ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵔⴻⵚ-ⴷ ⵜⵓⵛⵛⵉⵜ ⵏ ⵍⴻⵣⵣⴰⵢⴻⵔ ⴷ ⴰⵏⴳⵓⵍⴰ ⵉ ⵓⵙⴻⴶⵀⴻⴷ ⵏ ⵍⴻⵀⵏⴰ ⴷ ⵡⵓⵔⴰⴽⵓ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ

ⵉⵙⵙⴻⴽⵏⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⴰⵏⴳⵓⵍⴰ ⵟⵟⴼⴻⵏⵜ ⵙ ⵍⴶⴻⵀⴷ ⴷⴻⴳ ⵓⵙⴻⴶⵀⴻⴷ ⵏ ⵍⴻⵀⵏⴰ ⴷ ⵡⵓⵔⴰⴽⵓ ⴷⴻⴳ ⵜⴻⴼⵔⵉⵇⵜ, ⵓ ⴰⴷ ⵙⵏⴻⵔⵏⵉⵏⵜ ⵓⵎⵙⴰⵙⴻⵢ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏⵜ ⵢⵉⵎⵉⵀⵉⵢⴻⵏ ⵉⵎⴻⵣⴷⴰⵢⴻⵏ ⴷⴻⴳ ⵓⵣⴻⵏⵣⵉⵖ ⴰⴼⵔⵉⴽⴰⵏ ⵉⵕⴻⵙⵙⴰⵏ ⵖⴻⴼ ⵜⴰⵔⵔⴰⵢⵉⵏ ⵏ ⵍⴻⵀⵏⴰ ⴷ ⵓⴱⴻⵄⵄⴻⴷ ⵖⴻⴼ ⵓⵏⴻⴽⵛⵓⵎ ⴷⴻⴳ ⵜⴻⵎⵙⴰⵍ ⵏ ⴷⴰⵅⴻⵍ ⵏ ⵜⵎⵓⵔⴰ.

ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵜⴰⵎⴻⵣⴷⴰⵢⵜ ⴷ ⵓⵏⵉⵍⵖⴰⴼ-ⵉⵙ ⴰⵎⴰⵏⴳⵓⵍⵉ, ⵎⴰⵙⵙ ⵊⵓãⵓ ⵍⵓⵓⵔⴻⵏçⵓ, ⵙⴻⵍⴷ ⵉⵎⴻⵙⵍⴰⵢⴻⵏ ⵉ ⴷ-ⵢⵉⵍⵍⴰⵏ ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ, ⵎⴰⵙⵙ ⴰⵙⴻⵍⵡⴰⵢ ⵉⵀⴻⴷⴷⴻⵔ-ⴷ ⵖⴻⴼ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵙⵡⵉⵔ ⵏ ⵜⵎⴻⵏⵏⴰⵟ ⴷ ⵡⵉⵏ ⴰⴳⵔⴻⵖⵍⴰⵏ, ⴰⵏⵉⴷⴰ ⵉ ⴷ-ⵢⴻⵏⵏⴰ: "ⵏⴻⵙⵔⴻⵚ-ⴷ ⴰⵣⴰⵍ ⵏ ⵓⵙⴻⴶⵀⴻⴷ ⵏ ⵍⴻⵀⵏⴰ ⴷ ⵡⵓⵔⴰⴽⵓ ⴷⴻⴳ ⵜⴻⴼⵔⵉⵇⵜ ⴷ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⵣⴷⴰⵜ ⵏ ⵢⵉⵎⵉⵀⵉⵢⴻⵏ ⵉⵎⴻⵣⴷⴰⵢⴻⵏ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⵜⵉⴱⴱⴻⵉⵛⴻⵔⵜ ⴷ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ". ⴰⵢⴰⴳⵉ ⴷⴻⴳ ⵓⵣⴻⵏⵣⵉⵖ ⵏ "ⵜⴰⵔⵔⴰⵢⵜ ⵜⴰⴼⵔⵉⴽⴰⵏⵜ ⵉⵕⴻⵙⵙⴰⵏ ⵖⴻⴼ ⵓⴼⵔⵓⵔⴻⵢ ⵏ ⵢⵉⵎⴻⵏⵏⵓⵖⴻⵏ ⵙ ⵍⴻⵀⵏⴰ".

ⵉⴽⴻⵎⵎⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ: "ⵙⴻⴳ ⵍⵍⵙⴰⵙ ⵏ ⵓⵇⴰⴷⴻⵔ ⵏ ⵓⵙⴰⴷⵓⴼ ⴰⴳⵔⴻⵖⵍⴰⵏ, ⵏⴻⵙⴽⴻⵏ-ⴷ ⴱⴻⵍⵍⵉ ⵏⴱⴻⴷⴷ ⴷ ⵓⵣⵔⴻⴼ ⵏ ⵢⵉⴳⵓⵔⴻⴼ ⴷⴻⴳ ⵓⵙⴻⵏⵏⴻⴷ ⵏ ⵢⵉⵎⴰⵏ-ⵏⵙⴻⵏ , ⴷ ⴰⵢⴻⵏ ⵢⴻⵄⵏⴰⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴷ ⵡⵉⵏ ⴰⴼⴰⵍⴻⵙⵟⵉⵏⵉⵜ, ⵙ ⵡⴰⵢⴻⵏ ⵉ ⴷ-ⵓⵡⵢⴻⵏ ⵢⵉⵎⵜⴰⵡⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵣⵔⴻⴼ ⴰⴳⵔⴻⵖⵍⴰⵏ".

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵍⴻⵎ-ⴷ ⴷⴰⵖⴻⵏ ⵙ "ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵜⵎⵓⵔⵜ ⵏ ⴰⵏⴳⵓⵍⴰ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵊⵓãⵓ ⵍⵓⵓⵔⴻⵏçⵓ, ⴷⴻⴳ ⵓⵏⵏⴰⵔ ⵏ ⵓⴷⵉⵡⴻⵏⵏⵉ ⴷ ⵓⴼⵔⵓⵔⴻⵢ ⵏ ⵢⵉⵎⴻⵏⵏⵓⵖⴻⵏ, ⵍⴰⴷⵖⴰ ⴷⴻⴳ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ ⴷ ⵜⴻⵎⵏⴰⵟ ⵏ ⵢⵉⴳⵓⵍⵎⵉⵎⴻⵏ ⵉⵎⴻⵇⵇⵔⴰⵏⴻⵏ".

ⴷⴻⴳ ⵓⵏⵏⴰⵔ ⴰⴷⴰⵎⵙⴰⵏ, ⴰⵙⴻⵍⵡⴰⵢ ⵉⵙⵎⴻⴽⵜⵉ-ⴷ ⴱⴻⵍⵍⵉ ⵜⵎⵓⵖⵍⵉⵡⵉⵏ-ⵏⵙⴻⵏ ⵎⵎⵉⵣⵉⵏⵜ ⵖⴻⴼ "ⵡⴰⵣⴰⵍ ⵏ ⵓⵎⴰⵀⵉⵍ ⴰⴼⵔⵉⴽⴰⵏ ⴰⵎⴻⵣⴷⴰⵢ ⴷ ⵓⴷⴻⴳⴳⴻⵔ ⵏ ⵓⵙⵉⴷⵔⴻⵡ (intégration) ⴰⴷⴰⵎⵙⴰⵏ, ⵍⴰⴷⵖⴰ ⵙ ⵓⴱⵔⵉⴷ ⵏ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ ⵏ ⵜⴻⴼⵔⵉⵇⵜ (ⵥⵍⴻⵛⴰⴼ) ⴷ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⵉ ⵢⴻⵙⵙⴻⴶⵀⴰⴷⴻⵏ ⵜⵓⵇⵇⵏⴰ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⵟ".

