ⵢⴻⵙⵙⴰⵡⴻⴹ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵡⴰⵙⵙ-ⴰ ⵏ ⵍⵃⴻⴷ, ⵉⵙⴰⴱⵔⴻⵏ-ⵉⵙ ⵏ ⵍⵯⴻⵀⴷ ⴷ ⵢⵉⵙⴳⵔⴰⵎⴻⵏ ⵏ ⵜⴰⵍⵍⴻⵍⵜ ⵉ ⵜⵡⴰⵛⵓⵍⵜ ⵏ ⵓⵏⴻⵖⵍⴰⴼ ⴰⵇⴱⵓⵔ ⴷ ⵓⵎⴰⵙⵍⴰⵢ ⵏ ⵓⵙⵇⴰⵎⵓ ⵏ ⵍⵓⵎⵎⴰ, ⵎⴰⵙⵙ ⵛⵀⴻⵎⵙ ⴻⴷⴷⵉⵏⴻ ⵛⵀⵉⵜⵓⵓⵔ, ⵉ ⵢⴻⵡⴹⴻⵏ ⵍⵄⴰⴼⵓ ⵏ ⵔⴻⴱⴱⵉ ⴷⴻⴳ ⵍⴻⵄⵎⴻⵔ ⵏ 82 ⵏ ⵉⵙⴻⴳⴳⴰⵙⴻⵏ.
ⵢⵓⵔⴰ-ⴷ ⴷⴻⴳ ⵜⴻⴱⵔⴰⵜ ⵏ ⵓⵙⴰⴱⴱⴻⵔ: "ⵏⴻⵙⵍⴰ ⵙ ⵍⵇⴻⵕⵃ ⴰⵎⴻⵇⵇⵔⴰⵏ ⵙ ⵢⵉⵙⴰⵍⵉ ⵏ ⵜⵎⴻⵜⵜⴰⵏⵜ ⵏ ⵍⵎⴰⵔⵃⵓⵎ ⴰⴱⵕⵓⴼⵉⵙⵓⵔ ⵛⵀⴻⵎⵙ ⴻⴷⴷⵉⵏⴻ ⵛⵀⵉⵜⵓⵓⵔ. ⵍⴻⵣⵣⴰⵢⴻⵔ ⵜⴻⵙⵔⵓⵃ ⵙ ⵜⵎⴻⵜⵜⴰⵏⵜ-ⵉⵙ ⵢⵉⵡⴻⵏ ⵙⴻⴳ ⵢⵉⵎⵓⵙⵏⴰⵡⴻⵏ-ⵉⵙ ⵉⵎⴻⵇⵇⵔⴰⵏⴻⵏ. ⵜⵉⴽⵍⵉ-ⵉⵙ ⵜⵓⵙⵙⵏⴰⵏⵜ ⵜⴻⵍⵍⴰ ⴷ ⵜⵉⵏ ⵉⵍⴰⵏ ⴰⵣⵡⴻⵏ ⴰⵎⴻⵇⵇⵔⴰⵏ ⵙ ⵓⵏⴰⴷⵉ-ⵉⵙ ⵉ ⵢⵓⵖⴰⵍⴻⵏ ⴷ ⴰⵎⵏⵉⵔ ⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵎⵓⵙⵙⵏⴰⵡⴻⵏ ⴷⴻⴳ ⵜⴻⵙⴷⴰⵡⵉⵢⵉⵏ ⴷ ⵡⴰⵎⵎⴰⵙⴻⵏ ⵏ ⵓⵏⴰⴷⵉ."
ⵢⴻⵏⵏⴻⵔⵏⴰ-ⴷ ⵓⵙⴻⵍⵡⴰⵢ ⴱⴻⵍⵍⵉ: "ⵍⵎⴰⵔⵃⵓⵎ ⵉ ⵢⴻⵟⵟⴼⴻⵏ ⵜⴰⵎⵏⴰⴹⵜ ⵏ ⵜⵏⴻⵖⵍⴰⴼⵜ ⵏ ⵓⵙⴻⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴷ ⵜⵏⴻⵖⵍⴰⴼⵜ ⵏ ⵓⴱⴻⴷⴷⴻⵍ ⵏ ⵜ ⵢⵉⵏ ⵢⴻⵜⵜⵉⴷⵉⵔⴻⵏ, ⵓⵎⴱⴻⵄⴷ ⵢⴻⵜⵜⵡⴰⵙⴱⴻⴷⴷ ⴷ ⴰⵎⴰⵙⵍⴰⵢ ⴷⴻⴳ ⵓⵙⵇⴰⵎⵓ ⵏ ⵍⵓⵎⵎⴰ ⵏ ⵓⵎⵓⵔ ⵏ ⵓⵙⴻⵍⵡⴰⵢ, ⵉⵙⴱⴻⴳⴳⴻⵏ-ⴷ ⵜⵎⵓⵙⵏⵉ-ⵉⵙ ⴷ ⵜⵉⵣⵎⴻⵔⵜ-ⵉⵙ ⵜⴰⵎⴰⵢⵏⵓⵜ ⴷ ⵓⵏⵢⵓⴷⴷⵓ-ⵉⵙ ⵉⵖⴻⵍⵏⴰⵡⴻⵏ ⴷ ⵍⴼⴻⵜⵏⴰ-ⵉⵙ ⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ."
ⴷⴻⴳ ⵜⴰⴳⴳⴰⵔⴰ, ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ: "ⴷⴻⴳ ⵜⴻⴳⵏⵉⵜ-ⴰⴳⵉ ⵜⴰⵎⴻⴳⴳⴰⵏ, ⵏⴻⵙⵙⵉⵡⵉⴹ ⵉⵙⴰⴱⵔⴻⵏ-ⵉⵙ ⵉ ⵜⵡⴰⵛⵓⵍⵜ-ⵉⵙ ⵍⵄⴰⵍⵉ, ⵉ ⵢⵉⵎⴷⵓⴽⴽⴰⵍ-ⵉⵙ ⵏ ⵜⴻⵙⴷⴰⵡⵉⵜ ⴷ ⵢⵉⵎⴰⵙⵍⴰⵢⴻⵏ ⵏ ⵓⵙⵇⴰⵎⵓ ⵏ ⵍⵓⵎⵎⴰ. ⵏⴻⵙⵙⵓⵜⵓⵔ ⵉ ⴱⴰⴱ ⵏ ⵢⵉⴳⴻⵏⵡⴰⵏ ⴰⴷ ⵜ-ⵢⴻⵔⵔⴻⵃ ⵙ ⵔⴰⵃⵎⴰ-ⵉⵙ ⵢⴻⵔⵏⴰ ⴰⴷ ⵢⴻⴼⴽ ⵉ ⵡⵉⴷ-ⵉⵙ ⵚⵚⴱⴻⵔ ⴷ ⵓⵙⴻⵍⵡⴻⵏ. إنا لله و إنا أليه راجعون
ⴰⵔⵏⵓ ⵖⴻⵔ
