⵍⵉⵙⵜ ⴷ ⵓⵙⵍⴻⵍⵍⵉ, ⴷ ⵓⵎⴻⵏⵏⵓⵖ ⵎⴳⴰⵍ ⴰⴽⴽ ⵜⴰⵔⵔⴰⵢⵉⵏ ⵉ ⵢⴻⵣⵎⵔⴻⵏ ⴰⴷ ⵙⴹⴻⵔⵔⴻⵏⵜ ⵜⴰⵎⴻⵜⵜⵉ.
ⴷⴻⴳ ⵡⴰⵡⴰⵍ-ⵉⵙ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴱⴻⴷⴷⵉ-ⴰⴳⵉ ⵓⵔ ⵢⴻⵍⵍⵉ ⴰⵔⴰ ⴷ ⵉⵙⴰⵍⵉ ⵏ ⵍⴰⴷⴰⵕⴰ ⴽⴰⵏ, ⵎⴰⵛⴰ ⴷ ⴰⵏⵓⵔⵎⵓⵎ ⴰⵎⴰⵢⵏⵓⵜ ⵏ ⵓⴱⵔⵉⴷ ⴰⵖⴻⵍⵏⴰⵡ ⵉ ⵓⵇⴰⴱⴻⵍ ⵏ ⵜⴻⴳⵏⵉⵜ ⵏ ⵜⴻⴳⵔⴰⵡⵉⵏ ⵏ ⵜⵓⴷⴷⴰⵔ, ⵉ ⵢⴻⵣⵎⵔⴻⵏ ⴰⴷ ⴷ-ⵜⴰⵡⵉ ⴰⵎⵉⵀⵉ (ⵅⴰⵟⴰⵔ) ⵉ ⵜⵖⴻⵍⵍⵉⵙⵜ ⵏ ⵢⵉⵖⴻⵔⵎⴰⵏⴻⵏ ⴷ ⵍⴻⵀⵏⴰ ⵏ ⵜⵓⴷⴷⴰⵔ.
ⴰⵏⴻⵖⵍⴰⴼ ⵢⴻⵯⴰ ⴰⵡⴰⵍ ⴱⴻⵍⵍⵉ ⴰⵃⵔⴰⵣ (ⵃⵔⴻⵠⴻⵏⵜⵉⵓⵏ) ⴷ ⴰⴱⵔⵉⴷ ⵏ ⵜⵙⴻⴷⵎⵉⵔⵜ, ⴷⴻⴳ ⵓⵏⴰⴳⵔⴰⵡ ⵢⴻⴷⴷⵓⴽⴽⵍⴻⵏ ⴳⴰⵔ ⵓⵙⴻⵍⵎⴻⴷ (ⵜⴰⵃⵙⵉⵙ) ⴷ ⵓⵄⴰⵇⴻⴱ (ⵔⴻⴷⵄ). ⵢⴻⴱⴷⴻⵔ-ⴷ ⴷⴰⵖⴻⵏ ⴰⵎⴻⵀⵍⴰⵏ ⴰⵎⴻⵇⵇⵔⴰⵏ ⵉ ⵅⴻⴷⴷⵎⴻⵏ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ (ⵙⴻⵛⵓⵔⵉⵜⵢ ⵙⴻⵔⵠⵉⵛⴻⵙ) ⴷⴻⴳ ⵓⵇⴰⴱⴻⵍ ⵏ ⵜⴻⴳⵏⵉⵜ-ⴰⴳⵉ, ⵢⴻⴼⴽⴰ-ⵢⴰⵙⴻⵏ ⴰⵙⵏⴻⵎⵎⴻⵔ ⵏ ⵍⴻⵀⴷ-ⵏⵙⴻⵏ ⴷⴻⴳ ⵓⵃⵔⴰⵣ ⵏ ⵢⵉⵖⴻⵔⵎⴰⵏⴻⵏ ⴷ ⵡⴰⵢⵍⴰ-ⵏⵙⴻⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵔⵔⴰⵢⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵓⵙⴰ-ⴷ ⴷ ⵜⵉⵏ ⵢⴻⴷⴷⵓⴽⴽⵍⴻⵏ ⵉ ⵓⵇⴰⴱⴻⵍ ⵏ ⵜⴻⴳⵏⵉⵜ-ⴰⴳⵉ, ⵙ ⵓⵙⴻⵔⵙ ⵏ ⵓⵏⴰⵙⵉ ⵓⵙⵙⵍⵉⴼ (ⵛⴰⴷⵔⴻ ⵍéⴳⴰⵍ) ⵉ ⵜⵜ-ⵢⴻⵄⵏⴰⵏ, ⴷ ⵓⵙⵏⴻⵔⵏⵉ ⵏ ⵡⴰⵍⵍⴰⵍⴻⵏ ⵏ ⵓⵃⵔⴰⵣ ⵙ ⵓⴼⵓⵙ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⴷⴻⴳ ⵡⴰⵎⵎⴰⵙ, ⴷ ⵜⵙⴻⵇⵇⵓⵎⴰ ⵏ ⵜⵡⵉⵍⴰⵢⵉⵏ ⴷⴻⴳ ⵢⵉⵎⵓⴽⴰⵏ.
ⵜⴰⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵜⵜⴻⴽⴽⴻⵍ ⵉ ⵓⵀⴻⴳⴳⵉ ⵏ ⵜⴰⵔⵔⴰⵢⵜ ⵜⴰⵖⴻⵍⵏⴰⵡⵜ ⵢⴻⴷⴷⵓⴽⴽⵍⴻⵏ, ⵢⴻⴱⵏⴰⵏ ⵖⴻⴼ ⵓⵙⴻⵏⵇⴻⴷ ⵏ ⵜⴻⴳⵏⵉⵜ-ⴰⴳⵉ, ⵢⴻⵔⵏⴰ ⵜⴻⵡⵡⵉ-ⴷ ⴰⴷ ⴷ-ⵜⵉⵍⵉ ⴷⴻⴳ ⵢⴰⵍ ⴰⵎⴽⴰⵏ, ⵍⴰⴷⵖⴰ ⴷⴻⴳ ⵢⵉⵖⴻⵔⴱⴰⵣⴻⵏ, ⵜⵓⴷⴷⴰⵔ, ⵜⵉⵅⵞⴰⵎⵉⵏ ⵏ ⵢⵉⵍⵎⴻⵣⵢⴻⵏ, ⵜⵉⵎⵣⴳⵉⴷⴰ, ⴷ ⵡⴰⵏⵏⴰⵔ ⵓⵙⴻⵍⴽⵓⵎ (ⴻⵙⵃⴰⵛⴻ ⵏⵓⵎéⵔⵉⵇⵓⴻ), ⵙ ⵓⴱⴻⵇⵇⴻⵙ ⵏ ⵡⴰⵍⵍⴰⵍⴻⵏ ⵏ ⵓⵃⵔⴰⵣ ⴷ ⵓⵙⴻⵍⵎⴻⴷ.
ⴷⴻⴳ ⵜⴰⴳⴳⴰⵔⴰ ⵏ ⵡⴰⵡⴰⵍ-ⵉⵙ, ⴰⵏⴻⵖⵍⴰⴼ ⵢⴻⵙⵙⴰⵡⴻⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⵢⵓⴷⴷⵓ ⴳⴰⵔ ⵢⴰⵍ ⴰⵃⵔⵉⵛ, ⵙⴻⴳ ⵜⵡⴰⵛⵓⵍⵜ ⴷ ⵓⵖⴻⵔⴱⴰⵣ, ⵜⵉⵎⵣⴳⵉⴷⴰ, ⵜⴰⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵢⵉⵙⴰⵍⵉ, ⵉⵡⴰⴽⴽⴻⵏ ⴰⵎⴻⵏⵏⵓⵖ ⵎⴳⴰⵍ ⵜⴰⴳⵔⴰⵡⵉⵏ ⵏ ⵜⵓⴷⴷⴰⵔ ⴰⴷ ⵢⵉⵍⵉ ⴷ ⴰⵎⴻⵀⵍⴰⵏ ⵏ ⵢⴰⵍ ⵢⵉⵡⴻⵏ ⵉ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