ⴷⴻⴳ ⵓⵣⴻⵏⵣⵉⵖ-ⴰⴳⵉ, ⴷⴷⴰⵏ-ⴷ ⵢⵉⵎⵜⴰⵡⴰⵏ ⵉ ⵜⵜⵓⵙⵜⴻⵏⵢⴰⵏ ⴷⴻⴳ ⵜⵉⵔⵣⵉ-ⴰⴳⵉ ⵜⵓⵏⵚⵉⴱⵜ ⵏ ⵓⵙⴻⵍⵡⴰⵢ ⵊⵓãⵓ ⵍⵓⵓⵔⴻⵏçⵓ, ⵢⴻⵄⵏⴰⵏ ⵢⵉⵏⵏⴰⵔⴻⵏ ⵏ ⵢⵉⵎⴻⵔⵢⴰⵏ, ⵜⵉⴼⴻⵔⴽⵉ, ⵜⴰⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵜⴰⵎⴻⵔⵔⵉ ⵜⵉⵎⴰⵢⵏⵓⵜⵉⵏ, ⵜⴰⵣⵣⵉⵜ, ⵜⴰⵔⵇⵎⵉⵜ ⴷ ⵓⵙⵉⵍⴻⵖ.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵄⴰⵡⴻⴷ ⵉⵙⵏⴻⴽⵏⴰⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉ ⵓⴷⴻⴳⴳⴻⵔ ⵏ ⵍⵎⴻⴶⵀⵓⴷⴰⵜ ⵏ ⵓⵙⵏⴻⴼⵍⵉ ⴷⴻⴳ ⴰⵏⴳⵓⵍⴰ, ⵍⴰⴷⵖⴰ ⴷⴻⴳ ⵓⵙⵉⵍⴻⵖ ⵏ ⵢⵉⵎⴹⴻⴱⴱⵔⴻⵏ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⵢⴻⴼⴼⵔⴻⵃ ⵙ ⵍⴶⴻⵀⴷ" ⵙ ⵢⵉⴳⴻⵎⵎⴰⴹ ⵉ ⴷ-ⵓⵡⵢⴻⵏⵜ ⵜⵎⵓⵔⴰ ⵙ "ⵢⵉⵎⵜⴰⵡⴰⵏ ⵉⵕⴻⵙⵙⴰⵏⴻⵏ ⵉ ⵢⴻⵙⵙⴻⴶⵀⴰⴷⴻⵏ ⴰⵣⴻⵏⵣⵉⵖ ⴰⵙⴰⴷⵓⴼⴰⵏ".

ⵉⵙⵙⴻⴽⵏⴻⴷ-ⴷ ⴱⴻⵍⵍⵉ "ⴰⵙⴱⴻⴷⴷⵉ ⵏ ⵓⴱⵔⵉⴷ ⵏ ⵓⵙⴰⴼⴰⴳ ⵓⵙⵔⵉⴷ ⴳⴰⵔ ⵍⴻⵣⵣⴰⵢⴻⵔ ⴷ ⵍⵓⴰⵏⴷⴰ ⴰⴷ ⵢⵉⵍⵉ ⴷ ⴰⵙⵓⵔⵉⴼ ⵉⵕⴻⵙⵙⴰⵏ ⵉ ⵓⴷⴻⴳⴳⴻⵔ ⵏ ⵢⵉⵎⵓⴱⴱⴰⴷⴷⴻⵍⴻⵏ ⴷ ⵓⵙⵙⴻⴷⵔⴻⵡ ⴳⴰⵔ ⵙⵏⴰⵜ ⵏ ⵜⵎⵓⵔⴰ", ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⵍⴷⴰⵢ ⵏ ⵓⴱⵔⵉⴷ-ⴰⴳⵉ "ⵙⴻⴳ ⵡⴰⴳⴳⵓⵔ ⵏ ⵢⵓⵍⵢⵓ ⵏ ⵓⵙⴻⴳⴳⴰⵙ-ⴰⴳⵉ".

ⴷⴻⴳ ⵜⴰⴳⴳⴰⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵙⴻⴽⵏⴻⴷ ⴰⵣⴰⵍ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵉ ⴷ-ⵉⵙⵙⴻⴽⴻⵏ ⵓⵙⴻⵍⵡⴰⵢ ⵊⵓãⵓ ⵍⵓⵓⵔⴻⵏçⵓ ⵖⴻⵔ ⵍⴻⵣⵣⴰⵢⴻⵔ ⵙ ⵓⵙⴰⵜⵉⴳ ⵏ ⵢⵉⵣⴰⵎⵓⵍⴻⵏ ⵏ ⵓⵎⴻⵣⵔⵓⵢ-ⵉⵙ, ⵉⵙⵔⴻⵚ-ⴷ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵜⴻⵎⴽⵜⵉ ⴷ ⵓⵎⴻⵣⵔⵓⵢ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵜⴽⴻⵔⵔⵉⵛⵉⵏ ⵏ ⵓⵏⴻⴽⵛⵓⵎ , ⵉⵡⴰⴽⴽⴻⵏ "ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵜⴻⵎⴽⵜⵉ ⴷ ⵓⵡⴻⵣⵣⵉ ⵏ ⵜⵜⴰⴳⴷⴰ ⵏ ⵓⵎⴻⵣⵔⵓⵢ".