ⵉⵃⵓⴷⴻⵔ ⵓⵏⴻⵖⵍⴰⴼ ⵏ ⵡⴰⵎⴰⵏ, ⵟⴰⵀⴰ ⴷⴻⵔⴱⴰⵍ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵖⴻⴼ ⵓⵙⴻⴽⴽⴻⵔ ⵏ ⵍⴻⵛⵖⴰⵍ ⵏ ⵓⵙⴰⵍⵉ ⵏ ⵢⵉⵡⴻⵜ ⵏ ⵜⴻⵖⵙⴻⵔⵜ ⵜⴰⵎⴰⵢⵏⵓⵜ ⵏ ⵜⵓⴽⴽⵙⴰ ⵏ ⵢⵉⵎⵖⵓⵣⴻⵏ ⵙ ⵜⴻⵣⵎⴻⵔⵜ ⵏ 10.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ ⵡⴰⵙⵙ, ⵔⵏⵓ ⵖⴻⵔ-ⵙ ⴰⵙⴻⵏⴼⴰⵕ ⵏ ⵓⵙⵉⵎⵖⴻⵔ ⵏ ⵜⴻⵖⵙⴻⵔⵜ ⵜⴰⵇⴱⵓⵔⵜ ⵉ ⵡⴰⴽⴽⴻⵏ ⴰⴷ ⵜⴻⵔⵏⵓ ⵜⴻⵣⵎⴻⵔⵜ ⵏ ⵓⴼⴰⵔⴻⵙ-ⵉⵙ ⵙⴻⴳ 15.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ ⵡⴰⵙⵙ ⵖⴻⵔ 20.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ ⵡⴰⵙⵙ, ⴰⵢⴰ ⴷⴻⴳ ⵜⵉⵔⵣⴰ ⵏ ⵓⵎⴰⵀⵉⵍ ⴷ ⵓⵙⴻⵏⵇⴻⴷ ⵖⴻⵔ ⵜⵡⵉⵍⴰⵢⵜ ⵏ ⵜⵉⵏⴷⵓⴼ.
ⵉⵍⵎⴻⵏⴷ ⵏ ⵡⴰⵢⴻⵏ ⵉ ⴷ-ⵢⴻⴼⴽⴰ ⵡⵓⵍⵖⵓ ⵏ ⵓⵖⵍⵉⴼ ⵏ ⵡⴰⵎⴰⵏ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴱⴻⵍⵍⵉ ⵙ ⵓⵙⴰⵍⵉ ⵏ ⵙⵉⵏ ⵏ ⵢⵉⵙⴻⵏⴼⴰⵕⴻⵏ-ⴰ, ⵜⴻⵣⵎⴻⵔⵜ ⵏ ⵓⴼⴰⵔⴻⵙ ⴰⵙⴻⵎⴷⴰⵢ ⴰⴷ ⵜⴰⵡⴻⴹ ⵖⴻⵔ 30.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⴷⴻⴳ ⵡⴰⵙⵙ, ⴷ ⴰⵢⴻⵏ ⴰⵔⴰ ⵉⵙⴻⵎⵃⴻⵏ ⴰⵙⵏⴻⵔⵏⵉ ⵏ ⵜⵖⴰⵔⴰ ⵏ ⵡⴰⵎⴰⵏ ⵉ ⴷ-ⵢⴻⵜⵜⵡⴰⴽⴼⴰⵏ ⴷ ⵓⴹⵎⴰⵏ ⵏ ⵜⵎⴻⵣⵍⵉⵡⵜ ⵜⴰⵣⴰⵢⴻⵣⵜ ⵢⴻⵍⵀⴰⵏ ⵉ ⴳⴻⵍⵍⵓⵏ ⵙ ⵍⵅⵉⵕ ⵖⴻⵔ ⵓⵙⵉⵔⴻⵎ ⵏ ⵢⵉⵎⴻⵣⴷⴰⵖ ⵏ ⵜⵡⵉⵍⴰⵢⵜ.
ⵢⴻⵔⵏⴰ-ⴷ ⵓⵖⴱⴰⵍⵓ-ⴰ ⴱⴻⵍⵍⵉ ⴰⵏⴻⵖⵍⴰⴼ ⵢⴻⴼⴽⴰ-ⴷ ⴰⵟⴰⵙ ⵏ ⵜⵉⵏⴰⴹⵉⵏ ⵉⵛⵓⴷⴷⴻⵏ ⵖⴻⵔ ⵡⴰⴽⵓⴷ ⵏ ⵓⵙⴰⵍⵉ ⴷ ⵜⵖⴰⵔⴰ ⵏ ⵍⴻⵛⵖⴰⵍ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⴷ ⵜⵉⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⵢⴻⵙⵄⴰⵏ ⵜⵉⵔⵎⵉⵜ ⴷ ⵜⴻⵣⵎⴻⵔⵜ ⵉ ⴷ-ⵢⴻⵜⵜⴽⴻⵍⴼⴻⵏ ⵙ ⵓⵙⴰⵍⵉ ⵏ ⵢⵉⵙⴻⵏⴼⴰⵕⴻⵏ-ⴰⴳⵉ ⵉⴳⴻⵊⴷⴰⵏⴻⵏ, ⵉ ⵡⴰⴽⴽⴻⵏ ⴰⴷ ⵜⵜⵡⵓⵇⴰⴷⵔⴻⵏ ⵢⵉⵍⵓⴳⴰⵏ ⵉⵜⵉⴽⵏⵉⵢⴻⵏ ⵢⴻⵜⵜⵡⴰⵙⵏⴻⴹⵚⴻⵏ.
ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵖⴻⴼ ⵡⴰⵣⴰⵍ ⴰⵎⴻⵇⵔⴰⵏ ⵏ ⵓⵇⴰⴷⴻⵔ ⵇⴻⵙⵙⵉⵃⴻⵏ ⵏ ⵢⵉⵍⵓⴳⴰⵏ ⵏ ⵜⵖⴰⵔⴰ ⴷ ⵡⵓⵏⵇⴰⵙ ⵏ ⵡⴰⴽⵓⴷ ⵏ ⵓⵙⴰⵍⵉ, ⵙ ⵢⵉⵙⵡⵉ ⵏ ⵓⵙⴻⴽⵛⴻⵎ ⵏ ⵢⵉⵙⴻⵏⴼⴰⵕⴻⵏ-ⴰ ⴷⴻⴳ ⵍⵅⴻⴷⵎⴰ ⴷⴻⴳ ⵡⵓⵙⵙⴰⵏ ⵉⵇⴻⵕⴱⴻⵏ, ⵉ ⵡⴰⴽⴽⴻⵏ ⴰⴷ ⵙⵜⴻⴼⵄⴻⵏ ⵙⴻⴳ-ⵙⴻⵏ ⵢⵉⵖⴻⵔⵎⴰⵏⴻⵏ, ⴷ ⵓⴹⴼⴰⵔ ⵏ ⵜⵉⴽⵍⵉ ⵏ ⵜⵏⴻⴼⵍⵉⵜ ⵜⴰⴷⵉⴳⴰⵏⵜ ⴷⴻⴳ ⵜⵡⵉⵍⴰⵢⵜ-ⴰ ⵜⴰⵇⴱⵓⵔⵜ.
ⴰⵔⵏⵓ ⵖⴻⵔ
