ⴰⵃⵔⵉⵛ ⵏ ⵜⴰⵍⵍⴻⵍⵜ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⵎⴻⵟⵟⵓⵜ ⵢⴻⵙⵙⴻⵊⵀⵉⴷ ⵍⵇⴰⵏⵓⵏ-ⵉⵙ ⵙ ⵓⵙⴻⴼⴼⴻⵖ ⵏ ⵢⵉⵡⴻⵏ ⵏ ⵓⵎⵛⴰⵡⴰⵔ ⴰⵎⴰⵡⴰⵙ ⴰⵎⴰⵢⵏⵓ (3 ⵏ ⵎⴻⵖⵔⴻⵙ 2026), ⵉ ⴷ-ⵢⴻⴼⴼⵖⴻⵏ ⴷⴻⴳ ⵜⴰⵙⵖⵓⵏⵜ ⵜⵓⵏⵚⵉⴱⵜ ⵓⵟⵟⵓⵏ 26 (9 ⵏ ⵢⴻⴱⵔⵉⵔ 2026). ⵉⵙⵡⵉ ⵏ ⵓⵍⵓⴳⵏ-ⴰⴳⵉ ⴷ ⴰⵙⴻⵊⵀⵉⴷ ⵏ ⵜⵎⴻⵀⵍⵉⵡⵉⵏ ⵏ ⵜⵎⴻⵜⵜⵉ ⴷ ⵜⴰⵍⵍⴻⵍⵜ ⴷⴻⴳ ⵜⵡⵉⵍⴰⵢⵉⵏ ⵜⵉⵎⴰⵢⵏⵓⵜⵉⵏ ⵉⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵎⵍⵉⵃ ⵍⵖⴰⵛⵉ ⴷ ⵢⵉⵃⵔⵉⵛⴻⵏ ⵏ ⵜⵎⴻⵜⵜⵉ.
ⵓⵍⵓⴳⵏ-ⴰⴳⵉ ⵢⴻⴼⴽⴰ-ⴷ ⴰⴱⵔⵉⴷ ⵉ ⵓⵙⴱⴻⴷⴷ ⵏ ⵜⵍⴰⵜ (3) ⵏ ⵜⵎⴻⵀⵍⵉⵡⵉⵏ ⴷⴻⴳ 10 ⵏ ⵜⵡⵉⵍⴰⵢⵉⵏ-ⴰⴳⵉ:
ⵜⵉⵎⵉⵎⵓⵏ, ⴱⵓⵔⵊ ⴱⴰⵊⵉ ⵎⵓⵅⵜⴰⵔ, ⴰⵡⵍⴰⴷ ⵊⴻⵍⵍⴰⵍ, ⴱⵏⵉ ⵄⴰⴱⴱⴰⵙ, ⵉⵏ ⵚⴰⵍⴰⵃ, ⵉⵏ ⵇⴻⵣⵣⴰⵎ, ⵜⵓⴳⵓⵔⵜ, ⵊⴰⵏⴻⵜ, ⵍⵎⴻⵖⵉⵢⴻⵔ ⴷ ⵍⵎⴻⵏⵢⴰⵄ.
ⵜⵉⵎⴻⵀⵍⵉⵡⵉⵏ-ⴰⴳⵉ ⴱⴹⴰⵏⵜ ⴰⴽⴽⴰ:
- ⵜⴰⵎⴻⵀⵍⴰ ⵏ ⵓⵃⴰⴷⴻⵔ ⵏ ⵡⵉⴷ ⵢⴻⵙⵄⴰⵏ ⴰⵄⵓⵇ ⴷ ⵜⴰⵍⵍⴻⵍⵜ: ⵜⴻⵜⵜⴻⴽⴽⴰ ⴷⴻⴳ-ⵙ ⵜⵉⵏ ⵏ ⵓⵙⴻⵊⵊⵉ, ⵓⵙⴻⴳⵎⵉ ⵏ ⵡⵉⴷ ⵢⴻⵙⵄⴰⵏ ⴰⵄⵓⵇ ⴷ ⵓⵇⴰⵔⴰⵄ ⵏ ⵜⵎⴻⵔⵙⴻⵍⵉⵏ ⵏ ⵍⴱⴰⵢⵍⴻⴽ ⴷ ⵜⵉⵏ ⵓⵙⵍⵉⴳ (privé).
- ⵜⴰⵎⴻⵀⵍⴰ ⵏ ⵜⴷⵓⴽⵍⵉ ⵜⴰⵎⴻⵜⵜⵉⵜ, ⵜⴰⵡⴰⵛⵓⵍⵜ ⴷ ⵜⴰⵔⵡⴰ: ⵜⴻⵜⵜⴰⵡⵉ-ⴷ ⵖⴻⴼ ⵓⵃⴰⴷⴻⵔ ⵏ ⵜⵎⴻⵟⵟⵓⵜ, ⵜⴰⵔⵡⴰ, ⵢⵉⵎⵖⴰⵔⴻⵏ ⴷ ⵓⵙⴻⴼⵔⵓ ⵏ ⵡⵓⴳⵓⵔⴻⵏ ⵏ ⵜⵡⴰⵛⵓⵍⵜ, ⴰⴽⴽⴻⴷ ⵓⴹⴻⴼⴼⴻⵔ ⵏ ⵜⴷⴷⵓⴽⴽⵍⵉⵡⵉⵏ ⵏ ⵜⴰⵍⵍⴻⵍⵜ.
- ⵜⴰⵎⴻⵀⵍⴰ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⴷ ⵜⴰⵍⵍⴰⵍⵉⵏ: ⵜⴻⵜⵜⴻⴽⴽⴰ ⴷⴻⴳ-ⵙ ⵜⵉⵏ ⵏ ⵢⵉⵅⴻⴷⴷⴰⵎⴻⵏ, ⵓⵙⴻⵍⵎⴻⴷ, ⵎⵉⵣⴰⵏⴻⵢⴰ ⴷ ⵓⴹⴻⴼⴼⴻⵔ ⵏ ⵢⵉⵙⴻⵏⴼⴰⵔⴻⵏ.
ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵙⴻⵏⵏⴰⵔ ⵏ ⵜⵎⴰⵡⴰⵙⵜ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵊⵀⵉⴷ ⴰⵎⴰⵀⵉⵍ-ⵉⵙ ⴷⴻⴳ ⵢⴻⴼⴼⵓⵙ ⵏ ⵜⵎⵓⵔⵜ ⵢⴻⵔⵏⴰ ⴰⴷ ⵜⴻⵇⵇⴻⵔⵔⴻⴱ ⵜⴰⵍⵍⴻⵍⵜ ⵖⴻⵔ ⵍⵎⵓⵡⴰⵟⵉⵏ.
ⴰⵔⵏⵓ ⵖⴻⵔ
